16.09.2021

16.09.2021, बऻदॖरप्यथ (भाद्र) ज़ूनॖ पछ (शुक्लॖ पक्ष) दऺहम (दशमी) देवादेव, ब्रसवार (वीरवार/ब्रहस्पतवार/ गुरुवार) श्री सप्तर्षी  सम्वत 5097, नक्षत्र उ.षा, राश मकर (दुहचि 10.43 बजि प्यठॖ), ऋतु हरुद (शरद), पगहुक श्राद्ध फाकॖ यी ॳज़्य

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव **********************

 महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

कऻशि्र्य बटन हन्ज़ॖ कॆंह ज़ऻच़ यिम ति - मस्लन :- ददरू, प्यालॖ,शॊंगॖल्य  च़्रॊंग्य, ज़ाफरऻन्य, च़ूर, जिनसी, आगॖ, स्वरॖमऺल्य, लाबरू, स्वरूप। यिम ज़ऻच़ॖ म्यॆ वुन्युख ताम लेछि, यिमन मंज़ छि वारियाह ज़ऻच़ॖ तिम यिहॖन्ज़न ज़ऻच़न हुन्द असली स्वरूप छु गऻबॖय गोमुत। यिम ज़ऻच़ छि ऱयच़व सॗत्य यिवान परज़ॖनावनॖ व्वंय। म्यऻन यछ़ा छि ज़ि यिथ पऻठ्य मोदी जियन वारिह्यान जायन हुन्द नाव बदलावनुक मुहिम ह्यॊत चलावुन, तिथय पऻठ्य छ़ान्डहऻव ॳस्य ति पनुन असली स्वरूप याने रॆच़ि ब्रोंठ क्याह ज़ाथ ॴसमॖच़ ॴस। वऺलिव करव पहल। 

***********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)