01.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

01.08.2022 श्रावनॖ (श्रावण) ज़ूनॖ पछॖ (शुक्ल पक्ष) च़ोरम (चतुर्थी) च़ऺन्दॖरवार (सोमवार), श्री सप्तर्षि सम्वत 5098, नक्षत्र पू.फा, राश कन्या (रऻच़ हॖन्ज़ि 12.28 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि यथ मोबाईलस मंज़ हाबा छि वुछान रोज़ान तिम तिम चीज़ यिम नॖ ईन्सान ज़ांह स्शपनस मंज़ ति सूंचिथ ह्यॆकिहे। टी वी चन्नलन प्यठ ति छिनॖ ह्यकान त्यूत वुछिथ यूत मोबाइलॖ प्यठॖ अज़कल इन्सान वुछान रोज़ान छु। मऻजी च्योन वनुन हय छु पॊज़। यॊदवय ह्यॆछनॖ बापथ छि कॆंह जान जान चीज़ नज़र यिवान मोबाएलस  मंज़ तऺती छि तिथ्य ति कॆंह नाकारॖ चीज़ यिवान  वुछनस तल यिमव सॗत्य सान्यन शुर्यन प्यठ छु नाकारॖ असर प्यवान रोज़ान। बरादन वॊन तीज़मालि ज़ि मऻजी मोबाईलन बऺडरऻव अख बऺड ज़िम्वऻरी असि सारिनी प्यठ सु गऺयि यि ज़ि असि छु रोज़ुन सतर्क युथ नॖ सोन शुर क्वकर्मस कुन लगि। यॊदवय कॆंह वीडियो दपान बनावटी छि आसान मगर कॆंह वीडियो या आडियो छि वाकय ज्ञान बऺडरावनस मंज़ मदद करान। हालांकि यि कथ छि बिल्कुल सऺही ज़ि यॆम्य मोबाईलन कऺर्य ॳस्य सऻरी ॳक्यसॖय गरस मंज़ इकॖवटॖ ॴसिथ ति ब्यॊन ब्यॊन तॖ दूर दूर। मोबाईलन थऻव्य सऻन्य अंग ॴश्यनाव दिलस बदलॖ कनन मंज़। सारिनी अंगन ॴश्यनावन हॖन्द्य फ़ोन नम्बर छि मोबाईलस मंज़ तॖ ख्शदा-नखासता यॊदवय यि मोबाईल रालि बासान छु ज़न सु ॴश्यनाव रोवुय। यॆम्य मोबाईलन ति हऻव्य कम कम रंग यिम वुछिथ या बूज़िथ असुन ति छु यिवान तॖ वदुन ति। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

31.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

31.07.2022 श्रावनॖ (श्रावण) ज़ूनॖ पछॖ (शुक्ल पक्ष) त्रय (तृतीया) आथवार (रविवार/ऐतवार), श्री सप्तर्षि सम्वत 5098, नक्षत्र मघा, राश सिंहं (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

दपान हाबा वनन वोल अगर अपुज़ वनान रोज़ान आसि तॖ बोज़न वोल अपुज़ बोज़नुक ॴदी आसि सु अपुज़ छु पॊज़ यिवान मानॖनॖ तॖ सु बन्योमुतम पॊज़ छु लूकन मंज़ सऺनिथ गछ़ान रोज़ान। तीज़मालि वॊन बरादरस। च्यॆ हय वऺनिथ मऻजी ब्यालि तलॖच कथ। म्यॆ ति छु बृज़मुत मऻजी ज़ि दपान पज़ि कथि यॊदवय ज़ेर ज़बर बऺडरावनॖ यी या गऺटरावनॖ यी सु पॊज़ छुनॖ पॊज़ रोज़ान अल्बतॖ अपुज़ कथि  यॊदवय ज़ेर ज़बर बऺडरावव या गऺटरावव सु  अपुज़ छु अपुज़ुय रोज़ान। तीज़मालि वॊन बरादरस ज़ि अज़कलॖक्य हालाथ हाबा छि बिल्कुल तिथी। पॊज़ छुनॖ वनान कांह तॖ अपुज़िस छि लॊलॖमतॖलाय करान तॖ यॊदवय कांह पॊज़ वनॖनुक जिगरॖ करान छु तऺमिस छिनॖ ज़ॖरनावान कुनि। बरादरन वॊन तीज़मालि ज़ि मऻजी शायद छि दऺपिथ कथ आमॖच़ वनॖनॖ अवय म्वखॖ। क्याह सना। तीज़मालि प्रुछ़ बरादरस। दपान छिना मऻजी यॊत्ताम पॊज़ पज़ि तॊत्ताम आलम दज़ि। यिहाबा छु पॊज़ दॊपमुत वनन वाल्यब। यॆति हाबा छि अज़कल अजि ति च़ूरॖय गजि ति च़ूरॖय। पौंसस पतॖ दवान सऻरी। पज़रस तॖ पऺज़्ययऻरिस मारान रोज़ान च़ऻर्य च़ऻरी। दॖह छु तुलमुत च़्ववापऻर्य रशवतखूरी। रंगॖ रंंगॖ रंगदार वुछमय म्यॆ इन्सान। च़ूर तय पऺहरदार वुछमय म्यॆ इन्सान। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

30.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

30.07.2022 श्रावनॖ (श्रावण) ज़ूनॖ पछॖ (शुक्ल पक्ष) द्वय (द्वितिय) बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र अश्ले, राश सिंह (दुहचि 12.12 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि म्यॆ हाबा बासान ज़न असि छि व्वंय च़ऺटमॖच़ कथॖय कऺशीरि वापस गछ़नॖच। मऻजी बटॖ बिचोर करि कयाह। नारस दिया नरि। बरादरन वॊन वापस तीज़मालि। आहनबा हालाथ छिनॖ साज़गार तति। तीज़मालि वॊन बरादरस। व्वंय थऺक्य बटॖ क्रकॖ दी दी। सरकार छु बोज़नाह करान तॖ पनन दॊह दॊह कडान। संसदस मंज़ पॊज़ अपुज़ वऺन्य वऺन्य बटन दिलासॖ दिवान रोज़ान ज़ि सरकारस छि सख फिकिर यि कऻशुर बटॖ किथॖपऻठ्य तॖ कर वाति कऺशीरि। सरकारचि अथ कथि मंज़ छु नकलीपन नज़र यिवान। मऻजी दपान चुनाव छु यिनॖवोल तॖ शायद मा सोज़न बटन चुनावॖ पतय म्यॆ बासान। बरादरन वॊन तीज़मालि। द्यवॖ दय बोज़ि। तीछ़़मालि द्युत पनॖनिस पानस छ़ॊरुय तस्लाह। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

29.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

29.07.2022 श्रावनॖ (श्रावण) ज़ूनॖ पछॖ (शुक्ल पक्ष) ऒक्दॊह (प्रथमा/प्रतिपदा) शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र तिष्य, राश कर्कट (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि यि हाबा छि तऻजबॖच कथ ज़ि सरकार क्याज़ि छु बेखबर तिमन लूकन निशि यिम खुले आम यिथ्य बदकार करान रोज़ान छि तॖ लूकन हॖन्ज़न ज़ुवन सॗत्य खिलवाड करान रोज़ान छि। मऻजी सरकारस छि सऻरॖय ख़बर दफ अमापॊज़ लूकन हुन्द ॳन्दरिम ज़ऺमीर छु गॊलमुत, लालचन छुनख मरुन मॊशरोवमुत तॖ बनावान रोज़ान छि यिम नकली चीज़। ॳकिस वीडियोहस मंज़ होवुख ज़ि गोल-गप्पै बापथ युस पोन्य आसान छु तथ पऻनिस मंज़ हारपिक यिवान रलावनॖ। हारपिक । तीज़मालि प्रुछ़ बरादरस हऺरऻन्यगी सान हय यि क्याहबा छुख वनान च़ॖ। हारपिक हाबा दपान छु बाथरूम साफ़ करनस लगान तॖ सु छा रलावान पानी-पूरी याने गोल-गप्पे किस पऻनिस मंज़। यि हाबा गऺयि क्याहताम त्रठॖय। कॆंह बेकरी वऻल्य ओट ख्वरव सॗत्य मांडान रोज़ान, कॆंह बदज़ाथ थॊकॖ रलावान ख्यनॖ च़ीज़न मंज़,  कॆंह पार्लर वऻल्य थॊकॖ मथान रोज़ान शेव करान करान या ज़नानन मेकअप करान करान। तलबा थव व्वंय। मन हाबा छु क्रुह गछ़ान यि बूज़्य बूज़्य। तीज़मालि वॊन बरादरस। बॖ हाबा छस दपान ज़ि ॴखॖर लूकन हॖन्द्यन यिमन क्व-कर्मन कुस हॆयि हिसाब। सरकार छु शायद ॳछ वऺटिथ वुछान। रशवतॖच ब्यमऻर्य छि अलगॖय अख बऺड ब्यमॏर्य। स्यॊद सादॖ इन्सान कथ कथ दी वाठ। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

28.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

28.07.2022 श्रावनॖ (श्रावण) गटॖ पछॖ (कृष्ण पक्ष) मावस (अमावस्या) ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र पुनर्वस (चलान), राश कर्कट (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस मोबाईलस मंज़ क्याहताम वुछान तॖ ॴसॖ मंज़ॖ द्रास यकदम त्राहि त्राहि तॖ बरादरन प्रुछ़नस मऻजी किहे दऺलील गऺयि च़्ये कथॖय प्यठ कॊरुथ त्राहि त्राहि। हत्बा यथ मोबाएलस मंज़ छि लूख सोज़ान तिम तिम वीडियो यिमन वुच़ितथ छु इन्सान त्रऺहरान। ख़बर हाबा यिमन वीडियोहन मंज़ कोताह पज़र छु आसान। तीज़मालि वॊन बरादरस। पॊज़ अपुज़ छु यिवान हावनॖ यिमन मोबाईलन मंज़ अकि सुबॖ प्यठॖ ब्यॆयिस सुबहस ताम। वख वोत ज़ि व्वंय छु पॊज़ बासान अपुज़ तॖ अपुज़ बासान पॊज़। बरादरन द्युत जवाब तीज़मालि। मगर च्योन वनुन ति छु पॊज़ ज़ि कॆंह कॆंह वीडियो छि तिथ्य यिमन वुछिथ इन्सान छु वाकय त्रऺहरान। अज़ क्याह वुछुथ च़्यॆ मऻजी। नक़ली दवा, नक़ली ग्यव, नक़ली द्वद, नक़ली ठूल, नकली त्वमुल, नक़ली मसालॖ, नक़ली नोट तॖ ब्यॆयि ति क्याहताम क्याहताम। बॖ वनय क्याह क्याह। तीज़मालि वॊन बरादरस पनॖन्यन कनन थफ करान करान। तवय छि मऻजी असि लूकन मंज़ बजि बजि तॖ खोच़वुन्य दऻद्य व्वत्लिथ यिवान। यॆम्य मोबाईलन हाबा मुच़रावि सानि ॳछ्य। सोंचान छस ज़ि यि आस्या सोरुय पॊज़। तीज़मालि प्रुछ़ बरादरस। यिमन चीज़न हॖन्द्य नाव च़्यॆ ह्यॆतिथ मऻजी सोरुए छु पॊज़। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

27.07.2022

।नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

27.07.2022 श्रावनॖ (श्रावण) गटॖ पछॖ (कृष्ण पक्ष) च़्वदह (चतुर्दशी) ब्वदवार (बुधवार), श्री सप्तर्षि सम्वत 5098, नक्षत्र पुनर्वस, राश कर्कट (रऻच़ हॖन्ज़ि 12.21 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी  नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी राथ ओसुय च़्यॆ गऺलत बूज़मुत। क्याह सना। तीज़मालि प्रुछ़नस  सऻन्य राष्ट्रपति श्रीमतॏ द्रौपदी मुरमुर हय छि आदिवासी तब्कॖच नकि दलित।  आहनबा म्यॆ फिच़ेयि ज़्यव। वनुन ओंसुम क्याहताम वऺनिथ गऺयस क्याहताम।ॳथ्य छि वनान लफ्ज़ॖ फ्युर। बरादरन दॊपनस। आहनबा ति छु पॊज़ दपान छि ना ज़्यवॖय छि तारान ज़्यवॖय छि मारान। तीज़मालि वॊन बरादरस। ब्यॆयि किहे छि नऺव ताज़ॖ ख़बरा मऻजी। बरादरन प्रुछ़ तीज़मालि। हत्बा नऺव ताज़ॖ क्याह वनय। यनॖ यि मोबाईल आव बारसस तनॖ ज़न बासान म्यॆ ज़ि असि सारिनी लूकन मंज़ कुस ताम जिन ज़न च़ामुत। त्युथ क्याह बास्योय च़्यॆ मऻजी। बरादरन कॊर सवालॖ तीज़मालि। बॖ हाबा ॴसॖस ल्वकॖचारस बोज़ान ॳलादीन कां चिराग यॆमिस निश आसाहे  सु ओस ज़गतॖचॖ सारेयि कामि फटाफट करनावान रोज़ान तऺमिस जिनस दऺस्य युस अमि जोदूगऺरी च़ान्गि मंज़ॖ नमूदार ओस सपदान। यि मोबाईल छु म्यॆ बासान त्युथुय क्याहताम बलाया ह्यु। बासान ज़न छु दुन्यह्यूक सोरुय खज़ानॖ अथ मंज़ बऺरिथ तॖ ॳल्यफॖ प्यठॖ यॆयस ताम सऻरी  लूख छि अथ खज़ानस छ़ऻन्ड दिनस मंज़ दॊह तॖ राथ लऺगिथ। म्यॆ छु बासान मऻजी च़ॖति छख यछ़ान अथ मंज़ कॆंह लाल जवऻहिर छ़ान्डॖन्य। अल्बतॖ अख कथ कऺरॖथ च़्यॆ पऺज़ मऻजी। बरादरन वॊन तीज़मालि ज़ि ॳमि मोबाईलॖ सॗत्य गव असि ज़गतकिस कूनस कूनस सऺत्य म्युल मगर युस पानस नखॖ बिहिथ आसान छु ॳस्य गछ़ान तऺस्य निशि ब्यॊन। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

26.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

26.07.2022 श्रावनॖ (श्रावण) गटॖ पछॖ (कृष्ण पक्ष) त्रुवाह (त्रयोदशी), देवादेव, बॊम्वार (मंगलवार), श्री सप्तर्षि सम्वत 5098, नक्षत्र आर्द्रा, राश मिथुन (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस बासान ख्वश हिप तॖ बरादरन वॊनॖनस मऻजी अज़ गव म्यॆ मन प्रसन्न। कथ सना प्यठ। तीज़मालि प्रुछ़नस। च़ॖ वॖछ्यमख असवुनि मुद्रायि मंज़। मऻजी मन छु ख्वश सपदान यॆलि कांह असवुनि बुथि समखान छु। ति हाबा छुय पॊज़। तनाव छु यूत ज़ि असुन ज़न गव व्वंय गऻबॖय। आहनी मऻजी इन्सान हय अंसि तॖ असि किथॖपऻठ्य। बरादरन वॊन तीज़मालि। मारा मऻरी हुन्द तनाव अकि तरफॖ, द्रॊजरुक तनाव दॊयमि तरफॖ, बे-रोज़गऻरी ब्यॆयि तरफॖ, यपऻर्य गर्मी, हुपऻर्य सऺहलाब, अकि तरफॖ ब्वछिहऺत्य ब्यॆयि तरफॖ ख्वदकुशी। इन्सान छु वोल्योमुत तॖ दलदलस मंज़। असनस रूद नॖ वार कुनि। यिथ्यन हालातन मंज़ यॊदवय कांह असवुन समखि, ख्वश गछ़ि गछ़ुन। तवय मऻजी गोम मन ख्वश च़्योन असवुन बुथ वुछिथ। च़ॖ हाबा बजाह गछ़ुन। मगर ख्वश कथ कथि प्यठ ॴसॖख च़ॖ मऻजी। बरादरन प्रुछ़नस। राथ हाबा वुछिम द्रौपदी मुरमुर सानि वतनॖच राष्ट्रपति बनावं। ख्वश गऺयस यि वुछिथ ज़ि अख दलित ज़नान वऻच़ अथ पायदानस ताम। अछा तॖ यिहऻय ख्वश कथ ॴस। यि छा कम कॆंह। जवाब द्युत तीज़मालि बरादरस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

25.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------- 

🙏🙏 नमस्कार माहरा

25.07.2022 श्रावनॖ (श्रावण) गटॖ पछॖ (कृष्ण पक्ष) बाह (द्वादशी), देवादेव, च़ऺन्दॖरवार (सोमवार), श्री सप्तर्षि सम्वत 5098, नक्षत्र मृघ, राश मिथुन (दुहचि 11.32 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस क्याहताम सोंचान ज़ि बरादरन दिच़ॖस ज़ीर तॖ प्रुछ़नस सोंचनुक सबब। तीज़मालि त्रोव ज़्यूठ व्वशा तॖ वॊनुन बरादरस ज़ि युहुस हाबा कऺड गरमन छ़ठ। ॴर्कॖ श्रान हाबा छु गछ़ान। प्यठॖ छु दम। बरादरन कऺर कथ पूरॖ। हत्बा दम तॖ श्रत गऺछ़्यतन तिमन तति यिमव ॳस्य कऺशीरि प्यठॖ  पनॖन्यव आल्न मंज़ॖ कऺडिथ यिमन तापॖ च़न्ज्यन मंज़ वातॖनऻव्य। मऻजी दपान तति ति छि गर्मॖ क्राय। बरादरन वॊन तीज़मालि। हत्बा कऺशीर ॴस कऺशीरॖय दफ अमापॊज़ असि ओस नॖ शॆहजार नऺसीबस तॖ लऺग्य यिमन बलायन। तीज़मालि त्रोव ब्यॆयि व्वशा तॖ वॊनुन बरादरस ज़ि अज़ हाबा छि श्रावनॖ ऱयतॖच दॊयिम च़ऺन्दॖरवार तति आसहऻव तॖ यारबल वऺसिथ करहऻव व्यतस्तायि मंज़ श्राना वाना तॖ दरहऻव फ़ाक़ा वाका मगर किथॖपऻठ्य। आहनी ति छु पॊज़। बरादरन ति कॊर इक़ॖरार तॖ वॊनुन तीज़मालि ज़ि यिम शुर्य ति करहऻन ग्वतॖ-ग्वथा पऻनिस मंज़ वायहऻन छ़ान्ठा वान्ठा। तिमव बिचार्यव ति वुछ नॖ कऺशीरि मन्ज़ुक मॏज मऻजी। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak..blogspot.com प्यठॖ ति)

24.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

24.07.2022 श्रावनॖ (श्रावण) गटॖ पछॖ (कृष्ण पक्ष) काह (एकादशी) आथवार (रविवार/ऐतवार), श्री सप्तर्षि सम्वत 5098, नक्षत्र रोहिन, राश वृष (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि युहुस हाबा वुछ म्यॆ अख वीडियो यथ मंज़ कॆंह कऻशिर्य बटॖ वुछिम श्रीनगरॖ हवऻई अड्डस प्यठ तिमन मुस्लमानन ज़वर्दस्त ख्वश आवय करान यिम हज कऺरिथ आमॖत्य ॴस्य। बरादरन प्रुछ़ तीज़मालि ज़ि च़्यॆ हय आसी ब्रोंत गोमुत मऻजी कऻशुर बटॖ क्याज़ि करि ख्वश आवय तस युस हज कऺरिथ आव। नबा ब्रोंत गोम नॖ। पॊज़ छसय वनान। तीज़मालि वॊन बरादरस। हालांकि बॖ गऺयस पानॖ हऻरान यि वुछिथ। बॖ छस सोंचान ज़ि मुस्लमान छा करान यिथॖ पऻठ्य ख्वश आवय कऻन्सि बटस युस महादेवॖ प्यठॖ या अमरनाथॖ प्यठॖ या कुनि ति तीर्थॖ स्थानॖ प्यठॖ फीरिथ यिवान छु। बरादरन वॊन तीज़मालि ज़ि म्यॆ छुनॖ बूज़मुत ज़ांह ति मु्सलमान बटस करान ख्वश आवय। खबर हाबा असि कऻशिर्य बटन क्याह छुन होवमुत। असि छु नॖ वुनि ति ह्यन रोजान। तीज़मालि वॊन बरादरस ज़ि अज़कल दपान सरकारन छि कऺरमॖच़ जान व्यवस्था अमरनाथ यात्रायि वति। केंच़व संस्थायव छि वति वति ख्यन-ख्वर्दनी हुन्द इन्तिज़ाम कॊरमुत यात्रीयन हॖन्दि बापथ। ॶमरनाथ ग्वफायि मंज़ ति दपान आमुत छु शॆश्यतुरुव काठकर लगावनॖ तॖ ब्यॆयि ति कॆंह कॆंह शूबिदार कऻम कऺरमॖच़ यॆमि सॗत्य ग्वफायि हॖन्ज़ रोनक बडेमॖच़ छि। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

23.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

23.07.2022 श्रावनॖ (श्रावण) गटॖ पछॖ (कृष्ण पक्ष) दऺहम (दशमी), देवादेव, बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र कृति, राश वृष (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मलि वॊन बरादरस ज़ि कऺशीरि मंज़ हाबा ॴस्य नमतॖ ब्रॊंह बोज़ान ज़ि श्रावनॖ पुनिम दॊह ओस यिवान यात्रायन या यिमन तीर्थन गऺछ़िथ तति शिव लिंग या शिव मूर्ती हुन्द  दर्शुन करनॖ। सऻरी श्रद्धालूॴस्य यिमन मन्दरन या ग्वफायन ताम वातान सिरिफ श्रावनॖ पुनिम दुहुय तॖ दर्शुन कऺरिथ ॴस्य वापस फ़ेरान। आहनी मऻजी ती ॴस्य प्रथा खबर कॗति कालॖ प्यठॖ। शेंक्राचार, अमरनाथ, महादेव, गंगॖजटन, सऺर्यश्वर, हऺर्यश्वर, द्यऻन्यश्वर या कुनि ति शिवालय मन्दर। बरादरन वॊन तीज़मालि। मगर हाबा यि प्रथा छॆ नॖ नज़र यिवान अमरनाथ यात्रा करनस मंज़ व्वंय नमतॖ पतॖ। ख़बर क्याज़ि रूज़ नॖ यि प्रथा बरक़रार पऺत्यम्यव केंच़व वऺर्यव प्यठॖ। च्योन वनुन छु पॊज़ मऻजी। अमरनाथ यात्रा छि व्वंय श्रावनॖ पुनिम ब्रॊंह ज़ॖ डाय ऱयथ प्यठॖ शॊरु गछ़ान तॖ यात्री छि करान रोज़ान शिव लिंग दर्शुन। तीज़मालि प्रुछ़ बरादरस ज़ि च़ॖ ओसुख ना वनान ज़ि अमरनाथ ग्वफायि मंज़ुक शिव लिंग ओस गटॖ पछस मंज़ गटान गटान रोज़ान तॖ मालहि दॊह ओस अदृश्य सपदान। आहनी ती ॴस्य वनान तमि वख्तॖ यॆलि ॳस्य गऺयि यि अमरनाथ यात्रा करि अज़ सतहीठ वऺरी ब्रोंठ। मगर अज़कल क्याह छु यात्रीयन यिवान नज़र तति श्रावनॖ ज़ूनॖ पछॖ ऒक्दॊह ब्रोंठ दय ज़ानि। बरादरन वॊन तीज़मालि। बॖ हाबा ॴसॖस बोज़ान ज़ि मंज़ॖ ओस नमतॖ पतॖ कमि ताम वऺर्यि ग्वफायि मंज़ुक शिव लिंग पूरं पऻठ्य  अदृश्य सप्द्मोमुत केंच़स कालस तॖ श्रद्धालू ॴस्य गऻमॖत्य परेशान तॖ हऻरान मगर दपान ॴस्य पतॖ मा ओस सु शिव लिंग कर ताम ब्यॆयि पनॖनिस आकारस मंज़ बन्योमुत। ख़बर हय पॊज़ क्याह तॖ अपुज़ क्याह। बोज़नस मंज़ छि ख़बर क्याह क्याह बोज़ान रोज़ान दफ अल्बतॖ पॊज़ गव ती यि इन्सान पनॖन्यव ॳछव वुछि। कथ छि जऻरी 

**********************

कऻशुर  ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

22.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

22.07.2022 श्रावनॖ (श्रावण) गटॖ पछॖ (कृष्ण पक्ष) नवम (नवमी), देवादेव, शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र भरण, राश वृष (रऻच़ हॖन्ज़ि 11.01 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश -- मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

शिव लिंग दर्शुन कऺरिथ ह्यॆच़ असि वापस यिनॖच सखर करॖन्य। श्रावनॖ पुनिम दुहुय द्रायि पन्चतरनी कुन। पडावॖ पडावॖ वऻत्य ॳस्य च़ूर्यमि दॊह पऺहलगाम। वापस यिनॖ विज़ि ॴस नॖ कुनिच बऺन्दिश। छ्यॆडि ब्रोंह या पथ मर्ज़ी ॴस पनॖन्य। गुर्यवऻल्य तॖ ब्यॆयि ज़ऻन्पानॖवऻल्य ति गऺयि फार्यग यात्रीयन पऺहलगाम ताम वातॖनऻविथ। ज़िमनी प्यॆयम अख कथ याद। क्याह सना। तीज़मालि प्रुछ़ बरादरस। अथ वति मंज़ ॴस क्वसताम जाय मंज़ॖ यॆतिनस गुर्यवऻल्य ॴस्य नॖ पनॖन्यन गुर्यन जंगली गासॖ ख्यनॖ दिवान। क्याज़ि। प्रुछ़ तीज़मालि बरादरस। दपान ॴस्य सु गासॖ ओसमुत ओस ज़ऺहरीलि यूत ज़ि पॊश याम सु गासॖ ख्यवान ओस सु पॊश ओस नॖ ज़िन्दॖ रोज़ान। तथ अलाकस मंज़ दपान गुर्यवऻल्य ॴस्य पनॖन्यन गुर्यन हुन्द ख़ास ख़याल थवान। पऺहलगाम वऻतिथ कॊर किरायि प्यठ ह्यॊतमुत सोरुय सामान वापस तॖ थखा वखा कऺडिथ कऺर गरॖ वापस वातनॖच तयऻरी। मऻजी यिथॖ पऻठ्य कऺर असि यि यात्रा पूरॖ। बरादरन वॊन तीज़मालि। भगवान  थऻव्यनव वारॖ वति। अज़कल छु वुछनस मंज़ यिवान ज़ि अमि यात्रायि हून्द मत्लबॖय ज़न अलग। तीज़मालि वॊन बरादरस। च्यानि वनॖनुक मत्लब क्याह छु म्यॆ ज़न तॊर नॖ फिकरी मऻजी। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast. दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

21.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

21.07.2022 श्रावनॖ (श्रावण) गटॖ पछॖ (कृष्ण पक्ष) ॴठम (अष्टमी), देवादेव, ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र आश्विन, राश मेष (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामॏरी मंज़ - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

शिव लिंग दर्शुन कॊर मऻजी तॖ पॊज़ हय बोज़ख विश्वास आव नॖ ज़ि क्याह पऺज़्यपऻठ्य छा ॳस्य अमरनाथ ग्वफायि मंज़ वऻतिथ यि दर्शुन करान। शिव लिंग शीनुव बन्योमुत लिंग गऺरिथ तॖ च़ऺरिथ मंज़ ग्वफायि ॳकिस थऺदिस तॖ बऺडिस पंडालस प्यठ अकि अंदॖ  दॊपुख ओस गणपथ जी तऺथ्य नखॖ अख ल्शकॖट शीनॖ मऻन्य दॊपुख यि ॴस्य पार्वती तॖ तऺथ्य सॗत्य वाहरऻविथ शीनॖ च़ादर यथ दॊपुख यि ओस बानॖकुठ शिव परिवारुक। ग्वफायि अन्दर शीनॖव यिम आकार वुछिथ ओस प्रथ अख यात्री हऻरान यि मऻनिथ ज़ि वाकय ओस यि अख चमत्कार। ज़्यादॖकालस तत्यन रोज़नस ओस नॖ व्यस्तार। हालांकि ग्शफा ॴस बऺड बऺड खुलॖ डुलॖ मगर यात्रीयन हॖन्ज़ बीरॖ ॴस नॖ ठऺहरॖनॖ दिवान। ग्वफायिचि तालवॖ प्यठॖ ॴस्य पां फॆर्य प्यवान रोज़ान तॖ यात्री ॴस्य ह्यॊर कुन बुथ कऺरिथ यिमन पां फॆर्यन ॴस दऻरिथ प्रारान कर प्यॆयि यि अमृत स्यॊद ॳसस मंज़। यि दृश्य ति ओस वुछुन लाय़क़ दृश्य। मन ओस नॖ करान अमि ग्वफायि प्यठॖ पॊत फेरुन मगर मजबूरी ॴस वापस ओस पनॖन्यन पनॖन्यन गरन ताम वातुन। बरादर गव वनान तॖ तीज़माल रूज़ बोज़ान छ़ॊपॖ दम कऺरिथ। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

20.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

20.07.2022 श्रावनॖ (श्रावण) गटॖ पछॖ (कृष्ण पक्ष) सतम (सप्तमी), देवादेव, ब्वदवार (बुधवार),  श्री सप्तर्षि सम्वत 5098, नक्षत्र रेव, राश मेष (दुहचि 12.49 बजि प्यठॖ), द्रठॖपऻन्च़ुक (पंचक) समाप्त, ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

च़्ववापऻर्य पहाडॖय पहाडॖ। पहाडॖ दामनॖ दामनॖ उमरावऺती हुन्द यख यख पोन्य कनि पलन सॗत्य छावान छावान तॖ श्रॊन्य श्रॊन्य आवाज़ि मंज़ तेज़ रफ्तारि मंज़ दवान कॊत ताम कुन। यॆमि तरफॖ यात्रीयन हुन्द शिव नाव स्वरान रोज़ुन तॖ शंखॖ नाद कनन गछ़ुन मऻजी क्याह वनय सु दृश्य क्याह ओस। बरादरन वॊन तीज़मालि। वाय मथ छुम गछ़ान काव लऻगिथ वातॖहऻ बॖति तथ अमरनाथचि ग्वफायि ताम तॖ करहऻ शिव लिंग दर्शुन। तीज़मालि वॊन बरादरस। मऻजी तथ अलाकस मंज़ ओस नॖ जानावारन हुन्द  नामों निशान कुनि मगर महादेव सॖन्ज़ि लीलायि सॗत्य कॊर असि दीदार कोतर जोरि हुन्द। हय क्याहबा छुख वनान। यि कोतर जूर्य कति ॴयी च़्यॆ नज़र। तीज़मालि प्रुछ़ बरादरस। मऻजी दपान ॴस्य ज़ि अथ अमरनाथ ग्वफायि मंज़ छि कोतर जूर्य वास कऺरिथ तनॖ प्यठॖ यनॖ प्यठॖ यि ग्वफा ॴसमॖच़ छि तॖ यनॖ प्यठॖ यि शिव लिंग ओसमुत छु। बरादरन वॊन तीज़मालि। शिव सॖन्ज़ लीला छि अपरम्पार मऻजी। यूतुय योत नॖ, दॊयिम चमत्कार ति बोज़ मऻजी। क्याह सना। तीज़मालि प्रुछ़नस। तमि वख्तॖच मान्यता ॴस ज़ि ग्वफायि मंज़ुक शिव लिंग ओस गटॖ पछस मंंज़ गटान गटान मावसि दॊह अदृश्य सप्दान तॖ ज़ूनॖ पछस मंज़ बडान बडान श्रावनॖ पुनिम दॊह बऺडिस आकारस मंज़ बोज़नॖ यिवान। बरादरन वॊन तीज़मालि। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

19.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

19.07.2022 श्रावनॖ (श्रावण) गटॖ पछॖ (कृष्ण पक्ष) शॆयम (षष्ठी), देवादेव, बॊम्वार (मंगलवार), श्री सप्तर्षि सम्वत 5098, नक्षत्र उ.भा, राश मीन (चलान), द्रठॖपऻन्च़ुक (पंचक) (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

दॊह ओस श्रावनॖ पुनिम। पन्चत्तरनी प्यठॖ ओस वातुन अमरनाथ ग्वफायि ताम तॖ ओस करुन शिव लिंग दर्शुन। सऻरी श्रद्धालू ॴस्य हर हर महादेव वनान, शंख नाद ओस ग्रज़ान। वातान वातान वऻत्य ॳस्य ॳकिस दऺर्यावस नऺज़दीक। अथ दऺर्यावस ओस नाव दपुख उमरावती। अति कॊर श्राना वाना। यात्री वुछ्य क्याहताम सफ़ेद म्यॆच़ हिश बुथ्यन मथान यथ दॊपुख ज़ि यि छि आसान अमरभूती। असि ति मऺछ़ पनॖन्यन पनॖन्यन बुथ्यन। अति प्यठ गऺयि लऻन लगान तॖ बनेयि वारॖ वारॖ अख बऺड लऻन। ब्रोंह ब्रोंह सऻरी बाबाजी, साधु-संत, कॖसॖमवार बाबाजी तॖ तिमन पतॖ पतॖ यात्री कऻशिर्य, पंज्येब, ज़नानॖ, मर्द, वुछुन लाय़क़ दृश्य। अख  बऺड ग्वफा। कॆंह सेवादार,पुलिस यिम अतिच व्यवस्था संबऻलिथ ॴस्य। क़दम क़दम ॴस्य ब्रोंहकुन कडान। बरादरन वॊन तीज़मालि ज़ि मऻजी सु नज़ारॖ बयान करुन छु मुश्किल। गुर्यवऻल्य ॳस्य अकि अंदॖ यात्रियन हुन्द सामान ह्यॆय ह्यॆय। ज़ऻन्पानव मंज़ॖ ति द्रायि यात्री तॖ ह्यॆतिन लऻनि मंज़ लगॖन्य। तीज़मालि द्राव म्वखॖ मंज़ॖ ओम् नम: शिवाय। वॊदॖन्य कॗतिस कालस प्योवॖ रोज़ुन। तीज़मालि प्रुछ़ बरादरस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

18.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

18.07.2022 श्रावनॖ (श्रावण) गटॖ पछॖ (कृष्ण पक्ष) पऻन्च़म (पंचमी), देवादेव, च़ऺन्दॖरवार (सोमवार), श्री सप्तर्षि सम्वत 5098, नक्षत्र पू.भा, राश मीन  (सुबहॖचि 06.33 बजि प्यठॖ), द्रठॖपऻन्च़ुक (पंचक) (चलान), ऋतु वऺहरात (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

थऺक्यमॖत्य ॴस्य सऻरी योर ताम वातान वातान यि दऺप्यज़ि ति क्रॊथॖ ओस गोमुत मगर सॗती ॴस मनॖच खुशी ज़ि सुबहस नीरिथ वातव अमरनाथ ग्वफायि ताम तॖ करव शिव लिंग दर्शुन। बरादरन वॊन तीज़मालि। यि बालतलॖच वथ क्याज़ि सना ॴस खतरनाक। तीज़मालि प्रुछ़ बरादरस। तिमन दॊहन ओस बोज़नस मंज़ आमुत ज़ि बालतलॖ तरफॖ य्वॊस वथ छि स्व वथ छि कमि ताम फहाड पहाडॖ किन्य स्यॊदुय ग्वफायि ताम वातनावान मगर दपान ॴस्य ज़ि शीनॖ प्यॆठ छु प्यवान पकुन, कुनि कुनि जायि तुलॖकतुर आसनॖ म्वखॖ ओस पऻदल पकन वाल्यन रिकिन गछ़नुक या खर गछ़नुक खतरॖ रोज़ान तॖ भगवान  रऺछिन यॊदवय कऻन्सि ख्वर ओरॖ योर डलिहे सु यीहे नॖ अथी कुनि। हालांकि तमि वति ॴस्य नॖ आम यात्री यिवान गछ़ान मगर यिम कॆंह लूख स्वनॖमर्गॖ तरफॖ रोज़ान ॴस्य या यिमन तपऻरिम वथ यऺच़ ॴस आसान तिमय ॴस्य अमरनाथ यात्रा तमि वति करान रोज़ान। बरादरन वॊन तीज़मालि। खबर कऺच़ दॊह ॴस्य लगान तमि वति ग्वफायि ताम वातनस। तीज़मालि प्रुछ़ बरादरस। छ़ॊट वथ आसनॖ म्वखॖ दपान तपऻर्य ॴस्य यात्री श्रावनॖ पुनिम कालॖ गरि नीरिथ पुनिम दॊह दर्शुन कऺरिथ ऒक्दॊह दॊह वापस गरॖ वातान रोज़ान। बरादरन वॊन तीज़मालि। अज़कल आसि यि वथ व्वंय जान बनेमॖच़। तीज़माल ॴस यछ़ान ज़ानुन। दय ज़ानान। तनॖ ति गव ज़माना अख यॆलिच कथ म्यॆ वऺन्यमय। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

17.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

17.07.2022 श्रावनॖ (श्रावण) गटॖ पछॖ (कृष्ण पक्ष) च़ोरम (चतुर्थी), देवादेव, आथवार (रविवार/ऐतवार), श्री सप्तर्षि सम्वत 5098, नक्षत्र शत, राश कुम्भ (चलान), द्रठॖपऻन्च़ुक (पंचक) (चलान), ऋतु वऺहरात (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

वावज्यनॖ प्यठॖ पन्च़तरनी पडावस कुन पकान पकान प्यॆयि केंच़न यात्रीयन शीशनाग सरस मंज़ कथ ताम कुन नज़र तॖ तुलुख शोर। बरादरन वॊन तीज़मालि। शोर क्याज़ि तुलुख। तीज़मालि प्रुछ़ बरादरस। तिमव वुछ सरस मंज़ बॊड स्वरूफ कलॖ थॊद थऻविथ फन वाहरऻविथ तॖ दिच़ॖख क्रख शीशनाग जय हो। म्यॆ बुथि ओस अख यात्री यॆमिस दूरबीन सॗत्य ॴस तॖ ओस वुछान यि नज़ारॖ पनॖनि दूरबीनि मंज़्य। म्यॆ वॊन तऺमिस ज़ि बॖति वुछॖहऻ यि क्याह छु। तऺम्य दिच़ म्यॆ दूरबीन तॖ म्यॆ वुछ यि अद्धभुत नज़ारॖ। यीतिस कालस म्यऻन्य गरिक तथ जायि ताम वऻत्य शीशनाग ओस गोमुत पऻनिस अन्दर तॖ पतॖ ति आव नॖ नज़र। यिथॖ तिथॖ करान वऻत्य सुय ज़ॖ त्रॆ बजि पन्चतरनी तॖ लऺग्य तऺथ्य कामि याने च़्वल खनॖन्य, काठ सॊम्बरुन, बत्तॖ-स्युन रनुन, ख्यॊन तॖ डाफा त्रावुन। मोसॖम ओस ख्वशयुवुन, साज़गार। अमि फतॖ कुस बा पडाव ओस। तीज़मालि प्रुछ़ बरादरस। पन्चतरनी पतॖ ओस स्यॊदुय ग्वफायि ताम वातुल तॖ शिवलिंग दर्शुन करुन। अमरनाथ ग्वफायि ताम वातनॖ बापथ छि ब्याख वथ ति। बरादरन वॊन तीज़मालि। ब्याख क्वसबा वथ छि तोर वातनॖ बापथ। तीज़मालि प्रुछ़ बरादरस। ब्याख वथ छि मऻजी बालतल याने स्वनॖमर्गॖ किन्य। यि छि बिल्कुल छ़ॊट वथ ग्वफायि ताम वातनॖ बापथ मगर यि वथ दपान छि स्यठाह खतरनाक वथ। ख़बर ठ्याज़ि। तीज़मालि प्रुछ़ बरादरस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak blogspot.com प्यठॖ ति)

16.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

16.07.2022 श्रावनॖ  (श्रावण) गटॖ पछॖ (कृष्ण पक्ष) त्रय (तृतीया), देवादेव, बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र धनिष्ठा, राश कुम्भ (चलान), द्रठॖपऻन्च़ुक (पंचक) (चलान), ऋतु वऺहरात (चलान)...अज़ छि संकट च़ोरम (संकट निवारण चतुर्थी) ति 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

वावज्यन वऻतिथ द्वयि त्रॆयि बजि ब्यॆयि कॊर ती यि च़न्दनवारि कॊर कालॖ यानै च़्वल खनॖनन्य, काड सॊम्बरुन, बत्तॖ-स्युन रवुद तॖ डाफा त्रावुन। बरादरन वॊन तीज़़मालि। बावज्यनॖ पतॖ कुस बा पडाव ओस प्यवान। तीज़मालि प्रुछ़ बरादरस। वावज्यनॖ पतॖ ओस मऻजी पन्चतरनी पडाव यॊत वातान वातान ओस मंज़ॖ यिवान शीशनाग। बरादरन वॊन तीज़मालि। यि शीशनाग छाबा काह नाग वाग कॆंह। तीज़माल ॴस यछ़ान ज़ानुन। शीशनाग हय छु मऻजी  बॊड बारॖ सर, साफ़ शफ़ाफ़ पोन्य। पहाडॖ दामनस तल। मऻजी म्यॆ हय छु कॊरमुत शीशनाग सॖन्द दर्शुन ति।  शीशनाग सुन्द दर्शुन। ति क्याह गव। म्यॆ ज़न तॊर नॖ फिकरी। मऻजी मान्यता छि ज़ि अथ सरस मंज़ छु शीशनाग स्वरुफ सथ कलॖ कऺरिथ वास करान तॖ यि छु मंज़्य मंज़्य कलॖ थॊद तुलिथ नच़ान रोज़ान तॖ पतॖ ब्यॆयि सरस मंज़ गऻब गछ़ान। बरादरन वॊन तीज़मालि। हय ख़बर क्याह छुय बूज़मुत। तीज़मालि आयि नॖ पछ़ बरादरसॖन्ज़ि कथि प्यठ। बरादरन वॊन तीज़मालि ज़ि बॖ छुसय पनॖनि माजि हुन्द क़सम हावान ज़ि म्यॆ छु साक्षात दर्शुन कॊरमुत। किथॖ पऻठ्य हाबा। यपऻर्य दपान छुख ज़ि यि सर छु पहाडॖ दामनस तल। च्यॆ कति ओय बोज़नॖ तॖ क्याह वुछुथ च़्यॆ। तीज़मालि कॊर शवाल बरादरस। यि छय बोज़ॖन्य लायक़ कथ। बरादरन द्युतनस जवाब। तलबा बोज़नाव। तीज़माल ॴस यछ़ान यि बोज़ुन। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

15.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

15.07.2022 श्रालन (श्रावण) गटॖ पछॖ (कृष्ण पक्ष) द्वय (द्वितिय), देवादेव, शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र श्रयन, राश कुम्भ (रऻच़ हॖन्ज़ि 04.15 बजि प्यठॖ), द्रठॖपऻन्च़ुक (पंचक) शॊरु,ऋतु वऺहरात (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि दॊयिमि दॊह सुबहऻय गव छ्यॆडि हुन्द शंख नाद कनन तॖ ग्वसान्यन हॖन्दि शोर-ओ-गुलॖ सॖत्य गऺयि सऻरीय याथी तयार दोयिमि पडावॖ बापथ। दॊयिम पडाव कुस बा ओस प्यवान। तीज़मालि प्रुछ़ बरादरस। चन्दनवोर  ओस मऻजी दॊयिम पडाव। कोताह फऻसलॖ ओस प्यवान तय करुन पऺहलगामॖ प्यठॖ च़न्दनवोर ताम। तीज़मालि प्रुछ़ बरादरस। क़रीबव ॴठ नव मीन ओस प्यवान पऻदल पकुन। तमि वख्तुक अख मीन गव ॳज़्युक डॏड किलोमीटर। छ्यॆड्य ॴस ब्रोंह ब्रोंह पकान तॖ यात्री ॴस्य तिमन पतय पकान रोज़ान। प्रभातन पऺहलगाम त्रऻविथ ॴस्य च़न्दनवोर दुहचि द्वन त्र्यन बज़रगन ताम वातान। गुर्यवऻल्य ति ॴस्य सॗत्य सॗती आसान। च़न्दनवोर वऻतिथ ॴस्य थख कडान तॖ मर्द मर्दन ॴस्य ग्वडॖ च़्वल खनान।कमि बापथ। तीज़मालि प्रुछ़नस। बत्तॖ-स्युन रननॖ बापथ। चूंकि यि सोरुए अलाकॖ ओस पहऻडी तॖ जंगल। दछिन्य खोवुर्य ॴस्य कुल्यन हुन्द काठ सॊम्बरावान तॖ ज़ालान रोज़ान अथ च़्वलि मंज़ तॖ ओस बत्तॖ-स्युन तयार गछ़ान। बॏवलियन प्यठ ॴस्य अथॖ ख्वर चलान, श्राना करान, बानॖ-वानॖ छलान रोज़ान। खॗमॖ ॴस्य खडा करान तॖ ॴस्य श्वॊंगाम। शामन ॴस्य ब्यॆयि ख्यवान च्यवान तॖ त्रॆयमि पडावॖच तयऻरी करान। सामान वटनस या वाहरावनस ॴस्य गुर्यवऻल्य ति बराबर मदद करान रोज़ान। अमि पतॖ कुस बा पडाव ओस आसान। च़न्दनवारि पतॖ ओस त्रॆयिम पडाव वावज्यन मगर तमि पडावॖ मंज़य ओस प्यवान खसुन पहाडस यथ वनान ॴस्य पिश्य-बाल। यि पहाड़ ओस हना सख़ खसुन आसान। बरादरन वॊन तीज़मालि। मगर महादेव सॖन्ज़ि कृपायि सॗत्य ॴस खसान सऻरी। त्रॆयमि दॊह ॴस्य तिथय पऻठ्य न्यॆन्दरि वॊथान छ्यडि हॖन्ज़ॖ शंख-नादॖ  सॗत्य न्यॆन्दरि व्वथान तॖ नेरान ॴस्य वावज्यन कुन। कत्थ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

14.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

14.07.2022 श्रावनॖ (श्राज्ण) गटॖ पछॖ (कृष्ण पक्ष) ऒक्दॊह (प्रथमा/प्रतिपदा), ब्रसवार (वीरवार//ब्रहस्पतवार), श्री सप्तर्षि सम्वत 5098, नक्षत्र उ.षा, रास मकर (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि म्यॆ छु याद प्यवान ज़ि यॆमि दुकानॖ प्यठॖ खॗमॖ ॴस्य अनान किरायस प्यठ सु ओस दिवान अख बऺड लूर वति डऺखरावनॖ बापथ तॖ ब्यॆयि ॴस्य तुलान तऺमिस निशि ख्वरन लागनॖ बापथ फॖलीट। फॖलीट लऺगिथ ॴस पकनस मंज़ सहुलियत वातान। यिम मॊज़ूर यात्रीयन ज़ऻम्पानस मंज़ नख़स प्यठ तुलिथ पकॖनावान ॴस्य तिम ॴस्य पकान पकान पानॖवुन्य ग्यवान रोज़ान। ग्यवनॖक कंह बोल छि अज़ ताम म्यॆ याद। तलबा बोज़नाव। तीज़मालि वॊन बरादरस। वनान रोज़ान ॴस्य - डोलि क्यथ छय, डुलॖनावॖन्य छय। माज़ खार छय, वातॖनावॖन्य छय। लोटन छुय, छ़ोटॖ मारुस। कनि पल छुय, ॳन्द्य त्रावुन छुय। पान पनुनॖय,दॊर थावुन छुय।सिल गॆफि ताम वातुन छुय। वगैरा वगैरा। अख व्यवस्था ॴस पऺहलगामस मंज़ ज़ि यात्री सुन्द नाव पताह ओस यिवान बाज़ऻब्यतॖ दरॖज करनॖ तॖ सॗती ओस गुर्य वऻल्यन सुन्दर ति नाव पताह  यिवान दरॖज करनॖ ताकि यात्रीयन हुन्द सामान रोज़ि सऺही सलामत। तिमन दॊहन ॴस नॖ वथ हम्वार ति आसान। मगर तिमन वतन प्यठ वक़तस ओस अख अलगॖय मज़ॖ आसान। बरादरन वॊन तीज़मालि। खॗमॖ कत्यन ॴस्य लागान तॖ कुस ओस लागान। तीज़मालि प्रुछ़ बरादरस। पडावस प्यठ वऻतिथ ॴस्य सऻरीय ह्यमतो समतो कऺरिथ यि कऻम करान।बरादरन वॊन तीज़मालि। आदबा तॖ ख्यनस-च्यनस क्याह ॴस्य करान। प्रुछ़ तीज़मालि बरादरस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(,यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

13.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

13.07.2022 हारॖ (आषाढा) ज़ूनॖ पछॖ (शुक्ल पक्ष) पुनिम (पूर्णिमाशी) ब्वदवार (बुधवार), श्री सप्तर्षि सम्वत 5098,

नक्षत्र पू.षा, राश मकर (रऻच़ हॖन्ज़ि 04.33 बजि प्यठॖ)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि पऺहलगामॖ ॴस्य गुर्यवऻल्य खलि आसान तॖ तिम ॴस्य पनॖन्य गुर्य पूरॖ यात्रायि बापथ किरायि प्यठ दिवान रोज़ान। गुर्य क्याज़ि बा ॴस्य प्यवान किरायि प्यठ रटॖन्य। तीज़मालि प्रुछ़ बरादरस। तिमन दॊहन ॴस अख प्रथा यि ज़ि यात्री ॴस्य अकि हफ्तॖ बापथ ख्यन-ख्वरदऺनी सामान पनन्यन गरव प्यठॖ सॗत्य तुलान। पऺहलगाम वऻतिथ ॴस्य दुकानव प्यठॖ खॗमॖ किरायि प्यठ अनान तॖ यि खॗमॖ तॖ बकाया सामान ओस यिवान गुर्यन प्यठ सारनॖ। गुरिस कुस ओस पकनावान। तीज़मालि प्रुछ़ बरादरस। गुर्यवोल तॖ ब्यॆयि कुस। बरादरन वॊनॖनस। गव गुर्यवाल्य ति ॴस्य अमरनाथ यात्रा करान रोज़ान। तिम ॴस्य नॖ यात्रा करान मऻजी बऺल्कि तिम ॴस्य कमऻय करान रोज़ान। चूंकि यिम गुर्यवऻल्य ॴस्य सऻरीय मुस्लमान आसान यिमन ओस नॖ यात्रायि सॗत्य कुनि कॖस्मुक लेन-देन आसान। यूतुय योत नॖ, यिम गुर्यवऻल्य ॴस्य यात्रीयन ति गुर्यन प्यठ बॆहनऻविथ पऺहलगामॖ प्यठॖ ग्वफायि ताम तॖ वापस पऺहलगाम ताम निवान रोज़ान। अमि अलावॖ ॴस्य यात्री ज़ऻन्पानन मंज़ गछ़ान रोज़ान। ज़ऻन्पानन मंज़ तीज़मालि प्रुछ़ हऻरऻनी सान। आहनी मऻजी ज़ऻन्पानस मंज़। यि ज़ऻन्पानॖ ॴस्य च़ोर मॊज़ूर पनॖन्य नखन प्यठ तुलान रोज़ान। यिमन ज़ऻन्पानन मंज़ ॴस्य तिम यात्री आसान यिम पऻदल पऺकिथ ॴस्य नॖ ह्यकान तॖ गुर्यन प्यठ गछ़नस खोच़ान। यात्री ॴस्य पऺहलगामस मंज़ॖय यिम सऻरी चीज़ तम कऺरिथ दॊयमि पडावॖच तयऻरी करान रोज़ान। तीज़माल रूज़ बोज़ान बरादरसॖन्ज़ कथ बडॖ दिलचस्पी सान। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

12.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

12.07.2022 हारॖ (आषाढा) ज़ूनॖ पछॖ (शुक्ल पक्ष) त्रुवाह (त्रयोदशी), देवादेव, बॊम्वार (मंगलवार), श्री सप्तर्षि सम्वत 5098, नक्षत्र मूल, राव धनु (चलान), ऋतु वऺहरात (वर्षा) (चलान)...चूंकि पगाह छि च़्वदह (चतुर्दशी) रावान पगहुक वॊहरवोद यी ॳज़्य

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी यि छ्यॆड्य याने यिम सऻरी साध संत ॴस्य श्रीनगर अखाडा मन्दरॖ प्यठॖ पऻदल पकान पकान पऺहलगाम ताम वातान युस अमरनाथ यात्राय हुन्द ग्वडॖन्युक पडाव छु यिवान मानॖनॖ। यिम सऻरी साध संत ॴस्या पऻदल गछ़ान रोज़ान पऺहलगाम ताम। तीज़मालि प्रुछ़ हऻरऻनी सान बरादरस। आहनी मऻजी कम अज़ कम सऻरी अल्बतॖ कॆंह तिम साध संत यिम मऺर्यदियादम या कॆंह तिम यिम अपंग माने लऺन्ग्य ल्यॆच ॴस्य आसान तिम ॴस्य गाड्यव दऻस्य पऺहलगाम ताम वातान। बरादरन वॊन तीज़मालि। तिमन दॊहन आसॖ नॖ गाडि ति ज़्यादॖ मॊय्यसर आसान। साधन संतन ॴस्य त्रॆ च़ोर दॊह लगान पहलगाम ताम वातनस। आम यात्री ॴस्य श्रावणॖ पुनिम ब्रोंह शॆ सथ दॊह मंज़ॖ फरॖख थऻविथ पऺहलगाम वातनॖच कूशिश करान। एहतियात ओस यिवान वरतावनॖ सु गव यि ज़ि यॊत ताम नॖ छ्यॆड्य ग्वडॖ दॊयिमि पडावॖ बापथ नेरिहे आम यात्री ह्यकहऻन नॖ तिमन ब्रोंको नीरिथ। यि ओस सरकऻर्य ह्वॊकुम आसान।बरादरन वॊन तीज़मालि। यूत सख बन्दोबस्त ओसा आसान। तीज़मालि प्रुछ़ बरादरस। आहनी मऻजी यि ओस अख नियम तॖ प्रऻन्य परम्परा। तथ मंज़ छु नॖ कांह शक़। पऺहलगामॖ प्यठॖ ॴस असली यात्रा गछ़ान शॊरू ति क्याज़ि ॳकिस निर्धारित समयस ताम ओस आसान वातुन पऺहलगाम। ब्यॊन ब्यॊन जायव प्यठॖ ॴस्य श्रद्धालु स्यॊदुय पऺहलगाम वातान। पऺहलगामस मंज़ आसिहे जान रोनक़ आसान। तीज़मालि प्रुछ़ बरादरस।रोनक हय हनाह दफ शोलॖ ओस मारान पऺहलगाम तिमन दॊहन यॊत ताम यात्रायि अंद ओस वातान। ख्यनुक-च्यनुक इन्तिज़ाम क्याह सना ओस आसान। तीज़मालि प्रुछ़ बरादरस। दम ह्यु दि। च्यान्यन सारिनी सवालन दिमॖ बॖ जवाब। च़्यड कर हनाह। बरादरन वॊन तीज़मालि। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast  दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

11.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

11.07.2022 हारॖ (आषाढा) ज़ूनॖ पछॖ (शुक्ल पक्ष) बाह (द्वादशी), देवादेव, च़ऺन्दॖरवार (सोमवार), श्री सप्तर्षि सम्वत 5098,, नक्षत्र अनुं राश धनु (सुबहॖचि 05.15 बजि प्यठॖ), ऋतु वऺहरात (वर्षा) (चलान) 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिन।  दुर्गा क्षमा शिवा धात्री स्वहा स्वधा नमोस्तुते 

**********************

बरादरन वॊन तीज़मालि ज़ि ॶमरनाथ याथा हय छि मऻजी च़्वन पान्च़न पडावन मंज़ पूरॖ गछ़ान।  प्रथ वऺर्यि ॴस्य श्रावणॖ पुनिम दॊह अमरनाथ ग्वफायि वऻतिथ शिव लिंग दर्शुन करान। अज़कल हय छि करान रोज़ान श्रावणॖ पुनिम ब्रोंठुय शिव लिंग दर्शुन।। यि कुस दर्शुन छु तॖ त्यॆलि कुस दर्शुन ओस आसान। तीज़मालि प्रुछ़ बरादरस। यिमन शेठन पान्च़हऻठन वऺर्यन मंज़ हय छि मऻजी ज़ऺमीन आसमानॖच फरॖख आमॖच़ तॖ नियमन मंज़ ति छु कति कोर बदलाव आमुत। च़्यॆ आसी म्यॆ बासान याद मऻजी ज़ि ग्वडॖ ॴस वख अकि छ्यॆड्य नेरान रोज़ान। तिमन पतॖ ॴस्य बकाया श्रद्धालू नेरान अमरनाथ यात्रायि बापथ। बरादरन वॊन तीज़मालि। आहनबा म्यॆ छु पूरॖ याद ज़ि कऺशीरि मंज़ ॴस ग्रख व्वथान बाबा जियन हॖन्ज़, साधन संतन हॖन्ज़। ब्यॊन ब्यॊन जायव प्यठॖ यिथ ॴस्य तिम साध संत गरॖ गरॖ फेरान भिक्षा मंगान रोज़ान  तॖ अमरनाथ गछ़नॖ बापथ पलव-दलव, ख्यन-ख्वरदनी  मंगान रोज़ान माने कॆंह नतॖ कॆंह नक़ॖद या जिनॖस। कऻशर्य बटॖ ति ॴस्य दिल मुच़ॖरिथ तॖ पूरॖ श्रद्धायि सान शिव नावस प्यठ दान करान रोज़ान। साधन सतन ख्यावान-च्यावान रोज़ान। बिल्कुल सऺही वॊनुथ च़्यॆ मऻजी। यि छ्यॆड क्याह बा ॴस आसान। तीज़मालि प्रुछ़ बरादरस। सऻरी साध-संत होरॖक्य योरॖठ्य दिशायव प्यठॖ ॴस्य यिवान तॖ कऺशीरि वऻतिथ ॴस्य तिम ॳकिस जायि समान तॖ पतॖ ॴस्य श्रावणॖ पुनिम ब्रोंठॖय कॆंह दॊह पऻदल नेरान ॳकिस जॊलूस किस रूपस मंज़ यथ दपान ॴस्य ज़ि छ्यॆड्य द्रायि। ब्रोंह ब्रोंह ओस आसान काह थदि पायुक संत अख ज़्यूठ डंडॖ ह्यथ। हरॖ हरॖ महादेव नाव ॴस्य स्वरान तॖ रुद्राक्ष मालायि जपान रोज़ान। यि छ्यॆड्य वुछनॖ बापथ ओस लूकन हुन्द हॊजूम ओमराकदलॖ अखाडा मन्दरस न्यबर जमाह गछ़ान। यि प्रथा ॴस वारियाह कालॖ प्यठॖ चलान।  कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऻस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

10.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

10.07.2022 हारॖ ,(आषाढा) ज़ूनॖ पछॖ (शुक्ल पक्ष) काह (एकादशी), देवादेव, आथवार (रविवार/ऐतवार), श्री सप्तर्षि सम्वत 5098, नक्षत्र विशा, राश वृश्चिक (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी म्यॆ छु बासान पंनुन पान स्यठा  ख्वशकॖस्मत  ज़ि कऺशीरि मंज़ रूज़िथ छि म्यॆ कॆंह यात्रायि करिमच़ॖ। कम कम सना। तीज़मालि प्रुछ़नस। मऻजी बॖ छुस गोमुत अमरनाथ, सऺर्यश्वर, हरिश्वर, द्यऻन्यश्वर, गंगॖजटन, गुदर तॖ ज्यॆमिस मंज़ वैष्नव देवी तॖ बूडा अमरनाथ पंच़ ब्यॆयि कॆंंह ल्वकचि म्वकचि यात्रायि। च़ॖ ओसकॖ कुनुय ज़ॊन गछान। तीज़माल प्रुछ़ बरादर। नाय मऻजी।  कुन ज़ॊन कथ लगि। म्यॆ छु याद ज़ि  त्यॆलि ॴस्य आसान परिवार बऺड्य बऺड्य तॖ सऻरी सऺमिथ। यात्रायन ॴस्य गछ़ान इतर्यन पितर्यन सॗत्य,  यारन दोसतन सॗत्य, हक़स हमसायह सॗत्य, अंगन ॴश्यनावन सॗत्य। अज़कल न छि तिम बऺड्य बऺड्य परिवार, न रूद्य हक़ हमसायि, अंग ॴश्यनाव छ़ॊकेयि तॖ दूरेयि, यार दोस्त ति रूद्य नॖ व्वफादार। अज़कल छि गछ़ान यात्रायि च़ॖ तॖ बॖ तॖ लुतॖ बब। ख़बर नॖ थवान अख ॳकिस। नज़र,गछ़ि नॖ पिलॖन्य ॳक्यसॖन्ज़ ब्यॆयि सॖन्ज़। अज़कल छु गोमुत पान्यो पान्यो। तीज़मालि च़ऺट बरादरसॖन्ज़ कथ यि वऺनिथ ज़ि आदबा तॖ बोज़नाव च़ॖ पनुन सफ़र नामॖ। बरादरन ह्यॊत वनुन। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

09.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

09.07.2022 हारॖ (आषाढा) ज़ूनॖ पछॖ (शुक्ल पक्ष) दऺहम (दशमी), देवादेव, बटॖवारं (शनिवार/शनिश्चरवार), श्री सप्तर्षि सम्वत 5098, नक्षत्र स्वाति, राश वृश्चिक (दुहचि 04.21 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

ग़रीबव दरेये रोज़ॖ दॊह गऺयख बऺड्य। बरादरन वॊन तीज़मालि। क्याहबा दऺलील सऻरी छा वारय। तीज़मालि प्रुछ़ बरादरस।  वारॖ क्याह मऻजी बोज़ान ओसुस ज़ि अमरनाथ ग्वफायि निश छि राथ पां त्रठ प्यॆमॖच़ तॖ वुछान वुछान छु ओमरावती दऺर्यावस मंज़ सऺहलाब आमुत तॖ वारियाह यात्री बिचऻर्य छि दपान ज़ंदह मंज़ आमॖत्य। त्राहि त्राहि। आतंकवादुक फ्रटॖ फ्रठ मऺशरऻविथ गऺये लज़ि पज़ि अमरनाथ यात्रा करनि यिति द्रायख बिच़ार्यन पऺन्द्य। तीज़मालि वॊन बरादरस। मऻजी यॆमिस यि यॆत्यनस बूगुन छु आसान सु छु ततिनस बूगानॖय बूगान। दपान लीखिथ ललाटस यूतुय छुय मेलान त्यूतुय इन्सानस। कस कोताह स्वख द्वख बूगुन छुय ख़बर ॳकिस भगवानस। शिव सॖन्ज़ महिमा छि अपरम्पार। सारिनी भक्तन लऺगिन स्यॆदि-बुथि तार। च़ॖ छखय गऻमॖच़ अमरनाथ ज़ांह। बरादरन प्रुछ़ तीज़मालि। नबा म्योन ॴस्यनस जय जयकार। च़ॖ छुखॖ गोमुत ज़ांह। सवाल कॊर तीज़मालि बरादरस। आहनी मऻजी बॖ छुस आमुत यि याथा कऺरिथ। करबा। ब्याख सवालॖ प्रुछ़ तीज़मालि बरादरस। मऻजी बॖ छुस गोमुत अमरनाथ यात्रायि यॆलि बॖ काह-बाह वुहुर ओसुस। शन्नॖ 1955-हस मंज़। गव अज़ ब्रोंह सतहऻठ वऺरी। त्यॆलि किछ़ आसिहे अमरनाथ याथा आसान। यॊदवय च़ॖ यछ़ान छख सु म्योन सफर-नामॖ बोज़ुन बॖ बोज़नावथ ति क्याज़ि सु दृश्य छु म्यॆ ॳछन तल। बरादरन वॊन तीज़मालि। तलबा बोज़नावव। म्यॆति तरिहे फिकरी ज़ि तथ यात्रायि तॖ अज़कलचि यात्रायि मंज़ क्याह फरॖख छि बासान। पगाह करव स्वय कथ। बरादरन वॊन तीज़मालि। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

08.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

08.07.2022 हारॖ (आषाढा) ज़ूनॖ पछॖ (शुक्ल पक्ष) नवम (नवमी), देवादेव, शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र चित्र, राश तुला (चलान), ऋतु वऺहरात (वर्षा)....अज़ छि हारॖ नवम (नवमी)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि कॊर मुबारक बरादरस। सलामत रोज़ मऻजी। जवाब द्युत बरादरन तीज़मालि। च़्यॆ प्रुछ़तुय नॖ मुबारक कम्युक कॊरमय। म्यॆ हय छि पताह ज़ि अज़ छि हारॖ नवम याने माजि शारिकायि वॊहरवोद। कमि कऺशीरि निसि गऺयि ॳस्य छ़्यनॖ तॖ कमन कमन जायन आयि ह्यनॖ। स्व कश्यन-मऻर, स्व ऋश्य-वऻर, स्व कऺशीर, सु जन्नत-बेनऺज़ीर, स्व वादी तलबा थाव व्वंय कऺशीरि हुन्द नाव बूज़िथ छि ज़न जिगरस खन्जि गछ़ान। तीज़मालि च़ऺट बरादरसॖन्ज़ कथ अडॖवती। बरादरन वॊन तीज़मालि ज़ि कऺशीरि ओस हारॖ ॴठम तॖ नवम रातस च़क्रीश्वर ग्रज़ान रोज़ान भजन कीर्तन सॗत्य। हारॖ नवम दॊह ओस गणशिबल प्यठॖ कऻठ्य दरवाज़स ताम कऻशिर्य बटॖ शुर्य, बऺड्य, कोरि, लऺडकॖ, मर्द, ज़नानॖ, जवान, बीड्डॖ सऻरी माजि शारिकायि सॖन्द्यन च़रनन तल वातनॖच कूशिश करान रोज़ान। तीज़मालि द्राव पनॖनि म्वखॖ मंज़ॖ अख मिस्रॖ "माजि गछ़ शर्ण, माजि प्यॆ पर्ण, माजि शारिकाये करसऻ नमन'। वाह वाह तलय बोज़नाव पूरॖ यि बऻथ वरादरन वॊन तीज़मालि। ब्यॆयि कुनि दॊह हाबा बोज़नावथ फरागऺच़ सान। ल्वकचारस हाबा ॴसॖस च़क्रीश्वरक्यन हेरन व्यसन सॗत्य ॳक्यसॖय शाहस मंज़ खसान तॖ खसनस मंज़ मान मान करान रोज़ान।तिम दॊह कति यिन फीरिथ यिम गऺयि व्वंय नीरिथ। बरादरन वॊन तीज़मालि मगर म्यॆ छु विश्वास ज़ि कऻशुर बटॖ ह्यॆयि कऺशीर वापस तिमन मुस्लमानन रथ चीरिथ। मऻज्य शारिका कऺरिन्य पंनुन अनुग्रह च़्यॆति म्यॆति तॖ कुल्य ज़गतस। मऻजी च़्यॆ छुयि पय ज़ि नमतॖ पतॖ छु अनन्गपुरॖ, फरीदाबादॖ माजि शारिकायि हॖन्ज़ स्थापना हारी पर्वतकिस रूपस मंज़ कऺरनॖ आमॖच़।बरादरन वॊन तीज़मालि। आहनबा बूज़मुत छुम दफ अमापॊज़ यॆति प्यठॖ तॊत वातुन हाबा छु हना कठिन। ओसय प्रारब्द गछ़व कुनि दॊह। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

07.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

07.07.2022 हारॖ (आषाढा) ज़ूनॖ पछॖ (शुक्ल पक्ष) ॴठम (अष्टमी), देवादेव, ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र हस्त, राश तुला (दुहचि 12.22 बजि प्यठॖ), ऋतु ग्रीष्म (चलान)...अज़ छि हारॖ ॴठम (अष्टमी)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

मऻजी मुबारक हय छुय। बरादरन वॊन तीज़मालि। कम्युक बा। तीज़मालि प्रुछ़नस। हारॖ ॴठम हुन्द मऻजी। सलामत। च़्यॆति छुय ॳज़्यकि दुहुक मुबायक। हथ हथ मुबारक। दॊह न्येरुन ह्रॊच़ तॖ फ्रूच़। मनोकामना गछ़ॖन्य स्यद्ध। मऻज्य रऻज्ञन्या करॖन्य सारिनी प्यठ रहमतॖच नज़र। तीज़माल गऺयि ॴही करान तॖ बरादरन वॊनॖनस ख़बर ज़्वन छुया मऻजी। कम्युकबा। तीज़मालि कॊर सवाल बरादरस। कऺशीरि तुलमुलिस मंज़ लूकन हॖन्ज़ बीरॖ। हतबा मश्यम किथॖपऻठ्य। बीरॖ ॴस यीच़ आसान ज़ि पॊद त्रावनस ॴस नॖ जाय रोज़ान। ज़्येटॖ ॴठम हॖन्द्य पऻठ्य ओस हारॖ ॴठम दॊह ति मेलॖ लगान यात्रीयन हुन्द। कालॖ प्यठय ॴस्य ह्यवान लूख वातॖन्य तॖ थवान पनॖन्य जायहेन रऺटिथ। मॊत ओस ज़न आसान मंंत्योमुत ॳज़्यकि दॊह माज़ि क्षीर भवऻनी हॖन्दिस दरबारस मंज़ याने तुलमुलिस मंज़। सासॖबऺद्य तॖ लछॖबऺद्य लूख ॴस्य रोज़ान यिवान गछ़ान। अज़कल आसि तिमन लूकन हॖन्ज़ ग्रन्द मॖहऺज़ हतन मंज़ च़मेमॖच़ म्यॆ बासान। कोताह बदलाव आव सान्यन त्योवहारन मंज़। यी शूंच सूंच गछ़ान व्वंय क्रन्ज़ । हालांकि नमतॖ पतॖ यॆत्यन यॆत्यन ति क्षीर भवऻनी हॖन्ज़ स्थापना आयि करनॖ कऻशिर्य बटॖ छि पातनॖच कूशिश करान मगर युस चम खम तॖ रोनक कऺशीरि तुलमुलिस मंज़ आसान ॴस स्व यीनॖ नज़र ब्यॆयि कुनि जायि।  कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast प्यठॖ ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति

06.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

06.07.2022 हारॖ (आषाढा) ज़ूनॖ पछॖ (शुक्ल पक्ष) सतम (सप्तमी) ब्वदवार (बुधवार), श्री सप्तर्षि सम्वत 5098, नक्षत्र उ.फा, राश कन्या (चलान), ऋतु ग्रीष्म (चलान)...अज़ छि हारॖ सतम

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

मऻजी अज़ हय छि हारॖ सतम दपान। बरादरन वॊन तीज़मालि। यि वऺनिथ हाबा वातॖनऻवथस च़्यॆ बॖ ब्यॆयि अकि फिरि कऺशीरि। तीज़मालि वॊन बरादरस ॳज़्यकि दॊह हाबा ॴस्य ॳस्य कऻशिर्य बट कऺशीरि पनॖन्यन पनॖन्यन गरन मंज़ सुबहऻय न्यॆन्द्रि व्वथित अथॖ बुथ छऺलिथ ब्रान्दॖ फश दिथ वुज़स ति लिवन-फश दिवान तॖ ॴस्य हाबा आन्गनॖकिस कुनि कूनस मंज़ हारॖ मंडुल बनावान बिल्कुल तिथय पऻठ्य यिथॖ पऻठ्य खान्दरन मंज़ व्यूग छि त्रावान। यि हारॖ मन्डुल ओस यिवान बनावनॖ त्र्यन च़्वन जायन याने आन्गनस मंज़, वुज़स मंज़, चोकस मंज़ वगैरा। हारॖ सतम दॊह छु सिर्यि भगवान सुन्द दॊह यिवान मानॖनॖ तॖ ॳमिस सिर्यि सुन्द गोल आकार छु यिवान बनावनॖ यथ मंज़ ब्यॊन ब्यॊन रंग यिवान छि बरनॖ। अथ हारॖ मंडलस मंज़कनि छि पोश यिवान थावनॖ। तऺहर छि यिवान बनावनॖ। सिरियस पूज़ा कऺरिथ छि तऺहर यिवान बऻगरावनॖ नऺवीदकिस रूपस मंज़। भगवानस छि मंगान ज़ि गरॖ रूज़िन ऒरुत तॖ बॊरुत, प्रकाशमय, ख्वश तॖ ख्वशहाल, सारिनॖय यॆछ़िन वुछुन बहार, सऻरी रूज़िन असवुन्य गिन्दॖवुन्य तॖ प्रज़लवुन्य। तीज़मालि वॊन बरादरस ज़ि नवि पुयि नबा छॆनॖ म्यॆ बासान यिमन रीच़न रिवाजन मुत्तलक  कॆंह ज़ऻन्यकऻरी। आस्यख ति किथॖपऻठ्य। बरादरन वॊन तीज़मालि। वनन वाल्यन हॖन्ज़ व्यछ़य मऻजी। यि प्रथा गऺयि गऻबॖय व्वंय कऺशीरि न्यबर नीरिथ। न रूद सु आन्गुन तॖ न सु वुज़। न चोकस मंज़ स्व जाय  अल्बतॖ वुज़ॖ वुज़ॖ छु गछ़ान ब्यॆयि वातहऻव तथ कऺशीरि मज़ तॖ त्रावान रोज़हऻव हारॖ मंडुल। बरादर सॖन्दि हटि द्राव कमि ताम बऻतुक अख मिस्रॖ - हऻरयेय च़ॖ गछ़तय कऺशीरि ताम, तॊत वऻतिथ हालातन ह्यतॖ साम, वुछतय च़ॖ ठीख ठाख छा म्योन गाम, बॖ हऻय गछ़ॖहऻ गरॖ करहऻ आराम। तीज़मालि गऺयि कन खड़ा यि बूज़िथ। वॊनुन बरादरस च़ॖ क्याज़ि बा रुक्योख बोज़नाव ब्रोंहकुन यि पूरॖ बऻथ। ब्यॆयि कुनि दॊह बोज़नावथ मऻजी यि पूरॖ बऻथ। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

05.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

05.07.2022 हारॖ (आषाढा) शॆयम (षष्ठी), देवादेव, बॊम्वार (मंगलवार), श्री सप्तर्षि सम्वत 5098, नक्षत्र पू.फा, राश कन्या (दुहचि 04.52 बजि प्यठॖ), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि परमेश्वरी हॖन्ज़ कूर रेनू हाबा छि बंगलोरॖ ॳकिस होस्टॖलस मंज़ रूज़िथ तॖ यथ कमरस मंज़ रेनू रोजान छि तथ कमरस मंज़ हाबा छि ब्यॆयि त्रॆ कोरि रोज़ान यिम रेनूहस सॗत्य इन्जीनियरिंग परान छि। बरादरन वॊन तीज़मालि ज़ि अथ मंज़ क्वस कथ छि तिछ़ यॆमि सॗत्य परमेश्वरी परेशान ॴस।। होस्टॖलन मंज़ छि त्रॆ त्रॆ च़ोर च़ोर विद्यार्थी आसानॖय आसान। यि क्वस परेशऻनी हॖन्ज़ कथ छि मऻजी। नबा तिहॖन्दिस ॳकिस कमरस मंज़ रोज़नॖच परेशऺनी ॴसॖस नॖ। अदॖ त्यॆलि। बरादरन यॊछ़ ज़ानुन परेशऻनी हुन्द सबब। तीज़मालि ह्यॆच़ कथ फिकरी तारॖन्य बरादरस तॖ वॊनॖनस ज़ि कमरस मंज़ यिम च़ोर कोरि छि च़्वनवय छि ब्यॊन ब्यॊन जायव प्यठॖ आमच़ॖ। अख छि आमॖच़ दपान गुजरातॖ प्यठॖ,दॊयिम छि मद्रास प्यठॖ तॖ त्रॆयिम छि बंगऻल्य कूर कल्कता प्यठॖ तॖ पानॖ छि रेनू कऻशिर्य कूर ज्यॆमि प्यठॖ।  अच्छा तॖ म्यॆ छु बासान यिमन कोर्यन आसि नॖ पानॖवुन्य बनान तवय आसिहे परमेश्वरी परेशान। बरादरन कॊर क़यास। हय नबा ग्वडॖ बोज़ पूरॖ कथ। तीज़मालि च़ऺट बरादरसॖन्ज़ कथ मंज़य। अदबी वन च़ॖ पूरॖ कथ। बरादरन वॊन तीज़मालि। तिमन कोरियन छु समुत दपान जान पानॖवुन्य । परमेश्लरी ॴस वनान ज़ि यिम कोरि छि पानॖवुन्य ह्यॆन्दी ज़बऻन्य मंज़ या अंग्रीज़ ज़बऻन्य मंज़ वार्तालाप करान रोज़ान मगर यॆलि ति यिमन कोर्यन पनॖन्यन गरिक्यन बऻच़न सॗत्य कथ छि आसान करॖन्य तिम छि करान पनॖनि पनॖनि माज्य ज़्यॆवि मंज़ कथ तॖ कऻन्सि छॆनॖ अख ॳक्यसॖन्ज़ कथ फिकरी तरान मगर रेनूहस चूंकि पनॖन्य माजि ज़्यव याने कऻशुर छुसनॖ तगान ॳमिस छि मजबूरी मंज़ प्यवान फ़ोन प्यठ गरिक्यन बऻच़न सॗत्य ह्यॆन्दियस मंज़ कथ करॖन तॖ ॳम्यसॖन्ज़ कथ छि ननान बकाया व्यसन। रेनुहस छुनॖ यि जान लगान। अवॖ म्वखॖ छि यछ़ान स्व पनॖन्य माजि ज़्यव ज़ानॖन्य। बरादरन वॊन तीज़मालि ज़ि ह्यॆछुन छु जान तॖ फऻयदॖमंद। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

04.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

04.07.2022 हारॖ (आषाढा) ज़ूनॖ पछॖ (शुक्ल पक्ष) पऻन्च़म (पंचमी), देवादेव, च़ऺन्दॖरवार (सोमवार), श्री सप्तर्षि सम्वत 5098, नक्षत्र मघा, राश सिंहं (चलान), ऋतु ग्रीष्म (चलान)...अज़ छि कुमार शॆयम (कुमार षष्ठी) ति 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

परमेश्वरी हॖन्ज़ कूर रेनू छि बंगॖलोरॖ  इन्जीनियरी परान। तीज़मालि वॊन बरादरस। अदॖ परेशान कयाज़ि ॴस बखऻलन। अज़कल हय छि सऻन्य शुर्य यिमनॖय जायन परान रोज़ान। बरादरन वॊन तीज़मालि। आहनबा च्योन वनुन छु पॊज़। कऺशीरि मंज़ ओस अख इन्जीनियरिंग कॏल्यॆज तॖ ज्यैमिस मंज़ अख मॆडकॖल कॏल्यॆज तॖ सान्यन शुर्यन ॴस नॖ वऻरी मेलान तिमन कॏल्यॆजन मंज़ परनस। तिम ॴस्य नमतॖ ब्रोंह ति कऺशीरि न्यबरॖय गछ़ान परनि तॖ नमतॖ पतॖ आयि नॖ अथि ति कुनि। बम्बय, पूना, मद्रास, कल्कता, पंजाब वगैरा जायन आयि छऺकरनॖ बिचऻर्य यिम सऻन्य शुर्य। तीज़मालि कऺर कथ पूरॖ। नाय तॖ यि परमेश्वरी क्याज़ि ॴस परेशान मऻजी। कथि मंज़ छि कथ नेरान तॖ असॖल कथ छि पथ रोज़ान। तीज़मालि थऻव पनॖन्य कथ जऻरी। परमेश्वरी हाबा ॴसॖम वनान ज़ि कोरि ओसनस फ़ोन कॊरमुत। दॊपमुत ओसनस ज़ि शोठि छु कऻशुर ह्यॆछुन याने माजि ज़्यव मंज़ कथ बाथ करॖन्य ह्यॆछिन्य। तथ लायक़ क्याह गव तस। सॊहय छि कऻशिर कूरॖय तस छुना कऻशिर्य ज़बऻन्य मंज़ कथ तगान करॖन्य। बरादरन प्रुछ़ तीज़मालि। यिहऻय त्रास्दी छि सऻनिस समुदायस मंज़। यॆलि नॖ ज़्यनॖ प्यठॖ थॊवहोख कऻशिर्य ज़बऻन्य मंज़ कथ बाथ करनुक रवादोरुय पतॖ छि बऺडिथ पछतावान। तीज़मालि वॊन बरादरस। मगर बंगलोरस मंज़ कथ प्यव ॳमिस कोरि माजि ज़्यव ह्यॆछनॖच ज़ॊरूरथ। बरादरन प्रुछ़ तीज़मालि च्यान कथि दिमय जवाब न्तुथ ज़ि च़ॖति गछ़ख हऻरान तॖ असख। तीज़मालि वॊनॖनस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

03.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

03.07.2022 हारॖ (आषाढा) ज़ूनॖ पछॖ (शुक्ल पक्ष) च़ोरम (चतुर्थी), देवादेव, आथवार (रविवार/ऐतवार), श्री सप्तर्षि सम्वत 5098, नक्षत्र अश्ले (चलान), राश सिंंह (सुबहॖचि 06.30 वजि प्यठ), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि राथ हाबा ॴस्य तिकिहॖन्ज़ परमेशहवरी परेशान ज़न। च़ कऺम्यसॖन्ज़ कथ छख करान। बरादरन प्रुछ़ तीज़मालि। हय यिहऻयहाबा य्वॊस त्वहि हमसायि ॴस्यवि कऺशीरि मंज़। तीज़मालि पोवनस याद। बरादरन द्युत ज़ोर ह्यु पनॖनिस ज़ॆहनस तॖ प्यॆयस याद तिम सऻरी गरॖ यिम वंख अकि तऺम्यसॖन्दिस मकान ॳन्द्य पऺख्य रोज़ान ॴस्य। खर यिम व्वंय ख़ेर छि लेखान, थालॖच़ूर यिम व्वंय रैना छि लेखान, कुच़ॖर्य यिम व्वंय काच़ॖर्य छि लेखान, मन्दल यिम व्वंय मंडल छि लेखान, वगैरा वगैरा। बरादरसॖन्दिस मकानस दऺछिन्य खोवॖर्य ॴस्य सऻरी बटॖ गरॖ गणपतयारॖ मऺहलस मंज़। मुस्लमान ॴस्य नॖ बऺहरान जलसॖ जॊलूस तपऺर्य कडनस। वख्तन ख्यव व्वलगॊतुन तॖ बटॖ छुनॖ अज़ बऺहरान तमि मऺहलॖ मंज़्य पकनस। बरादरस प्यव द्वयत्रॖह वऺरी प्रोन सु पनुन मऺहलॖ याद तॖ त्रोवन ज़्यूठ व्वशा। च़ॖ कथबा ख्यूबस गोख। तीज़मालि दिच़ॖस ज़ीर। क्हींनय मऻजी च्यानि कथि द्युतनम वुतुश ह्यु यि हमसायि नाव बूज़िथ। टनलि यपोर वऻतिथ मऻजी न रूद असि कांह साये तॖ न कांह हमसायैय। बरादर सॖन्ज़ कथ बूज़िथ गऺयि तीज़माल ति भावुक पाहन। कऺशीरि हॖन्ज़ कथ यॆलि त्यॆलि ति व्वथान छि दिलस छि दुबराय हिश गछ़ान। यकदम छु यॆत्युक सोरुय मऺशिथ गछ़ान तॖ ॳछन तल छु कऺशीरि हुन्द नज़ारॖ याद यिवान। बरादरन वॊन तीज़मालि ज़ि च़्यॆ ह्यॆच़ेयथ परमेश्वरी हॖन्ज़ कथ करॖन्य। क्याज़ि ॴस परेशान स्व। यिहऻय हाबा पनॖनि माजि ज़्यॆवि मुतलक ॴस वनान। बतस आयि ग्रख। बॖ फ्यारॖ ग्वडॖ बतॖ।कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.bllogspot.com प्यठॖ ति)

02.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

02.07.2022 हारॖ (आषाढा) ज़ूनॖ पछॖ (शुक्ल पक्ष) त्रय (तृतीया), देवादेव, बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र अश्लेश, राश कर्कट (चलान), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि यॊदवय कऺशीरि मंज़ कऻशिर ज़बान यीहे देवनागिरी लिपि मंज़ परनावनॖ सऻन्य शुर्य गछ़हऻन नॖ पनॖनि माजि ज़्यॆवि निशि दूर। ति सपुद नॖ मुम्किन ति क्याज़ि मुस्लमान ॴस्य नॖ तयार देवनागरी ज़बान पानॖनावनॖ बापथ तॖ कऻशिर्य बटॖ ॴस्य नॖ तयार नस्तालीक़ ज़बान पानॖनावनॖ बापथ । अथ कशमकश मंज़ ज़ोन नॖ मुनऻसिब सरकारन स्कुलन मंज़ कऻशिर्य ज़बान परनावॖन्य। यिथ्यन हालातन मंज़ ओस गरय योत यॆति सोन शुर ह्यॆकिहे पनॖनि माजि ज़्यॆवि मंज़ कथ बाथ कऺरिथ, ह्यॆकिहे माजि ज़्यॆवि मंज़ लीखिथ तॖ पऺरिथ मगर देखा दीखी तॖ मान मऻन्य मंज़ रूद सोन शुर पनॖनि माजि ज़्यॆवि निशि दूर तॖ शुर सॖन्दिस मऻलिस माजि ति ओस ती मन्ज़ूर। कऺशीरि प्यठॖ च़लनॖ पतॖ याने 1990-तॖ प्यठॖ दूर्यव सोन शुर ज़्यादय पाहन पनॖनि माजि ज़्यॆवि निशि। तीज़मालि वॊन बरादरस ज़ि ख़बर हाबा असि क्याज़ि गछ़ान गाल हिश कऻशिर्य पऻठ्य कथ बाथ करनस मंज़। ज़ानि दय यि कऻशुर बटॖ क्याह छु यछ़ान हावुन ब्यॆयिस। बरादरन वॊन तीज़मालि ज़ि मऻजी पॊज़ हय बोज़ख अंसि छुनॖ पूरॖ अछर-ज्ञान यिमन व्वपर ज़बानन हुन्द याने न ह्यॆन्दियुक, न उर्दुहुक, न अंग्रीज़ुक तॖ पनुन कऻशुर अछर-ज्ञाम रोवुय रोव। अगर ग़ोर सान वुछव असि छॆनि कुनि ति ज़बऻन्य मंज़ पनॖन्य कथ तगान फिरॖन्य या ब्यॆयिस बोज़नावॖन्य। तीज़मालि वॊन बरादरस ज़ि व्वपर ज़्यव हाबा बनि नॖ ज़ांह ति पनॖन्य माजि ज़्यव। खॊनवटॖ ख्वड खऺन्यतन काह कूत। पनुन गव पनॖनुय तॖ व्वपर गव व्वपरॖय। कथ छि जऻरी    

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप*

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य तहि)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)