01.04.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

01.04.2022, च़ित्थॖर ,(चैत्र/चैत) गटॖ पछॖ (कृष्ण पक्ष) मावस (अमावस्या) देवादेव शॊकुरवार (शुक्रवार/जुम्मा/भार्गववार), श्री सप्तर्षि सम्वत 5097, नक्षत्र उ.भा, राश मीन (चलान) ऋतु वसंत (चलान), द्रठपऻन्च़ुक (पंचक) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि ॳस्य हाबा गऺयि जऻन्य ति तॖ मऻल्य ति। आहनी मऻजी तथ मंज़ क्याह शक़ छु। कम बजि बजि लरि त्रऻविथ प्यव असि बटन कऺशीरि प्यठॖ च़लुन। दां ज़मीन तॖ म्यवॖ बाग प्यॆयि त्रावॖन्य तती। यि छु पऺज़्य पऻठ्य सान्यन ज़िठ्यन हुन्द कमाल ज़ि पानस कऻन्टॖ कऺरिथ, द्वख च़ऻलिथ, न्यॆन्दॖर गऺलिथ परनऻवख पनॖन्य शुर्य ति क्याज़ि सॊय व्वमेद अख ॴस असि ज़िन्दॖ थऻविथ ज़ि तऻलीम हऻसिल कऺरिथ ह्यकन सऻन्य शुर्य पनुन पान इस्तादॖ थऻविथ तॖ पौंसॖ च़ोर कमऻविथ। सान्यन शुर्यन हुन्द ति कमाल ज़ि तिमव छुनॖ उफ ति कॊरमुत मगर पनॖन्य तऻलीम गऺयि हऻसिल करान। कमव अज़ाबव तल नीरिथ द्रायि सऻन्य शुर्य तॖ बन्यॆयि गाशॖ तारख़। जायि हॖन्ज़ व्यछ़य रूज़ तॖ मजबूर गऺयि ल्वकट्यन ल्वकट्यन क्वकर मुर्यन मंज़ दॊह कडनॖ बापथ। बरादरन वॊन तीज़मालि ज़ि केंच़व कऺर ह्यमथ तॖ ह्यॆतिख फ्लैट मगर वुनि छि ग्रॆन्दि रॊस तिम लूख ति यिमन नॖ बिहिन्य सॊम्ब जाय छि तिम छि जगती ज्यॆमिस मंज़ रूज़िथ ॳकिस कुठिस मंज़ शॆ शॆ सथ सथ बऻच़। केंच़न हॖन्द्य शुर्य पऺर्यमॖत्य लीख्यमॖत्य मगर बेरोज़गार। यिथय पऻठ्य छि सानि कोरि ति परिमच़ॖ मगर बिहिथ बेरोज़गार। काशमीर फाईल्ज़ फिल्मि दिच़ ज़ीर केंच़न मीडिया वाल्यन यिम वुन्यक्यनस ह्यवान छि कऻशिर्य बटन हॖन्द्यन गरन गऺछ़्य गऺछ़्य नवि सरॖ खबरॖ सॊम्बरावनस मंज़ लगऺन्य  तॖ लूकन हॖन्द्य सितम सरकारस ताम वातनावनॖच कूशिश करॖन्य। फिल्मि तुल वुरुन ब्यॆयि ति वारिहान कथन। क्याहताम सॖरॖ गॖरॖ ह्यॊतुन गछ़ुन ह्यु। बरादरद वॊन तीज़मालि। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""

नऺविव तॖ फॊलिव

भूषण कौल"दीप"  

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऻस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

31.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

31.03.2022, च़ित्थॖर (चैत्र/चैत) गटॖ पछॖ (कृष्ण पक्ष) च़्वदह (चतुर्दशी) देवादेव ब्रसवार (गरूवार/वीरवार/ब्रहस्पतवार), श्री सप्तर्षि सम्वत  5097, नक्षत्र पू.भा, राश मीन (चलान) ऋतु वसंत (चलान) द्रठपऻन्च़ुक (पंचक) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस पानस सॖत्य ग्यवान ज़ि बॖ हा छस कऻशिर कूर, कऺशीरि प्यठॖ लऺज्यमॖच़ स्यठाह दूर, छस बॖ ब्यॆयि हना मजबूर, याद छुम प्यवान ल्वकचारुक गूरॖ-गूर। बरादरन बूज़ तीज़मालि हुन्द यि वच़ुन तॖ प्रुछ़ुनस हऻरऻन्यगी सान ज़ि मऻजी अज़ कथ कथि प्यठ प्यॆयि च़्यॆ यिम हर्फ ज़ॖ च़ोर याद। म्यॆहाबा प्यॆयि हंगतॖ मंगॖ कऺशीर अज़ याद। जवाब द्युत तीज़मालि बरादरस। नाय तॖ कऺशीर मऺशिथ गछ़ि कऺमिस तॖ किथॖपऻठ्य। बरादरन कऺर पनॖनि कथि वज़ाहत। कऺशीर हाबा छि याद व्वंय च़्यॆ तॖ म्यॆय यऻच़। नवि पुयि छु नॖ कॆंह न्युन ह्यॊन कऺशीरि। यिम त्रॖह पान्च़ॖत्रॖह वऺरी असि कऺड्य कऺशीरि न्यबर, सान्यन शुर्यन छॆ नॖ बॊयी ज़ि कऺशीर छा जाय किनॖ  कांह जानवर। तीज़मालि वॊन बरादरस। सान्यन शुर्यन छॆ नॖ पताह ज़ि तिहॖन्ज़ कऻशिर ज़्यव छि क्याह। ॳस्य ति छि यी वऺनिथ पनुन कचुल बाह त्रॊक करान ज़ि कऺशीरि मंज़ छिनॖ व्वंय मुस्लमान ति कऻशिर्य पऻठ्य कथ करान। याने ॳस्य छि यि मऻनिथ पकान ज़ि ज़न छि तिमय सऻन्य वतॖ हावक। मत्लब मुस्लमान अगर कऻशिर पऻठ्य कथ छु नॖ करान, ॳस्य बटॖ ति अगर कऻशिर्र पऻठ्य कथ करव नॖ तॖ कांह फरॖख छॆ नॖ प्यवान। यि छि असि ग़लत सोंच। असि छुनॖ फिकिरी तरान यि ज़ि मुस्लमान संख्या छि हुर्रान गछ़ान दॊह पतॖ दॊह तॖ कऻशुर बटॖ छु छ़ॊकान संख्यायि मंज़ दॊह पतॖ दॊह। कऺशीरि मंज़ ओस माहोल केंच़व रंगव बडॖ जान वख अकि मगर केंच़व रंगव ओस सख गन्दॖ तॖ सितमलद। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

ज़ऺर्य बूज़ बहि वुहॖर्य बडशाह मूद। असर ह्यॊतुन सपदुन बासान छु। दपान मानॖनीय जज सऻब छु यछ़ान बोज़ुन व्वंय ज़ि अमा कऻश्यरिस बटस क्याह सना गऺयो कऺशीरि मंज़ कुनवुहशथ तॖ नमतस मंज़। सु छु यछ़ान व्वंय ज़ालुन ज़ि कम सना ॴस्य तिम यिमव नर-संहार कॊर। हालांकि दपान यॆमि ब्रोंह ति करेयो असि विलज़ार मगर न आव सरकारस आर तॖ न बूज़ न्यायालयन सोन ज़ारॖपार। असि बटन पज़ि नमुन तस यॆम्य यि फिल्म काशमीर फाईल्ज़ बनऻव तॖ तस्दीक़ कॊर सारिवी ज़ि यि फिल्मि मंज़ हावनॖ आमुत छु ति छु पऻज़्यपऻठ्य गुदर्योमुत असि। जज सऻब ति दपान छु मऻनिथ ज़ि सॊबूत छु कऻफी कऻतिलस ताम वातनॖ बापथ। बस दुआ करव ज़ि तिम मारॖवातल गछ़न ज़िन्दॖ रोज़ॖन्य तीतिस कालस यीतिस कालस मंज़ तिमन ज़िन्दॖ-ज़ुवसॖय सज़्ज़ा यी बोज़नावनॖ तॖ दिनॖ ति। असि प्यॆयि शैहलत हिश कुनि हदस ताम। हालांकि न्वक्सानॖच पूर्ती गछ़िनॖ वुम्बरन मगर दग़ लॊति हिश। 

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

30.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

30.03.2022, च़ित्थॖर (चैत्र/चैत) गटॖ पछॖ (कृष्ण पक्ष) त्रुवाह (त्रयोदशी) देवादेव ब्वदवार (बुधवार), श्री सप्तर्षि सम्वत 5097, नक्षत्र शत, राश मीन (रऻच़ हॖन्ज़ि 4.32 बजि प्यठॖ) ऋतु वसंत (चलान) द्रठपऻन्च़ुक (पंचक) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि यॊदवय खान्दरस ताम छि कूर आसान मऻलिस माजि हॖन्दिस सायेबानस तल, खान्दरॖ पतॖ छि कूर न्वश हॖन्दिस रूपस मंज़ वऻरिव गरस मंज़ क़दम थवान तॖ तति छु निज़ाम बदलान। खान्दार अकि तरफॖ दाय तदबीर दिवान तॖ बकाया वऻरिव बऻच़ ब्यॆयि तरफॖ। ॳमिस न्वशि छि वऻरिव वऻतिथ पनॖन्य ति कॆंह अरमान व्वतलिथ यिवान। खान्दरॖ ब्रोंह छि यि कूर आज़ाद ख़यालन रंग बरान रोज़ान मगर खान्दरॖ पतॖ छि तस्वीर यकदम बदलान। परस्तिथि बदलान, सोंच बदलान, व्यवस्था बदलान, ज़िम्वऻरी बदलान, जाय बदलान, राय बदलान। अथ बदलावस कुन वुछिथ छि रातॖच कूर ॳज़िच न्वश बऺनिथ पऺरिथ लीखिथ आसनॖ पतॖ ति या नोकरी मंज़ ॳसिथ ति सोंच़ान ज़ि क्याह रोज़ि जान। यि फऻसलॖ करुन ति छु वख्तस स्यठाह मुश्किल आसान। बरादर प्यव तीज़मालि हॖन्ज़ कथ बूज़िथ सोंचस ज़ि कऺशीरि मंज़ रूज़िथ ओस माहोल बदलय। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कथि मंज़ क्वथ कडनस मंज़ छि ॳस्य कऻशिर्य बटॖ ताक़। पानॖ करव नॖ कॆंह मगर ब्यॆयिसॖन्दिस कऺर्यमॖतिस रोज़व कॖठ कडान। काशमीर फाईल्ज़ फिल्म बनावनस मंज़ कऻच़ाह मॆहनत आसि लऺज्यमॖच़ यि ज़ानि फिल्म बनावनवोलुय मगर तऺम्यसुन्द मक्सद यक तरफ़ा कऺरिथ ह्यॆच़ असि मंज़ केंच़व सियासत करॖन्य। ॳड्य वनान सोरुय छु नॖ आमुत हावनॖ, ॳंड्य वनान यूत हावनॖ आमुत छु तथ मंज़ छु नॖ कुनि कुनि जायि पूरॖ पज़र आमुत हावनॖ या पज़र वनॖनॖ आमुत। ॳड्य दपान अथ फिल्मि गछ़ि नॖ टैक्स लगुन। ॳड्य दपान अख कथ तॖ ॳड्य दपान ब्याख कथ। मगर म्यॆ छु बासान ज़ि अमि फिल्मि वॖज़ॖनऻव्य सऻरीय। अमि फिल्मि दऺस्य गऺयि तिम सऻरी बेदार यिम यिमन द्वयत्रॖहन वऺरियन या ज़ऻनिथ मऻनिथ ॳछ बंद कऺरिथ ॴस्य या थिमन ताम नॖ अस्लियथ वातनावनॖच कूशिश ॴस आमॖच़ करनॖ। फिल्म वुछिथ छि सऻरी त्राहि त्राहि करान। कऻशिर्य बटन प्यठ यूत ज़ुलुम तॖ तमि पतॖ ति सरकऻर्य कारवऻही नदारत। जिहाद कॊर शॊरु मुस्लमानव न कि बटव।  मुस्लमानन मोर मुस्लमान न कि बटन। बटॖ ति मोर मुस्लमानवॖय तॖ वुन्युखताम आव कऺशीरि मंज़ सुय मारान। वुछुन छु सरकार किथॖ पऻठ्य दी बटस इन्साफ तॖ कॊत ताम छु बटस ब्यॆयि प्रारुन।

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिवkoshursabak.blogspot.com प्यठॖ ति)

29.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

=---------------------------------

🙏🙏 नमस्कार माहरा

29.03.2022, च़ित्थॖर (चैत्र/चैत) गटॖ पछॖ (कृष्ण पक्ष) बाह (द्वादशी) देवादेव बॊम्वार (मंगलवार), श्री सप्तर्षि सम्वत 5097, नक्षत्र धनिष्ठा, राश मकर (चलान) ऋतु वसंत (चलान) द्रठपऻन्च़ुक (पंचक) (चलान) 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि सऻनिस समुदायस मंज़ हाबा छु प्रथ मऻलिस माजि बॊड तमाह ज़ि तऺम्यसुन्द शुर गोछ़ परुन ल्येखुन तॖ पनॖन्यन कॊठ्यन प्यठ खडा रूज़िथ पनुन भविष्य बनावुन। आहनी मऻजी च्यऻन्य कथ छि पऺज़ मगर त्यॆलि क्याह वजह छु ज़ि सानि कोरि छि परान लेखान ग्वडॖ तॖ यान्य वऻरिव तान्य छि वातान तॊत वऻतिथ छि कॆंह कोरि स्व कमऻवमॖच़ तऻलीम दर-किनार कऺरिथ पनुन पान गर-ग्रहस्ती सम्बालनस मंज़ लागान। वारिहान गरन मंज़ छु यिहऻय हाल नज़र यिवान। बरादरन थऺव कथ जऻरी यि वऺनिथ ज़ि ग्रेज्यवेट, एम ए  वगैरा ताम परिमच़ॖ कोरि छि खान्दरॖ पतॖ अख या ज़ॖ शुर्य ह्यथ नोकरी त्रऻविथ गरन मंज़ बिहिथ बेकार। केंच़न गरन मंज़ वुछुम ज़ि रून तॖ ज़नान द्वशवय पऺर्यमॖत्य लीख्यमॖत्य शुर्य ज़ॖ गरस मंज़ मगर ज़नान कमावान तॖ मर्द बेकार बिहिथ ज़नानि हॖन्ज़ि कमायि प्यठ ॴशाह करान। रून गरॖ सम्बालान, किचनस मंज़ ज़ियाफतॖ बनावान रोज़ान तॖ शुर्य ज़ॖ सम्बऻलिथ दॊह दॊह कडान। ॳजीब हवा छु लॊगमुत सानि ज़ऻच़ अज़कल। हश ह्युहुर या मोल मऻज्य छि कऻन्सि कऻन्सि थऻव्यमॖत्य लबि ताकस तॖ दायन हवालॖ कऺर्यमॖत्य पनॖन्य शुर्य। बुडॖ तॖ बुडिन्य दूरि बिहिथ ॳज़्यक्यन शुर्यन हुन्द यि बदलाव वुछान तॖ पनुन ल्वकचार याद करान रोज़ान। तीज़माल छि बोज़ान। कथ छि जऻरी।

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

क्रोध आक्रोष विरोध एहतिजा छु चलान यनॖ काशमीर फाइल्ज़ फिल्म आयि हावनॖ लूकन।  सपदुन ह्यॊतुन यि ब्यॆयि अकि फिरि ताकि सरकारस यिन ॳछ   मुच़रावनॖ तॖ वुछि ज़ि असि कऻशिर्य बटन सॗत्य क्याह क्याह गुदर्यव तॖ कोताह ज़ुलुम आव करनॖ कऺशीरि मंज़ अज़ द्वयत्रॖह वऺरी ब्रोंह। दपान मुस्तमान ति मूद्य तथ दहशतस मंज़ मगर वुछुन छु यि ज़ि कऺम्य कुस मोर तॖ क्याज़ि मोरुन। वुछुन छु यि सरकारस ज़ि मारॖ-वातल ज़िन्दॖ क्याज़ि छि वुन्युखताम। ब्यॆग्वनाह मूद्य ग्रॆन्दि रॊस मगर ग्वनाहगार किथॖ पऻठ्य छि ज़िन्दॖ तॖ नच़ान खुले आम यिथ छु सोंचुन सरकार।  सरकार क्याज़ि छु ॳछन पऺट गन्डिथ कनॖ डोल दिथ अज़ताम। क्याह वजह छु। अख बॊड सवाल ह्यथ प्रारान कऺशिर्य बटॖ जवाबस।  तवय विरोध चलान जायि जायि।

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

28.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

------------------------------ 🙏🙏नमस्कार माहरा

28.03.2022, च़ित्थॖर (चैत्र/चैत) गटॖ पछॖ (कृष्ण पक्ष) काह (एकादशी) देवादेव च़ऺन्दॖरवार (सोमवार),  श्री सप्तर्षि सम्वत 5097, नक्षत्र श्रवण, राश कुम्भ (रऻच़ हॖन्ज़ि 11.53 बजि प्यठॖ), ऋतु वसंत (चलान)..अज़ छु द्रठॖपऻन्च़ुक (पंचक) शॊरु

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

********************** 

म्यॆ छॆनॖ फिकिरी तरान मऻजी अख कथ ज़ि सानि ज़ऻच़ मंज़ यिम कॆंह कोरि थऺज़ थऺज़ तऻलीम हऻसिल करान छि तिम क्याज़ि छि खान्दरॖ पतॖ नोकरी न कऺरिथ सिरिफ गर ग्रहस्ती मंज़ लगान। बरादरन प्रुछ़ तीज़मालि। तीज़माल गऺयि निशब्द ब्रॖन्ज़िस ॳकिस तॖ वॊनुन बरादरस ज़ि च्योन वनुन हबा छु पॊज़ दफ तिम कोरि छि मऻलिस माजि हुन्द पौंसॖ बरबाद करान। यॊदवय तिमन नोकरी छॆनॖ आसान करॖन्य तिम यीच़ तऻलीम हऻसिल करानॖय क्याज़ि छि। बरादरन कॊर दॊयिम सवाल तीज़मालि कुन। तीज़माल प्यॆयि सोंचस ज़ि बरादर सॖन्दिस अथ कथि क्याह जवाब दिमॖ। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

महामऻरी ह्यॆच़ॖन गलॖन्य शायद तॖ लुकव ह्यॊत फ्रख ह्यु त्रावुन। हवनन हुन्द सिल्सिलॖ गव शॊरु। राथ ओस त्र्यन जायन हवन आमुत करनॖ याने सिद्वेश्वर माता मन्दिर, कश्यप ऋषी विहार, सुदामापुरी, टिगरी मोड, गौर सिटी, नोयडा, प्रताप विहार कशमीरी पंडित कमीटी, जी ब्लॏक, शिव मन्दिर,  प्रताप विहार, गाज़ियाबाद तॖ मयूर विहार फेज़-3, दिल्ली। यिम हवन आयि लोक कल्याण खऻतरॖ करनॖ। बख़त ॴस्य जान संख्यायि मंज़ आमॖत्य पूर्ण आहूति दिनॖ बापथ तॖ नऺवीद करनॖ बापथ तॖ मॊंगुख भगवानस अनुग्रह कुल ज़गतस।

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

27.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

27.03.2022, च़ित्थॖर (चैत्र/चैत) गटॖ पछॖ (कृष्ण पक्ष) दऺहम (दशमी) आथवार (रविवार/ऐतवार), श्री सप्तर्षि सम्वत 5097, नक्षत्र उ.षा,  राश मकर (चलान) ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी यि छि पताह सारिनी ज़ि ॳस्य कऻशिर्य बटॖ छि नॖ बऺहरान स्यॊद श्राकॖपुच अथस क्यथ तुलनस तॖ बाकी हऺथ्यारन हॖन्ज़ छॆनॖ कथॖय। आहनबा असि मा छि दित्यमॖत्य तिम संस्कार पनॖन्यन शुर्यन। तीज़मालि द्युतनस जवाब। मगर वख छु बदल्योमुत। असि ति पज़ि म्यॆ बासान पनुन बचाव करनॖ बापथ काह नतॖ कांह व्वपाय छ़ान्डुन। बरादरन बऺडरऻव कथ ब्रोंहकुन। भगवद् गीतायि मंज़ ति छु भगवान कृष्ण अर्जुनस वनान ज़ि ज़ुलुम कऻन्सि प्यठ करुन छु पाप मगर पानस प्यठ ज़ुलुम बरदाश्त करुन ति छु पाप। पनुन धर्म, मान यज़थ, संस्कार बचावनॖ बापथ यॊदवय कॆंह ति प्यॆयि करुन सॖ छु नॖ पाप। ॳस्य आयि आतंकवादस मंज़ ह्यनॖ, ॳस्य गऺयि प्रथ कुनि चीज़स निशि छ़्यनॖ। मगर असि पज़ि नऺव पुय तयार करॖन्य ताकि तिम ह्यकन मुकाबल कऺरिथ। वख्तॖच मांग छि यी म्यॆ बासान। बरादरन वॊन तीज़मालि। सऻन्य शुर्य करना परनस ल्येखनस कुन किनॖ बचावस कुन। तीज़मालि प्रुछ़ बरादरस। दॊश्यवय चीज़ छि व्वंय सॗत्य सॗत्य पकनावॖन्य। ति करनस हाबा लगि वऻन्सा। तीज़मालि वॊन बरादरस। मगर करुन प्यॆयि कॆंह नतॖ कॆंह। कथ छि जऻरी।

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऻफी तूं तूं मैं मै गव व्वंय। काशमीर फाईल्ज़ फिल्मि मंज़ हावनुक मक्सद ति गव पूरॖ। सोंचुन छु असि ज़ि अमि ब्रोंहकुन क्याह छु असि करुन। फिल्मि वुज़ॖनऻव्य कॆंह तिम यिमव सोन दोद मऺशरोवमुत ओस। मगर मस्लॖ सऻन्य छि तती यॆत्यनस तिम ॴस्य। वुछुन छु ज़ि सरकार क्याह छु सोंचान नवि सरॖ तॖ किथॖ पऻठ्य करि सान्यन ज़ख्मन मरहम। वुछुन छु ज़ि ग्वनाहगारन म्यॆल्या सज़्ज़ा। वुछुन छु ब्यॆयि कॗतिस कालस छु असि प्रारुन न्याय मेलनस तॖ गरॖ वापस गछ़नस।

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

26.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

26.03.2022, च़ित्थॖर (चैत्र/चैत) गटॖ पछॖ (कृष्ण पक्ष) नवम (नवमी) बटॖवार (शनिवार/शनिश्चरवार), श्री सप्तर्षि सम्वत 5097, नक्षत्र पू.षा, राश मकर (रऻच़ हॖन्ज़ॖ 08.28 बजि प्यठॖ), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

********************** 

बॖ छुस सोंचान मऻजी ज़ि कऻशिरिस बटस क्याज़ि आव विक्षीप विज़ि विज़ि। पऺत्यम्यव शॆयव हतव वऺरियव प्यठॖ क्याह क्याह प्यव वुछुन असि कऻशिर्यन। धर्म परिवर्तन करनोवुख, कत्लेआम कॊरुख, बटॖ लूठ कॊरुख, ज़मीन नियख, कऺशीरि प्यठॖ च़ऺलरऻविख, वदनऻविख, खोच़ॖनऻविख। कमव कमव कन्ड्यव प्यठॖ पकनऻविख, बलात्कार कॊरुख, आरि प्यठ चीरिख मगर बटॖ रूद यि ज़ुल्मो तशदुत बर्दाशत करान। ति क्याज़ि असि तुल नॖ हऺथ्यार अथस क्यथ। असि थॊव हर हमेशॖ क़लम अथस मंज़। ज़ुलुमगारन बास्येयि ॳस्य कमज़ोर। मगर म्यॆ बासान वख्तॖच मांग छि वनान ज़ि क़लमॖच रफ़तार रूज़िन मगर हऺथ्यार आसुन ति छु ज़रूरी। परुन लेखनुय योत छुनॖ कऻफी बऺल्कि पनुन बचाव पानॖ करुन ति छु व्वंय वखॖत मंगान। कॗतिस कालस रोज़न असि प्यठ गुर करान। कॗतिस कालस रोज़व ॳस्य मोहताज कऻन्सि प्यठ। अगर ॳस्य वुनि ति पनॖन्य सोंच बदलावव नॖ म्यॆ छु विश्वास ॳस्य कऻशिर्य बटॖ यिमव पिहनॖ यॆमि ब्रोंहकुन ति। बरादर गव वनान तॖ तीज़माल गऺयि बोज़ान। आहनबा कॆंह नतॖ कॆंह प्यॆयि करुनुय। तीज़मालि वॊन बरादरस। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

सऺही राजनीति छि यिवान करनॖ अज़कल काशमीर फाईल्ज़ फिल्मि प्यठ। ॳकिस दज़ान दऻर ब्याख वुशनावान अथॖ। यॆम्य ति यि फिल्म वुछ सु छु त्राहि त्राहि करान मगर कॆंह छि यिम अथ फिल्मि ब्यॆयि कुनि नज़रि सॗत्य वखनय करान छि। सऻरी छि ब्यॆयसॖन्दिसॖय कलस प्यठ डून्य फुटॖरावान। ज़ानि सुय यॆमिस नमतस मंज़ या तमि ब्रोंह या पतॖ तॊत छु लॊगमुत कऺशीरि मंज़ तऺमिस छु आमताव वुनि लऺग्यथॖय। यिमन नॖ तॊत लॊगमुत छु यि फिल्म छि तिहॖन्दि बापथ खासकर ताकि तिमन तरि फिकिरी ज़ि सरकारन किथॖ पऻठ्य थॊव पनॖनि बेशरमी तॖ बेरहमी प्यठ परदॖ यि ज़ऺनिथ ज़ि ॳथ्य दऻर्य वुछनय सानि ॳछ मॖ वुछनय। फिल्मि तुल वुरुन थॊद तॖ नन्यव ज़ि सरकारन क्याह छुन कॊरमुत स्यॊद तॖ क्याह छुन कॊरमुत हॊल

************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

25.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

25.03.2022, च़ित्थॖर (चैत्र/चैत) गटॖ पछॖ (कृष्ण पक्ष) ॴठम (अष्टमी) शॊकुरवार (शुक्रवार/जुम्मा/भार्गववार), श्री सप्तर्षि सम्वत 5097, नक्षत्र मूल, राश धनु (चलान), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

दमी डींठॖम नद वहवनी

"दमी ड्यूंठुम सुम न तॖ तार

दमी डींठॖम थऺर फ्वलवॖनी

दमी ड्यूंठुम गुल न तॖ ख़ार"

मऻजी यि लल-वाक् कती प्यॊय च़्यॆ याद। बरादरन प्रुछ़ तीज़मालि। ज़्यूठ व्वशा त्रऻविथ वॊन तीज़मालि ज़ि माधव जुवुन गरॖ प्योम याद। वख अकि वुह पॖन्च़ॖह बऻच़ ल्वकॖट्य बऺड्य मिलनऻविथ तॖ अज़ नॖ च़ोर बऻच़ ति मीलिथ। कति सु शोरोगुल तॖ व्वंय नॖ तति च़ऺर तॖ हऻर नॖ बिल्यबिचुर तॖ न बुलबुल। बरादरन द्युत कथि दमा ह्यु तॖ वॊनुन तीज़मालि ज़ि च्योन वनुन छु स्यठाह पॊज़।कऺशीरि मंज़ यॊदवय ॳस्य पनुन वंशज वुछव तॖ हऻरऻन्यगी छि सपदान। यिम मुस्लमान अज़ कऺशीरि मंज़ रोज़ान छि यिहॖन्द्य पूर्वज छि सऻरी बटय ॴस्यमॖत्य अज़ शॆ सथ वऺरी ब्रोंह। ती आयि ॳस्य बोज़ान वुन्युखताम। म्यॆहाबा बूज़ गुलाम नऺबी आज़ाद युस मिनिस्टर ओस अज़ कसताम रिपोर्टरस वनान ज़ि तऺम्यसॖन्द्य पुर्वज ति  छि कऻशिर्य बटॖ ॴस्यमॖत्य शॆ सथ वऺरी ब्रोंठ। बरादरन बऺडरऻव पनॖन्य कथ यि वऺनिथ ज़ि मऻजी शॆख मॊहम्मद ऒब्दुलाह सॖन्द्य पूर्वज ति छि बटय ॴस्यमॖत्य। दफ कऺशीरि मंज़ॖक्य सऻरी मुस्लमान छि च़कि कऻशिर बटॖ ॴस्यमॖत्य। इतिहास छु गवाह अमि कथि हुन्द। मगर धर्म परिवर्तन कॊर तिमव तॖ डऺजिख नियर तॖ यि नसॖल थऻवॖख प्यतरावॖन्य असि। बरादरन कऺर कथ पूरॖ। यि वुछिथ छु इन्सान दपान ज़चि च़टहऻ। युसुय रॊछुम तऺस्य निशॖ रछतम ख्वदायो। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

काशमीर फाईल्ज़ फिल्मि प्यठ छि चर्चा जऻरी। रोज़ॖन्य ति गछ़ि। यीच़ मेहनत छि आमॖच़ करनॖ पज़र पऺज़रावनॖ बापथ। बेखबरन खबरदार करनॖ बापथ। सरकारस वुज़ॖनावनॖ बापथ। मऺशिथ गोम ग़म म्यॆ पनुनुय ग़म च्योन याम नज़र आम। डॊलुम ह्यस होश य्यॆ रोवुम क़हर च्योन याम नज़र आम। हालांकि यि फिल्म हावान हावान गोछ़ इन्कलाब युन मगर बासान छु कॆंह लूख छि ज़ऻनिथ मऻनिथ अथ पज़रस प्यठ ति सियासत करान। दरअसॖल छि अख कथ पऺज़़ स्व गऺयि यि ज़ि दपान आज़मोवमुत गव पोवमुत। सरकारन तॖ हरकारन छु अज़ताम कऻशुर बटॖ आज़मोवमुत तवय छख नॖ शायद ग्रेन ति गछ़ान। मगर अज़ नय तॖ पगाह न्याय मेलि असि ति। सास रंग ज़िन्दगी बदलान मनॖ यो गछ़ च़ॖ मोयूस अज़ निराशा छि आशा पगाह रऻच़ हुन्द सफर बस छु क्रूठ

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिवpodcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

24.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

24.03.2022, च़ित्थॖर (चैत्र/चैत) गटॖ पछॖ (कृष्ण पक्ष) सतम (सप्तमी) ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5097, नक्षत्र ज्येष्ठ, राश धनु (शामन 05.30 बजि प्यठॖ), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

माधव जुवनिस गरस मंज़ वऻच़ नोबथ योत ताम ज़ि ॳड्य वऻत्य बंगलोर, ॳड्य मुम्बय, ॳड्य पूने, ॳड्य जयपुर, गरॖ प्यव कॖनुन तॖ मुस्लमान ॴस्य ॴस वाहरऻविथ प्रारान ज़ि कुस दॊह आसि यॆलि सु अच़ि अन्दर तॖ ॳन्दरिम बटॖ आसि न्यबर। समयन द्युत युथ फ्युर ज़ि माधव जुवुन नाव ह्यॊतुन मऺशिथ गछ़ुन तॖ नवि पुयि ह्यॊत नॊव नच़ुन। यिम वख अकि ॳक्यसॖय थालस मंज़ नानि हॖन्दि अथॖ ॴस्य बतॖ ख्यवान तिमनॖय छुनॖ अज़ पनॖनि माजि मऻलिस ताम वातनस वार व्यस्तार। अड्यन कॊर्यन गव खान्दर पनॖनि ज़ऻच़ मंज़, अड्यव अनि पर-ज़ऻच़ प्यठॖ कोरि, दूर गॖयि अख ॳकिस निशि। हालात बदल्यॆयि, सरकार बंदल्यॆयि, गरॖ प्यठॖ गऺयि बॆगर। माधव जुवन तॖ सऻम्पकुजि हुन्द फोटुव छु यिवान नज़र प्रथ कऻन्सि हॖन्दिस गरस मंज़ मगर तिम संस्कार तॖ स्व संस्कृति छॆनॖ नज़रि यिवान कुनी। तीज़मालि वॊन बरादरस। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

काशमीर फाईल्ज़ फिल्मि हुन्द असर ह्यॊतुन शमुन वारॖ वारॖ। कॊर केंच़व लुकव वदुना रिवुना, केंच़व होव पनुन जोश, केंच़व रोश। आयि कथा गऺयि कथा। सवालॖ छु टाकारॖ ह्यु तऺती खड़ा ज़ि कऻशिरिस बटस ब्रोंहकुन करुन छु क्याह।  अथ कथि प्यठ छि वुनि सऻरी ॴसस त्रॊप दिथ। ब्यॊन ब्यॊन चन्नलॖ छि ब्यॊन ब्यॊन महानुबावन प्रॖछ़गऻर करनस मंज़ आवॖर्य  तिहॖन्ज़ राय ज़ानॖनॖ बापथ ज़ि ॴखॖर गव क्याह कऺशीरि मंज़। करॖ प्यठॖ गव, कयाज़ि गव, कमन सॗत्य गव, कॗति कालॖ प्यठॖ गव, कऺम्यसॖन्दिस राजस मंज़ गव, कमव कॊर, तिमन सॗत्य क्याह वर्ताव कॊरुख, बटॖ च़ॊला पानॖ किनॖ च़ॖलॖरोवुख, वापस कऺशीरि गछ़नुख व्वपाय क्याह छु वगैरा वगैरा। यॆकीन कऺरिव ज़ि यिम छि सारेय तिमय कथॖ यिम पऺत्यम्यव द्वयत्रॖहऻव वऺरियव प्यठॖ वाच़ॖ असि बोज़ान किताबव दऺस्य, फिल्म दऺस्य, ड्रामाहऻव दऺस्य, बऻतव ज़ऺरियि, रू बा रू, ॵन लाईन, ॴफ लाईन। समादान छुनॖ नज़र यिवान। दृड न्याय (याने restorative justice) छुन मुम्किन। 

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

23.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

23.03.2022, च़ित्थॖर (चैत्र/चैत) गटॖ पछॖ (कृष्ण पक्ष) शॆयम (षष्ठी) ब्वदवार (बुधवार) श्री सप्तर्षि सम्वत 5097, नक्षत्र अनु, राश वृश्चिक (चलान) ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

********************** 

दॊह अकि न्यूनस म्यॆथरन पनुन गरॖ। बॖ नॖ मानान तॖ सु नॖ पच़ान। तऺमिस ओस पनुन कुठ दॊयिमिस पोरस प्यठ। कुठिस मंज़ अच़नॖ ब्रोंह थॊवनस बॖ ॳडिस मिन्टस वुज़स मंज़ खड़ा तॖ पानॖ च़ाव अन्दर। अडि मिन्टॖ पतॖ तुलुन दरवाज़ुक पर्दॖ तॖ च़ोनॖनस पनॖनिस कुठिस मंज़। बीठ्य द्वशवय ॳस्य कथ  बाथ करनि मगर म्यॆ बडेयि बेतऻबी यि ज़ानॖनॖ बापथ ज़ि ॴखॖर ॳम्य क्याज़ि थॊवनस बॖ वुज़स मंज़ प्रारवुन। बरादरन वॊन तीज़मालि। च़्यॆ प्रुछ़तस ना। तीज़मालि कॊर सवाल बरादरस। आहनी मऻजी असान असान प्रुछ़मस। तॖ क्याह वॊनॖनय। तीज़माल ति गऺयि बेसबॖर बोज़नॖ बापथ। तऺम्य दिच़्येयो ग्वडॖ कनॖ डोल मगर म्यॆति तुजिस नॖ थफ। असान असान वॊन तऺम्य म्यॆ ज़ि च्यानि बऺयकाकनि छि सुबहस आसान लऺज्यमॖच़ च़लॖ लार। सुबहऻय न्यॆन्दरि वॊथिथ छि ब्रान्दॖ फश दिवान, बुथ अथॖ छऺलिथ चोकस अच़ान, बतॖ स्युन रऺनिथ सु बॊबजियस तॖ काकनि ब्रोंहकनि थवान कुनि पलवस वऺलिथ, पतॖ द्वन शुर्यन श्रान करुन, किताबॖ बस्तॖ तयार करुन, पतॖ पानस नाश्तॖ करुन तॖ सॗती स्कूलॖच तयऻरी करॖन्य। मगर यिमन काम्यन तॖ च्यऻनिस प्रारनावनस क्याह वाठ छु। तीज़मालि प्रुछ़ बरादरस। म्यॆति तॊर नॖ ग्वडॖ फिकिरी कॆंह मगर असली कथ वऺन्य तऺम्य पतॖ। बरादरन वॊन। दॊपुन पानस पलव बदलावनॖ विज़ि छॆ नॖ तस यीच़ फुर्सथ आसान ज़ि पनॖन्य कऺड्यमॖत्य पलव थविहे डंगॖ सान। ब्लौज़ छु आसान कत्यथ  ताम, पेटीकोट कत्यथताम, अख वऻकॖ लठुर यॆत्यनस, ॳन्दरिम वरदन हुत्यनस याने सोरुय छु आसान वाहरऻविथ। ग्वडॖ प्यॆयम यिम सऻरी पलव सॊम्बरॖन तॖ तवय प्यॊय च़्यॆ प्रारुन। यि बूज़िथ आव म्यॆति असुन मगर हऻरऻनी ति गऺयम ज़ि कऺशीरि मंज़ क्याह क्याह आसॖ सानि ज़नानॖ करान रोज़ान। म्यॆहाबा छु बासान ज़ि ॳज़्यचि ज़नानॖ ह्यकन नॖ तिमन ज़नानन सॗत्य मान कऺरिथ। तीज़मालि वॊन बरादरस। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

काशमीर फाईल्ज़ फिल्मि सॗत्य आयि मुच़रावनॖ नवि सरॖ केंच़न किताबन हॖन्द्य वरख यिमव प्यठॖ परनस तल छु यिवान ब्यॊन ब्यॊन मज़मून तॖ परनवोल छु पनॖनि पनॖनि आयि तॖ त्रायि परान तॖ मत्लब कडान। दपान यॊत ताम पॊज़ पजि तॊत ताम आलम दज़ि। यि दऺपिथ कथ ज़ानि दय कऺम्य छि वऺन्यमॖच़ तॖ क्याह आज़मऻविथ छन वऺन्यमॖच़ मगर पज़ि मनॖ छन वऺन्यमॖच़। यनॖ प्यठॖ यि फिल्म आयि हावनॖ तनॖ प्यठॖ छुनॖ केंच़न ऒश ठऺहरान, केंच़न छुनॖ विश्वास यिवान ज़ि यी छा सपद्योमुत पऻज़्यपऻठ्य, केंह छि खारान तक्सीर सरकारस, केंह छि ग्वनाहगार ठऺहरावान ॳकिस तॖ केंह ब्यॆयिस। म्वख्सरॖ ठानॖ वऺथ्य बानन ब्यॆयि अकि फिरि तॖ पताह छॆनॖ यि कथ कॊत ताम ज़्येठि। ज़ीठिथ पतॖ अन्जाम क्याह नेरि। 

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

22.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

22.03.2022, च़ित्थॖर (चैत्र/चैत) गटॖ पछॖ (कृष्ण पक्ष) पऻन्च़म (पंचमी) बॊम्वार (मंगलवार),श्री सप्तर्षि सम्वत 5097, नक्षत्र विशा, राश वृश्चिक (दुहचि 02.33 बजि प्यठॖ), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

अकि वख्तुक बॊरुत गरॖ ओसुन ह्यॊतमुत श्रॊकुन वख्तस सॗत्य सॗत्य। तीज़मालि वॊन बरादरस। द्वशवय बऻय यिम मास्टर ॴस्य ॴस्य आमॖत्य सोज़नॖ अख लार तॖ ब्याख दार याने अख अनन्तनागॖ तरफॖ कथ ताम गामस तॖ ब्याख वरमुलि तरफॖ कथ ताम गामस। बरादरन वॊन तीज़मालि ज़ि मऻजी ख़बर पॊज़ क्याह तॖ अपुज़ कयाह म्यॆ छु बूज़मुत ज़ि बटॖ मास्टरन दपान ॴस्य ज़ऻनिथ मऻनिथ दूर दूर गामन सोज़ान रोज़ान तॖ मुस्लमान मास्टरन ॴस्य गरस नऺज़्यदीक नऺज़दीक स्कूलन मंज़ सोज़ान रोज़ान। तिहाबा छुय पॊज़। तीज़मालि कॊर तस्दीक बरादरनि कथि। ज़ानि दय कऺशीरि मंज़ क्याज़ि ओस सरकारस कऻशिर्य बटस सॗत्य यूत ज़िद। मास्टरन सॗत्य सॗत्य ओस सरकार मास्टरबायन ति शहरॖ प्यठॖ दूर दूर गामन तॖ गुटन सोज़ान रोज़ान। बरादरन वॊन तीज़मालि ज़ि मऻजी कथि कथि मंज़ प्यॆयम अख कथा याद। क्वस बा कथ। तीज़मालि प्रुछ़ बरादरस। मऻजी म्यॆ ओस अख म्यथॖरा अख। ॳम्यसॖन्ज़ खान्दार्यन ॴस मासटरबाय। यि ॴस रोज़ान कऺशीरि मंज़ पानॖ ॴल्यकऺदलॖ तॖ वातुन ओसुस प्यवान कथ ताम गामस। हश ह्युहुर ॴस्य वृद्ध तॖ तिमन क्युत ॴस थवान बत्तॖ स्युन रऺनिथ तॖ अदॖ ॴस नेरान नोकरी करनि। नबा तॖ अथ मंज़ क्याह बास्योय च़्यॆ नव्यर ह्यु। तीज़मालि प्रुछ़ बरादरस। कथ कति कऺर म्यॆ पूरॖ वुनि। बरादरन वॊन तीज़मालि। अछा तॖ गव कथ छि वुनि बाकय। वॊन तीज़मालि बरादरस। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

यीच़ॖ फिल्मॖ बन्यॆयि कऺशीरि प्यठ वुन्युखताम मगर कशमीर फायलॖज़ फिल्मि हुन्द असर रूद ज़न व्यॊख्तुय म्यॆ बासान। सऻरी छि अख ॳकिस इसरार करान ज़ि यि फिल्म गछ़ि वुछिन्य ज़ॊरूर। वारिहाव चन्नलव प्यठॖ आव बहस करनॖ अथ फिल्मि मुतलक। मोबाईलव दऺस्य ति आयि ब्यॊन ब्यॊन जायव प्यठॖ ब्यॊन ब्यॊन प्रतिक्रियायि हावनॖ।  यूत आतंक आमुत ओस फऻलावनॖ कऺशीरि मंज़ कुनवुहशथ तॖ नमतॖ ब्रोंह नमतस मंज़ तॖ नमतॖ पतॖ  तम्युक अख ज़ॖ फीसद छु आमुत हावनॖ क़शमीर फायलॖज़ फिल्मि मंज़। हालांकि यि ति छि अख हऺकीकत ज़ि सोरुय हावुन छु नॖ मुम्किन ति। मगर बॊड सवाल छु व्वंय ज़ि यॆमि ब्रोंहकुन क्याह। कऺमिस छि क्वस वग रटॖन्य युथ तिमन तति छग लगि तॖ कऻशुर बटॖ कुनि सऺही वति लगि।   

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot प्यठॖ ति)

21.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

21.03.2022, च़ित्थॖर (चैत्र/चैत) गटॖ पछॖ (कृष्ण पक्ष) त्रय (तृतीया) देवादेव च़ऺन्दॖरवार (सोमवार) श्री सप्तर्षि सम्वत 5097, नक्षत्र स्वात, राश तुला (चलान), ऋतु वसंत (चलान)...अज़ छि संकट च़ोरम (संकट निवारण चतुर्थी) ति...चूंकि पगाह छि च़ोरम (चतुर्थी) रावान, पगहुक वॊहरवोद यी ॳज़्य

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन प्रुछ़ तीज़मालि ज़ि मऻजी यॊत ताम म्यॆ ज़्वन छु सानि समुदायिक लऺडकॖ तॖ कोरि ॴस्य ज़्यादॖतर कऺशीरि न्यबरॖय नेरान रोज़ान तॖ ट्रेनिंग वेनिंग हऻसिल करान। आहनबा ति छु पॊज़ ति क्याज़ि कऺशीरि मंज़ आसॖ नॖ दपान तिम सहूलियच़ॖ दस्तियाब यिम ॳकिस शुरिस गऺछ़ॖ्य आसॖन्य। मजबूरी मंज़ ओस तिमन प्यवान पनुन गरॖ त्रऻविथ न्यॆबरिम्यन अलाकन मंज़ गऺछ़िथ पनुन मक्सद पूरॖ करुन।  कऺशीरि मंज़ ओस सान्यन शुर्यन सॗत्य यिवान वोरॖ वर्ताव करनॖ।  यिहऻय वजह दपान ओसमुत ओस ज़ि माधव जुवनि गरिक ॴठ शुर्य ॴस्य कऺशीरि न्यबर आमॖत्य सोज़नॖ तऻलीम ब्रोंहकुन हऻसिल करनॖ बापथ। तीज़मालि वॊन बरादरस। दफ ॳस्य ॴस्य वारॖ वारॖ न्यॆरानॖय रोज़ान कऺशीरि प्यठॖ तॖ सऻन्य शुर्य ॴस्य कमॖय पाहन वापस यिनुक सन्ज़ करान। व्वंय ॴस्य माधव जुवॖनिस गरस मंज़ ल्वकॖट च़ोर शुर्य, त्रॆ बऻय तॖ तिहॖन्ज़ॖ ज़नानॖ। गऺर्य गरुक माहोल ओस बदल्योमुत कति कोर। नऺव्य चीज़ यिम ॳन्यमॖत्य ॴस्य मस्लन बऻसॖकलॖ, टेलीफोन, रेडियो वगैरा ॴस्य व्वंय प्रान्येमॖत्य। अल्बतॖ व्वंय ओस आमुत नव्यव चीज़व मंज़ॖ ट्रांसिस्टर, वी सी आर तॖ वी सी पी मगर ट्रांसिस्टर त्रऻविथ बकाया चीज़न हुन्द इस्तिमाल ओस कमॖय पाहन सपदान ति क्याज़ि इस्तिमाल करनवऻल्य शुर्य ॴस्य गरि न्यबर। मर्द ॴस्य आसान पनॖन्यन पनॖन्यन नोकरियन मंज़ तॖ ज़नानॖ आसॖ नॖ गर्य काम्यव तलय म्वकलान।समय गव पकान तॖ पकान रूद्य माधव जुवनि गरॖक्य बचेमॖत्य बऻच़ ति। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""""

कशमीर फायलॖज़ फिल्मि तुल तलोतुम। यिमव यि फ़िल्म वुछ तिम छि च़ामॖत्य गित्यन तिक्याज़ि तिमन छु गुदर्योमुत। यिमव नॖ यि फिल्म वुछ तिम छि पनुन तरक़ी थऺविथ, कथव मंज़ॖ क्वथॖ कडान रो़ज़ान, अंट शंट बोलान, ॴबथ गऻबथ करान रोज़ान। कॆंच़न वऺथ्य प्रान्यन ज़ख्मन क्रऻर्य तॖ कॆंच़न गॊन्डुन नवि सरॖ जॊनून तॖ ब्यूठ ब्यॆयि बारव दिनि। यि फ़िल्म वुछिथ छि ॳड्य ख्वश अवॖ म्वखॖ ज़ि बेखबर गऺयि खबरदार तॖ ॳड्य दपान यि छि सरकारॖच चुनऻवी चाल। अड्यव दपान कमोव माल तॖ ॳड्य दपान गऺयि बेहाल  

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

20.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

20.03.2022, च़ित्थॖर (चैत्र/चैत) गटॖ पछॖ (कृष्ण पक्ष) द्वय (द्वितिय) देवादेव, आथवार (रविवार/ऐतवार), श्री सप्तर्षि सम्वत 5097, नक्षत्र चित्र, राश तुला (दुहचि 11.11 बजि प्यठॖ), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

वख्तस सॗत्य सॗत्य आव माधव जुवनिस गरस मंज़ ति बदलाव। तीज़मालि वॊन बरादरस। आहनी मऻजी। पतॖवथॖ आयि यी वुछान। प्रान्य प्रऻन्य गऺयि नेरान नऺव्य नऺव्य गऺयि यिवान। बरादरन वॊन तीज़मालि। क्वदर्यतुक निज़ाम छु अद्भुत। यि तॊर नॖ अज़ताम कऻन्सि फिकिरी। ॳस्य छि वनान रोज़ान ज़ि ॳर्य आयि सऻरी ऒर कुस गव मगर यॊदवय वुछव तॖ ॳर्य ति कति छि यिवान सऻरी। लॊंग ल्यॊच़, ऒन कोन, ज़ॊर कॊल, हॊल स्यॊद ति आयि यिवान ज़न्मस। दपान युस ति ज़न्मस यिवान छु सु छु पऺत्यमि ज़न्मॖक्यन कर्मन हुन्द फल ह्यथ यिवान तॖ युस योरॖ गछ़ान सु छु पनॖन्यन कर्मन हुन्द फल ह्यथ गछ़ान। दपान युस युथ ववान छु सु छु त्युथ लोनान। तीज़मालि वॊन बरादरस ज़ि माधव जुवनि तॖ सऻम्पकुजिनि हॖन्दि स्वर्गवास गछ़नॖ पतय लऺज्य माधव जुवनिस गरस यिहऻय दॖनन हिश्य। कति तिम पान्छ़ बऻय, ज़ॖ ब्यॆनि, पान्छ़ दॖरकाकॖनि,बाह शुर्य तॖ माधव जुव तॖ सऻम्पॖकुज्य। गरॖ युस ओस ऒरुत तॖ बॊरुत ह्यॊतुन हनि हनि छ़ॊकुन। बरादर रूद बोज़ान तॖ तीज़माल रूज़ वनान। ब्यॆनि ज़ॖ गऺयि पनुन पनुन वऻरिव तॖ बसोवुख पनुन पनुन गरॖ पानॖनि आयि त्रायि। तिमन ति दपान ज़ामॖत्य ॴस्य त्रॆ त्रॆ च़ोर च़ोर शुर्यहेन। यपऻर्य गऺयि बाहव शुर्यव मंज़ॖ दपान ॴठ शुर्य कऺशीरि न्यबर थऺज़ तऻलीम हऻसिल करनॖ बापथ। द्वन बायन यिम स्कूलस मंज़ मास्टर बनेमॖत्य ॴस्य तिमन ॴस तब्दीली करनॖ आमॖच़ कमन ताम गामन कुन तॖ तिम ॴस्य पनुन पनुन अयाल ह्यथ द्रामॖत्य। गरॖ ओस बासान  क्रेकि चिखि रॊस। बरादर रूद बोज़ान यि वख्तुक फ्युर। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीरि मंज़ छि वुनि ति कऻशिर्य बटॖ कॆंच़न गामन मंज़ कुनवुशथ तॖ नमतॖ प्यठॖ रोज़ान आमॖत्य, कॆंह बटॖ छि कऺशीरि शहरस मंज़ ति रूज़िथ। हऻरऻनी छि यि ज़ि तिमन छु ना सना डर, खोफ़, दऺहशथ, फ्रठ, खोच़ुन लगान तिमन तिमन जायन यॆत्यनस यॆत्यनस तिम बऺसिथ छि। अथ कथि पतॖ क्याह वजह गछ़ि आसुन बॖ छुस सोंचान। दय कऺर्यनख रऻछ

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

19.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

19.03.2022, च़िथॖर (चैत्र) गटॖ पछॖ (कृष्ण पक्ष) ऒक्दॊह (प्रथमा/प्रतिपदा) देवादेव, बटॖवार (शनिवार/शनिश्चरवार), श्री सप्तर्षि सम्वत 5097, नक्षत्र हस्त, राश कन्या (चलान), ऋतु वसंत (चलान)

----------------------------------

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि पूरॖ वऻन्स कडनुक मत्लब हाबा गव ज़ि इन्सान गछ़ि ज़िन्दगी ज़ुवुन अंसान गिन्दान तॖ गछ़नस शुर्य कऺट्य आसॖन्य नऺव्यमॖत्य तॖ फ्वल्यमॖत्य। युस इन्सान हतॖ वुहुर आसि वोतॖमुत तॖ यॆम्य इन्सानन पनॖन्यन शुर्यन तॖ तिहॖन्द्यन शुर्यन कट्यन हुन्द बहार आसि वुछमुत सु गछ़ि ज़ानुन बाग्यवान तॖ ज़ानुन पज़ि ज़ि पूरॖ वऻन्सि छु वोतमुत। बरादरन कऺर बोज़नऻहऻना तॖ प्रुछ़ुन तीज़मालि ज़ि मऻजी च्यानि वनॖनॖ मुतऻबिक ओस त्यॆलि माधव जुव ति पनॖन्य ज़िन्दगी ज़ुवमुत ख्वश तॖ ख्वशहाल पऻठ्य। दपान शीथ पान्च़ॖशीथ वुहुर ओसमुत ओस यॆलि स्वर्गस गव। तीज़मालि द्युतनस जवाब। दफ अमा पॊज़ ब्यॆयि पान्च़ दऺह वऺरी कडिहे तॖ जानॖय गऺयो दफ यॆमिस यॆमिसातॖ वोतमुत आसि तऺमिस छुनॖ फिकिरी तरान। बरादरन पकनऻव कथ ब्रोंहकुन यि वऺनिथ ज़ि मऻजी दपिथ कथ छि ज़ि ॳर्य आयि सऻरी ऒर कुस गव। आहनबा यि छु वनॖनस तल यिवान। म्यॆति छि यि दऺपिथ कथ बूज़मॖच़ मगर अथ मंज़ ति हाबा छुय पनुन पनुन नऺसीब आसान। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर - रंगन हुन्द त्योहार याने हूल्य आयि मनावनॖ मनॖ सान। कऺशीरि मंज़ ओस रोज़ान फ्रटॖतम मगर यपऻर्य न फिकिर तॖ न ग़म। यॆति छि ख्यवान रोज़ान बुजिया फुलवडी तॖ ठंडायी तॖ वातनावान त्योहारस अंद। सारिनी नीरिन्य ह्रच़ तॖ फ्रूच़ यि दॊह। 

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

18.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

18.03.2022, फागुन (फाल्गुन) ज़ूनॖ पछॖ (शुक्ल पक्ष) पुनिम (पूर्णिमाशी) देवादेव शॊकुरवार (शुक्रवार/जुम्मा/भार्गववार) श्री सप्तर्षि सम्वत 5097, नक्षत्र उ.फा, राश कन्या (चलान) ऋतु वसंत (चलान)...अज़ छु होली त्योहार याने हूल्य

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि दपान हाबा सऻम्पकुजि ति द्राव नॖ ज़्यादॖ काल माधव जुवनि स्वर्गवास गछ़नॖ पतॖ। आहनी मऻजी मरगस क्याह कऺर्यज़ि। पानस ताम नॖ कॆंह। आहनबा दपान छि ना ज़ि मॊथ छु पऺदिस तल आसान। तीज़मालि कऺर कथ पूरॖ। दपान माधव जुवनि पतॖ वॖहरी द्रायि सऻम्पॖकुज ति यि संसार त्रऻविथ। दफ अथ गरस वॊथ ज़िठ्यन हुन्द सायि। बरादरन वॊन तीज़मालि। आहनबा यि छि पतॖवतॖच कथा। दफ अमा पॊज़ तिम छि आसान बाग्यवान यिम असान गिन्दान पनॖन्य पूरॖ वऻन्स कऺडिथ यॆमि सम्सऻर्य नेरान छि। मऻजी यि पूरॖ वऻन्स कॊत ताम छि आसान। बरादरन प्रुछ़ सवाल तीज़मालि। तीज़मालि वुछ बरादरस कुन तिथॖ पऻठ्य ज़न ॴस सवालुक जवाब छ़ान्डान तऺम्यसॖन्दि बुथि प्यठ। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर - कऻशिर्य बटॖ ॴस्य कऺशीरि मंज़ हूल्य त्योहार मनावान रोज़ान मगर हदस मंज़ॖय याने पनॖन्यन पनॖन्यन गरन मंज़ॖय। शुर्यन ॴस्य दिवान पिचॖकऻर्य तॖ तिम ॴस्य मुख्तिलिफ रंग रलावान पऻनिस मंज़ तॖ छकान रोज़ान पनॖन्यन गरक्यन बऻच़न या पननिस हकस हमसायस। यिम बटॖ मुस्लमान मऺहलन मंज़ रोज़ान ॴस्य बूज़मुत छुम तॖ वुछमुत ति छुम ज़ि तिम कऻशिर्य बटॖ ॴस्य नॖ दिल मुच़िरिथ हूल्य करान। कऻशिर्य बटस ओस कऺशीरि मंज़  कऻन्फ रोज़ान खुलॖ डुलॖ हूल्य गिन्दनस या दीवऻली त्योहारस प्यठ टास त्रावनस। यि फ्रटॖ फ्रठ च़ॊल तऺमिस यनॖ सु कऺशीरि प्यठॖ च़ऺलिथ आव कुनवुहशथ तॖ नम्तस मंज़। व्वंय छु सुति छु याने कऻशुर बटॖ नरि ज़ंगॖ वाहरऻविथ यिमन त्योहारन मंज़ शमूहलियथ करान रोज़ान

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

17.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

17.03.2022, फागुन (फाल्गुन) ज़ूनॖ पछॖ (शुक्ल पक्ष) च़्वदह (चतुर्दशी) देवादेव ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5097, नक्षत्र पू.फा, राश कन्या (रऻच़ हॖन्ज़ि 06.32 बजि प्यठॖ) ऋतु वसंत (चलान)...अज़ छि हॊलिका दहन ति

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

माधव जुवनिस गरस मंज़ दपान ह्यॊतुन बदलाव युन यॆलि माधव जुव स्वर्गॖवास गव। तीज़मालि वॊन बरादरस। क्युथ ह्यु बदलाव मऻजी। बरादरन प्रुछ़ तीज़मालि। बोज़ान ॴसॖस ज़ि प्यारी तॖ छोटी हॖन्द्यन शुर्यन ॴस मुच़ुकरी रोज़ान कुनि कुनि चीज़स प्यठ। ख्यनस च्यनस मंज़ ति ओस शुर्यन मंज़ मंज़ॖ मंज़ॖ तनाव रोज़ान। ल्वकच्यन म्वकच्यन कथन ति ओस यिवान तूल दिनॖ। बाहन शुर्यन दपान बन्येमॖच़ॖ आसॖ ल्वकचि ल्वकचि डींफरि तॖ यॆलि ति शुर्यन पानॖवुन्य तकरार ओस गछ़ान कुनि कथि प्यठ यि ओस नॖ फिकिरी तरान कुस कऺम्यसॖन्दि तरफॖ ओस अख ॳकिस छ़्यन करान। पतॖ ॴस्य शुर्य ब्यॆयि रलान मेलान गिन्दान द्रॊकान। तीज़माल गऺयि वनान तॖ बरादर गव बोज़ान। यॆत्यन यीत्य शुर्य आसन तत्यन रोज़ी दॊन्खॖ दोन्ख, तू तू मैं मैं। बरादरन वॊन तीज़मालि। आहनबा तॊत ताम गव पॊज़ुय। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""

कऺशीर -  अज़ दपान छु होलिका दहन त्योहार। मगर कऺशीरि मंज़ यॊत ताम म्यॆ ज़्वन छु कऻशिर्य बटॖ ॴस्य नॖ यि दॊह मनावान। यि प्रथा पानॖनऻव असि कऺशीरि प्यठॖ न्यबर न्येरनॖ पतय। हालांकि यपऻर्य छु होली त्योहार ब्यॊन ब्यॊन अलाकन मंज़ ब्यॊन ब्यॊन तऺरीकि यिवान मनावान। ॳस्य ॴस्य कऺशीरि मंज़ सिरिफ ॳकिस दॊहस मनावान। त्वहि सारिनी होली मुबारक

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठ ति)

16.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

16.03.2022, फागुन (फाल्गुन) ज़ूनॖ पछॖ (शुक्ल पक्ष) त्रुवाह (त्रयोदशी) देवादेव ब्वदवार (बुधवार), श्री सप्तर्षि सम्वत 5097, नक्षत्र मघा, राश सिंहं (चलान), ऋतु वसंत (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

माधव जुवनिस गरस मंज़ ॴस्य बाह शुर्य बड्येमॖत्य तॖ रूद्यमॖत्य ॴस्य परनस लेखन मंज़ मश्गूल। अख ॳकिस वुछिथ ॴसॖख परनस मंज़ मान मान ति लऺज्यमॖच़। चूंकि माधव जुवुन च़ूरिम तॖ पॗन्च़िम न्यॆचुव ॴस्य ब्यॊन ब्यॊन स्कूलन मंज़ मास्टर बन्येमॖत्य तॖ तवॖ म्वखॖ ॴस नॖ शुर्यन ति गरस मंज़ परुन लेखुन ह्यॆछनॖच कांह व्यछ़य। तीज़मलि वॊन बरादरस। मऻजी अख चीज़ प्यॆयि मानुन। क्याह सना। तीज़मालि प्रुछ़ बरादरस। सु गव यि ज़ि असि कऻशिर्य बटन रूज़ सरस्वती सॗत्य सॗत्य। बरादरन द्युत जवाब तीज़मालि। हालांकि यॊदवय वुछव पनुन पॊतकाल सान्यन गरन मंज़ आसॖनॖ ज़नानॖ ज़्यादॖ परान लेखान तिम आसॖ गरॖ संबालान तॖ मर्द ॴस्य नोकरी करान तॖ गरॖ चलावान। वख्तुक तकाज़ॖ हाबा ओस ती तमि सातन। सान्यन ज़िठ्यन हॖन्ज़ सोंच छि रूज़मॖच़ यी ज़ि न्यॆच्युव गछ़ि परुन लेखुन, नोकरी करुन,कूर गछ़ि कम ज़्यादॖ परनावॖन्य त्यूतुय युथ स्व ह्यॆकि ज़ॖ हरफ अंग्रीज़क्य पऺरिथ। ख़बर यि किछ़ हिश सोंच छि रूज़मॖच़ सान्यन ज़िठ्यन तमि सातन। सवाल कॊर बरादरन। अथ सोंचस पतॖ हाबा छु म्यॆ बुज़मुत छि ॴसमॖच़ स्यठाह सियासत। तीज़मालि वॊन बरादरस। क्याह सियासत मऻजी। बॖति बोज़हऻ। बरादर प्यव सोंचस ज़ि अमा तीज़मालि क्याहसना छु वनुन। कथ छि जऻरी।    

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर - ॳन्द्रिम ज़ात पात आयि कऻशिर्य बटस कॊहनॖ पऻठ्य वलनॖ। यॊदवय व्वंय छि गोरन हॖन्द्य शुर्य, बोहर्यन हॖन्द्य शुर्य, कान्दरन, हलवायन, बिसात्यन वगैरा हॖन्द्य शुर्य भगवान लासनऻव्यनख छि इन्जीनियर, डाक्टर बन्येमॖत्य मगर तिहॖन्ज़ ज़ाथ छि अडचन अनान यॆलि लऺडकॖसॖन्ज़ ट्यॆक्यनि मेलान छि कऻन्सि कोरि हॖन्ज़ि या लऺडकॖ सॖन्ज़ि ट्यॆक्यनि सॗत्य। व्वंय वऻच़ नोबथ यॊत ताम ज़ि पेशॖ बदलावनस सॗत्य सॗत्य ह्यॆच़ केंच़व लूकव दपान पनॖन्य ज़ाथ ति बदलावॖन्य। हालांकि समस्याय हुन्द हल छु नॖ यि। बऺल्कि पज़ि पनॖनिस समुदायस मंज़ असि यि फरॖख मऺशरावॖन्य ज़ि कारकुन छि ब्यॊन ब्यॆयन ज़ऻच़न निशि। वुछनस तल छु यिवान ज़ि पऺत्यम्यन द्वयत्रॖहन वऺर्यन मंज़ छ्यन यि फरॖख कम ह्यॆच़मॖच़ गछ़ॖन्य मगर पूरॖपऻठ्य छॆनॖ ख़तम गऻमॖच़। गामस तॖ शहरस ह्यॊतुन म्युल गछ़ुन। यि छि जान अलामात। यिथय पऻठ्य गछ़ि बकाया ज़ऻच़न ति पानॖवुन्य म्युल गछ़नॖच कूशिश करॖन्य। सऻरी छि पनॖन्य व्वपर छुनॖ कांह। 

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

15.03.2022

14.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

14.03.2022, फागुन (फाल्गुन) ज़ूनॖ पछॖ (शुक्ल पक्ष) काह (एकादशी) देवादेव च़ऺन्दॖरवार (सोमवार), श्री सप्तर्षि सम्वत 5097, नक्षत्र तिष्या, राश कर्कट (चलान) ऋतु वसंत। अज़ छु सोंथ तॖ थालस बुथ वुछुन

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि ॴस गऺन्य न्यॆन्दॖर राथ प्यॆमॖच़ अवॖ म्वखॖ आयि नॖ राथ कथॖय करनॖ। बरादरन वॊन तीज़मालि ज़ि मऻजी तऻजिब छु म्यॆ यि बूज़िथ लगान यॆलि सानि समुदायिक्य कॆंह लूख छि डॊन्डूरॖ वायान रोज़ान ज़ि सऻनिस समुदायस मंज़ छॆनॖ ज़ात पात बऺल्कि छि ॳस्य सऻरी ब्रह्मण ज़ात। नबा तॖ यि छु ना पज़र तीज़मालि प्रुछ़ बरादरस। अथ मंज़ क्याह बासेयि च़्यॆ तऻज्यबॖच कथ। बरादरन त्रोव बॊड असुन तीज़मालि हुन्द सवाल प्रॖछ़नस प्यठ तॖ वॊनुन तीज़मालि ज़ि मऻजी ॳस्य सऻरी कऻशिर्य बटॖ छि ब्रह्मण ज़ात अथ मंज़ छुनॖ कांह शक़, असि छि वनान कशमीरी पंडित ति। ब्रह्मणस तॖ पंडितस मंज़ छु म्यॆ बासान कॆंह अंतॖर। अति प्यठय छि सऻनिस समुदायस मंज़ ज़ात पात गछ़ान शुरु। किथसना पऻठ्य। तीज़मालि कऺर ज़ानॖनॖच कूशिश। बरादरन ह्यॊत ऒंगजि टॆंड्यन प्यठ गऺन्ज़रावुन ज़ि मऻजी असि कऺर्य पनॖनिस पानस पानॖय हिसॖ बटऻय यि वऺनिथ ज़ि सु छु ब्रह्मुण याने गोर, सु छु बूहुर या वोन्य, यि छु कान्दुर, सु छु हलवोय, यि छु सॖच़, सु छु पूज़ऻर्य, यि छु बिसोत, सु छु दुकानदार, यि छु कम्पौंडर, यि छु वाज़ॖ, वगैरा वगैरा। यीच़ॖ ज़ऻच़ॖ गऺन्ज़रिथ ह्यॊतु बटन पनॖनिस पानस वनुन कारकुन तॖ बकाया सारेय ज़ऻच़ थवि ॳम्य कऻशिर्य बटन पानस निशि ज़ऻनिथ मऻनिथ ब्यॊन। मगर तोति वनान रोज़ान छु ज़ि सऻनिस समुदायस मंज़ छे नॖ ज़ात पात। बरादरन वॊन तॖ त्रोवुन ब्यॆयि असन खंगाला। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर - दिलशाद गार्डॖन दिल्लि कश्मीरी पंडित व्यलफियर एसोसियेशन वाल्यव ओस राथ हवन कॊरमुत गौरी शंकर मंदर किस परिसरस मंज़। ऊतरॖ शामन ॴस्य हवनस बीठ्यमॖत्य तॖ राथ दोहलि ॴस पूर्ण आहूति तॖ वारियाह बख्त ॴस्य आमॖत्य ओरॖ योरॖ प्यठॖ। सॗती ओस आमुत पदमश्री डाक्टर सरदार जितेन्द्र सिंह शन्टी तॖ तऺम्यसॖन्ज़ आश्यन श्रीमती मंजीत कौर आमंत्रित आमॖत्य करनॖ तॖ तिमन आव आदर सत्कार करनॖ तॖ ब्यॆयि आव तिमन पुरस्कार दिनॖ तिहॖन्ज़ि बेमिसाल तॖ लाजवाब समाज सेवा कोविड महामऻरी कालस मंज़ करनॖ बापथ। प्रसाद वितरण ति आव करनॖ तॖ प्रोग्राम रूद बेहतरीन। कशमीरी धंडित सभा दिलशाद गार्डॖन प्रबंधक कऺमीटी हॖन्द्य सऻरी सदस्य छि तऻरीफॖक्य हक़दार। मऻज्य दीवी दीनख रुत फल।

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

13.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

13.03.2022, फागुन (फाल्गुन) ज़ूनॖ पछॖ (शुक्ल पक्ष) दऺहम (दशमी) देवादेव, आथवार (रविवार/ऐतवार), श्री सप्तर्षि सम्वत 5097, नक्षत्र पनु, राश कर्कट (दुहचि 01.30 बजि प्यठॖ)...अज़ छु सोंतॖ थाल बरुन

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  माहामऻरी नाव -  मंंत्री

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा  

**********************

तीज़मालि छि न्यॆन्दॖर प्यॆमॖच़। पतॖ पाहन वुज़नावोन

**********************

कऻशुर ह्यॆछिव कऻशुर पऺरिव कऻशिर पऻठ्य पानॖवुन्य कथ बाथ कऺरिव

""""""""""""""""""""""""""""""""""

कऺशीर - अज़ गछ़व नॖ कऺशीरि

**********************

नऺविव तॖ फॊलिव

भूषण कौल 'दीप'

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऻस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

12.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

12.03.2022, फागुन (फाल्गुन) ज़ूनॖ पछॖ (शुक्ल पक्ष) नवम (नवमी) देवादेव बटॖवार (शनिवार/शनिश्चरवार), श्री सप्तर्षि सम्वत 5097, नक्षत्र आर्द्रा, राश मिथुन (चलान) ऋतु शिशर (चलान)...नवम हुन्द वॊहरवोद यी अज़

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि थऻव पनॖन्य कथ जऻरी यि वऺनिथ ज़ि कऻशिर्य बटॖ ॴस्य क्वल-ब्रह्मणस गुरु जी ति वनान। यि गुरु जी ओस पनॖनिस यॆज़मनसॖ सॗत्य शास्त्र वीद्या ह्यॆछनावान रोज़ान, पन्चांगस मुतलक ज़ऻन्यकऻरी दिवान रोज़ान, कऺमिस कर छु वॊहरवोद तमिच ख़बर अतर दिवान रोज़ान, कुस व्वत्सव कर यी, क्वस पूजा कर छि करॖन्य, करनॖच विधि वगैरा वगैरा वनान रोज़ान। यॆज़मन ति ओस गुरु जियस प्रॖछ़ान रोज़ान साथ, यिनुक गछ़नुक, द्रठपऻन्च़ुक, ग्रुहुन कर कच़ि बजि प्यठॖ कॊत ताम, खान्दरुक साथ, ज़ातुक वुछुन, ट्यॆकिन मिलनावॖन्य वगैरा वगैरा। बरादरन च़ऺट कथ मंज़य तॖ वॊनुन तीज़मालि ज़ि क्वलॖ-ब्रह्मणॖसुन्द आसुन छु रूदमुत मऻजी स्यठाह ज़रूरी यॊत ताम सानि अध्यात्मिक तॖ धार्मिक संस्कारन सॗत्य छि ॳस्य जुडिथ रूद्यमॖत्य। बरादरन वॊन तीज़मालि ज़ि हालांकि जंत्री ॴस आसान प्रथ गरस मंज़ तोति ॴस्य ॳस्य गुरु जीयसॖय प्रॖछ़ान रोज़ान तॖ तऺम्यसॖन्दि वनॖनॖ मुतऻबिक पनॖन्य कऻम अंद वातॖनावान। आहनबा यि छु पॊज़। असि ॴस नॖ जंत्री तगान परनी। तीज़मालि वॊन बरादरस दफ अमा पॊज़ प्यॆठ्य प्यॆठहय ओस कांह वुछान रोज़ान बकाया ओस गुरु जीयसॖय प्रॖछ़ान रोज़ान। दफ वातॖहावक ओस गुरु जीय आसान। बरादरन वॊन तीज़मालि। मगर असि कऺर्य तिम पानस निशि दूर पानय जान नाकारॖ वऺन्य वऺन्य। कथ छि जऻरी    

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर -  हूल्य व्वत्सव यिनॖ ब्रोंह छु छावुन असि वारॖकारॖ ग्वडॖ बसंत ऋतु याने सोंथ। कऺशीरि ॴस्य वख अकि सोंथ मनावान बादामवारि, रामॖच़न्द्रॖनि, पर्बतॖ, निशातॖ, शालॖमऻरॖ, हऻर्वनॖ, चॆशमशऻही वगैरा वगैरा। सोंतॖ फुलय ॴस्य छावान। ख्यनाह च्यनाह ॴस्य करान, गिन्दुनाह द्रोकुनाह ॴस्य करान। मन्दरन मंज़ ॴस बीरॖ आसान। बासान ओस ज़ि वन्दॖ च़ॊल तॖ जन्दॖ त्रऻव्य। यि असुन गिन्दुन नच़ुन फ़ेरुन ओस कऺशीरि मंज़ त्यॆलि मुम्किन सप्दान अगर वतॖ साफ़ आसहऻन आसान, शीन गॊलमुत आसिहे आसान, नबॖदॊर आसिहे आसान। सोंथ छु  दरअसॖल विक्रमी सम्वतॖकि नवि वऺर्युक आरम्भ तॖ बसंत ऋतुक आगमन। वैसे छु सोन वऺरी शुरु गछ़ान नवरेह प्यठॖ। कऺशीरि न्यबर छु कऻशिर्य बटन व्वंय कुनी कथा। क्याह सोंथं तॖ क्याह नवरेह। ॳड्य च़्रंगान बऺल्य मॗ अड्यन बऺल्य तॆह

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

11.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

11.03.2022, फागुन (फाल्गुन) ज़ूनॖ पछॖ (शुक्ल पक्ष) नवम (नवमी) शॊकुरवार (शुक्रवार/जुम्मा/भार्गववार) श्री सप्तर्षि सम्वत 5097, नक्षत्र मृग, राश मिथुन (चलान), ऋतु शिशर (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

माधव जुवुन गरॖ ओस गंगॖबोय याने गंगाराम ब्रह्मुण अक्सर यिवान रोज़ान। तीज़मालि वॊन बरादरस। तऺमिस क्याह सना कऻम ॴस आसान अति मऻजी। प्रुछ़ बरादरन तीज़मालि। ख़बरहाबा च़्यॆ ज़्वन छुया असि कऻशिर्य बटन ॴस्य कऺशीरि मंज़ पनॖन्य पनॖन्य ब्रह्मण गऺन्डिथ आसान। आहनी मऻजी म्यॆ छु पूरॖ ज़्वन तिमन ॴस्य वनान ॳस्य क्वलॖ-ब्रह्मण। च़्यॆ भगवान ऒरज़ुव थवुन। सुय क्वलॖ-ब्रह्मुण ओसमुत ओस गंगॖबोय याने गंगाराम। माधव जुव ओस यिवान मानॖनॖ यॆज़मन तॖ माधव जुवुन गरॖ गऺयो यॆज़मन गरॖ गंगाराम सॖन्दि बापथ। तीज़मालि वॊन बरादरस। यि प्रथा हाबा छि ॴसमॖच़ वारियाह कालॖ प्यठॖ कऺशीरि मंज़ चलान। कऺशीरि मंज़ ॴस्यमॖत्य ॴस्य दपान ज़ॖ तबकॖ याने ब्रह्मण परिवार तॖ यॆज़मनॖ गरॖ। माधव जुवुन गरॖ दपान ग्वडॖ ग्वडॖ यिवान ओस म्वकुन्द राम याने मऻन्कॖ जुव तॖ तऺम्यसॖन्दि स्वर्गॖवास गछ़नॖ पतॖ ओस तऺम्यसुन्द न्यॆचुव गंगाराम यिवान रोज़ान। तीज़मालि वॊन बरादरस। करान क्याह ओस गंगाराम माधव जुवनि गरि। प्रुछ़ बरादरन तीज़मालि। यि ब्रह्मण दपान ओस ज़ातक बनावान तिमन शुर्यन हॖन्द्य यिम यॆज़मन सॖन्दि गरि ज़न्मस यिहऻन। तीज़मालि वॊन बरादरस। तिमन शुर्यन हॖन्दिस वॊहरवऻदिस प्यठ ओस यि ब्रह्मुण यिवान तॖ पूज़ा करान तॖ तहरि प्रेप्युन हावान। यॆज़मन ओस ॳमिस ब्रह्मणस यि कऻम याने यि पूज़ा पाठ करनॖ पतॖ दक्षणा दिवान रोज़ान। ब्रह्मणस तॖ यॆज़मनस ओस वख अकि स्यठाह सॊन तॖ गॊन सम्बंद मगर यि सम्बंद गव वारॖ वारॖ फुटान तॖ दूर्यॆर गव बडान। यि दूर्यॆर बड्यव यूत ज़ि क्वल-ब्रह्मण प्रथा गऺयि गऻबॖय। यि व्यछ़य छि अज़कल च़्येनान ॳस्य सऻरी मगर ज़्यव छि बंद तिक्याज़ि यि प्रथा बंद गछ़नस छि ॳस्य पानॖ ज़िम्मॖवार। किथकऺन्य। यि सवाल कॊर बरादरन तीज़मालि कुन। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""

कऺशीर - यथ हफ्तस थख कऺरिथ यी पतॖ हूल्य याने होली गिन्दनुक दॊह। हालस कडन हेरऺच़ पतॖ लुख व्वशफा केंच़न दोहन। हालकि त्योहार या व्वत्सव या बऺड्य दोह छि वऺर्ययिकिस वऺर्यस यिवान रोज़ान मगर असीय छॆनॖ फुर्सथ व्वंय यिम दॊह तमि अन्दाज़ॖ मनावनस सॊम्ब यॆमि अन्दाज़ॖ ॳस्य ॴस्य यिम बऺड्य दॊह कऺशीरि मंज़ अज़ पान्च़ॖत्रॖह च़तजिह वऺरी ब्रोंठ मनावान। ज़ानि दय यि फुर्सथ गऺयि कॊत। दरअसल छु इन्सान अज़कल सिरिफ़ पौंसस पतॖ दवान तॖ तऺथ्य दलदलस मंज़ फऺसिथ गऺयि तऺमिस स्व फुर्सथ अथॖ नीरिथ। सॗतीय थोव हालातव यि इन्सान तिथॖ पऻठ्य आवुर ज़ि सु गव वारॖ वारॖ पनॖन्यन निशि दूर गछ़ान तॖ गव मऺशरावान पनॖन्य परम्परा। गिन्दनॖक्य नावॖय यऻत्य रूद्य याद मगर तिमन नावन सॗत्य गिन्दुन रूद नॖ कुनीय। 

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.bligspot.com प्यठॖ ति)

10.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

10.03.2022, फागुन (फाल्गुन) ज़ूनॖ पछॖ (शुक्ल पक्ष) ॴठम (अष्टमी) ब्रसवार (वीरवार/गुरुवार/ब्रहस्पतवार), श्री सप्तर्षि सम्वत 5097, नक्षत्र रोहिन, राश मिथुन (रऻच़ हॖन्ज़ि 01.03 बजि प्यठॖ), ऋतु शिशर (चलान)...अज़ छि तीलॖ ॴठम (तेल अष्टमी) ति

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

माधव जुवुन गरॖ ओस ऒरुत तॖ बॊरुत गरॖ बासान। कुस शुर कऺम्यसॖन्दिस अटस प्यठ ओस आसान या कऺम्यसुन्द शुर नानि हॖन्दिस बेबिस मंज़ या बुड्यबब सॖन्दिस दऺलिस तल ओस आसान फिकिरी ओस नॖ तरान तॖ न ओस कांह सनान। मकानस ओस आमुत व्वंय त्रॆयिम पोर ति त्रावनॖ। वार्यॆन ॴस ख्वश यि वुछिथ ज़ि च़्वन दॖरकाकन्यन हॖन्द्य शुर्य ॴस्य गरसॖय मंज़ तऺम्यसॖन्दि अथॖ ज़्यॆवरावनॖ आमॖत्य। तीज़मालि वॊन बरादरस। च़्वन दॖरकाकॖन्यन हॖन्द्य शुर्य कऻत्याह सना ॴस्य मऻजी। बरादरन प्रुछ़ सवालॖ तीज़मालि। बोज़ान हाबा ॴसॖस ज़ि बाबी आसॖ त्रॆ कोरि, प्यारी आसॖ त्रॆ न्यॆचिव तॖ अख कूर, छोटी मा ओसॖ अख न्यॆचुव तॖ त्रॆ कोरि तॖ रानी ति ओसमुत ओस अख कूर तॖ अख न्यॆचुव। तॖ पॗन्च़मि न्वशि याने बीबी क्याह ओस। सवाल प्रूछ़ बरादरन तीज़मालि। दपान तऺमिस छुनॖ ओसमुत कांह शुर। स्व दपान ॴसमॖच़ ॴस ल्वलॖमतॖ लाय करान रूज़मॖच़ दॖरकाकन्यन हॖन्द्यन शुर्यनॖय। जवाब द्युत तीज़मालि। अलॖ पलॖ दपान माधव जुवनिस गरस मंज़ ॴस्यमॖत्य ॴस्य बाह शुर्य। ग्रज़ान दपान ओसमुत ओस माधव जुवुन गरॖ वख अकि। यकुत ओस गरस मंज़, मऻलिस माजि हुन्द सायि ओसमुत ओस सारिनी शुर्यन ह्यॆरि प्यठॖ ब्वन ताम। वरादरन वॊन तीज़मालि। मऻजी कुस आनन्द आसिहे यिवान माधव जुवस पनॖनि बागॖच फुलवऻर वुछिथ।आहनबा तथ क्याह छु वनुन। दफ यि गऺयि बाग्यवऻनी। वार्यनि ओस गोमुत थख यिनस। मऺन्ज़िमयऻर्य सुन्द युन ति ओस गोमुत बंद। दफ अल्बतॖ गुरु जी याने ब्रह्मण सुन्द आव गव ओस बड्योमुत। तीज़मालि वॊन बरादरस। ख़बर क्याज़ि। प्रुछ बरादरन ब्याख सवाल। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""'

कऺशीर -  अज़ छु सु दॊह यॆमि दुहुक सान्यन शुर्यन ओस आसान वख अकि कऺशीरि मंज़ बेसबरी सान इन्तिज़ार याने तीलॖ ॴठम। कांग्रि ख्वर, क्रॆंज्लि ख्वर, कानिल-क्रॆंज्लि च़ऺक्य, फुचिमच़ॖ फ्वतरि वगैरा ॴस्य यिवान सॊम्बरावनॖ तॖ यिमन मंज़ ओस यिवान बरनॖ ह्वख गासॖ तॖ  ॴस यिवान गन्डनॖ गासॖव रज़। अथ गासह ॴस्य दिवान च़ॖख तॖ अथ ओस नार ह्यवान जम जम करान। रज़ि गऺन्डिथ यिम दज़वॖन्य कांग्रि ख्वर बेतरी ॴस्य गिलनावान पनॖनि कलॖ प्यॆठ्य तॖ ॴस्य ग्यवान रोज़ान जतॗंतॗ जतॗंतॗ। व्यतस्ता गाठन याने यारॖबलन प्यठ ॴस्य ज़ालान रोज़ान। गर आंगन मंज़ ति ॴस्य ल्वकॖट्य म्वकॖट्य चीज़ ज़ालान तमि आयि ज़ि युथ नॖ त्यम्बॖर लगि गरकिस कुनि तरफ़स। यि नज़ारॖ ओस आसान वुछुन लायक़। दऺर्याव बठ्यन सॗत्य लऺगिथ बाहच़ॖन मंज़ हऻन्ज़ या हऻन्ज़बायि आसॖ रऻछ रोज़ान करान पनॖन्यन बाहच़क्यन पशन यिमन  छ़्यॆयि पश ॴस्य आसान। यिथपऻठ्य ॴस्य तीलॖ ॴठम मनावान कऺशीरि मंज़। अमि अलावॖ ॴस्य ॳज़्यकि दॊह व्यतस्तायि मंज़ च़ऻन्ग्य यिवान प्रवाह करनॖ। हेरऺच़ हुन्द त्योहार ओस अज़ सम्पन्न सप्दान तॖ वसंतॖच व्वमेदवऻरी कुन ॴस्य क़दम कडान। 

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

09.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

09.03.2022, फागुन (फाल्गुन) ज़ूनॖ पछॖ (शुक्ल पक्ष) सतम (सप्तमी) ब्वदॖवार (बुधवार) श्री सप्तर्षि सम्वत 5097, नक्षत्र कृति (चलान), राश वृष (चलान) ऋतु शिशर (चलान)

-----------------------------------

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

माधव जुवनिस गरस मंज़ आसॖ आमच़ॖ ब्यॆयि ज़ॖ न्वशि दपान। यिम नवि ज़ॖ न्वशि आसॖ सॊम्बिस सॊम्बॖय तिक्याज़ि युहुन्द खान्दर ओस सपद्योमुत कालॖ पगाह। हालांकि यिम ज़ॖ न्वशि ति आसॖ दपान संस्कारव बऺरिथ, स्यठाह जान जान गरव प्यठॖ। चूंकि यिहॖन्द्य मालिन छि ॴस्यमॖत्य शहरस मंज़ॖय  युहुन्द माल्युन युन गछ़ुन दपान रूदमुत ओस ज़्यादय पाहन बकाया न्वश्यन  न्यसबतॖ। वख्तस सॗत्य सॗत्य ॴस नज़ाकथ ति बड्यॆमॖच़। ख्यनस च्यनस मंज़, तुलॖ त्रावि मंज़, व्वथनस बॆहनस मंज़, पलवन दलवन मंज़, सोंचनस समॖजनस मंज़।तीज़मालि वॊन बरादरस। दफ गरॖ ओस बड्योमुत प्रथ रन्गॖ। बरादरन वॊन तीज़मालि। आहनबा लऺसिन दपान छोटी ति आसॖ कोर्यॆय ज़ामच़ॖ, बाबी तॖ प्यारी ति आसॖ ब्यॆयि प्यामच़ॖ। तीज़मालि वॊन बरादर ज़ि माधव जुवनिस गरस मंज़ दपान ओस जान च्युर्यग्यॊश, क्रख चिख, शुर्यन हुन्द असुन गिन्दुन बडान रूदमुत। च़ूर्यमि न्वशि ओस नाव थवनॖ आमुत रानी तॖ पॗन्च़मि न्वशि ॴस्य वनान बीबी। आहनी मऻजी त्यॆलि ॴस्य यिथी नाव आसान। मस्लन बेटॖ, बेटा, बिटु, बिटॖ, बूटॖ, बोटॖ, ब्वटॖ,  निच्य, निकॖ, वगैरा। आहनबा टाठ्यन्यार ति ओस आसान तॖ थवान ॴस्य तऺथ्य ॳन्द्य पऺख्य नाव मस्लन टोठॖ, टऻठी, टाठि, ब्यॆनिटऻठ, बॊयटोठ, सऻबॖ, ब्यॆनसऻब, बऻयसऻब, ब्यॆनिजिगॖर, ब्यॆन्यजी, बैहनजी, बऻयराज, बऻयजान, वगैरा। यिमन नावन मंज़ यॊदवय वुछहऻव टाठ्यन्यार तॖ पान्यार ओस टाकारॖ नज़र यिवान। बरादरन वॊन तीज़मालि ज़ि यूत बदलाव नाव थावनस मंज़ आव त्यूतॖय दूर्यॆव माय महोब्बत वारॖ वारॖ। शुर छु सुय मगर शुर्य सॖन्दि रछनुक अन्दाज़ बदल्यव। मायि मेछरस मंज़ ति छु अज़कल आमुत बदलाव तिक्याज़ि मऻलिस माजि छॆनॖ फुर्सथ तॖ नान्य बुड्यबबस छुनॖ ज़्यादॖ यख्तियार। तीज़मालि द्युत कथि थख ह्यु। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर - वख अकि ॴस कऺशीरि मंज़ नऺवीद बऻगरावनॖच प्रथा रूज़मॖच़ सऺद्यव प्यठॖ कुनि नतॖ कुनि रूपस मंज़। सु ज़न गव ज़ि वॊहरवऻदिस प्यठ ॴस्य तऺहर बऻगरावान पनॖनिसॖय मऺहलस मंज़  पान्च़न सतन बटॖ गरन तॖ तिम ॴस्य तोरॖ नून म्वठा दिवान रोज़ान। सऻन्क्रऻच़ प्यठ ॴस्य सत्यदीव करान याने पूर्य बनावान केंच़न गरन ताम वातनावान। न्वश यॆलि द्वद ह्यथ वऻरिव यिवान आसॖ सु द्वद ति ओस यिवान बऻगरावनॖ।  दीवऻली प्यठ ॴस्य मिठऻय बऻगरावान। शुर ज़्यनॖ पतॖ त्रुय यॆलि ओस आसान तेल ओस यिवान बऻगरावनॖ। शुर यॆलि पास गछ़िहे च़्वचि आसॖ यिवान बऻगरावनॖ  साहिबॖ सतम दॊह ओस खिर यिवान बऻगरावनॖ। पन्नुक नवीद रोठ तॖ हेरच़ हुन्द नऺवीद डून्य ॴस्य मऺहलॖ न्यबर ति यिवान वातनावनॖ। अथ बऻगरावनस पऺत्यकिन छु ख़ास मक्सद रूदमुत म्यॆ बासान मिलच़ारुक, पान्यारुक, टाठ्यन्यारुक तॖ रसॖम रिवाज रऺछ़रावनुक। यि प्रथा गऺयि वारॖ वारॖ ख़तम। बस अख ज़ॖ रसॖम त्रऻविथ। तिमन रसमन हुन्द ति शाह छुन व्वंय ह्यॊतमुत छ़्वकुन। यिम रसॖम रऻव्य नऺव्य प्रऻव्य असि कम त्रऻव्य तॖ ॳस्य कमव त्रऻव्य।

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

08.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

08.03.2022, फागुन (फाल्गुन) ज़ूनॖ पछॖ (शुक्ल पक्ष) शॆयम (षष्ठी) बॊम्वार (मंगलवार) श्री सप्तर्षि सम्वत 5097, नक्षत्र कृति, राश वृष (दुहचि 12.30 बजि प्यठॖ), ऋतु शिशर (चलान)...अज़ छि कुमार शॆयम (कुमार षष्ठी) ति

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

********************** 

बरादर आव पनॖन्य कऻम म्वकॖलऻविथ तॖ दॊपुन तीज़मालि वन बी व्वंय च़ॖ ब्रोंहकुन कथ। कथ क्याबा ज़न छसय बॖ रामायण बोज़नावान। तीज़मालि द्युतनस असान असान जवाब। मऻजी यॆमि अन्दाज़ॖ च़्यॆ यि कथ शॊरु कऺरॖथ तॖ वुन्यखताम रूज़ॖख बोज़नावान यिति बोज़नोवुथ च़्यॆ अख रामायणा। किथ सना पऻठ्य। तीज़मालि प्रुछ़ बरादरस। अथ कथि मंज़ क्याह बास्योय च़्यॆ रामायण ह्यु। तीज़मालि कॊर सवाल बरादरस। मऻजी यॊत ताम म्यॆ फिकिरी तॊर म्यॆ बास्यव ज़ि रामॖच़ऺन्दरॖन्य पऻठ्य ॴस्मॖत्य छि माधव जुवॖन्य शुर्य सऻरी फर्माबरदार। दॖरॖकाकॖन्यन हुन्द पानॖवॖन्य माय महोब्बतॖ। हशि हॆहरॖ सुन्द मान तॖ यज़थ न्वश्यव दऺस्य करान रोज़ुन, ब्यॆयि सुन्द शुर पनुन शुर ज़ऻनिथ तिमन लाड प्यार करुन तॖ स्यॊद सादॖ ज़िन्दगी जियिन्य यि छा रामायणॖ खॊतॖ कम। बरादरन वॊन तीज़मालि। अज़कल छु म्यॆ बासान ज़न सोरुय फिरिथॖय। बरादरन कऺर कथ पूरॖ। आहनबा च्योन वनुन छु पॊज़। तवय छि आमॖत्य माधव जुवनि गरिच मिसाल दिवान तमि मऺहलॖक्य लूख तॖ ब्यॆयि तिम युहुन्द माधव जुवुन गरॖ ओस्मुत ओस रूदमुत युन गछ़ुन। मऻजी बोज़नावी ब्रोंहकुन। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर - बेसबरी तॖ बेतऻबी सान ॴस्य सऻन्य शुर्य क्यो बऺड्य प्रारान रोज़ान कर यी तीलॖ ॴठम। कांगरि ख्वर, फुट्यमॖत्य क्रॆंजॖल्य, फुचिमच़ॖ फ्वतरि तॖ ह्वख गासॖ ॴस्य सॊम्बरावान रोज़ान तिक्याज़ि तीलॖ ॴठम दॊह ॴस्य यिम सऻरी चीज़ नज़रे आतॖश यिवान करनॖ। डून्य बऻगरावनुक सिल्सिलॖ ओस चलान रोज़ान। म्यॆ छु पूरॖपऻठ्य याद ज़ि सरकऻर्य दफ्तरन मंज़ ॴस्य कऻशिर्य बटॖ मुलऻज़िम मुस्लमान मुलऻज़िमन डून्य बऻगरावान रोज़ान। म्यॆ बासान ज़ि डून्य बऻगरावॖन्य ओस अख बहानॖ बऺल्कि पान्यार बऺडरावुन तॖ माय महोब्बतॖ रऺछ़रावनुक अख मज़बूत ज़ऺरियि छु अम्युक ख़ास मक्सद रूदमुत। यिमन चीज़न हॖन्ज़ कऺमी छि ॳस्य व्वंय व्वंय मॊहसूस करान। यिम द्वयत्रॖह वऺरी द्रायि असि यि व्यछ़य पानस सॗत्य पकनावान। हालांकि असि छि अज़कल यातायातॖक्य सऻरी सादन मॊयसर मस्लन कारॖ, स्कूटर, रिक्शा वगैरा मगर अंग ॴश्यनाव, हक़ हमसायि, यार दोस्त छ़ान्डुन छु मुश्किल। कति अनोख तिम यार दोस्त तॖ कति लबोख तिम अंग ॴश्यनाव।

********************** 

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

07.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------,--

🙏🙏-नमस्कार माहरा

07.03.2022, फागुन (फाल्गुन) ज़ूनॖ पछॖ (शुक्ल पक्ष) पऻन्च़म (पंचमी) च़ऺन्दॖरवार (सोमवार) श्री सप्तर्षि सम्वत 5097, नक्षत्र भरण, राश मेष (चलान) ऋतु शिशर (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरस प्यॆयि क्वस ताम कऻम याद तॖ वॊनुन तीज़मालि ज़ि माधव जुवॖन्य कथ छि बोज़ॖन्य लायक़ दफ अमा पॊज़ म्यॆ छु अज़ वातुन ॳकिस जायि ज़ॊरूरी तवॖ म्वखॖ छम नॖ फुर्सथ यि कथ बोज़नस सॊम्ब। पगाह ताम दिमव थख अथ कति। आदबा तॖ नावॖ कम गऺयि नीरिथ। माधव जुवुन गरॖ च़ॊलाह कुन। पगाह सम्वव वारॖकारॖ ब्यॆयि स्यॆदि बुथि ओसय प्रारब्ध। तीज़मालि वॊन बरादरस। आदबी मऻजी बॖ द्रासय। नमस्कार। गछ़ च़्यॆ लछॖ त्रॊगुन आय। द्युत ॴशिर्वाद तीज़मालि बरादरस। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

राथ ओस जे के विचार मंच संस्थायि अख प्रोग्राम आयोजित कॊरमुत के ई सी एस एस हाल, पम्पोश कॏलोनी दिल्लि मंज़ यथ मंज़ शुर्यव कॆंह बऻथ ग्यॆव, केंच़न नामावार शख्सियतन आयि यनामॖ  दिनॖ, स्वर्गियी सऻयल सऻबॖन्य अख किताब पोशॖ फुलय आयि शाया करनॖ तॖ शुर्यन यिमव माजि ज़्यव वनॖनस मंज़, पैंटिंग मंज़, पोशाख लागनस मंज़ ॵन लाईन शॊमूहलियत कऺरमॖच़ ॴस तिमन मंज़ ग्वडन्युक दॊयिम तॖ त्र्यॆयिम दर्जॖ हऻसिल करन वाल्यन हॖन्द्य नाव आयि ह्यनॖ यनामॖ दिनॖ बापथ। ख्यनॖच च्यनॖच व्यवस्था ति ॴस आमॖच़ करनॖ। वारियाह लूख ॴस्य यि प्रोग्राम वुछनॖ बापथ आमॖत्य।

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

.

06.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

06.03.2022, फागुन (फाल्गुन) ज़ूनॖ पछॖ (शुक्ल पक्ष) च़ोरम (चतुर्थी) आथवार (रविवार/ऐतवार), श्री सप्तर्षि सम्वत 5097,, नक्षत्र आश्विन, राश मेष (चलान), ऋतु शिशर (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

माधव जुवन दपान ओस  तमोक च्यॊन शॊरु ह्यॊतमुत करुन सुति रिटायर गछ़नॖ पतॖ। यि आदत ओस लार्योमुत दपान सऻम्पकुजि ति। तीज़मालि वॊन बरादरस। मऻजी म्यॆ छु ज़्वन ज़ि कॆंह कऻशिर्य बटनि आसॖ तमोक च्यवान रोज़ान कऺशीरि मंज़। बरादरन वॊन तीज़मालि। बूज़मुत हाबा छुम ज़ि गामॖच्यन ज़नान छु ओसमुत ज़्यादय पाहन अथ कुन रूजान कऺशीरि मंज़। सऻम्पकुजि ति ॴस वॊटिस मंज़ ॳकिस कूनस मंज़ बिहिथ ल्वकॖट ज्यॆजीरा रऺटिथ। अख कांगॖर तॖ तमऻक्य डबॖ ति ओसुस पानस निश। तीज़मालि वॊन बरादरस। तिथय पऻठ्य ओस माधव जुवस ति पनॖनिस कुठिस मंज़ बऺड ज्यॆजीरा ज़्यीठ्य ज्यीठ्य नय, कांगॖर, तमऻक्य डबॖ वगैरा। छोटी ॴस सुबहस वऺथित पोन्य बदलावान यिमन ज्यॆजीर्यन, कांगर्यन मंज़ त्यॊंगुल बनऻविथ थवान रोज़ान। ब्रांदॖ फश ॴस्य प्यारी दिवान रोज़ान। बरादरन वॊन तीज़मालि ज़ि मऻजी यॊत ताम म्यॆ ज़्वन छु कऺशीरि मंज़ ॴस्य सऻन्य ज़िठ्य तमोक च्यवान रोज़ान। प्रथ गरस मंज़ ॴस्य ज्यॆजीर आसानॖय। आसान। नवजवान ॴस्य सिग्रेट च्यवान रोज़ान दफ अमापॊज़ शॊराबॖ च्यनुक आदत ओस नॖ बटस कऺशीरि मंज़ ज़्यादॖ। यि ॴब लार्यव असि बटन टनलि यपोर तरनॖ पतय। हालांकि ज्यॆमिस मंज़ ॴस डूगरॖ शराब च्यथ प्यथ आसान वख अकि।  ॴब दपान युस ति आसि छु नॖ चलान सऺहल सऺहल। डूगरॖ ह्यॊतुन सुदरुन मगर बटस ह्यॊतुन गुदरुन। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर - कऺशीरि मंज़ ओस असि कऻशर्यन वऺर्यस मंज़ द्वन व्वत्सवन प्यठ प्यवान नऺवीद बऻगरावुन। अख पन्नुक याने रोठ तॖ दॊयिम हेरऺच़ हुन्द नऺवीद याने डून्य। यि नऺवीद ॴस्य वातनावान इस्तर्यन हॖन्द्यन पिस्तर्यन ताम। तिमन दॊहन ओस नॖ कऺशीरि मंज़ यातायात ज़्यादॖ मॊयसर। टांगन प्यठ ॴस्य यिवान गछ़ान। असि आसनॖ येतिक्य पऻठ्य कारॖ तॖ स्कूटर कऺशीरि मंज़। बसन हुन्द चलन ति ओस आसान कुनि कुनि जायि प्यठॖ। यॆतिक्य पऻठ्य ॴस्य नॖ आटो रिक्शा, ओला या ऊबर। बऻस्कल ॴस्य आसान तिम ति ॴस्य अक्सर मर्दॖय चलावान रोज़ान। दूर दुर जायन ओस आसान वातुन मस्लन हब्बॖ कऺदलॖ प्यठॖ रॗन्यवोर, रॗन्यवारि प्यठॖ छच़ॖबल, फतेह कऺदलॖ प्यठॖ जवऻहिर नगर वगैरा वगेरा। नऺट्यपूर, छानॖपूर, शिवपूर वगैरा अलाकॖ बनेयि नऺव्य यॊत लूख ह्यॆतिमॖत्य ॴसिन्य बसॖन्य। नऺवीद सारिनी जायन वातनावनॖ सॗत्य ओस माय महोब्बतॖ बडान रोज़ान तॖ अंगन ॴश्यनावन हुन्द पय पताह तॖ अख ॴक्यसॖन्ज़ ख़बर अतर रोज़ान। नऺवीद ओस पानॖवुन्य गऺन्डिथ रोज़नुक अख ज़ऺरियि सान्यव ज़िठ्यव म्यॆ बासान सूंचिथ सम्जिथ पनॖनि वख्तॖ थोवमुत। अमिच व्यछ़य छि योर यिथ बासान

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

05.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

05.03.2022, फागुन (फाल्गुन) ज़ूनॖ पछॖ (शुक्ल पक्ष) त्रय (तृतीया) बटॖवार (शनिवार/शनिश्चरवार) श्री सप्तर्षि सम्वत 5097, नक्षत्र रेव, राश मेष (रऻच़ हॖन्ज़ॖ 02.29 बजि प्यठॖ), ऋतु शिशर (चलान) द्रठॖपऻन्च़ुक (पंचक) समाप्त

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि दपान हाबा छोटी हॖन्दि यिनॖ पतॖ ॴसॖन ह्यॆच़ॖन माधव जुवनिस गरस मंज़ रोनक ज़्यादय हिश यिन्य। कमि सॗत्य सना। बरादरन प्रुछ़ तीज़मालि। नऺव्य नऺव्य चीज़ गरस मंज़ यिनॖ मूजूब तॖ ब्यॆयि क्याह। आहनी मऻजी यॆमॖ वख्तॖच यि कथ ॳस्य करान छि तमि वख्तॖ मा ॴस्य सऻरी चीज़ सारिनी हॖन्द्यन गरन मंज़ दस्तियाब आसान। अदॖ युस नॊव चीज़ कुनि गरस मंज़ यिवान ओस तमि गरॖक्य बऻच़ ॴस्य ज़न क्याहताम ज़्युत ह्यु लबान। आहनबा ति छुय पॊज़। दपान माधव जियिन्य च़ूरिम न्यॆचिव ऒन मऻलिस प्रॖछ़िथ रेडियो। यॆलि मऺहलॖवाल्यव वुछ  पोशकर नाथ रॆडियो ह्यथ गरॖ अच़ान दपान सऻर्यसॖय मऺहलस लऺज्य ज़न पारय। शामन दपान आयि महलॖक्य ल्वकॖट्य ल्वकॖट्य शुर्य माधव जियुन गरॖ यि रॆडियो वुछनॖ बापथ। हालांकि अमि ब्रोंह ओस दपान म्युनस्पूलटी वाल्यव अख लौवॖड-स्पीकर लोगमुत अथ मऺहलस मंज़ कत्यथ ताम खुलॖ जायि तॖ दपान यिम मऺहलॖक्य लूख ॴस्य मा खबरॖ बोज़ान रोज़ान तती प्यठॖ। खऻर। दपान यि रेडियो ति ओस आमुत थवनॖ माधव जुवनिस कुठिस मंज़ॖय। माधव जूवॖनिस गरस मंज़ शामन शामन इकॖवटॖ सऺमिथ बजन कीर्तन करनॖच प्रथा दपान ॴस न्वशि अननॖ फतॖ वारॖ वारॖ हना कम ह्यॆच़मॖच़ गछ़ॖन्य। रेडियो अननॖ पतॖ दपान गरॖक्य बऻच़ ॴस्य तऺथ्य सऺत्य व्यस्त रोज़ान ज़्यादॖ। बजन कीर्तन ओस व्वंय यिवान करनॖ कुनि छुटी दॊह। यि बदलाव ओस आमुत अथ गरस मंज़। गरॖक्य बऻच़ ॴस्य सऻरी माधव जूवनिस कुठिस मंज़ बिहिथ रेडियो बोज़ान रोज़ान। मऺहलॖक्य मुस्लमान शुर्य ति दपान ॴस्य मंज़्य मंज़्य यिवान रोज़ान तॖ कुठिकिस दरवाज़स निश बिहिथ रैडियो प्यठॖ बऻथा वऻथा बोज़ान रोज़ान। कथ छि जऻरी।

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर -  कऺशीरी मंज़ ॴस्य डून्य परमूज़नॖ पतॖ यारबल वसान वुसुर्य, आरि, च़ोंग, नऻर्यवन, पोश वगैरा व्यतस्तायि मंज़ प्रवाह करनॖ बापथ तॖ तिमन यारबलन प्यठ ॴस्य नावि हऻन्ज़ होरॖ योरॖ प्यठॖ यिवान रोज़ान तॖ असि निशि डून्य रटान रोज़ान तॖ असि नावि सवऻर्य ति करनावान रोज़ान। चप्पव सॗत्य ॴस्य तिम हऻन्ज़ डुन्य सॊम्बरावान रोज़ान यिम डून्य ॳस्य ॴस्य प्रवाह करान। यि नज़ारॖ ति ओस वख अकि वुछुन लायक़ आसान। अमि पतॖ ॴस आसान अख बऺड कऻम स्व गऺयेयि डून्य बऻगरावॖन्य हकन हमसायन, अंगन ॴश्यनावन, यारन दोस्तन, व्यसन सॊदरन। अकि अंदॖ प्यठॖ ब्यॆयिस अंदस ताम ओस आसान वातनावुन यि नऺवीद। कान्दर वानचि च़्वचि आसॖ यिवान बऻगरावनॖ डोन्यन सॗत्य सॗत्य। केंच़न जायन ॴस्य च़्वच्यव कनि नक़द पौंसॖ दिवान। नव्यन न्वश्यन हॖन्दि माल्यनि प्यठॖ ॴस्य सथ सथ ॴठ ॴठ शथ डून्य वातान तॖ तथ सॗत्य रोठ, च़्वचि, ट्यॊक, नऻर्यवन, नवीद तॖ कॆंह रॊपियि शॊगून खऻतरॖ आसान। तीलॖ ॳठम ताम ॴस्य ॳस्य डून्य बऻगरावान रोज़ान।  यिम शुर्य कऺशीरि न्यबर ॴस्य आसान तिमन ॴस्य डाकॖ कि जऺर्यि यि नवीद  पार्सलॖ कऺरिथ सोज़ान रोज़ान। म्वकलैयि तिम दॊह, म्वकल्यव सु युन तॖ गछ़ुन, व्वंय रूद नॖ सु हक़ हमसायि न रूद सु अंग ॴश्यनाव। यथ रीच़ रिवाजस मंज़ ति आव बदलाव कति कोर। कऺशीरि न्यबर लगनॖ पतॖ वुछ असि नॊव दौया। वुछ्य नऺव वथा तॖ मऺशॖरऻव असि प्रऻन्य कथा।

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.bligspot.com प्यठॖ ति)

04.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

04.03.2022, फागुन (फाल्गुन) ज़ूनॖ पछॖ (शुक्ल पक्ष) द्वय (द्वितिय) शॊकुरवार (शुक्रवार/जुम्मा/भार्गववार), श्री सप्तर्षि सम्वत 5097, नक्षत्र उ.भा, राश मीन (चलान) ऋतु शिशर (चलान) द्रठपऻन्च़ुक (पंचक) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

यथ गरस मंज़ बऻच़न पानॖवुन्य कुनी कथ आसि, समुत, मान सम्मान, शूब शर्म, भय हय्या, सऺही संस्कार तॖ रॖच़ संस्कृति आसि तथ गरस मंज़ छि दपान आसान दय सॖन्ज़ दयगथ, हरकथ तॖ बरकथ, स्वख सम्पदा तॖ मनॖच शऻन्ती। यी छु आमुत वुछनॖ तॖ आज़मावनॖ सान्यव ज़िठ्यव दऺस्य अज़ताम। ॳस्य ति आयि ॳथ्य परम्परायि थफ कऺरिथ वुन्युखताम। तीज़मालि वॊन बरादरस। च्योन वनुन छु पॊज़ मऻजी। म्यॆ छु बासान ज़ि यिमवॖय चीज़व किन्य छि ॳस्य अज़ ति कलॖ थॊद थऺविथ पकान। बरादरन वॊन तीज़मालि। माधव जुवनिस गरस मंज़ ति गव बऻच़ बऻच़ हुर्रान तॖ यकुत तॖ समुत आसनॖ सॗत्य ॴस गरस मंज़ ख्वशहऻली। तीज़मालि कऺर कथ पूरॖ। चूंकि त्रॆयिम न्वश याने छोटी ॴस्मॖच़ ॴस दपान आसवॖन्य बसवुन्य गरॖच तऺमिस ॴस कथ ताम प्रूगस प्यठ सिलायि मिशीन ति वऻच़मॖच़। छोटी दपान ॴस पनुन पान आवुर थवान अथ मिशीनि सॗत्य कुनि कुनि सातन। छोटी ॴस पऺरमॖच़ ति तवॖ म्वखॖ ॴस द्वन ल्वकच्यन कोर्यन पानस ब्रोंहकनि बॆहनऻविथ परना वान लेखनावान ति। तीज़मालि वॊन बरादरस। वारिनि हुन्द तॖ मऺन्ज़िमयार्यन हुन्द युन गछ़ुन ओस जऻरी।  कथॖ कथ ॴसॖन्य ह्यॆच़मॖच़ चलॖन्य च़ूर्यमिस तॖ पॗन्च़्यमिस न्यॆचिवि सॖन्दि बापथ। बाबी हॖन्दि प्रसनुक वखॖत ति ओस नऺज़दीख। कथ छि जऻरी  

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर - कऺह्य कऺह्य ताम द्राव वारॖकारॖ रातुक दॊह याने डून्य परमोज़नुक दॊह। ऊतरॖ तॖ राथ ॴस्य ॳस्य द्वन तॖ च़्वन मंज़ ज़ि ॴखॖर सऺही दॊह कुस ओस मावस किनॖ ऒक्दॊह। यि सम्शय रुद सिरिफ अमि म्वखॖ तिक्याज़ि ओंकार नाथनि विज्येश्वर जन्त्री मंज़ ओस आमुत हावनॖ मावस तॖ पुनीत जीनि विज्येश्वर जन्त्री मंज़ ओस आमुत हावनॖ ऒक्दॊह तॖ द्वन जन्त्रीयन  परन वऻल्य गयि परेशान खामॖखा। दपान छि शिव जी यॆलि वर्णि आमुत ओस वॊमायि बरात ह्यथ हिमाचलन ॴस नॖ पिता मॊह किन्य पनॖन्य कूर विदा कऺरमॖच़ खान्दरॖ पतय बऺल्कि ॴसिन्य बॆहनऻव्यमॖत्य त्र्यन रऻच़न तॖ अदॖ कऺर्यमॖत्य विदा। अम्युक वर्णन छु आमुत दपान करनॖ शिव पूराणस मंज़ तॖ नीलमत पुराणस मंज़ ति। तमि हिसाबॖ ओस म्यॆ बासान ऒक्दॊह सऺही दॊह न कि मावस तिक्याज़ि हेरथ पूज़ा कऺर असि त्रुवुश दॊह ति क्याज़ि बाह ॴस्य रावान। मानॖनॖ छु यिवान ज़ि हेरच़ पूजा पतॖ गछ़ि वटुक राज़ॖ त्र्यन रऻच़न गरस मंज़ थवनॖ युन तॖ च़ूर्यमि दॊह गछ़न डून्य परमोज़न्य।

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

03.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

03.03.2022, फागुन (फाल्गुन) ज़ूनॖ पछॖ (शुक्ल पक्ष) ऒक्दॊह (प्रथमा/प्रतिपदा) ब्रसवार (गरूवार/वीरवार/ब्रहस्पतवार) श्री सप्तर्षि सम्वत 5097, नक्षत्र पू.भा, राश मीन (रऻच़ हॖन्ज़ॖ 08.03 बजि प्यठॖ), ऋतु शिशर (चलान), द्रठपऻन्च़ुक (पंचक) (चलान)...अज़ छु वटुक परॖमूज़ुन

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

चूंकि बाबी ॴस ब्यॆयि ज़ुवॖ दॊयिमि न्वशि याने प्यारी ओस चोकॖ सम्बोलमुत तॖ बाबी ओस गॊब चीज़ तुलुन मन्ना। अवॖ म्वखॖ ॴस बाबी ल्वकॖट म्वकॖट कऻम  करान रोज़ान तॖ त्रॆयिम न्वश याने छोटी ॴस पलव दलव छलान छॊकान, कुठ्यन मंज़ डुवान शेरान तॖ बानॖ सुरवान। तीज़मालि वॊन बरादरस। बरादरन वॊन तीज़मालि ज़ि मऻजी म्यॆ छु बासान ज़ि तमि वख्तॖ आसॖ नॖ पलव-छलन वाजि याने वाशिंग मऺशीनॖ। हय नबा तमि सातॖ ओस नॖ यिमन मशीनन हुन्द नावॖय बूज़मुत। अथव सॗती ॴस्य तगार्यन मंज़, चिलमचीयन मंज़, टबन मंज़ यिवान पलव छलनॖ। गरम पलव याने यॆरॖव बऺन्यानॖ, पटिव पलव, फलालऻनिक फ्यरन, पतलून, दराज़ॖ, कऺमीज़ॖ वगैरा वगैरा। हय कॆंह मॖ प्रॖछ़। अथॖ ॴस्य वऺसिथ प्यवान। सॗत्य ह्यथ आसॖ आसान लेफूरि, शांदगऺन्ड्य वोरि, करॖच़, मसनन्दॖ, पोछ़, दोति, प्येटीकोठ वगैरा वगैरा। पलव छलान छलान ॴस यॆसॖर यिवान। अल्बतॖ अख राहत ॴस आसान। क्याह सना हिश। प्रुछ़ बरादरन। यकुत, समुत तॖ एहसास ओस। जवाब द्युत तीज़मालि। ऒमूमन ॴस्य मॊट्य पलव यारबलॖ गऺछ़िथ छलान रोज़ान। यिमन नॖ यारबल नऺज़दीक ओस आसान तिम ॴस्य गरन मंज़ॖय छलान छॊकान रोज़ान। साबन ति ॴस आसान दीसी। केंच़न पलवन ओस यिवान मायि करनॖ। मस्लन पूच़, ज़ुज्य, साफॖ, कऺमीज़ॖ, पऻजामॖ वगैरा। अनिमॖ ओस यिवान इस्तिमाल करनॖ मायि बजाय। वॊन तीज़मालि। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर - ज्यॆमिस मंज़ बिहिथ द्वयव ज्योतिष्याचार्यव याने सर्वश्री ओंकार नाथ, भूषण लाल अकि तरफॖ तॖ श्री पुनीत जी दॊयिमि तरफॖ छि अज़कल लऺगिथ असि कऻशिर्य बटन वथ हावनॖ बजाय वथ रावरावनस मंज़ म्यॆ बासान। जन्त्री तयार करनस मंज तिमन द्वन पानॖवुन्य कुनी कथ न आसनॖ म्वखॖ रूद्य ॳस्य विज़ि विज़ि दु-च़्यॆतिस मंज़ ज़ि कुस दॆह कमि दॊह यी। यिथिस माहोलस मंज़ छि सऻरी पनुन पनुन तरक थऺविथ ॳस्य अख ॳकिस ब्रऺमित करान रोज़ान। डून्य परॖमूज़नस मंज़ ति छि रातॖ प्यठॖ सऻनिस समुदायस मंज़ हल चल हिश मचेमॖच़। अड्यव परमूज़ राथ वटुक ति क्याज़ ओंकार नाथन ओस होवमुत राथ। ॳड्य परमुज़न अज़ ति क्याज़ि पुनीत जियन छु होवमुत अज़। म्वखसरॖ प्यव असि पानय वुछुन ज़ि कऺह्य प्यव गज़। ॳस्य बटॖ छिनॖ ह्यकान लऺमिथ कुनी रज़। सऻरी छि पनॖनिस पनॖनिस मज़स मंज़। 

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

02.03.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

02.03.2022, फागुन (फाल्गुन) गटॖ पछॖ (कृष्ण पक्ष) मावस (अमावस्या) ब्वदॖवार (बुधवार) श्री सप्तर्षि सम्वत 5097, नक्षत्र शत, राश कुम्भ (चलान) ऋतु शिशर  (चलान), द्रठपऻन्च़ुक (पंचक) (चलान).वटुख परिमोज़ुन छु पगाह याने 03.03.2022

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

दपान सऻम्पकुजि ओस रॊटमुत वऺटिस मंज़ अख कुनाह तॖ कॊरमुत ओसुन गरॖ हवालॖ न्वश्यन। तीज़मालि वॊन बरादरस। आहनी मऻजी त्र्यॆ न्वशि ॴसिथ कथ ॴसॖस गरॖ कऻम पानॖ करॖन्य। बरादरन वॊन वापस तीज़मालि। आहनबा ति छु पॊज़ दफ अमा पॊज़ असि कऻशिर्य ज़नान ओस नॖ नरि ज़ंगॖ वऺटिथ बिहिथ वार यिवान। शुर्यॆ यीत्य यीत्य आसनॖ पतॖ ति आसॖ ज़नानॖ गरस मंज़ जखान रोज़ान। दपान सऻम्पकुजि मा ओस कर ताम यॆन्दॖर ऒनमुत तॖ ॴस मा कुनि कुनि सातन यॆन्दॖरॖ तुलिस ज़ीर ज़ीर दिवान रोज़ान। तीज़मिलि वॊन बरादरस। म्यॆ प्यव ज़्वन च्यऻन्य यि कथ बूज़िथ ज़ि म्यऺन्य मऻज्य ति ॴस वख अकि यॆन्दॖर चलावान रोज़ान। बरादरन वॊन तीज़मालि। आहनबा तमि वख्तॖ छु ओसमुत यिमन चीज़न हुन्द रिवाज दफ प्रथ गरस मंज़। कंज़स मंज़ दानि मुनुन, व्वज़ॖल्य हॊख्य मर्च़ॖवांगन कंज़स मंज़ दगॖन्य, यॆन्दरस प्यठ फम्ब कतुन, शुपि सॗत्य त्वमुल छ़टुन, कन्नॖ तॖ श्युर ब्यॊन ब्यॊन कुन, परिनिस मंज़ ओट छानुन, ग्रटस मंज़ कॖनॖख या म्वन्ग पिहुन, फ्यरनॖच डूर बनावॖनॖ बापथ यॆन्य वाहरावॖन्य, न्यामि मंज़ दऺजमॖच़ मछ़ ज़ऻविज बनावॖन्य, कम कऻम ॴस नॖ ज़नान आसान तमि पतॖ ति आसॖ नॖ दायन अथि बानॖ छलनावान या कुठ्यन डुवनावान। कऺशीरि मंज़ ओस नॖ दायन याने मेड थावनुक रिवाज। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऺशीर - अज़ छि डून्य मावस। कऺशीरि मंज़ ॴस्य दपान ॳज़्यकि दॊह ॴस्य डून्य परमोज़ान याने कॆंह च़्वचॖवऺर्य बनावान तॖ वटुक राज़ॖ सॖन्द्यव बानव मंज़ॖ कॆंह डून्य कऺडिथ तिमन प्रेप्युन हावान। यि ओस बनान नवीद तॖ ॴस्य बऻगरावान गरिक्यन बऻच़न मंज़। यिथॖपऻठ्य ओस वातान अंद यथ त्यौहारस। यि प्रथा छि वुन्यखताम चलान आमॖच़ तमी त्रायि। दफ अमापॊज़ मतभेद छु रोज़ान तिथियस प्यठ मंज़ॖ मंज़ॖ ज़ि अज़ छा परमोज़ुन  किनॖ पगाह। द्वयव शास्त्री जियव छि हऻव्यमॖत्य ब्यॊन ब्यॊन तिथि दपान। मनऻयिव तॊह्य तहि अज़ या पगाह याने यॆमिस यिथॖपऻठ्य व्यस्तार यी। वनच्यन यार्यन ख्वदायि सुन्द सग।   

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)