28.09.2021

28.09.2021, ॴशिद (आश्विन), गटॖ पछॖ (कृष्ण पक्ष) सतम (सप्तमी) बॊम्वार (मंगलवार) श्री सप्तर्षि सम्वत 5097, नक्षत्र मृग, राश मिथुन (सुबहॖचि 7.140बजि प्यठॖ), ऋतु हरूद (शरद) (चलान), अज़ छु थख याने अज़ छुनॖ श्राद्ध फाकॖ, पुनिम हुन्द श्राद्ध यी पितृ मावसि दॊह याने (06.10.2021)

***********************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***********************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***********************

जंत्री हॖन्ज़ कथ छि चलान। सऻनिस पंचान्गस मंज़ छि कुल सतोवुह नक्षत्र तॖ बाह रऻश। सतोवुहन नक्षत्रन मंज़ छि कॆंह नक्षत्र यिम हावान छि शुभ याने जान महूर्त या जान साथ। यिथय पऻठ्य छि कॆंह नक्षत्र यिम हावान छि अशुभ याने नाकारॖ साथ।  म्यॆ छु ज़्वन ज़ि यॆलि ॳस्य कऺशीरि मंज़ रोज़ान ॴस्य सऻन्य ज़िठ्य ॴस्य असि ह्यॆछनावान ज़ि कमि दॊह गछ़ि क्याह करुन तॖ कमि सातॖ गछ़ि क्वस कऻम करॖन्य। मस्लन मस कासुन, नम कासॖन्य, नऺव्य पलव लागॖन्य, शुर च़ाटॖहाल सोज़ुन, गरस मंज़ कांह नॊव चीज़ अनुन, सफरस गछ़न, प्रस्थान कडुन, वगैरा वगैरा। यॊत ताम बॖ ओरॖ योर वुछान छुस, यिमन चीज़न प्यठ छि अज़कल कमॖय पाहन द्यान दिवान। मतलब छु यि ज़ि सऻन्य संस्कृति ह्यॆच़ॖन्य छ़ॊकॖन्य वारॖ वारॖ। कथ छि जऻरी

************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

********

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)