01.05.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

01.05.2022 वह्यक (वैशाख/बैसाख) ज़ूनॖ पछॖ (शुक्ल पक्ष) ऒक्दॊह (प्रथमा/प्रतिपदा) आथवार (रविवार/ऐतवार), श्री सप्तर्षि सम्वत 5098, नक्षत्र भरण, राश वृष (रऻच़ हॖन्ज़ॖ 04.44 बजि प्यठॖ), ऋतु ग्रीष्म

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

कऺशीरि मंज़ ओस कऻशुर बट पनॖनिस अयालस सॗत्य बिहिथ वऺलिथ मऺलिथ कुनवुहशथ तॖ नमतॖ ब्रोंह। गामुक ओस गामस मंज़ दां खहान तॖ म्यवॖ बागन रऻछ कऺरिथ तॖ गऻवन गुपनन सॗत्य दॊह दॊह कडान तॖ शहरुक ओस सरकऻर्य नोकरी मंज़ व्यस्त तॖ मस्त रूज़िथ पनॖन्य रीज़कॖच च़ॊट ख्यथ बाह त्रख शॊंगिथ खार बऺनिथ न्यॆन्द्रि व्वथान तॖ ब्यॆयि जखान रोज़ान। शुर्य सऻन्य ॴस्य परान ल्यॆखान सरकऻर्य स्कूलन मंज़ तॖ प्राईवेट स्कूलन मंज़ स्यठाह कम। कांह कांह शुर ओस थऺज़ तऻलीम प्रावनॖ म्वखॖ कऺशीरि न्यबर नेरान तॖ तपऻरी जान जान नोकरी मंज़ लऺगिथ वापस कऺशीरि न यिनुक मन बनावान। सानि कोरि ति आसॖ पऺरिथ लीखित सरकऻर्य अदारन मंज़ नोकरी करान रोज़ान तॖ स्यठाह कम या यि दऺप्यज़ि ति न आसनस बराबर कोरि आसॖ कऺशीरि न्यबर नेरान। त्युहुन्द खान्दर ति ओस सपदान पनॖनि निरदारित वऻन्सि अन्दर अन्दर तॖ ॴस वऻरिव गरॖ वातनॖ पतॖ ति नोकरी करान रोज़ान। गरॖ ओस बनान ख्वश तॖ ख्वशहाल। न्वश कूर ॴस थवान पनुन, पनॖनिस रॗन्यसुन्द, पनॖनिस शुरिस कऺट्यसुन्द, मऻलिस माजि हुन्द या हशि हेहरॖसुन्द खयाल। यि ॴस सऻन्य संस्कृति तॖ सऻन्य संस्कार कऺशीरि मंज़। मगर समयन ख्यव व्वलगॊतुन, कऺमिसताम सॖन्ज़ बद नज़र लऺज्य। असि प्यव च़लुन नमतस मंज़। सऻरी ख्वाब रूद्य अडल्यॆक, अरमानन गव चकनाचूर, ज़मीन जायदाद, गऻव गुपन, वां खाह, म्यवॖ बाग़, सॖ टोठ गाम त्रावनस प्यठ गऺयि मजबूर, गाम शहर गव कुनुय कऺशीरि न्यबर नीरिथ। दॊह गऺयि फीरिथ। सऻरी लऺग्य पनुन तक्दीर बनावनॖ बापथ तदबीर छ़ान्डनि। कऺमिस क्याह हिसस आव ति तॊर नॖ फिकिरि असि वुन्युखताम। मगर यि कथ छि ननिवानॖ ज़ि ॳस्य रूद्य न्वकसानस मंज़ यपऻर्य ति तॖ हुपऻर्य ति। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

30.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

30.04.2022 वह्यक (वैशाख/बैसाख) गटॖ पछॖ (कृष्ण पक्ष) मावस (अमावस्या) बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र अश्विन, राश मेष (चलान), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

कऻशुर बटॖ समुदाय छु व्वंय हारेमॖच़ हार। न च़लनस वार तॖ न गलनस वार। कऺशीरि च़ऺलरऻव्य तिमव, यॆति गऺखरऻव्य यिमव, पनुन वोट ॳस्य व्वंय कऺमिस दिमव। तीज़मालि प्रुछ़ बरादरस। मऻजी शुखुर कर रिलीफ़ तॖ राशन छु मेलान। बरादरन वॊन तीज़मालि। असि हाबा गऺयि पनॖन्य संख्या ति कम गछ़ान। ॴस्य कॗत्याह तॖ व्वंय रूद्य कॗत्याह। ॳस्य गऺयि जऻन्य ति तॖ मऻल्य ति। बरादरन बऺडरऻव कथ ब्रोंहकुन यि वऺनिथ ज़ि पर-ज़ऻच़ सॗत्य सम्बन्द थवनॖ सॗत्य छ़ॊकेयि ब्यॆहऻन। म्यऻन्य कूर यॆलि पर-ज़ऻच़ मंज़ न्वश बऺनिथ छि गछ़ान स्व छॆनॖ तथ गरस मंज़ कऻशिर पऻठ्य कथ ह्यकान कऺरिथ तॖ यॆलि तस शुर ज़्यवान छु सु ति छुनॖ कऻशिर्य पऻठ्य कथ करान। बटॖ कूर ब्यॆयिस ज़ऻच़ मंज़ गऺछ़िथ छु सानि समुदायुक अख वंश म्वकलान। यिथय पऻठ्य येलि ब्यॆयिस ज़ऻच़ हॖन्ज़ कूर सऻनिस समुदायस मंज़ न्वश बऺनिथ यिवान छि स्व छॆनॖ  ह्यकान कऻशिर्य पऻठ्य कथ कऺरिथ तॖ तऺम्यसुन्द शुर ति छुनॖ कऻशिर्य पऻठ्य कथ ह्यकान कऺरिथ। द्वश्यवय तरफ़व छि ॳस्य हऻरिथ। संख्यायि मंज़ तॖ ज़बऻन्य मंज़ ति। चूंकि सऻन्य शुर्य छिनॖ कऻशिर ज़्यव बोलान, न छि सऻन्य छुर्य देवनागरी कऻशिर्य ज़बऻन्य मंज़ पऺरिथ ह्यकान या लीखिथ ह्यकान, नतीजि छॖ नेरान ज़ि सोन साहित्य छुनॖ रऺछ़रावनॖ यिवान या बऺडरावनॖ यिवान। प्रोन छु प्रानान नॊव छुनॖ बनान। समय छु वनान ज़ि शायद बटॖ मा रोव। पर-ज़ऻच़ सॗत्य रिश्तॖ थवुन प्यॆयि बंद करुन अगर असि पनॖन्य प्रज़नथ ज़िन्दॖ छि थवॖन्य। शुर्य छि ज़्यॆवरावॖन्य, बऺडरावॖन्य, कऻशिर्य पऻठ्य कथ करनावॖन्य तॖ कऻशिर्य पऻठ्य लेखनावॖन्य परनावॖन्य। अदय ह्यकव ॳस्य पानस कऻशुर बटॖ वऺनिथ नतॖ गव पकुन सोरुय मऺशरऻविथ तॖ ॳछ वऺटिथ अदॖ योर लगन तॖ तोर। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

29.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

------------------------------------

🙏🙏 नमस्कार माहरा

29.04.2022, वह्यक (वैशाख/बैसाख) गटॖ पछॖ (कृष्ण पक्ष) च़्वदह (चतुर्दशी) शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र रेव, राश मेष (शामन 06.42 बजि प्यठॖ), द्रठॖपऻन्च़ुक (पंचक) समाप्त, ऋतू बसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

कऺशीरि प्यठॖ च़लनॖ पतॖ हाबा आयि असि यिमन द्वयत्रॖहन वऺरियन मंज़ हदॖ रॊस दऻद्य तॖ ग्रन्दि रॊस मुश्किल व्वतलिथ। तीज़मालि वॊन बरादरस। तथ मंज़ क्याह शक़ छु। बरादरन वॊन वापस तीज़मालि। प्यॆठ प्यॆठ यॊदवय वुछन तॖ ग्वडॖ रऻव्य असि पनॖन्य गरॖ अदॖ यॆमिस युथ ओस, पनॖनि माजि कऺशीरि निशि गऺयि स्यठाह दूर, सान्यन शुर्यन छॆ नॖ सरकऻर्य नोकरी मेलान, परान परान तॖ ब्यॆयि थऺज़ तऻलीम हऻसिल करनॖ बहानॖ तॖ तिछ़ॖय बऺड नोकरी प्रावनॖ बापथ गऺयि सऻन्य शुर्य असि निशि वारॖ वारॖ दूरान तॖ सोन मन वोत तिमनॖय पतॖ डोलान मगर छिनॖ बोलान, शुर्य छि प्राईवेट कम्पनियन मंज़ नोकरी करान अख लंदनॖ तॖ ब्याख लाहूरॖ, शुर्य छिनॖ परनॖ तलय म्वकलान, खान्दर करनुक मुद्दा मॗशरऻविथ पकान, शुर्य पऻदॖ करनुक ख़याल त्रऺविथ पनॖनि वंशुक वजूद ह्यवान रावरावुन, जायि छ़ोचरॖ किन्य ॳकिस गरस च़ोर च़ोर पान्छ़ पान्छ़ गरॖ बनऻविथ बिहिथ अख अकि अंदॖ तॖ ब्याख ब्यॆयि अंदॖ। माजि ज़्यव मऺशरऻविथ दॊह दॊह कडान। बरादरन च़ऺट कथ यि वऺनिथ ज़ि यिम समस्यायि छि दॊह पतॖ दॊह हुर्रानॖय तॖ कम छॆनॖ गछ़ान। यिमन मस्लन हुन्द हल कऺमिस छु छ़ारुन मीजी। नबा तॖ असीय छु छ़ारुन ब्यॆयि कऺमिस। मगर म्यॆ छु बासान ज़ि ॳस्य छि शायद ॳछन थॊप दिल पकान तॖ मस्लॖ अकि कनॖ बोज़ान तॖ दॊयिमि कनॖ त्रावान। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

28.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

28.04.2022 वह्यक (वैशाख/बैसाख) गटॖ पछॖ (कृष्ण पक्ष) त्रुवाह (त्रयोदशी) ब्रसवार (वीरवार/गुरुवार/ब्रहस्पतवार), श्री सप्तर्षि सम्वत 5098, नक्षत्र उ.भा, राश मीन (चलान) ऋतु वसंत (चलान) द्रठपऻन्च़ुक (पंचक) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

पथ कालि याम कूर ॴस शुरहान पूर गछ़ान दपान ॴस्य ज़ि कूर छि लऺगनन च़ामॖच़ तॖ मऻलिस माजि ॴस फिकिर ह्यवान लगॖन्य ज़ि कूर गऺछ़ पंनुन वऻरिव गरॖ वातॖन्य स्यॆदि बुथि ति क्याज़ि दपान ॴस्य ज़ि कूर छि आसान लूकॖहॖन्ज़ अमानत। तीज़मालि वॊन बरादरस। मगर व्वंय दपान सरकारन छि वऻन्सि मंज़ तरमीम  कऺरमॖच़। बरादरन वॊन तीज़मालि। दपान व्वंय छि खान्दरॖ बापथ कोरि हॖन्ज़ वऻन्स शुराह बजाय अरदाह वऺरिश कऺरमॖच़ तॖ लऺडकॖ सॖन्ज़ वऻन्स अरदाह बजाय अकवुह वुहुर तय कऺरमॖच़। मगर अज़कल हाबा छस वुछान ज़ि कोरि तॖ लऺडकॖ छि पान्च़त्रॖह पान्त्रॖह शॆयत्रॖह शॆयत्रॖह वुहुर्य वुनि अनॖहॗरी। यिम कर सना करन खान्दर, कर ज़्यॆवरावन शुर्य, कर करन ग्रहस्त, कर बडन तॖ कर बुंडन। तीज़मालि प्रुछ़ बरादरस। बरादरन वॊन तीज़मालि ज़ि मऻजी च़्यॆ छुयय ज़्वन दपान ॴस्य त्यॆलि त्रॖह गव सॖह चतजी गव पतजी तॖ शेठ गव ब्रेठ। हय आहनबा यि छि प्रऻन्य कथ। तीज़मालि द्युत जवाब बरादरस। मगर अथ मुहावरस कुन छुनॖ अज़कल कांह ति वुछान। बरादरन वॊन तीज़मालि। ख़बर कयाज़ि तीज़मालि प्रुछ़नस। मऻजी समय बदल्यव, हालात बदल्येयि, व्यच़ार बदल्येयि, अथ मुहावरस ति बदल्यव मतलब। बरादरन थऻव कथ जऻरी। यॆमि वख्तुक यि मुहावरॖ छु म्यॆ छु याद यिवान ज़ि  मर्दस या ज़नानि ॴस्य वनान त्रॖह गव सॖह ति क्याज़ि त्रॖह वुहरिस ताम ॴस्य आसान तस ज़ामॖत्य पान्छ़ पान्छ़ शॆ शॆ शुर्य। अज़कल छु त्रॖह वुहुर लऺडकॖ या लऺडकी अनहूरुय तॖ त्रॖह वुहरिस ताम वातान वातान छि तऺमिस सॖह-ग्रज़ ख़तम आसान गऻमॖच़। तमि पतॖ छुनॖ ॳमिस शुर्य ज्यॆवरावनुक सु मादॖ आसान, न त्वछ़ रोज़ान तॖ न कांह चाहत या यछ़ा रोज़ान ति क्याज़ि अथ वऻन्सि ताम वऻतिथ छुनॖ यि पनुन मुस्तकबिल याने पनुन भविष्य बनावनसॖय पोशान। कथ छि जऻरी।

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep 

(यि सबक़ वुछिव koshursabak.blogspot.com प्यठॖ ति)

27.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

27.04.2022 वह्यक (वैशाख/बैसाख) गटॖ पछॖ (कृष्ण पक्ष) बाह (द्वादशी) ब्वदॖवार (बुधवार), श्री सप्तर्षि सम्वत 5098, नक्षत्र पू.भा, राश मीन (दुहचि 11.01 बजि प्यठॖ) ऋतु वसंत (चलान) द्रठपऻन्च़ुक (पंचक) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॖछ्य तीज़माल बालकऻनी किन्य कस ताम कुन मुदय गऺन्डिथ वुछान तॖ प्रुछ़नस ज़ि मऻजी अपऻर्य कुसुय छु। तीज़मालि डऻज्य नज़र च़ायि अन्दर तॖ सोफस प्यठ बिहान बिहान त्रोवुन ज़्यूठ व्वशा तॖ वॊनुन बरादरस ज़ि बॖ हाबा ॴसॖस ॳज़्यच्यन कोर्यन तॖ ॳज़्यक्यन लऺडकन कुन वुछान। तिमन मंज़ क्याह छु वुछुन लायक़ मऻजी। सवाल प्रुछ़ बरादरन तीज़मालि। वुछान ॴसॖस त्युहुन्द अनहुहॖर पान। आहनी मऻजी खान्दरॖ ब्रोंह छु शुर अनहुहरॖय आसानॖय। अथ मंज़ क्याह नऺव कथा वुछिथ च़्यॆ मऻजी अज़। नऺव कथ हाबा छि यि ज़ि ॳज़िक्य शुर्य गऺयि परान यूत ज़ि तिमन छु नॖ ज़न यादॖय ज़ि खान्दर ति छु करुन, गरॖ ति छु बसावुन, वंश ति छु ब्रोंहकुन पकनावुन, पनुन भविष्य ति छु संदरावुन। नाय तॖ परुन ति छु ज़रूरी मऻजी। परनॖ रॊस कथ लगन। बरादरन वॊन तीज़मालि। च़्योन वनुन हाबा छु पॊज़ मगर परान परान य्वॊस वऻन्स छि खान्दरॖ बगऻर नीरिथ गछ़ान तम्युक छु ना व्यच़ार करुन। सु कुस करि तॖ कर करि। यिहाबा छु म्यॆ बासान अज़कल बॊड मसलॖ। तीज़मालि त्रोव बरादर सोंचस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

26.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

26.04.2022 वह्यक (वैशाख/बैसाख) गटॖ पछॖ (कृष्ण पक्ष) काह (एकादशी) बॊम्वार (मंगलवार), श्री सप्तर्षि सम्वत 5098, नक्षत्र शत, राश कुम्भ (चलान), ऋतु वसंत (चलान), द्रठपऻन्च़ुक (पंचक) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

आयि कथा गऺयि कथा बनेयि प्रथा यिहऻय सऻन्य। तीज़मालि वॊन बरादरस। नाय मऻजी यि ति छि तऻज्यबॖच कथ ज़ि मोदी जियन ति दपान होव न्यॊठ कऻशिर्य बटॖ समुदायस ज्यॊम यिथ। हतबा करान छु पनॖन्यकिन्य कऻम वारियाह दफ अमा पॊज़ वाति कॊत कॊत। तीज़मालि रॊट डख मोदी जियस। क्वलि ख्वतॖ क्वल छय सरदॖय। बरादरन वॊन तीज़मालि।  बोज़ान ओसुस ज़ि असि बटव ओस बॊंड बॊड फिरिस्तॖ तयार कॊरमुत मोदी जीनि जवाबॖ बापथ यथ मंज़ बटॖ समुदायि तरफॖ वारियाह मांगॖ आसॖ थव्यमच़ॖ लीखिथ तॖ पुर-ज़ोर व्वमेद तॖ आशा ॴस ज़ि मोदी जी मा बऺडरावि सौन सीनॖ ति पनॖनिस शुवनज़ाह इंच सीनस सॗत्य कॆंह रॖच़ शॆछा वऺनिथ मगर असि गव युथ त्युथ बुथ गव ग़लॖदारस। सु आव तॖ पनॖन्य कऻम कऺरिथ द्राव। बरादरन वॊन तीज़मालि।  अथहाबा वनान ज़ि च़ॖ छुख ह्यॆरि तॖ बॖ छुसय ब्वनॖ स्वनो च़ॖ कर पनॖन्य कऻम। ॳस्य थऺविन्य आम्पनावॖन्य तॖ सु द्राव पानस लचि टासा कऺडिथ ब्यॆयिस मुकामस प्यठ। ॳस्य छि ऊर्य हारि तोतस वनान। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

25.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

25.04.2022  वह्यक (वैशाख/बैसाख) गटॖ पछॖ (कृष्ण/पक्ष) दऺहम (दशमी) च़ऺन्दॖरवार (सोमवार), श्री सप्तर्षि सम्वत 5098, नक्षत्र धनिष्ठ, राश कॊम्भ (सुबहॖचि 05.29 बजि प्यठॖ), द्रठॖपऻन्च़ुक (पंचक) शॊरु, ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस दिल मलूल हिश बिहित। बरादरन प्रुछ़नस वजह। जवाबस मंज़ वॊन तीज़मालि ज़ि म्यॆ हाबा ॴस पूरॖ आश ज़ि मोदी जी मा वनि असि तिछ़ कांह तरक़ीब यॆमि दऺस्य ॳस्य कऻशिर्य बटॖ यॆमि लटि कडहऻव कऺशीरि पनुन गरॖ वऻतिथ नर्यन ज़ंगन वाश। काश त्युथ कॆंह सबब सपदिहे मुम्किन मोदी जीनि दऺस्य। बरादरन वॊन तीज़मालि। मगर मोदी जी आव क्याहताम करनि ज्यैम ताम तॖ द्राव वापस क्याहताम कऺरिथ तॖ क्याहताम वऺनिथ मगर कऻशिर्य बटन हॖन्ज़ त्रासदी बासेयम छस नॖ वुनि ति गऻमॖच़ सऺनिथ। तीज़मालि वॊन बरादरस ज़ि सोन दरदिल छुनॖ पऺज़्यपऻठ्य कांह। ॳस्य लगव नॖ ठऺठ्य ज़ांह ति अमिन हिसाबॖ। आहनी मऻजी च़्योन वनुन छु पॊज़ मगर व्वमेद थवव बरक़रार। यूत जलॖद मानव नॖ ॳस्य ति हार। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ तमि)

24.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

24.04.2022 वह्यक (वैशाख/बैसाख) गटॖ पछॖ (कृष्ण पक्ष) नवम (नवमी) आथवार (रविवार/ऐतवार), श्री सप्तर्षि सम्वत 5098, नक्षत्र श्रवण, राश मकर (चलान), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल वऺछ़ न्यॆन्द्रि सुली तॖ श्राना ध्याना कऺरिथ आयि तॖ बीठ शक्लि डुलिस यानै टॆलिविजॖनस ब्रोंह कनि। बरादरन प्रुछ़ तीज़मालि ज़ि मऻजी अज़ क्याह ख़ास ख़बर छा टीवी यस प्यठ। च़ॖ बीठॖक वुन्यकि प्यठय अथ नालॖमॊत कऺरिथ। क्याबा च़्यॆ गॊयि मऺशथॖय। प्रुछ़ वापस तीज़मालि बरादरस। अज़ छु ना मोदी जियस ज्योम गछ़ुन। आहनी तॖ अदॖ। बरादरन प्रुछ़नस। म्यॆ हाबा छि ॳछ फोरान बासान छुम क्याहताम रॖच़ शॆछ ह्यथ यी सोन मोदी जी तॖ असि कऻशिर्य बटन मा करि कॆंह व्वपकार तॖ अंसि दी टनलि अपोर तार मोदी सरकार। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

23.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

23.04.2022 वह्यक (वैशाख/बैसाख) गटॖ पछॖ (कृष्ण पक्ष) सतम (सप्तमी) देवादेव, बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र उ.षा, राश मकर (चलान), ऋतु वसंत (चलान)...चूंकि पगाह छि ॴठम (अष्टमी) रावान पगहुक वॊहरवोद यी ॳज़्य

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि ॴस रऺटमॖच़ जन्त्री अथस मंज़ तॖ ॴस क्याहताम छ़ारान। बरादरन प्रुछ़नस मऻजी अज़ कथ प्यठ छख च़ॖ जन्त्री छ़ऻन्ड दिवान। बॖ हाबा ॴसॖस यछ़ान वुछुन ज़ि असि कऻशिर्य बटन कुस ग्रुहुद छु चलान। तीज़मालि वॊन बरादरस। क्याज़ि तथ लायक़ क्याह गव। बरादरन कॊर सवाल तीज़मालि। हय छुख नाबा वुछान यान्य असि ब्रहस्पथ छु ह्यवान स्यदुन शनि छु मंज़ॖ यिवान तॖ कऻम ख़राब कऺरिथ गछ़ान। यान्य शॊकुर छॖ रॖतिस गरस मंज़ अच़ुन ह्यवान भौम छु कलॖ कडान। तीज़माल रूज़ वनान ज़ि बरादरन च़ऺट कथ यि वऺनिथ ज़ि मऻजी यिम ग्रॖहॖद्य कथ ॳन्यथख च़्यॆ रऺटिथ अज़। हतबा वुछाख छुखना वुनि थॊव नॖ मोदी जियन ज्यॆमिस मंज़ ख्वर कुनि आतंकवाद्यन आव वऺकिथ तॖ तुलुख तलातुम ज्यॆमि संजवानि तरफॖ कति ताम। वुनि छुनॖ मोदी जियन कऺशीरि गछ़नुक सूचमुत ति दहशत्तगर्दव ह्यॆत्य हऺथ्यार हावॖन्य कऺशीरि वरमुलिस मंज़। शऻन्ती सान छिनॖ दिवान शाह ति ह्यनॖ। ख़बर हाबा यिम ज़न आयि वुठनॖ। तीज़मालि कऺर पनॖन्य कथ पूरॖ। मऻजी म्यॆ छु बासान असि ह्यॆन्द्यन छि खराब ग्रहदशा चलान। राजस्थानॖ किस अलवर शहरस मंज़ दपान त्रॆ हथ वऺरी प्रोन मन्दर छु आमुत राथ लूहरावनॖ। शोर-शराबा छु बासान ज़न च़्ववापऻर्य। तनाव छु बरपूर मगर हालात छि नियन्त्रणस मंज़ वुनि। पगाह दपान मोदी जी वाति ज्यॊम। ॳस्य ति प्रारव हलम दऻरिथ। रॖतिस रोज़व व्वमेदवार। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

22.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

22.04.2022 वह्यक (वैशाख/बैसाख) गटॖ पछॖ (कृष्ण पक्ष) शॆयम (षष्ठी) देवादेव, शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र पू.षा, राश मकर (रऻच़ हॖन्ज़ॖ 01.52 बजि प्यठॖ), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि दपान अनन्तनागस मंज़ छि कथ ताम जायि आमॖत्य कॆंह फ्लैट तयार करनॖ यिमन मंज़ केंच़न कऻशिर बटॖ परिवारन बॆहनावनॖच मुस्लिम छि ज़ेरि अमल। बरादरन प्रुछ़ तीज़मालि ज़ि मऻजी क्याह सना अनन्तनागस छा वुनि सुय नाव किनॖ बदलॖ नाव। नबा त नाव क्याज़ि बदलावन। तीज़मालि कॊर वापस सवाल बरादरस। मऻजी अनन्तनागस छु तिमव करताम नाव बदलऻविथ इस्लामाबाद थोवमुत। च़्यॆ छय ना खबर। नबा असि वोत अनन्तनागॖय वनान अज़ताम। तीज़मालि द्युत बरादरस जवाब। मऻजी त्यॆलि ॴस्य ॳस्य कऺशीरी मंज़ॖय यॆलि मुस्लमानव ओस प्राइवैट बसन प्यठॖ अनन्तनागॖचि जायि इस्लामाबाद ल्यूखमुत।  सु नाव मा थवन तिम म्यॆ बासान तिथय पऻठ्य। आहनबा तॖ त्यॆलि कति बदलावन यॆलि सु ग्वडॖ प्यठय आमुत छु लेखनॖ। सरकारॖच मन्ज़ूरी छा सना आमॖच़ दिनॖ अथ नावॖ बदली। तीज़मालि प्रुछ़ बरादरस। सु ननि व्वंय यॆलि ॳस्य तॊत वातव। बरादरन द्युत जवाब। बॖ हाबा छस सोंचान ज़ि सान्यन शुर्यन क्याह बनि। तिहन्ज़न नोकरियन क्याह सना करन। बरादरन वॊन तीज़मालि ज़ि मऻजी शुर्यन हुन्दुय योत मसलॖ नाय छु नॖ बऺल्यकि छि हतॖबऺद्य मसलॖ ब्यॆयि ति। कऻत्यहान मस्लन दिमव वाठ। यि नय छॆनॖ सहल कथा मऻजी ब्यॆयि वापस कऺशीरि गछ़ुन। यिमन द्वयत्रॖहन वऺर्यन मंज़ बदल्येयि ग्रॆन्दि रॊस रंग। यॆति असि तॖ तति तिमन। वुछुन छु व्वंय वाठ लगि कमन कमन ति क्याज़ि ॳड्य बदल्यॆयि समयस सॗत्य सॗत्य,ॳड्य रऺट्य महामऻरी तॖ ॳड्य नी यमन तॖ ॳड्य ख्यॆयि ग़मन। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

21.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

21.04.2022 वह्यक (वैशाख/बैसाख) गटॖ पछॖ (कृष्ण पक्ष) पऻन्च़म (पंचमी) देवादेव, ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र मूल, राश धनु (चलान) ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी दपान कऺशीरि मंज़ छु आमुत कति ताम ज़मीन च़कुला कऻशिर्य बटन हॖन्दि नावॖ करनॖ तॖ यक-मुश्त 44,737 बटॖ गरॖ यिन बसावनॖ प्लैंकटन मंज़। आदबा यि रॖच़ ख़बर बोज़नावनॖ बापथ छुय मुबारक। गव दॊष ह्यॊतुन वॊथुन कऺह्यकऺह्य ताम। ख़बर तरुन कर सना छु। तीज़मालि प्रुछ़ बरादरस। क्याबा बटन म्येल्या सोरुय केंह ॳथ्य ज़मीन च़कुलस मंज़ॖय याने मॏल, जंजगर, आज़र बाज़र, छान, दऺसिल, पुज, सब्ज़ी, स्कूल, काल्येज वगैरा। तीज़मालि यॊछ़ ज़ानुन बरादरस निश। नाय मऻजी यीच़ ख़बर छय नॖ म्यॆ अल्बतॖ बोज़ान ओसुस ज़ि वुनि छु क्याहताम तनाज़ॖ वॊथमुत यिमन बनेमित्यन केंच़न फ्लैटन प्यठ तॖ मामलॖ छु अदालत ताम वोतमुत। बन्येमॖत्य ति छा फ्लैट किनॖ बऺल्य छि अफ़वा। प्रुछ़ बरादरस तीज़मालि। मऻजी तिति ननि शायद जल्दॖय यॆलि कऻल्यक्यथ मोदी जी यी वारॖकारॖ ज्यॊम कॆंह सौगात ह्यथ। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

20.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

20.04.2022 वह्यक (वैशाख/बैसाख) गटॖ पछॖ (कृष्ण पक्ष) च़ोरम (चतुर्थी) देवादेव, ब्वदवार (बुधवार), श्री सप्तर्षि सम्वत 5098, नक्षत्र ज्येष्ठ, राश धनु (रऻच़ हॖन्ज़ि 11.41 बजि प्यठॖ), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन प्रुछ़ तीज़मालि ज़ि मऻजी च़ॖ ज़न वुछमख म्यॆ अज़कल क्याहताम सन्यरॖ सान सोंचान रोज़ान। फेरान छुया कुन्युक। तीज़मालि वॊन बरादरस ज़ि बॖ हाबा छस सोंचान ज़ि यॊदवय असि दपन कऺशीरि तरनॖ बापथ क्याह सना युस असि कऻशिर्य बटन रिलीफ मेलान छु सरकार कर्या यि द्युन बन्द किनॖ जऻरी थवि। यिति छि सोंचॖन्य लायक़ कथ। बरादरन वॊन तीज़मालि ज़ि म्यॆ छु बासान ज़ि सरकारस मा प्यॆयि रिलीफ द्वगनॖ करुन। ब्यॆयि छस सोंचान ज़ि कऺशीरि वातनऻविथ दिनॖ असि फ्लैट किनॖ मकानॖ दिन बनऻविथ। हतय मऻजी स्यठाह दूर ताम ह्यॊतुथ च़्यॆ सोंचुन। त्यॆलि तोष यॆलि न्वश गरॖ वाति। नबा तॖ मूर्खॖ मनस करि क्याह इन्सान। ख़याल छि व्वथानॖय व्वथान। तीज़मालि वॊन बरादरस। आहनी च्योन सोंचुन छु ठीख मगर वुनि छुनॖ कांह सॖरॖ-गॖरॖ बासान। न सरकार तरफॖ तॖ न सान्यव लीडरन हॖन्दि तरफय। वलॖबा वुछव क्याह आसि सऻनिस ललाटस ल्यीखिथ। हालस ॴसॖस बोज़ान ज़ि तति ह्यॆच़ॖन्य ब्यॆयि मारा मऻरी शॊरु गछ़ॖन्य। तिम याम बोज़ान छि ज़ि बटॖ छि कऺशीरि यिनॖच सखर करान तिमन छु त्वतुर व्वथान तॖ छि खूंखार सॖह सॖन्द्य पऻठ्य मतुन ह्यवान। बरादरन वॊन तीज़मालि ज़ि तति छि मऻजी इन्सान कम तॖ हयवान ज़्यादॖ रोज़ान। यिथ्यन हालातान मंज़ कति दरि कऻशुर बटॖ तति। कथ छि जऻरी   

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(,यि सबक़ वुछिव koshursabak.blogspot.com प्यठॖ ति)

19.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

19.04.2022 वह्यक (वैशाख/बैसाख) गटॖ पछॖ (कृष्ण पक्ष) त्रय तृतीया, देवादेव, बॊम्वार (मंगलवार), श्री सप्तर्षि सम्वत 5098, नक्षत्र अनु, राश वृश्चिक (चलान), ऋतु वसंत (चलान)..अज़ छि संकट च़ोरम (संकट निवारण चतुर्थी) ति, ज़ूव खसि रऻच़ हॖन्ज़ि 10.11 बजि

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि म्यॆहाबा तॊर नॖ फिकिरि वुन्युखताम ज़ि ॳस्य कऻशिर्य बटॖ छि वनान सरकारस ज़ि यॆलि त्यॆलि ति असि कऺशीरि प्यॆयि वापस तरुन सरकार ह्यॆयिन मटि ज़ि असि  तारन कऺशीरि यज़तॖ सान तॖ मान सम्मानॖ सान। बरादरन प्रुछ़ तीज़मालि ज़ि अथ मंज़ क्याह बास्योय च़्यॆ फिकिरी न तरनस लायक़ मऻजी। यिहऻय हाबा यज़तॖ सान तॖ मान सम्मानॖ सान क्याह मतलब छु। वनुन छु च्योन पॊज़ मगर यि ह्यॆकि सुय वाज़ॆह कऺरिथ यॆम्य यि माग थऺवमॖच़ छि सरकारस। म्यॆ छु बासान सरकार मा आसि अवॖ म्वखॖ ति पथ ह्यवान ति क्याज़ि तिम ति आसन सोंचान ज़ि़ ॴखॖर कमि कॖस्मुक यज़थ पज़ि सरकारस करुन यिमन कऻशिर्यर बटन टनलि अपोर तारनॖ विज़ि। तीज़मालि वॊन बरादरस। सरकार मा छु सलाहकार छ़ान्डान यि कथ ज़ानॖनॖ बापथ।  फिलहाल वुछव ग्वडॖ ज़ि क्वस हिश जाय छख मुनतखिब कऺरमॖच़ याने च़ऻरमॖच़ तॖ कथ कूनस। प्रारव मोदी जीयिनिस जवाबस। बरादरन वॊन तीज़मालि। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

18.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

18.04.2022 वह्यक (वैशाख/बैसाख) गटॖ पछॖ (कृष्ण पक्ष) द्वय (द्वितिय) च़ऺन्दॖरवार (सोमवार), श्री सप्तर्षि सम्वत 5098, नक्षत्र विशा, राश वृश्चिक (रऻच़ हॖन्ज़ि 10.07 बजि प्यठॖ) ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस क्याहताम सोंचान ज़ि बरादरन दिच़ॖस ज़ीर ज़ि मऻजी च़ॖ कथ ख्यूबस गऻमॖच़। तीज़मालि द्युतनस जवाब ज़ि बॖ हाबा ॴसॖस सोंचान ज़ि अगर असि वनन कऺशीरि गछ़नॖ बापथ ॳस्य कमि बुथि गछ़व। नाय तॖ असि कऺमिस छु बुथ हावुन तति मऻजी। बरादरन प्रुछ़नस। हय क्याह बा छुख वनान। यिमव ॳस्य च़लॖरऻव्य तिमय प्यन ना बुथि। मऻजी क्याह छख सोंचान च़ॖ। द्वयत्रॖह वुहिर्य पतॖ गछ़ख च़ॖ कऺशीरि च़ॖ कुस परज़ॖनावहऻन तति तॖ च़्यॆ कुस परज़ॖनावी तति। बरादरन कॊर तीज़मालि सवाल। बरादरन प्रुछ़नस ज़ि ग्वडॖ छु यि वुछुन ज़ि अगर दयन यॊछ़ तॖ असि प्यॆयि पऺज़्यपऻठ्य कऺशीरि तरुन ग्वडॖ छु वुछुन ज़ि असि बॆहनावन कति। अनन्तनागा, वरमुल्या,  सिरीनगरा, या कुनि खलवख जायि। पतॖ छु वुछुन असि नखॖ कुस आसि तॖ ॳस्य कस नखॖ आसव। तमि पतॖ छु वुछुन ज़ि सोन आज़र बाज़र क्युथ आसि, कति आसि। यिम सऻरी पयमानॖ म्यॆनॖनस तोलनस लगन नवि सरॖ दऺह पन्दह वऺरी। तीतिस कालस मंज़ ब्यॆयि कोताह बदलाव आसि आमुत मिज़ाजस मंज़, व्यवहारस मंज़, कारोबारस मंज़, तऻलीमी अदारन मंज़, सरकारक्यन व्यच़ारन मंज़। केंह छॆनॖ पताह। बरादरन वॊन तीज़मालि ज़ि त्राव सोंचुन ज़्यादॖ सॊन। वुछान गछ़ कसॖन्ज़ मऻज्य स्वन तोलि तॖ कसॖन्ज़ मऻज्य रॏफ तोलि। थव कन मोदी जियिनिस वनॖनस यॆलि सु ज्यॆम वऻतिथ पनॖनिस पिटारस डकनॖ मुच़ॖरावि। कऺशीरि छुनॖ मोदी जियस पानॖ गछ़ुन। तऺमिस छि कऻशिर्य बटॖ कऺशीरि सोज़ॖन्य। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

17.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

17.04.2022, वह्यक (वैशाख/बैसाख) गटॖ पछॖ (कृष्ण पक्ष), ऒक्दॊह (प्रथमा/प्रतिपदा),आथवार (रविवार/ऐतवार), श्री सप्तर्षि सम्वत 5098, नक्षत्र चित्र, राश तुला (चलान), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

नॊव ऱयथ च़ाव अज़। याने वह्यक। तीज़मालि वॊन बरादरस। आहनी मऻजी ऱयथ गऺयि यिवान तॖ ऱयथ गऺयि बदलान, व्यथ रूज़ पकान, व्यथा सऻन्य चलान तॖ ॳस्य ति पननिस पानस दिलासॖ दिवान ज़ि अज़ नय तॖ पगाह मा दपन असि कऻशिर्य बटन ज़ि पऺकिव कऺशीरि, गऺन्डिव पऻतव तॖ कऺसिव कमर ति क्याज़ि मोदी जी छु जॊम गछ़न वोल जल्दॖय तॖ व्वमेद छि कॆंह रॖच़ श्यॆछ ह्यथ मा यी। द्यवॖ काशमीर फाईल्ज़ फिल्मि हुन्द असर आस्यस प्योमुत। तीज़मालि वॊन बरादरस ज़ि अखतुय ॴसॖस बोज़ान ज़ि कुस ताम मुस्लमान बोय छु कऺशीरि प्यठॖ जॊम आमुत तॖ ब्यूठमुत छु बुख-हरताल करनि। क्याज़ि सना। बरादरन प्रुछ़ तीज़मालि।  दपान हाबा सु छु यछ़ान बटॖ गछ़न कऺशीरि वापस यिन्य। अदॖ द्यवॖ तऺम्यसॖन्ज़ क्रख बोज़ि सरकार। बरादरन वॊन तीज़मालि। बऺड कथ छयनॖ। तीज़मालि वॊन बरादरस। बटॖ सॖन्ज़ क्रख छुनॖ बोज़ान कांह। क्याह पताह बूख हरताल करन वऻल्यं सॖन्ज़ि क्रेकि मंज़ आसि दम तॖ शायद  मा यी सरकारस आर तॖ असि लगि तार।  खऻर मऻजी मोदी जीयिनिस यिनस ताम प्रारव ॳस्य ति। दज़नॖ दऺज़ तति यि गिराह ति। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

16.04.2022

ं नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

16.04.2022 च़ित्थॖर (चैत्र/चैत) ज़ूनॖ पछॖ (शुक्ल पक्ष) पुनिम (पूर्णिमाशी) बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र हस्त, राश तुला (रऻच़ हॖन्ज़ि 08.01 बजि प्यठॖ), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल रूज़ एल्बमस मंज़क्यन फोटवन बडॖ संजीदगी सान वुछान तॖ वॊनुन बरादरस ज़ि च़्यॆ छुयबा याद कऺशीरि मंज़ ॴस्य सुमरी मावसि दॊह सूमयारॖ मन्दरकिस यारबलसं प्यठ प्रभातन प्यठय लूकन हुन्द हॊजूम आसान प्रारान श्रान करनॖ बापथ । आहनी मऻजी याद छुम। यिति छुम ज़्वन ज़ि हब्बॖकऺदलॖ बीनि प्यठॖ ॴस्य आवन जावन लूख तमाशॖ रोज़ान वुछान। व्वंय हाबा रूद नॖ सु यारबल कुनी योर यिनॖ पतॖ। यारबलन प्यठ ॴस्य पलव दलव छलान छ्वकान रोज़ान। शुर्य ॴस्य पऻनिस मन्ज़ ग्वतॖ ग्वथ करान रोज़ान, छ़ान्ठ वायान रोज़ान, दऺर्यावस अपारि यपोर करान रोज़ान। केंह शुर्य ॴस्य कऺदलॖ ठ़ठ्यव प्यठॖ व्वटॖ त्रावान। मगर व्वंय न रूद सु यार तॖ न सु यारबल दफ अमापॊज़ बस अख मनोबल छु वुनि बरक़रार। हतबा बोज़ान ॴसॖस ज़ि अज़कल छि व्यथ सख मकॗर्य रोज़ान। सऻरॖय ग़लाज़थ छि यिवान त्रावनॖ व्यथि मंज़ॖय। तिथय पऻठ्य छु डलुक पोन्य ति व्वंय मऺकॗर्य आसान। न छु व्यॆथि मन्ज़ श्रान करनस व्वंदॖ यिवान तॖ न छु डलुक पोन्य च्यॊन लायक़। ज़ानि दय कर वुछोख तिम यार ब्यॆयि, गणपथयार, प्वरुषियार, बटॖयार, शिष्यार, खरॖयार, डलहसनयार, मलॖयार, सॖहयार वगैरा। व्यतस्तायि याने व्यॆथि बोज़नावव पनॖन्य व्यथा यॆलि असि मेलि कांह वथा तॊत ताम वातनॖच। तीज़मालि कॊर यी वनान वनान एल्बम बंद। बरादर प्यव सोंचस। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

15.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

15.04.2022, च़ित्थॖर (चैत्र/चैत) ज़ूनॖ पछॖ (शुक्ल पक्ष) च़्वदह (चतुर्दशी) शॊकुरवार (शुक्रवार/जुम्मा/भार्गववार(, श्री सप्तर्षि सम्वत 5098, नक्षत्र उ.फा, राश कन्या (चलान) ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि ओस कमि ताम खति मंज़ॖ प्रोन एल्बम कॊडमुत तॖ ॴस सन्येमॖच़ केंच़न फोटॖवन मंंज़। बरादरन प्रुछ़ तीज़मालि ज़ि मऻजी यिम करकीय फोटव वुछनस मंज़ छख च़ॖ लीन गऻमॖच़। हतबा राथ ॴसना बऻसऻखी। आहनी ॴसहय अदॖ। म्यॆहाबा प्यव ल्वकचार याद तॖ दिलस लऺजिम ग्राय हिश। ख़बर क्याज़ि। बरादरन प्रुछ़नस। यिम फोटव वुछान वुछान हाबा वऻच़ॖस बॖ पनॖनिस पॊतकालस मंज़ यॆलि ॳस्य गछ़ान ॴस्य डूंगस मंज़ निशात शालॖमऻर बऻसऻखी दॊह। डल सऻलाह ॴस्य करान। बतॖ स्युन ॴस्य डूंगस मंज़ॖय बनावान। डलॖ मंज़ॖ ॴस्य ख्यलवऺथॖर खारान तॖ तिमनॖय प्यठ ॴस्य मज़ॖ सान बतॖ ख्यवान रोज़ान। बरादरस आव ॴसस पोन्य तीज़मालि हॖन्ज़ कथॖ बूज़िथ तॖ वॊनॖनस ब्रोंहकुन ज़ि डलॖच त्रेशाह ति ॴस्य च्यवान रोज़ान। बतॖ स्युन ह्यथ ॴस्य कऺशीरि मंज़ लूख बसन मंज़ ब्यॊन ब्यॊन जायन गछ़ान रोज़ान तॖ बऻसऻखी मनावान रोज़ान। ॳज़्यकि दॊह ॴस्य कऻशिर्य बटॖ इशबऺर गऺछ़िथ गुप्तॖ गंगायि मंज़ श्रान ध्यान करान रोज़ान तॖ कॆंह लूख ॴस्य स्वामी लक्ष्मण जुव आश्रम गऺछ़िथ तऺम्यसुन्द दर्शुन करान रोज़ान। ल्वकॖट्य ल्वकॖट्य शुर्य ॴस्य नॖ व्यच़ान कुनि तॖ ॴस्य नच़ान फेरान। सारेय जायि आसॖ ग्रज़ान तॖ आसॖ आसान कऻशिर्य बटव सॗत्य बऺरिथ मगर अज़ छि तिम जायि प्येमच़ॖ हऺरिथ ति क्याज़ि आतंकवाद्यव न्यू यिमन जायन डुबॖडास कऺरिथ। हालांकि वनॖनस तल छु यिवान ज़ि बऻसऻखी त्योहार छु दरअसॖल पंजाब्यन हुन्द त्योहार मगर ॳस्य कऻशिर्य बटॖ ति ॴस्य मनावान यि त्योहार बडॖ खुमारॖ सान तॖ चमॖ खमॖ सान वख अकि कऺशीरि मंज़। कति यिन फीरिथ तिम दोह। मऺश्यथॖय गव असि यि बॊड दॊह। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

14.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

14.04.2022, च़ित्थॖर (चैत्र/चैत) ज़ूनॖ पछॖ (शुक्ल पक्ष) त्रुवाह (त्रयोदशी) ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र पू.फा, राश कन्या (दुहचि 03.54 बजि प्यठॖ), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

त्राहि त्राहि। तीज़माल रूज़ पानसॖय सॗत्य वनान। बरादरन प्रुछ़ तीज़मालि। मऻजी किहे दऺलील छि, च़ॖ कथ प्यठ बीठॖख त्राहि त्राहि करनि। हतबा वीडियो ज़ॖ च़ोर वुछिम तॖ मन शिठ्योम। मऻजी वीडियो कति वुछिथ तॖ क्याह वुछुथ त्युथ। सोंचान छस ज़ि कति प्यठॖ ह्यमॖ वनुन। हतबा मोबाइलॖस प्यठ वुछिम यिम कॆंह वीडियो तॖ वुछान वुछान त्रऺहरेयस। मऻजी सोरुय यि ॳस्य वुछान छि मोबाइलॖ दऺस्य छुनॖ आसान पॊज़। हतबा क्याह छुख च़ॖ वनान। अपुज़ ति यॊदवय हावन तॖ कोताह। दफ अमापॊज़ तमि कथि हॖन्ज़ ज़ितिन छि आसान कुनि नतॖ कुनि कूनस प्येमॖच़। अदॖ कथ डेरस कत्यन छु ज़ॊंग लगान स्व छि अलग कथ। नाय तॖ च़्यॆ क्याह वुछुथ अज़। अख ज़ॖ वीडियो वुछिम यिमन मंज़ कॆंह बदज़ाथ लूख गऻवन हॖन्ज़ हत्या ॴस्य करान, अख ज़ॖ वीडियो वुछिम यिमन मंज़ दऺर्यावस मंज़ त्रावनॖ बजायि कुल्यन तल ओस आमुत त्रऻवनॖ  नवरात्रॖ पूज़ायि पतॖक्य कॆंह मूर्ती,कतरिव्यन बानन मंज़ वऺवमॖच़ नवदुर्गायि हॖन्द्य कॆंह अंश। नवदुर्गा पूज़ाय पतुक बच्यॊमॖत सामान याने पोश, ॳग्नुक सूर, अडॖदऺज़ लऺकॖर, मोमी लिफ़ाफॖ, मॏली, पेपर प्लेटॖ वगैरा तॖ हून्य ॴस्य मतेमॖय, अख ज़ॖ वीडियो वुछिम ह्यॆन्द्यन हॖन्द्यन जलसन प्यठ कनि लायान कमताम बदबख्त, अख ज़ॖ वीडियो वुछिम ज़ि कथ ताम मन्दरस मंज़ सब्ज़ रंग जन्डॖ खऻर्यमॖत्य केंच़व शरारती लूकव तॖ कथ ताम मन्दरस मंज़ मुस्लमान इस्लऻमी तऻलीम परान तॖ परनावान तॖ तऺथ्य मंनदरस न्यॆबॖरकनि मुस्लमान वाज़ॖवान चलान। बरादरस डॊल बुथ्युख रन्ग तॖ वॊनुन तीज़मालि ज़ि मऻजी कॆंह वीडियो वुछ्य म्यॆति अमी कॖस्मॖक्य। यि छि पऺज़्यपऻठ्य सोंचनॖच कथ। दय ज़ानि असि बटन तॖ तमाम ह्यॆन्द्यन क्याह क्याह छु बुथि वुछुन। बरादरन वॊन तीज़मालि ज़ि बॖ ओसुस वुछान अख वीडियो यथ मंज़ अख संत महात्मा ओस वनान प्रमाण ह्यथ याने अख़बारन मंज़ छपैमॖच़ खबर ज़ि कऺशीरि मंज़ अज़ दऺह पन्दाह वऺरी ब्रोंह  ओस अमि ख्वतॖ ति गन्दॖ  कऻम आमॖच़ करनॖ याने बटॖसुन्द मांज़ यिवान ख्यनॖ मगर ख़बर दबेयि अखबारक्यन सुर्खियन मंज़ॖय तॖ कुनि तरफॖ कॊर नॖ कऻन्सि उफ ति। तनाव छु च्ववापऻर्य पनपान। वुछुन छु कॗतिस कालस रोजन यिछ़ॖ कथॖ फऺतिस तल। कथ छि जऻरी  

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

13.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

13.04.2022 च़ित्थॖर (चैत्र/चैत) ज़ूनॖ पछॖ (शुक्ल पक्ष) बाह (द्वादशी) ब्वदॖवार (बुधवार), श्री सप्तर्षि सम्वत 5098, नक्षत्र मघा, राश सिंहं (चलान), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस डॊख दिथ बिहिथ कथ ताम पलवस त्रॊप दिवान तॖ बरादरन प्रुछ़नस मऻजी च़ॖ कथॖय कारस छख लऺज्यमॖच़। हतबा तिम कार कति रूद्य। यि ॴस शान्दगऺन्ड्यवुर छ़्यॆनिमॖच़ अकि तरफॖ ॳथ्य ह्यॆच़ेयोम त्रॊप द्युन। तीज़मालि वॊन बरादरस। नतॖ कमबा वीरॖन्य कार छि अज़कल प्यवान करॖन्य। सु वख हबा म्वकल्यऻव यॆलि कऺशीरि मंज़ मॊज़ूर सॖन्द्य पऻठ्य जखान ॴस्य रोज़ान। लिवुन डुवुन, छ़टुन शेरुन, नावुन सावुन, तुलुन त्रावुन। तीज़माल गऺयि वनान ज़ि बरादरन च़ऺट मंज़य कथ यि वऺनिथ ज़ि मऻजी लूकन आव पौंसा वफूर तॖ चीज़ ति छि मेलान बऺनी बनऻय। व्वंय कुस छु त्यूत ज़ुव च़टान। आहनबा पौंसस सॗत्य सॗत्य आयि नज़ाकथ ति। हालांकि जायि छ़ॊछर छु तोति छि प्रथ गरस दाय कऻम करान रोज़ान। बानॖ छलान छ्वकान तॖ डुवान तॖ तॖछ़ करान। तीज़मालि वॊन बरादरस। अथ छि वनान ज़ुव ज़ुवुन। बरादरन वॊन तीज़मालि। नबा अथ छि वनान पौंसुक दगॖ दगॖ आसुन। बॖ छस वुछान ज़ि यिमन फ्लैटन मंज़ छि ॳमूमन त्रॆ या च़ोर कमरॖ आसान। सारिनॖय कमरन मंज़ छि न्यस्बॖ खॊतॖ ज़्यादॖ जाय आसान रऺटमॖच़ फऺर्नीचरन याने ब्यड, मेज़, कुर्सी, सोफॖ वगैरा। कमरॖ ति छि आसान क्वकर-मुरिस सॊम्ब तॖ दाय कॗतिस छि लछ़लि सॗत्य फश दिवान तॖ कॗच़ि जायि छि तॖछ़ करान। सोंचनॖच कथ छि यि मगर किमाम छु ज़ि नोकरन अथि छि कऻम करनावान रोज़ान। असि छि च़ामॖच़ यि दप्यज़ि ति ब्यॆहमॊन्ड। बरादरन वॊन तीज़मालि ज़ि मऺश्यराव पनुन सु ल्वकॖचार मऻजी, नऺव पुय हावान छि नॊव दीदार तॖ पौंसव सॗत्य छि गिन्दान रोज़ान तिकॖतार। आहनबा कऻन्सि छु व्यस्तार तॖ काह छु लाचार। कथ छि जऻरी  

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

12.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

12.04.2022, च़ित्थॖर (चैत्र/चैत) ज़ूनॖ पछॖ (शुक्ल पक्ष) काह (एकादशी) बॊम्वार (मंगलवार), श्री सप्तर्षि सम्वत 5098, नक्षत्र अश्ले, राश सिंह (सुबहॖचि 08.35 बजि प्यठॖ), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

पनुन गर्दनि मल छुनॖ बोज़नॖ यिवान। तीज़मालि वॊन बरादरस। अज़ क्वस कथ प्यॆयी याद मऻजी। बरादरन प्रुछ़ तीज़मालि। कथॖ हाबा छम हतॖबज़ॖ याद दफ अमा पॊज़ सोंचान छस क्वस कथ करॖ कमि सातॖ। बॖ हाबा ॴसॖस बोज़ान कथ ताम चन्नलि प्य़ठ कुस ताम बटॖ सऻबा बडि हटि वनान ज़ि कऻशुर बटॖ समुदाय छु सु समुदाय यथ मंज़ नॖ ज़ात नात छि। यि बूज़िथ आम असुनाह। ख़बर क्याज़ि। बरादरन प्रुछ़ तीज़मालि।  म्यॆहाबा बासान सऻन्यसॖय समुदायस मंज़ छि ज़ात पात यथ हदस ताम ज़ि अंसि गऺयि छलॖ छांगॖर ज़ात पात आसॖनॖ म्वखय। अल्बतॖ यि छु शुखुर ज़ि कऺशीरि प्यठॖ च़लनॖ पतॖ गव असि कऻशिर्य बटन गामॖ शहर कुनुय नतॖ ओस कऺशीरि मंज़ यिति अख ज़ात पात हुन्द हिसॖ। तऺमिस बटॖ सऻबस गऺयि मऺश्यथॖय पनॖनि समुदायचि ज़ऻच़ गन्ज़रावनि। ग़ोर, बुहुर, कान्दुर, वाज़ॖ, हलवोय, बिसोत, गामुक, ग्रूस। ॳक्य आम कऻशिर्य बटन थॊव पनुन पान अमि ज़ऻच़क्यन लूकन निशि बिल्कुल ब्यॊन यि वऺनिथ ज़ि सु छु पानॖ कारकुन तॖ बकाया गऺयि रूदस शीनस सॗत्य।च्यऻन्य कथ छि शुराह आनॖ सऺही मऻजी। बटॖ सॖन्द्य ॳम्य गन्दॖ सोंचन कऺर्य ॳस्य स्यठाह पथ।कथ छि जऻरी

*********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

11.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

11.04.2022, च़ित्थॖर (चैत्र चैत) ज़ूनॖ पछॖ (शुक्ल पक्ष) दऺहम (दशमी) च़ऺन्दॖरवार (सोमवार), श्री सप्तर्षि सम्वत 5098, नक्षत्र तिष्या (चलान) राश कर्कट (चलान) ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि यि कऻशुर बटॖ क्याह ज़ाथ छु बॖ हाबा छस हऻरान। बरादरन प्रुछ़ तीज़मालि हऻरऻन्यगी हुन्द सबब। हतबा अख वजह आसिहे तॖ वनहऻय। नाय तॖ कांह अख वजह वन। तीज़मालि वॊन बरादरस ज़ि यॊदवय च़्यॆ ज़्वन आसी कऺशीरि मंज़ ॴस्य नॖ बटॖ वख अकि गन्डॖ या रोहनॖ ख्यवान। टमाटर ख्यनस ति ॴस्य करान परहेज़। सब्ज़ी य्वॊस ति बनावहऻन शाकाहारी या मांसाहारी याने वैष्नव या मामस ॳकिस ति सिनिस मंज़ ॴस्य नॖ त्रावान गन्डॖ, टमाटर या रोहनॖ। दपान ॴस्य यिम चीज़ गऺयि छ़्यॆट। मगर  व्वलॖग्वतुन ख्यव वख्तन युथ ज़ि अज़कल छुनॖ यिमव चीज़व रॊस ख्यन हटि ब्वन वसानॖय। रामलालस बिचऻरिस गऺयि ज़ॖ हिसॖ। याने 'ह' म्यूल रामस तॖ बन्यऻव हराम तॖ यिहऻय 'ह'' म्यूल लालस तॖ सु बन्यऻव हलाल। मगर बटॖ छु वुनि सुय रामलाल। सु छु जटकॖ माज़ ति ख्यवान तॖ हलाल मांज़ ति ख्यवान रोज़ान। मुस्लमान छुनॖ जटकॖ माज़ ख्यवान। बटॖ सॖन्दिस ख्यनस च्यनस मंज़ छु आमुत कति कोर बदलाव। छ़्यॊट श्रूच़ रूद लबि ताकस।  म्यॆ छु बूज़मुत ज़ि दपान ॴस्य वख अकि ज़ि शुर्यन ख़ास कर कोरियन गछ़न नॖ व्वज़ॖल्य मर्च़ॖवांगन दार चीज़ दिन्य ख्यनॖ बापथ ति क्याज़ि यिम चीज़ ख्यनॖ सॗत्य ॴस्य दपान ज़ि मिजाज़ छु तेशल याने गर्म रोज़ान मगर सु वनुन ति छुनॖ व्वंय कांह माने थवान। बरादर गव बोज़ान तॖ वॊनुन तीज़मालि ज़ि ज़मानॖ बदल्यव, हालात बदलॆयि कऻशुर बटॖ ति अगर बदल्यव च़ूर क्याह कऺरॖन। नबा बदलुन छु वख्तस सॗत्य सॗत्य प्यवान तॊताम गव ठीख मगर पनॖनि धर्मुक ख़याल थऻवुन ति छु ज़ॊरूरी। छ़्यॆछरुक श्रोच़रुक ख़याल थावनु ति छु ज़ॊरुरी। पाठ पूज़ा करुन ति छु ज़ॊरूरी। संस्कृति तॖ संस्कारन रऻछ करॖन्य ति छि ज़ॊरूरी। ख़बर ग़लत मा वॊनुम। नाय मऻजी च्यऻन कथ ति छि याद थवनस लायक। पनॖन्य फाकॖ तॖ व्वत्सव मऺशरऻविथ ब्यॆयि ज़ऻच़ हॖन्द्य फाकॖ तॖ व्वत्सव पानॖनऻवॖन्य छुनॖ जान रोज़ान कुनि ति ज़ऻच़ बापथ। बरादरन वॊन तीज़मालि।कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

10.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

रामनवमी दोह अज़

+++++++++++++

🙏🙏 नमस्कार माहरा

10.04.2022, च़ित्थॖर (चैत्र/चैत) ज़ूनॖ पछॖ (शुक्ल पक्ष) नवम (नवमी) आथवार (रविवार/ऐतवार), श्री सप्तर्षि सम्वत 5098, नक्षत्र तिष्या, राश कर्कट (चलान), ऋतु वसंत (चलान) ..नवरात्र समाप्त

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी कटस छु मुस्लमान पुज ति मारान तॖ सिखॖ पुज ति। दफ अमा पॊज़ मारनुक तरीकॖ छु ब्यॊन ब्यॊन। मारनस ति छाबा तरीकॖ आसान। तीज़मालि कॊर सवालॖ बरादरस। आहनी मऻजी ती छुम बूज़मुत। मुस्लमान पुज छु वारॖ वारॖ कटस या क्वकरस खश करान तॖ सॗती क्याहताम अरबी पऺठ्य परान। अथ तरीकस छि वनान हलाल करुन तॖ सिख छु कुनुय श्राकि दब त्रावान कटस या क्वकरस तॖ छुस मारान। अथ तरीकस छि वनान जटकॖ करुन। मुस्लमान सुन्द वनुन छु ज़ि तिहॖन्दि मारनॖ सॗत्य छुनॖ कटस रथ बान्दि गछ़ान तवॖ म्वखॖ छु अथ मारनस तिम वनान हलाल। चूंकि सिख छु अकी दबॖ मारान कटस ति करनॖ सॗत्य छुनॖ कटॖ सुन्द रथ  नेरान सोरुय न्यबर तॖ सो रथ छु गछ़ान बान्दि। अमि तरीकॖ कठ मारनस छि वनान जटकॖ। त्राहि त्राहि। अज़ाब आसि ना गछ़ान कटस। तीज़मालि प्रुछ़ बरादरस। आहनी मऻजी अज़ाब छुयी छु। सु मॊह मारोन या सॖह मारोन। इन्सानस ति छु मारनॖ विज़ि अज़ाब गछ़ान। ज़ुव छु हुमिस मंज़ ति यॆमिस मंज़ ति। दफ मरुन यॆमिस यॆमि रऺन्ग्य वोतमुत आसि। आहनबा च्यऻन्य कथ ति छि पऺज़। लूख क्याह क्याह बलायि छि ख्यवान रोज़ान मगर तऻज्युब छु ज़ि कऻशिर्य बटॖ छि कम-अज़-कम सऻरी मांमस ख्यवान याने न्यॆनि ख्यवान मगर कटस या क्वकरस छिनॖ खश करनस बऺहरान। गाडॖ छि पऺठरावान मगर कटस छिनॖ मारान। कऻशुर बटॖ छु नमूनय। यथ नॖ पूस तथ छुनॖ दूष। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

08.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

माता कालरात्रि हुन्द दॊह अज़

+++++++++++++++++

🙏🙏 नमस्कार माहरा

08.04.2022, च़ित्थॖर (चैत्र/चैत) ज़ूनॖ पछॖ (शुक्ल पक्ष) सतम (सप्तमी) शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र आर्द्रा, राश मिथुन (चलान), ऋतु वसंत (चलान), नवरात्र (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

दीनुक थम छुम सीनस प्यठ कूट्य हा मोरनस ख्वदायो। तीज़मालि वॊन बरादरस। क्याहताम दलील छि। बरादरन प्रुछ़ तीज़मालि ज़ि मऻजी च़ॖ कति छख अनान च़ऻर्य च़ऻर्य यिम दऺपिथ कथॖ। हतबा क्याह वनय वख अकि आसॖ यिम कथॖ अक्सर कऺशीरि मंज़ यिवान वनॖनॖ। यनॖ ॳस्य द्रायि कऺशीरि न्यबर यिम कथॖ गऺयेये गऻबॖय मगर व्वंय छु म्यॆ बासान ज़ि यिमन कथन ज़न च़ाव नविसरॖ ज़ुव अज़कलॖक्य हालात वुछिथ। बरादरन वॊन तीज़मालि ज़ि मऻजी अगर च़्यॆ ज़्वन आसी कऺशीरि मंज़ ॴस्य हतव मंज़ॖ नमनमथ कऻशिर्य बटॖ मांसाहारी याने न्यॆनि ख्यनॖवऻल्य तॖ कऻशुर बटॖ पुज मगर ओस नॖ कांहति तॖ कन्य जायि ति। मुस्लमानॖय ॴस्य पुज्य आसान। प्रथ मऺहलस मंज़ ॴस्य त्रॆ त्रॆ च़ोर च़ोर पुज्य वान आसान। कुनि कुनि कूनस मंज़ ओस इक्का दुक्का सिखॖ पुज्य दुकान ति नज़रि यिवान मगर कऻशिर्य बटॖ ॴस्य स्यठाह कम सिखॖ फुजि सॖन्दि वानॖ प्यठ माज़ अनान तॖ मुस्वमान ओस नॖ सिखॖ पुज्य वानस कुन गछ़ानॖय ज़ांह। ख़बर हाबा क्याह वजह ओस अथ आसान। तीज़मालि प्रुछ़ बरादरस। बरादरन कऺर तन्ज़िया असनऻहाना तॖ वॊनुन तीज़मालि। नाय मऻजी च़्यॆ छय ना पऺज़्यपऻठ्य पताह अम्युक वजह। न बा व्वंय व्वंय छस बोज़ान ज़ि मुस्लमान पुज्य सुन्द  माज़ दपान छु आसान हलाल तॖ सिखॖ पुज्यवान सुन्द माज़ छु आसान जठकॖ। बरादरन कऺर पनॖन्य कथ पूरॖ यि वऺनिथ ज़ि  सिखॖ पुजिस ॴस्य कऺशीरि मंज़ वनानॖय जंठकॖ पुज तॖ मुस्लमान गऺयो हलाल। द्वन मंज़़ क्याह सना फरॖख छि आसान। प्रुछ़ तीज़मालि बरादरस। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

07.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

कात्यायनी माता हुन्द दॊह अज़

+++++++++++++++++

🙏🙏 नमस्कार माहरा

07.04.2022, च़ित्थॖर (चैत्र/चैत) ज़ूनॖ पछॖ (शुक्ल पक्ष) शॆयम (षष्ठी) ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र मृग, राश मिथुन (सुबहॖचि 09.09 बजि प्यठॖ), ऋतु वसंत (चलान),नवरात्र (चलान)...अज़ छि कुमार शॆयम (कुमार षष्ठी) ति

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस कथ ताम ख्यूबस मंज़ गऻमॖच़ ज़ि बरादरन दिच़नस ज़ीर तॖ प्रुछ़नस मऻजी च़ॖ कमन ग्वतन छख गऻमॖच़। कॆंहनाबा बस सोंचान छस ज़ि असि छा व्वंय बऺहसन बऺहसन प्यठॖय बकाया वऻन्स कडॖन्य किनॖ ब्रोंहकुन ति करनुक कॆंह सोंचुन। बरादरन वॊन तीज़मालि ज़ि मऻजी म्यॆ छु पनुन मन वनान ज़ि कऺशीरि मंज़ुक मुस्लमान छु नॖ यछ़ान सोन बसुन कऺशीरि मंज़। यॆलि यॆलि ॳस्य दपान छि वारॖकारॖ जलदॖय तरव ॳस्य टनलि अपोर तिम छि ॳकिस ॳकिस मऻरिथ छ़ॖनान तॖ इशारव सॗत्य असि वनान रोज़ान ज़ि बटव तॊह्य यीज़्यव नॖ टनलि योर। बटॖ छु नॖ बिचोर वैसे ति कुन ज़ॊन तरनवोल। शरकार गोमुत गीर। मेलान नॖ कांह तदबीर। दावस लॊगमुत सोन तक्दीर ति क्याज़ि ॳस्य छि बे-पीर। काहन काह वतॖ गऻमच़ॖ। पान्छ़ सथ नामनिहाद लीडर छि नज़र यिवान बऺहसन प्यठ बऺहस करान रोज़ान यथ व्वंय न ग्वड कुनि छु तॖ न कुनि अन्द। यॆति आयि ॳस्य तंग तॖ तति तुज तिमव गन्द। तीज़मालि वॊन बरादरस ज़ि म्यॆ हाबा बासान ज़ि यि छि ज़ीठ दास्तान्। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

06.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

स्कंदमातायि हुन्द दॊह अज़

+++++++++++++++++

🙏🙏 नमस्कार माहरा

06.04.2022, च़ित्थॖर (चैत्र/चैत) ज़ूनॖ पछॖ (शुक्ल पक्ष) पऻन्च़म (पंचमी) देवादेव, ब्वदवार (बुधवार), श्री सप्तर्षि सम्वत 5098, नक्षत्र रोहन, राश वृष (चलान), ऋतु वसंत (चलान), नवरात्र (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

सन्जि दिवान ज़ऻल्य ह्यन्दॖव्यन्दॖ च़लान नीर्य नीर्य। तीज़मालि वॊन बरादरस। अज़ क्याज़ि प्यॆयी च़्यॆ यि दऺपिथ कथ याद मऻजी। प्रुछ़ बरादरन। बॖ हाबा ॴसॖस बोज़ान ज़ि कऺशीरि मंज़ मा छि मुस्लमान व्वंय पोस्टर बऻगरावान यथ मंज़ दपान लीखिथ छु ज़ि कऻशिर्य बटॖ छि बाहरी याने न्यॆबरिम। च़्यॆ कती बूज़ुथ यि नॊव शोशॖ। बरादरन प्रुछ़ तीज़मालि। व्हाटसापस प्यठ हाबा वुछुम कथ ताम चन्नलि प्य़ठ। तीज़मालि द्युतनस जवाब। बरादरन द्युत दम ह्यु तॖ वॊनुन तीज़मालि ज़ि वख वोता योर ताम ज़ि व्वंय छि परगगरॖय वनान गरगगरन ज़ि तॊह्य छिवॖ नॖ यॆमि नगरॖक्य बऺल्कि छिवॖ तॊह्य बाहरी याने न्यॆबरिम। तीज़मालि वॊन बरादर ज़ि अथ हाबा वनान ज़ि युस म्यॆ रॊछ तऺस्य निश रछतम ख्वदायो।  बरादरन वॊन तीज़मालि ज़ि यॊदवय यि च्योन बूज़मुत पॊज़ छु त्यॆलि बडेयि म्यॆ बासान असि ब्याख परेशऻनी। ॳसि वोत अज़ताम हल छ़ान्डान तॖ सन्ज़ करान वापस कऺशीरि वातनुक मगर तिम छि वुनि करान छ़ल असि सॗत्य तॖ वनान कऻशुर बटॖ छु टनलि अपोरुय जान। तीज़मालि वॊन बरादरस ज़ि बोज़ान ॳसॖस ज़ि मारॖवातल छि वुनि तति नच़ान हऺथ्यार ह्यॆय ह्यॆय।। दपान आतन्कवाद्यव छि राथ ब्यॆयि ज़ॖ त्रॆ नफ़र ॳन्यमॖत्य गोल्यन हॖन्द्यन ज़दस मंज़। तीज़मालि प्रुछ़ बरादरस  ज़ि अमा यि सऻन्य डोमिसाईल सऺर्टिफिकेट लग्या सना कुनि व्वंय तति। यिथ्यन हालातान मंज़ छु म्यॆ  बासान ज़ि असि मा दपन पासपोर्ट बचावुन कऺशीरि गछ़नॖ बापथ। अदॖ बऺड कथ छय नॖ तीज़मालि वॊनॖनस। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

05.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

माता कूष्माण्डायि हुन्द दॊह अज़

+++++++++++++++++

🙏🙏 नमस्कार माहरा

05.04.2022, च़ित्थॖर (चैत्र/चैत) ज़ूनॖ पछॖ (शुक्ल पक्ष) च़ोरम (चतुर्थी) देवादेश बॊम्वार (मंगलवार), श्री सप्तर्षि सम्वत 5098, नक्षत्र कृति (क्रछ़),राव वृष (चलान) ऋतु वसंत (चलान) नवरात्र (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी बॖ हाबी ओसुस नॖ गोमुत यॆमि लटि याने ऊतरॖ जंत्र मंत्र। खबर क्याज़ि। प्रुछ़ तीज़मालि बरादरस। मऻजी व्वंय छॆ नॖ स्व सामरथ तथ तापॖ क्रायि मंज़ खडा रूज़िथ नऻरॖ बऻज़ी करॖनॖच। नबा तॖ यॊत्तम नॖ नऻरॖ दी दी सरकार वुज़ॖनावोन तॊत्ताम प्यन असि क्रकॖ दिन्यॆ दिन्य। तीज़मालि वॊन बरादरस। ति छु पॊज़ मगर यॆलि सरकार ज़ऻनिथ मऻनिथ कनन थॊप दी तॖ ॳछव ऒन लागि सवऻल्य क्याह सना करि। मऻजी जंत्र मंत्र गऺछ़्य गऺछ़्य कऺर्य असि कऻशिर्य बटव सऻरी यंत्र खऻली मगर कांह ति तंत्र गव नॖ स्यॊद वुन्युखताम। बरादरन वॊन तीज़मालि ज़ि पत्यम्यव त्रॖहव वऺरियव प्यठॖ वोत असि जंत्र मंत्र गछ़ान। त्रॖह वऺरी ब्रोंह ओसुस बॖ अरतऻजी वुहुर। बॖ च़ास व्वंय मऻजी अरसत्त्रन मंज़ मगर नऻरॖ छि तिमय तॖ सान्यन क्रकन ति द्युत नॖ कन सरकारन अज़ताम। हॊट ह्वख असि मगर सरकारस छॆ नॖ ग्रेन ति गछ़ान। तीज़मालि सूंच ज़ि बरादर छु पॊज़ वनान। बरादरन वॊन ब्रोंहकुन ज़ि मऻजी ॳस्य ति छि द्वन ख्रावन प्यठ ख्वर थऻविथ। असि यीच़ॖ संस्थायि बन्यॆयि कऺशीरि न्यबर नीरिथ तीच़न संस्थायन छि ब्यॊन ब्यॊन  वयच़ार तॖ ब्यॊन ब्यॊन मांगॖ। जंत्र मंंत्र वऻतिथ छि बोज़ान रोज़ान प्रथ ॳकिस संस्थायि हॖन्ज़ पनॖन्य पनॖन्य मांग। अवॖ म्वखॖ ति रोव सान्यन मांगन हुन्द व्यकार म्यॆ बासान। व्वंय छु नॖ पानसॖय पलि प्यवान ज़ि कथ संस्थायि सॗत्य जोडव पनुन पान। इस्लियै छु म्यॆ बासान गरि ब्युहनुय जान। हालांकि काशमीर फाइल्ज़ फिल्मि दिच़ेयो मोकॖ असि ब्यॆयि अकि लटि पनुन सीनॖ हावहऻव मुच़रऻविथ सरकारस मगर बासान छु ज़ि यॊमि लटिच ति सऻन्य दमऻल्य मा गछ़ि फऺक्य। बरादर वॊन तीज़मालि ज़ि यॆमि लटि दपान प्रदर्शन ओस ज़ोरदार तॖ तिरंगॖ ओस ज़्यूठ ज़्यूठ शान्दार।  कथ छि जऻरी।

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

04.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

माता चन्द्रघण्टाय हॖन्ज़ पूज़ा अज़

+++++++++++++++++

🙏🙏 नमस्कार माहरा

04.04.2022, च़ित्थॖर )(चैत्र/चैत) ज़ूनॖ पछॖ (शुक्ल पक्) त्रय (तृतीया) देवादेव च़ऺन्दॖरवार (सोमवार), श्री सप्तर्षि सम्वत 5098, नक्षत्र। भरण, राश वृष (रऻच़ हॖन्ज़ि  09.01 बजि प्यठॖ), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी  नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

अज़ छि ज़ंगॖ त्रय। यि दॊह ति ओस यिवान मनावनॖ बडॖ रसमो रिवायतव सान कऺशीरि मंज़ वख अकि। मगर यनॖ ॳस्य कऻशिर बटॖ कऺशीर त्रऻविथ आयि कुनवुहशथ तॖ नमतॖ प्यठॖ यि ज़ंंग त्रय रसॖम छि नाव मात्र बापथ मनावान। तीज़मालि वॊन बरादरस। बरादरन वॊनॖनस ज़ि मऻजी म्यॆ छु याद ज़ि सानि ज़नानॖ आसॖ गछ़ान पनुन पनुन माल्युन सातॖ बापथ तॖ आसॖ यिवान सिन्य सालाह ख्यथ च्यथ तॖ आसॖ यिवान नून तॖ अतॖगथ ह्यथ। तीज़मालि वॊन बरादरस ज़ि तिम मालिन्य कतिबा रूद्य। यि रसॖम हाबा छि निबावान व्वंय कॆंह संस्थायि वऻल्य ति क्याज़ि कॆंचन ज़नानन छुनॖ माल्युन गछ़नस वार व्यस्तार। आहनी मऻजी ती ओसुस बोज़ान ज़ि आथवार आसनॖ म्वखॖ कऺर यि प्रथा पूरॖ अख दॊह ब्रोंठॖय याने राथॖय हालांकि ज़ंगॖ त्रय दॊह छु अज़। ख्यनाह च्यनाह ॴस्य करान ॳज़्यकि दॊह कऺशीरि मंज़। न्यॆनि बताह ॴस्य ख्यवान टास कऺड्य कऺड्य। वरादरन वॊन तीज़मालि ज़ि म्यॆ हय छु बूज़मुत ज़ि नवरात्रॖन मंज़ ॴस्य ॳस्य कऻशिर्य बटॖ मामस याने न्यॆनि ख्यवान कऺशीरि मंज़ ग्वडनिक्यन च़्वन दॊहन तॖ नवम दॊह ॴस्य च़ॊट याने तऺहर च़र्वनॖ खारान च़ऺक्रीश्वर तॖ ॴस्य बऻगरावान तॖ शूशनोर ॳस्य त्रावान तति गऻन्टन। आहनबा च्योन वनुन छु पॊज़। म्यॆहाबा बूज़ ज़ि यि प्रथा छि कॆंच़व बटव जऻरी थऻवमॖच़ वुन्युखताम योर यिनॖ पतॖ ति। गव तिम छि असली कऻसिर्य बटॖ। बरादरन कऺर अंसान असान कथ पूरॖ। कथ छि जऻरी।

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव।

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

03.04.022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

ब्रह्मचारिणी हन्ज़ पूज़ा अज़

+++++++++++++++++

🙏🙏 नमस्कार माहरा

03.04.2022, च़ित्थॖर (चैत्र/चैत) ज़ूनॖ पछॖ (शुक्ल पक्ष) द्वय (द्वितिय) देवादेव आथवार (रविवार/ऐतवार), श्री सप्तर्षि सम्वत 5098, नक्षत्र अश्विन, राश मेष (चलान) ऋतु वसंत (चलान)..नवरात्र (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि प्रुछ़ बरादरस क्याहबा च़ॖ ओसुख ना गोमुत ऊतरॖ जंत्र मंत्र। मऻजी यनॖ ॳस्य कऺशीरि प्यठॖ च़ऺलिथ आयि तनॖ प्यठॖ वोत असि लगातार जंत्र मंत्र गछ़ान पऺत्यम्यव द्वयत्रॖहव वऺर्यव प्यठॖ। बरादरन वॊन तीज़मालि। कॆंह आवा हऻसिल वुन्युखताम। तीज़मालि प्रुछ़ ब्याख सवालॖ बरादरस। बरादरन कऺर नज़राह तीज़मालि कुन तॖ दिच़ॖन ल्वति च़ऺन्डाह पनॖनिस ड्यकस तॖ ह्यॊतुन पनुन तजरुबॖ बोज़नावुन। कथ पनॖन्य शॊरु करनॖ ब्रोंह ओस बरादर यछ़ान कॆंंह ज़ानुन तॖ अवॖ म्वखॖ प्रुछ़ुन तीज़मालि ज़ि मऻजी च़्यॆ छुया याद ज़ि च़ॖ कर द्रायख कऺशीरि प्यठॖ। हय क्याबा यि किछ़ कथ कऺरॖथ। गॊछ़ुम ना याद आसुन। यि कथ नय वुम्बरि गछ़्यम मऺशिथ। बॖ हाबा द्रायस कऺशीरि न्यबर ग्वडनिचि लटि द्यसम्बर 1989 ई० मंज़। कऺशीरि मंज़ कति ॴस्यवॖ तॊह्य रोज़ान। बरादरन प्रुछ़नस। ॳस्य हाबा ॴस्य सोपोरॖ रोज़ान। तॊह्य कति ॴस्यवॖ तति रोज़ान। तीज़मालि कॊर वापस सवाल बरादरस। मऻजी ॳस्य हय ॴस्य अनन्तनाग तरफॖ रोज़ान। ॳस्य द्रायि कऺशीरि प्यठॖ कुनवुहशथ तॖ नमतस मंज़ जनवरी किस ग्वडनिकिस हफ्तस मंज़। म्यॆहाबा वुछ्य जवऻहिर टनल ग्वडनिचि लटि यॆलि बॖ कऺशीरि द्रायस। तति ओसुख तिमनॖय दॊहन सोपोरस मंज़ मंन्दरस ॳकिस नार द्युतमुत तॖ असि आयि पनॖनी हमसायि यि वनॖनि ज़ि मुस्लमान दपान छि क्याहताम सूसॖरि गूसॖरि करान तॖ बोज़ान ॴस्य ज़ि यिमन छि ॳस्य कऻशिर बटॖ कतरावॖन्य।यि कथ बूज़िथ च़ऺज्य असि ख्वर तलॖ म्यॆच़ नीरिथ तॖ प्यॆयि ज़न ॳस्य आसमानॖ यि बूज़िथ ज़ि यि क्याह गव रऻत्यनि मंज़ी । पलि प्यव नॖ कॆंह ज़ि ॴखॖर ॳस्य हय करव तॖ करव क्याह। गछ़व हय तॖ गछ़व कॊत। तीज़मालि गऺयि ॳछ नम यि वनान वनान। युथुय हिसाबा बोज़ च़ॖ मऻजी सपद्यव असि सॗत्य ति। बरादरन कऺर च़टवॖन्य कथ। म्यॆहाबा प्रूछ़्योमय ज़ि जंत्र मंत्रॖ ओसखा गोमुत। च़्यॆ डऻजिथ कथॖय ज़न। तीज़मालि वॊन बरादरस। कथ नय डऻजिम नॖ बऺल्कि कथि छुस कूशिश करान वाठ दिनॖच जंत्र मंत्रस सॗत्य।कथ छि जऻरी   

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

02.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

02.04.2022, च़ित्थॖर (चैत्र/चैत) ज़ूनॖ पछॖ (शुक्ल पक्ष) ऒक्दॊह (प्रथमा/प्रतिपदा) देवादेव बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र रेव, राश मेष (दुहचि 11.21 बजि प्यठॖ) द्रठॖपऻन्च़ुक

 (पंचक) (समाप्त), ऋतू बसंत (चलान)

---------------------------------

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

🍇🍇🍇🍇🍇🍇

नवरैह याने नॊव वऺरी नेरुन त्वहि सारिनी ह्रॊच़ तॖ फ्रूच़। मनोकामनायि ति गऺछ़ॖन्य सारिनी स्यद्ध

🍇🍇🍇🍇🍇🍇

बरादरन कॊर नवरेह मुबारक तीज़मालि तॖ तीज़मालि द्युतनस ॴशिर्वाद तॖ वॊनुनस च़ॖ हाबा बजाह गछ़ुन नवुन तॖ फ्वलुन कुल्य ज़गतस सान। बरादरन वॊन तीज़मालि ज़ि मऻजी यि नवरेह ॴस्य वख अकि मनावान कऺशीरि मंज़ बडॖ चिकॖ चावॖ सान। रामॖच़ऺन्द्रिनि ओस मऻलॖ लगान। बतॖ श्युन ह्यथ ॴस्य गछ़ान निशात, शालॖमऻर, हऻर्वन, नैहरू पार्क, चॆशमऻ शऻही। शुर्य ॴस्य नॖ अथि यिवान कुनि। गिन्दान द्रॊकान ॴस्य बॊफ्रूक पऻठ्य। ग़म दफऻयी ॴस गछ़ान। ताज़ॖ हवहऻस मंज़ आसॖ ब्वकॖ फ्वलान। ल्वकॖट्य मोसूम शुर्य ॴस्य नॖ नव्यन पलवन मंज़ व्यच़ान कुनि। द्वयत्रॖह च़्वयत्रॖह वऺरियुक सु मन्ज़रॖ छु बासान ज़न ति छि बस रातॖच कथ। कुनवॖहशथ कुनॖनमथ तॖ नमतॖस मंज़ युस बटन प्यठ ज़ुलुम तॖ नर-सम्हार कॊर तति कऺशीरि मंज़ मारॖवातलव ॳस्य कऻशिर्य बटॖ गऺयि तार तार। ख़बर कम पाफ ॴस्य असि कऺर्यमॖत्य यीत्य ज़ि मुठ्य फऺल्य मूरन गऺयि असि तॖ छऺकॖरावनॖ आयि कपऻर्य कपऻर्य लऺग्य ॳड्य लार तॖ ॳड्य दार। मऺशिथ गऺयि तिम बाग़, सु हवा सु फ़िज़ा। सु नच़ुन तॖ फ़ेरुन। बस रूद अगर याद तॖ सु गव सिरिफ़ सु गु़ज़ोरमुत वखॖत तॖ ब्यॆयि नॖ कॆंह। हमसूस छु यि असि ज़ि सान्यव शुर्यव वुछ नॖ कऺशीर तिमव छोव नॖ सु बसंत बहार यिमन द्वयत्रॖहन वऺर्यन। खऻर व्वमेद छि ज़ि अज़ नय तॖ पगाह, ॴसय ज़िन्दॖगऻनी वातव ब्यॆयि तिमन जायन यिमव जायव प्यठॖ प्यव असि करुन पलायन। बरादरन वॊन तीज़मालि। तथास्तु।  जवाब द्युत तीज़मालि। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)