23.09.2021

23.09.2021, ॴशिद (आश्विन/ ॳसूज) गटॖ पछॖ (कृष्ण पक्ष) द्वय (द्वितिय) देवादेव, ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5097, नक्षत्र रेव (चलान), राश मेष (सुबॖहॖचि 6.44 बछि प्यठॖ), द्रठॖपऻन्च़ुक समाप्त,ऋतु हरुद (शरद)(चलान), रातुक वॊहरवोद यी ॳज़्य, त्रॆयि हुन्द श्राद्ध फाकॖ यी ॳज़्य, पुनिम हुन्द श्राद्ध यी पितृ मावसि दॊह याने (06.10.2021)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

 महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

सान्यन मंदरन या कुनि ति धर्मस्थलस प्यठ छु असि यि तजरुबॖ रूदमुत ज़ि वारिहायि लटि छि सऻन्य ख्वरबानॖ या रऻव्यमॖत्य या छि अदलॖ बदल गऻमॖत्य। यिम हऻदिसॖ छि सिरिफ अवॖ म्वखॖ सपद्येमॖत्य ति क्याज़ि तिमन जायन छॆनॖ ख्वरबानॖ थावनॖच सऺही व्यवस्था रूज़मॖच़। अल्बतॖ कुनि बऺडिस लुकिस दॊहस प्यठ ॴस कुनि कुनि जायि ख्वरबानॖ थऻवनॖच व्यवस्था यिवान करनॖ तॖ भक्त ओस बॆफिकरि पऻठ मंदरस मंज़ ॳच़िथ पाठ पूज़ा करान। न तॖ ॴस्य भक्तस न्यसॖफ प्राण पनॖनिस ख्वरबानस कुनुय रोज़ान। खऻर, यनॖ ॳस्य कऺशीरि प्यठॖ च़ऺलिथ आयि तॖ लऺग्य ब्यॊन ब्यॊन जायन,अंसि छिनॖ व्वंय ग्वडॖ मंदरॖय नज़र यिवान। अगर वुछान ति छि, तिम छि स्यठाह दूर दूर तॖ ॳस्य ति छिनॖ व्वंय तिथ पऻठ्य मंदरन गछ़ान। ख्वरबानॖ थावनॖच व्यवस्था छि केंच़न सान्यन संस्थायन मंज़ यपऻर ति सुदरेमॖच़। कथ छि जऻरी  

***********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(वुछिव यि सबक़ podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)