01.12.2021

01.12.2021, मॊंजहोर (मार्ग/मगर) गटॖ पछॖ (कृष्ण पक्ष) बाह (द्वादशी) ब्वदॖवार  (बुधवार) श्री सप्तर्षि सम्वत 5097, नक्षत्र चित्र, राश तुला (सुबहॖचि 7.45 बजि प्यठॖ) ऋतु हेमन्त (चलान)

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

*************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*************************

कऺशीरि हॖन्ज़ कथ रूज़ जऻरी। तीज़मालि वॊन बरादरस ज़ि असि कऻशिर्य बटन गव न्वक्सानस प्यठ न्वक्सान तॖ त्युथ न्वक्सान ज़ि कम अज़ कम म्यानि वऻन्सि गछ़ि नॖ तमिच बरपऻयी। च्योन इशारॖ कॊत कुन छु मऻजी। बरादरन प्रुछ़ तीज़मालि। असि हाबा रोव हक हमसायि युस वख्तॖ बेवख्तॖ ओस यिवान अकार बकार। तीज़माल रूज़ वनान। याद छुम प्यवान ज़ि यॊदवय तति ॳकिस गरस ओस आसान खान्दर सु खान्दर ओस आसान ज़न तति मऺहल्किस मऺहलस। ॳकिस आंगनस मंज़ वॖरॖ दिवान, ब्यॆयिसॖन्दिस आंगनस मंज़ सायबानॖ गन्डान, ॳक्यसॖन्दि गरि बिस्तरॖ अनान तॖ ब्यॆयि सॖन्दि गरि बानॖ सॊम्बरान। खातीहॖन्द्यन ओस आसान खान्दर फातीहॖन्द्यन ॴस आसान व्वसॖद्रॊस। सु माय मॊहब्बत हाबा रोव। पतॖ यनॖ योर लऺग्य असि रऻव्य अंग ॴश्यनाव। यि गऺयि ब्याख यीरॖवॖन्य नाव। कमन ब्वरुत गरन गऺयि छलॖ छांगॖर। अख बोय लॊग अकि अंदॖ ब्याख लॊग ब्यॆयि अंदॖ। मऻजी कऺशीरि मंज़ य्यॊस व्यथा छि तथ प्यठ यिम कऺदॖल छि बऺनिथ सिरीनगरस मंज़, च़्यॆ छुयॆय तिमन कऺदलन हुन्द नाव याद। बरादरन डऻज्य कथ तीज़मालि हुन्द बाव बॊरुत बुथ वुछिथ। तीज़मालि त्रऻव असनऻहना तॖ वॊनुन बरादरस। नबा तॖ तिमनॖय कऺदलन हॖन्द्य नाव गछ़नमॖ मऺशिथ यथ हथ फेरॖ ॴस्य करान रोज़ान दॊहय। म्यॆ क्याह ब्रऻर्य छ़्यॊट छुमा ख्यॊमुत तॖ मऺशिथ गछ़नम। तलय तिहॖन्द्य नाव वन मऻजी ताकि सान्यन नव्यन शुर्यन ति तरि फिकिरी ज़ि सिरीनगरॖ कऺशीरि मंज़ पकवॖन्य व्यथि क्वलि प्यठ कमि कमि नावॖक्य कऺदॖल ॴस्य बनेमॖत्य। तीज़मालि द्युत दम ह्यु तॖ ह्यॊतुन ऒंगज्यन प्यठ तिमन कऺदलन हॖन्द्य नाव गऺन्ज़रावॖन्य। कथ छि जऻरी 

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""""""

दॊहन हॖन्द्य नाव कऻशिर पऻठ्य - च़ऺन्दॖरवार (सोमवार) बॊम्वार (मंगलवार) ब्वदवार (बुधवार) ब्रसवार (वीरवार/ब्रहस्पतवार/गुरुवार) शॊकुरवार (शुक्रवार/जुम्मा/भार्गववार) बटॖवार (शनिवार/शनिश्चरवार) आथवार (रविवार/ऐतवार)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

30.11.2021

30.11.2021, मॊंजहोर (मार्ग/मगर) गटॖ पछॖ (कृष्ण पक्ष) काह (एकादशी) बॊम्वार (मंगलवार) श्री सप्तर्षि सम्वत 5097, नक्षत्र हस्त, राश कन्या (चलान) ऋतु हेमन्त (चलान)

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

बरादरस प्यव ज़न च़्यतस क्याहताम तॖ फ्यूर तीज़मालि कुन वनॖनि। मऻजी बॖहऻय छुस यॆलि आसान मच़ि न्यॆंदरि मंज़ कुनि सातन बॖ छुसख ज़न तिम यार कऺशीरि मंज़ॖक्य छ़ान्डान रोज़ान। कमन बा यारन छुख च़ॖ छ़ान्डान रोज़ान न्यॆन्दरि मंज़। तीज़मालि प्रुछ़नस। हतय क्याह वनय। म्यॆ छि प्यवान तिम यार याद यिमन मंज़ म्यॆ पनुन ल्वकॖचार छु कॊडमुत, यिमन यारन मंज़ म्यॆ वतॖ छम मंजिमच़ॖ। मस्लन गणपथयार, सूमयार, बटॖयार, खरॖयार, मलॖयार, सॖहयार, क्रालॖयार, मूत्ययार,  प्वरुषॖयार, द्रऻब्ययार, डलहसनयार, बऺड्ययार, शऺश्ययार वगैरा वगैरा तॖ छम ॳछ खुलान तॖ छुस यकबयक वऺथित गछ़ान। तीज़मालि द्युत बरादरनि कथि छ़्यन तॖ दॊपनस हतबा च़्यॆ प्यॆयी यार याद तॖ बॖ वातनऻवथस तिमन मंदरन ताम यिम नॖ यॆति छि नज़रि गछ़ान। मस्लन गणपथयार। सुबहऻय ॴस्य गछ़ान तथ मंदरस तॖ ॴस्य शिवलिंगस पोन्य बावान तॖ मनस ॴस शऻन्ती मेलान। गऺणिश्यस ब्रोंहकनि ॴस्य सऻरी बऺख्त्य शुर्य बऺड्य मर्द ज़नानॖ सऺमिथ सुबहस शामस आरती करान रोज़ान तॖ गणपथयार ओस ग्रज़ान गन्टाय आवाज़ि तॖ श़खॖ नाद सॗत्य। कदमॖ कदमॖ पतॖ ॴस्य मंदर प्रथ तिमन यारन मंज़, मऺहल्लन मंज़, कोचि गल्यन मंज़ मगर तिम मंदर हबा दूरेयि असि निशि योर यिथ। दूर दूर ताम छुनॖ यपऻर्य मंदर नज़रि यिवान। यि कथ वऺनिथ च़्यॆ पऺज़ मऻजी। बरादरन वॊन तीज़मालि। यॆत्यन यॆत्यन बटॖ बऺसिथ छु अज़कल दिल्लि, मुम्बय, बंगलोर, पूने तस अंद्य पऺख्य छुनॖ कांह मंदर त्युथ यथ मंदरस मंज़ सु बटॖ तिथय पऻठ्य वातिहे आसऻनी सान यिथॖ पऻठ्य सु कऺशीरि मंज़ वातान ओस गाह सु गामॖ आसिहे या शहरॖ। आहनबा स्व व्यछ़य छि टाकारॖ बासान। जुम्लॖ कॊर पूरॖ तीज़मालि। यिति गव असि बॊड न्वक्सान। सोन मूल रोव, ज़मीन जादाद रोव, मंदर रऻव्य, तिम यार तॖ यारबल रऻव्य दफ यि दप्यज़ि ति ॳस्य रऻव्य पानॖ तॖ सॗत्य रऻवमॖच़ असि काहन गाव। कथ छि जऻरी

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""""""""

कऻशिर प्रऺच़ - अलॖ कुलिस तुलॖ कुल -

माने:- ल्वकचि कथि बऺड कथ बनावॖन्य

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

29.11.2021

29.11.2021, मॊंजहोर (मार्ग/मगर) गटॖ पछॖ (कृष्ण पक्ष) दऺहम (दशमी) च़ऺन्दॖरवार (सोमवार) श्री सप्तर्षि सम्वत 5097, नक्षत्र उ.फा, राश कन्या (चलान) ऋतु हेमन्त (चलान)

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

*************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

मगर मऻजी, वॊन बरादरन तीज़मालि कुन, दाद पज़ि द्युन असि पनॖनिस बटॖ समुदायस यिमव यूत मुसीबथ बर्दाशत कॊर, यि दग़ ललॖनऻवॖख, तथ क्रूठ वख्तस सीनॖ पनुन बुथि द्युतुख, पनॖन्य शुर्यन क्वकरी हॖन्द्य पऻठ्य फाह द्युतनख, पनुन पान संदरोवुन, पनॖन्यन ज़िठ्यन हुन्द बार पनॖन्यन फ्यॆक्यन्य प्यठ रोटुन, पनॖनि गरॖच माय मऺर्यादा, लाज, मान सत्कार, शूब शर्म, हय्या बरक़रार थावनॖच कूशिश कऺरॖन। बटॖ सॖन्ज़ि अथ सहनशीलतायि छुस बॖ नमन करान। आहनबा तथ क्याह छु वनुन। पनॖन्यन ज़िठ्यन हॖन्ज़ ॴही तॖ पनॖन्य रॖत्य कर्म आयख बकार। तीज़मालि वॊन वापस बरादरस। ब्यॆयि थऺविन्य तिमन लछॖ त्रॊगुन आय यिम तिथिस कठिन समयस बकार आयि अख ॳकिस। कपऻर्य कॊरुख रिलीफ पौंसॖ दिनुक इन्तिज़ाम, त्वमुल ओट मऺदरेर मुफुत दिनुक इन्तिज़ाम, कमलॖ, टैंट वगैरा वगैरा वातनोवुख। कॆंह लीडर आयि ब्रोंठ ब्रोंठ यिम नखि डखि रूद्य तॖ बटॖ रूद इस्तादॖ यॊताम पनुन ख्वर डऺखरोवुन यिथॖ तिथॖ। याहबा ओस यि दऺप्यज़ि ति प्रलय तमि सातॖ। सारिवी ख्वतॖ बॊड चीज़ गव यि ज़ि सान्यन शुर्यन मीज्य सीटॖ स्कूलन, कालेजन मंज़। वॊन बरादरन। आहनबा बोज़ान ॴसॖस ज़ि यि राहत ति छि मुम्किन सप्देमॖच़ सान्यव कॆंच़व महाप्वरुषव दऺस्य यिम कॆन्द्रीय सरकारक्यन दफ्तरन मंज़ तमि वख्त नोकरी ॴस्य करान। तिहॖन्दि मद्दतॖ सॗत्य म्यूल सान्यन शुर्यन अख नॊव मुकाम तॖ नव्यन स्वपनन साकार करनुक अख मुहिम। शुर्य गऺयि बजाह तॖ मऻल्य मऻज्य त्रोव फ्रख ह्यु तॖ द्राव बाज़रस मंज़ कलॖ थॊद थऺविथ, दगॖ मऺश्यरऻविथ तॖ पनुन पान दयस पुशरऻविथ। थख द्युत तीज़मालि तॖ बरादरन ब्रिन्ज़ॖस्य खन्डस। कथ छि जऻरी।

***********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""""""

कऻशिर ग्रन्द - गिनती कश्मीरी में - शुनमथ (छियानवे) सतनमथ (सतानवे) अरनमथ (अठानवे) नमनमथ (ननानवे) हथ (सौ)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव pod cast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

28.11.2021

28.11.2021, मॊंजहोर (मार्ग/मगर) गटॖ पछॖ (कृष्ण पक्ष) नवम (नवमी) आथवार (रविवार/ऐतवार) ‌श्री सप्तर्षि सम्वत 5097, नक्षत्र पू.फा, राश कन्या (रऻच़ हॖन्ज़ॖ 4.04 बजि प्यठॖ) ऋतु हेमन्त (चलान) 

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

******************"******

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

तिम दॊह मॖ यीन ब्यॆयि ज़ांह। तीज़मालि कऺर कथ ब्यॆयि शुरु। पऺन्य ॴस्य डऺल्यमॖत्य असि बटन। फिकिरी तॊर नॖ ज़ि ॴखॖर ॳस्य हय द्रायि कऺशीर त्रऻविथ तॖ द्रायि कॊत प्यठ, करुन हय बुथि छु तॖ क्याह छु करुन, रोज़ुन हय छु तॗ रोज़ुन कति छु, अथ वथ आयि नॖ कऻन्सि, टनलि यपोर वऻतिथ अदॖ यॆमिस यॆतिनस जायि रछ़ा मीज्य सु गव ततिनसॖय बिहिथ। मंदरन मंज़, पार्कन मंज़,  कॊम्निटी सैंटरन मंज़, किरायि मकानन मंज़, अंगन ॴश्यनावन निश, तापॖ क्रायन मंज़, खत्यन मंज़, गराजन मंज़, स्टेडियम क्यन स्टोरन मंज़, त्राहि त्राहि मच्यऻव बटॖ समुदायस। बरादरन त्रोव ज़्यूठ व्वश तॖ वॊनुन तीज़मालि ज़ि मऻजी म्यॆति छु ज़्वन ज़ि बऺड्य ॴस्य परेशान ज़ि मोसूम शुर्यन करव क्याह, शुर्य ॴस्य परेशान मऺलिस माजि करव क्याह। त्रटॖबुज़ुन हय वॊथ तिमन दॊहन। कोहराम मच्यऻव च़्वपऻर्य असि। त्राहि त्राहि। तॗरि कऺन्ड्य छि फटान याम तिम दॊह छि फीर्य फीर्य च़्यतस यिवान। स्व कति रूज़ स्वद-ब्वद, कऺमिस रूद्य याद संस्कार, कति रूज़ बटन स्व संस्कृति, ग्वडॖ छ़ऻन्डिख सऺबीलॖ पनुन पान ज़िन्दॖ थावनॖ बापथ,  कलस प्यठ छ़्यॆयि पश छ़ान्डन बापथ, कोर्यन हॖन्द्य अज़मथ बचावनॖ बापथ, शुर्यन कट्यन वावॖ छ़टि तॖ तापॖ क्रायि निशि दूर थऻवनॖ बापथ। यि दप्यज़ि ति पनॖन्यन अरमानन सूर कऺरिथ ह्यॊतुख नव्यन स्वपनन आकार द्युन नऺविस आयामस मंज़ तॖ लऺग्य तिमनॖय स्वपनन साकार बनावनस मंज़। पनुन पान ॴडरऻवुख रऺगॖ रंगॖ। कथ छि जऻरी 

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""""""""

कऻशिर ग्रन्द - गिनती कश्मीरी में - अकनमथ (इकानवे) दुनमथ (बयानवे) त्रुनमथ (त्रियानवे) च़ुनमथ (चुरानवे) पांच़नमथ (पच्चानवे)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

26.11.2021

26.11.2021,मॊंजहोर (मार्ग/मगर) गटॖ पछॖ (कृष्ण पक्ष) सतम (सप्तमी) शॊकुरवार (शुक्रवार/जुम्मा/भार्गववार) श्री सप्तर्षि सम्वत 5097, नक्षत्र अशिलेश, राश सिंह (रऻच़ हॖन्ज़ॖ 9.36 बजि प्यठॖ), ऋतु हेमन्त (चलान)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

बरादरन वॊन तीज़मालि ज़ि कऺशीरि मंज़ ति ओस तनाव आसान गरन मंज़। यि छॆनॖ नऺव कथ कॆंह तॖ सऻन्यसॖय समुदायस मंज़ छॆ नॖ दफ अमापॊज़ ॳस्य आयि यिमन त्रॖहन च़तजीहन वऺरियन मंज़ शऺगनावनॖ ज़्यादय पाहन। तीज़मालि कऺर कलॖ ज़ीर हिश तॖ वॊनुन बरादरस।तिहाबा छस बॖति ज़ानान। म्यॆतिहय ॴखॖर यीच़ वऻन्स कऺड, म्यॆति वुछ सम्सार मगर म्यॆ छु बासान ज़ि सानि ज़ऻच़ मंज़ छि ज़्यादय दॖनन लऺज्यमॖच़। कमि रऺन्ग्य हिश, सवालॖ कॊर बरादरन। कति प्यठॖ करॖ शुरु सोंचान छस। वापस वॊन तीज़मालि। कऺशीरि मंज़ ॴस्य वऺलिथ मऺलिथ बिहिथ तॖ वॊथ त्यॊल तॖ तोस तिमन मुस्लमानन यिमव दऺहशत फऻलोव, मारॖवातल बऺनिथ गऻलिख सऻन्य टऻठ्य, शुर्य क्यो बऺड। तथ जटॖ जोशस मंज़ आयि ॳस्य च़ऺलिथ पनुन पान बचावान बचावा। जाय जायदाद त्रोव तती तॖ लऺग्य टनलि यपोर अख लार तॖ अख दार। खबरॖय रूज़ नॖ कुस रूद तॖ कुस मूद। तापॖ च़न्ज्यन मंज़ आयि ह्यनॖ। याद छिम प्यवान तिम दॊह। त्राहि त्राहि वॊथ असि च़्ववापऻर्य। खॗमॖ ज़च्यन मंज़ प्यव रोज़ुन, टीनॖ शडन मंज़ प्यॆयि दॊह कडॖन्य। आहनी सु विखीप प्यव सारिनी असि। बरादरन कऺर तीज़मालि हॖन्ज़ कथ पूरॖ। बस अदॖ मतॖ बॊज़तॖ असि डऺल्य मगज़ॖय तिम हालात वुछिथ। सारिनी सान्यन मनसूबन लॊग फेश ज़न। असि प्यव नवि सरॖ ज़िन्दॖ रोज़नुक सबीलॖ छ़ान्डुन। तीज़मालि द्युत थख ह्यु पनॖनि कथि। कथ छि जऻरी 

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""""""

कऻशिर ग्रन्द - गिनती कश्मीरी में - शुशीथ (छियासी) सतशीथ (सतासी) अरशीथ (अठासी) कुन्नमथ (उनानवे/नवासी) नमथ (नबे)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

25.11.2021

25.11.2021, मॊंजहोर (मार्ग/मगर) गटॖ पछॖ (कृष्ण पक्ष) शॆयम (षष्ठी) ब्रसवार (गरूवार/वीरवार/ब्रहस्पतवार) श्री सप्तर्षि सम्वत 5097, नक्षत्र तिष्या, राश कर्कट (चलान) ऋतु हेमन्त (चलान)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*************************

असि कऻशिर्य बटन मंज़ छु नॖ तलाक़ लफॖज़ कुनि किताबि मंज़। मगर व्वंय छि वुछान यस्लॖ अमि लफ्ज़ुक इस्तिमाल सपदान। बरादरन वॊन तीज़मालि कुन। आहनबा सान्यव शुर्यव आसि सूंचमुत ॳसी क्याज़ि रोज़व पथ अथ कामि मंज़ ति। जवाब द्युत तीज़मालि। यिहाबा गव ग़ज़ब। कम गरॖ गऺयि ख़राब अमि तलाकॖ सॗत्य। तीज़मालि थऺव कथ जऻरी। अज़कलॖक्य शुर्य सऻन्य हाबा छि गऻमॖत्य ख्वदराह। नबोज़ुन छुख। मोल मऻज्य छुख थॊवमुत लबिताकस। यी पनुन मन वन्यख ती करान। नाय मऻजी सऻरी नय छिनॖ खराब। बरादरन यॊछ़ वनुन तीज़मालि। हतबा तिम शुर्य छि कऻत्याह अज़कल यिम यिमन शर्म हया छु। बॖ यपऻर्य वुछान छस कांह नतॖ कांह कांड छु नज़रि गछ़ान। कऻन्सि न्वशि छुनॖ बऻच़न मंज़ बॆहनस वार व्यस्तार, कऻन्सि बऻयिस छुनॖ बऻयिस सॗत्य बॆहनस वार, वारिहान गरन मंज़ छुनॖ रॗनिस ज़नानि पानॖवुन्य मिलच़ार। तवय छि वातान अदालऺच़ वानन तॖ प्रारान रोज़ान फऻसलस। ज़बऻन्य हुन्द व्वथवार छु अलगॖय कॖसॖ। हश मंगान टंग (म्यवॖ) तॖ न्वश हावान टंग (ज़्यव)। नानि बॖड्यबबस छुनॖ शुर्य सॖन्दिस शुरिस (याने ज़ुरिस) प्यठ यख्तियार कॆंह। दऺलिस तल रटिहेस तॖ दॊल छु कति। कथा बोज़नाविहेस, तिम कथॖ रोज़ॖ कति। यॊदवय कऻन्सि नानि याद ति आसि, शुरिस फुरसत कति छि बोज़नस सॊम्ब। सऻनिस समुदायस ति गऻमॖत्य रंगॖ रंगॖ रंग। ॳन्दॖर्य ॳन्दॖर्य आमॖत्य सऻरी तंग। ख्यनस च्यनस मंज़ ति बदल्यॊमुत ढंग। इन्सान छु यिथ्य हालात वुछिथ रूदमुत द़ंग। तीज़मालि वॊन बरादरस ज़ि पॊज़ हय बोज़ख अज़कल छिनॖ लूकन फिकिरी खसान फलंग। कथ छि जऻरी

************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""""""'

कऻशिर ग्रन्द - गिनती कश्मीरी में - अक्शीथ (इक्यासी) दुशीथ (बयासी) त्रुशीथ (त्रियासी) च़ॊयशीथ (चुरासी) पऻन्च़शीथ (पच्चासी)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

24.11.2021

24.11.2021, मॊंजहोर (मार्ग/मगर) गटॖ पछॖ (कृष्ण पक्ष) पऻन्च़म (पंचमी) ब्वदॖवार (बुधवार) श्री सप्तर्षि सम्वत 5097, नक्षत्र पुन, राश कर्कट (दुहचि 9.50 बजि प्यठॖ), ऋतु हेमन्त (चलान)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

*************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*************************

ॳस्य हाबा गऺयि मऻल्य ति तॖ जऻन्य ति। तीज़मालि वॊन बरादरस कुन। क्याह बनि सान्यन शुर्यन। प्रुछ़ तीज़मालि बरादरस। बरादरन द्युत दम ह्यु तॖ वॊनुन तीज़मालि ज़ि दॊह पतॖ दॊह छि हालात क्रूठ सपदान। मंज़िमयोर छुनॖ व्वंय मेलान कुनि। तारॖकानॖज सपदान छि अज़कल फेसबुकॖ दऺस्य, य्वस बटॖ कूर पर-ज़ऺच़ मंज़ वरनॖ आयि तस कति छि व्वंय खबर ज़ि सु लऺडकॖ सॊनॖर्य कोट छा या खारॖ कॊट छु। कति सु वख यॆलि क्वलावली परान परान ॴस्य इस्तर्यन्य हॖन्द्य पिस्तर्यन ताम वातान। गरॖ बार क्युथ छु, मातामाल कम छि, मासॖ कऺच़ छस, प्वफा छसा कांह, लऺडकॖ छा सरकऻर्य नोकरी करान, स्यकरिट्रयेटस मंज़ छा, बैंकस मंज़ छा, मास्टर छा दरबारमूवस सॗत्य छा, वगैरा वगैरा। यिथय पऻठ्य ॴस्य कोरि मुतलक ति प्रॖछ़गऻर यिवान करनॖ, च़ूरि छ़्यॆपि, ॳकिस ब्यॆयिस प्रॖछ़िथ, कूर छा सुशील स्वन्दर, अस्वॖन्य छा, रलवॖन्य मेलवॖन्य छा, पऺरमॖच़ लीछमॖच़ छा, नोकरी ति छा करान, नोकरी अगर करान छि तॖ गरस कति आसि वातान, मास्टरबाय छा, डाकखानस मंज़ छा, बैंक्स मंज़ छा, तब्दीली ह्यॆकसॖ सपदिथ, स्वभाव क्युथ छुस, हशि हॆहरस ह्यॆक्याह सीवा कऺरिथ। पतॖ गऺयो गरॖ वुछुन, कऺच़ पोर मकान छुख, कऺच़ ताख मकान छुख, ब्यॆनि बऻय कऻत्याह छि तथ गरस मंज़। यिम सऻरी नाप तोलॖक्य ढंग गऺयि खतम। यिमन कथन छुनॖ अज़कल म्वलॖ कांह। अज़ छि लऺडकॖ तॖ कूर रू ब रू पानय अख ॳकिस वुछिथ फऻसलॖ करान तॖ मऻलिस माजि ब्रोंहकनि पनुन व्यच़ार थवान तॖ तिमन हुन्द इजाज़थ ह्यवान या वख्तस मऻलिस माजि नज़र-अन्दाज़ कऺरिथ पनुन हमसफर छ़ान्डान रोज़ान। तीज़मालि कऺर बोज़नऻहऻना तॖ वॊनुन बरादरस ज़ि तिहाबा गऺयो ठीखॖय मगर बोज़ान ॴसॖस ज़ि यिथॖ पऻठ्य खान्दर कऺर्य कऺर्य छि नॖ रून ज़नान ज़्यादॖ कालस ख्वश ति रोज़ान। मतलब। प्रुछ़ बरादरन। मतलब हाबा ब्यॆन्यर। बोज़ान ॴसॖस ज़ि अदालच़न मंज़ छि सान्यन यिथ्यन शुर्यन तलाकॖक कॖसॖ ग्रन्दि रॊस। आहनी मऻजी ति छुय पॊज़। बरादरन वॊनॖनस वापस। हतबा बलाय आया यिथ्यन खान्दरन यॆमि म्वखॖ सऻर्यसॖय वुम्बॖरि पऺन्द्य नेरि तॖ मऻलिस माजि व्वदरूग रोज़ि प्यतरुन। तीज़मालि दिच़ पनॖन्य मनॖच कथ बरादरस कुन। ब्यॆयि गऺयि छ़ॊपॖ पऺहरस खन्डस। कथ छि जऻरी    *************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""""""

कऻशिर ग्रन्द - गिनती कश्मीरी में - शुसतथ (छिहथर) सतसतथ (सत्तथर) अरसतथ (अठहथर) कुनशीथ (उनासी) शीथ (असी)

*************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

23.11.2021

23.11.2021, मॊंजहोर (मार्ग/मगर) गटॖ पछॖ (कृष्ण पक्ष) च़ोरम (चतुर्थी) बॊम्वार (मंगलवार), श्री सप्तर्षि सम्वत 5097, नक्षत्र आर्द्रा, राश मिथुन (चलान), ऋतु हेमन्त (चलान)। अज़ छि संकट च़ोरम (संकट निवारण चतुर्थी) ति

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

*************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

मोल मऻज्य मा आसि यछ़ान ज़ि त्युहुन्द शुर गॊछ़ नॖ पनुन हमसफ़र पर-ज़ऻच़ मंज़ छ़ान्डुन मगर मजबूर गऺछ़िथ छु मोल मऻज्य दपान जानॖय गव पर-ज़ऻच़ मंज़ यॊदवय रिशतॖ गव तॖ छु पनॖनिस पानस तस्लाह दिवान तॖ छु ज़्यॆवॖ तऺल्य वनान ज़ि अथ रिशतस मंज़ क्याह ख़रऻबी छि। बरादरन वॊन तीज़मालि। तीज़मालि छ़ॖन्य दंदस तल ज़्यव तॖ वॊनुन बरादरस। नबा पर-ज़ऻच़ मंज़ रिशतॖ बनावनस मंज़ क्वस जऻनी छि असि कऻशिर्य बटन बासान। ती छुस बॖति यछ़ान वनुन पनॖन्यन बायन ब्यॆन्यन ज़ि पनॖनि ज़ऻच़ न्यबर न्यॆच्यविस या कोरि खान्दर करनस मंज़ छु स्यठाह न्वकसान। मस्लन अगर पर-ज़ऻच़ प्यठॖ कूर बटॖ गरस मंज़ न्वश बऺनिथ यी  तऺमिस तरि नॖ कऻशिर्य ज़बान फिकिरी तॖ न तरि कऻशिर बटस तऺमिस न्वशि हॖन्ज़ ज़बान फिकिरी। सान्यन रसमन  रिवाजन हॖन्ज़ ज़ऻन्यकऻरी निशि आसि स्व कूर स्यठाह दूर। यॆलि तऺमिस न्वशि यॆलि तॆलि शुर ज़्यॆवि सु शुर ह्यॆकि नॖ कऻशिर ज़बऻन्य मंज़ कथॖय कऺरिथ ति क्याज़ि तऺम्यसॖन्ज़ माजि ज़्यव आसि नॖ कऻशिर बऺल्कि तऺम्यसॖन्ज़ माजि ज़्यव रोज़ि स्वय य्वस तऺम्यसॖन्ज़ि माजि आसि। व्वंय नीतोन सऻन्य याने बटॖ कूर य्वस पर-ज़ऻच़ मंज़ खान्दर कऺरिथ गछ़ि। तस्सॖन्ज़ ज़बान तरि नॖ तिमन फिकिरी यथ गरस स्व लगि। तऺमिस युस शुर ज़्यॆवि सु ह्यॆछनॖ कऻशुर बऺल्कि ह्यॆछनावन तऺमिस स्व ज़्यव य्वस तमि गरॖक्य बऻच़ बोलान आसन ति क्याज़ि सऻन्य कूर आसि नॖ कऻशिर ज़बऻन्य मंज़ तति कथ करान।  अम्युक साफ मत्लब छु यि नेरान ज़ि सोन वंश छु छ़ॊकान गछ़ान तॖ माजि ज़्यव छि गऻब ह्यवान गछ़ॖन्य। न्वकसानस मंज़ छु कऻशुर बट द्वश्यवनी तरफॖ। संख्या छि यपऻर्य ति कम गछ़ान तॖ हुपऻर्य ति। प्राईवेट कम्पऺनियन मंज़ कऻम करन वऻल्य शुर्य छि अंतर-जाति मंज़ खान्दर करनस मंज़ ख्वश ति क्याज़ि दॊनवय बऻच़ छि या ॳक्यसॖय कम्पनी मंज़ नोकरी करान या छि ॳक्यसॖय जायि बिहिथ पनॖन्य ज़िन्दगी हॖन्द्य दॊह कडान। कथ छि जऻरी

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""""""""

कऻशिर ग्रन्द - गिनती कश्मीरी में - अक्सतथ (इक्कथर) दुसतथ (बहथर) त्रुसतथ (तिहथर) च़ुसतथ (चुहथर) पऻन्च़सतथ (पच्चथर)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

22.11.2021

22.11.2021, मॊंजहोर (मार्ग/मगर) गटॖ पछॖ (कृष्ण पक्ष) त्रय (तृतीया) च़ऺन्दॖरवार (सोमवार), श्री सप्तर्षि सम्वत 5097, नक्षत्र मृग, राश मिथुन (चलान) ऋतु हेमन्त (चलान)

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

*************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*************************

सऻन्य शुर्य चूंकि प्राइवेट कम्पनियन मंज़ छि नोकरी करान तमि सॗत्य गऺयि अख बऺड समस्या खड़ा। बरादरन वॊन तीज़मालि। किछ़ हिश समस्या। तॏज़मालि कॊर सवाल बरादरस। मऻजी समस्या गऺयि यि ज़ि सान्यन  शुर्यन छिनॖ मनॖ मुवऻफिक तान वख्तस प्यठ मेलान यॆमि मूजूब तिम छि रोज़ान अनॖहॖयिर स्यठहास कालस। बरादरन वॊन तीज़मालि। ख़बर हबा क्याज़ि। म्यॆ ज़न तॊर नॖ फिकिरी च़ॖ क्याह छुख यछ़ान वनुन। तीज़मालि कॊर ब्याख सवालॖ बरादरस। कथ छि साफ जवाब द्युतनस बरादरन। अगर लऺडकॖ कुनि प्राइवेट कम्पनी मंज़ बंगलोरॖ मंंज़ नोकरी करान छु सु छु नॖ ह्यकान पनॖनि जायि प्यठॖ डऺलिथ। यिथय पऻठ्य अगर कांह कूर पूनेहस मंज़ कुनि प्राईवेट कम्पनी मंज़ नोकरी करान छि स्व ति छॆनॖ ह्यकान डऺलिथ पनॖनि जायि प्यठॖ। समस्या छि गछ़ान पऻदॖ यॆलि बंगलोरस मंज़ बिहिथ लऺडकॖ सॖन्ज़ ट्यॆकिन मेलान छि पूनेहस मंज़ बिहिथ कोरि सॗत्य मगर न छु यछ़ान लऺडकॖ बंगलोरॖच नोकरी त्रऻविथ पूने यिथ नऺव नोकरी छ़ान्डॖन्य तॖ न छि कूर तयार पूनेहॖन्ज़ नोकरी त्रऻविथ बंगलोर यिथ कांह नऺव नोकरी छ़ान्डॖन। नऺतीजि छु नेरान ज़ि न छु  कोरि लऺडकॖ मेलान तॖ न छि लऺडकस कूर मेलान। ॶख ॳक्यसॖन्दि बापथ वर छ़ान्डान छ़ान्डान छि पऺद्य फॊलान तॖ ज़ॖ च़ोर वऺरी छि नेरान वर छ़ान्डॖनस मंज़ॖय। आहनबा तॖ यिहे बऺड समस्या छि। तीज़मालि वॊन बरादरस। बॖति छस सोंचान ज़ि सऻन्य शुर्य क्याज़ि छि पान्च़त्रॖह वुहॖर्य ति अनॖहॖरी। नाय यीच़ॖय छॆनॖ समस्या अथ सॗत्य छि ब्यॆयि ति मस्लॖ जुडान गछ़ान। बरादरन वॊन तीज़मालि कुन। कथ छि जऻरी

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""""""

कऻशिर ग्रन्द - गिनती कश्मीरी में - शूहऻठ (छेसठ) सतहऻठ (सतसठ) अरहऻठ (अठसठ) कुनसतथ (उन्नथर) सतथ (सत्थर)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/

bldeep

(यि सबक़ वुछिव koshursabak.blogspot.com प्यठॖ ति)

21.11.2021

21.11.2021, मॊंजहोर (मार्ग/मगर) गटॖ पछॖ (कृष्ण पक्ष) द्वय (द्वितिय) आथवार (रविवार/ऐतवार) श्री सप्तर्षि सम्वत 5097, मक्षत्र रोहि (चलान) राश मिथुन (रऻच़ हॖन्ज़ि 9.10 बजि प्यठॖ) ऋतु हेमन्त (चलान)

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

*************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*************************

कऻशिर्य बटन गव सख़ न्वकसान। बरादरन वॊन तीज़मालि। आहनबा सु गवा न्वक्सान, यि गऺयि त्रठॖय। पनॖनि वऻन्सि छुनॖ ज़ांह ति यि तूफान वुछमुत। तीज़मालि द्युत जवाब बरादरस। बरादरन थऺव कथ जऻरी यि वऺनिथ ज़ि सान्यन शुर्यन प्यठ प्यव ब्रख वारियाह। कऺशीरि मंज़ ओस शुर बडान तॖ पऺरिथ लीखिथ ॴसॖस सरकऻर्य नोकरीयाह मेलान तॖ ओस मऻलिस माजि ॳछन तलॖय रोज़ान। मऻलिस मनाज़ि ति ॴस च़म शिहिज रोज़ान शुर कॊट पानस ब्रोहकनि वुछिथ। हय अदक्याह सु ओसा कम तस्लाह आसान। तीज़मालि वॊन बरादरस। हालांकि सरकऻर्य नोकरियव खऻतरॖ ति ॴसॖख प्यवान दोरॖ दोर करॖन्य, ज़ुव च़टुन, ॳक्यसॖन्ज़ सुफऻरिश ब्यॆयिसॖन्ज़ सुफऻरिश छ़ान्डॖन्य तॖ अदॖ ओसुख कॆंह मेलान। आहनी अक्सऺरियतस मंज़ ॴस नॖ अक्लियतस व्वमेद रोज़ान मगर व्वथ वलद कऺरिथ ओसुस ॴखरस कॆंह न तॖ कॆंह मेलान तॖ ओस फ्रख ह्यु त्रावान। कांह कांह शुर ओस ट्रेनिंग करनि बापथ कऺशीरि न्यबर नेरान। मगर कऺशीरि प्यठॖ च़लनॖ पतॖ बदलेयि तस्वीर सऻरॖय। सरकऻर्य नोकरी गऺयि गऻबॖय। हतव शुर्यव मंज़ॖ छि नमनमथ शुर्य व्वंय प्राईवेट नोकरीयन मंज़ तॖ छि यि दऺप्यज़ि ति अलऻन्द्य बिचऻर्य। कर दिनख जवाब नोकरियन मंज़ॖ, खबरॖय छख नॖ लगान। खुलॖ पऻठ्य छिनॖ शाह ह्यकान ह्यथ। च़ोर दॊह यॊदवय च़ेर गछ़्यख च़क्जि तलॖ छिख च़ऻन्गिज निवान कऺडिथ तॖ ह्यवान बिचऻर्य छ़्रटॖ छ़्रठ करॖन्य। बरादरन द्युत थख ह्यु कथि। त्रैशि गिलासा च्योन तॖ ब्यूठ तीज़मालि हॖन्दिस बुथिस कुन मुदय गऺन्ठिथ। तीज़माल ति गऺयि कथ ताम ख्यूबस मंज़। कथ छि जऻरी    

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""""""

कऻशिर ग्रन्द - गिनती कश्मीरी में - अकहऻठ (इकसठ) दूहऻठ (बासठ) त्रूहऻठ (त्रॆयसठ) च़ूहऻठ (चौंसठ) पान्च़ॖहऻठ (पैंसठ)

*************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

20.11.2021

20.11.2021, मॊंजहोर (मार्ग), गटॖ पछॖ (कृष्ण पक्ष) ऒक्दॊह (प्रथमा) देवादेव, बटॖवार (शनिवार/शनिश्चरवार), श्री सप्तर्षि सम्वत 5097, नक्षत्र रोहि, राश वृष (चलान) ऋतु हेमन्त (चलान)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव 

*************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

यथ यथ गरस च़ास तथ तथ गरस मंज़ वऺछिम अख शुरहेन तॖ बस। कुनि गरस मंज़ नॖ सु ति। खालॖय कुनि कुनि गरस मंज़ ज़ॖ बच्चॖहऻनॖ या कोरि ज़ॖ या लऺडकॖ ज़ॖ। बरादरन वॊन तीज़मालि ज़ि यि हालथ वुछिथ बासान छु ज़ि ॳस्य ह्यॆतिन वारॖ वारॖ छ़ॊकॖन्य तॖ ग्रन्दि मंज़ कम गछ़ॖन्य। कॆंच़न गरन मंज़ आम वुछिनस मंज़ ज़ि मोल मऻज्य बिहिथ शुर्यन सॗत्य मोबाईलन प्यठ कथ कऺरिथ पनुन कुन्यर कम करान ति क्याज़ि तिहिन्द्य शुर्य छि वऻत्यमॖत्य आस्ट्रैलिया या अमरीका। पनॖन्य बुजरिक दॊह कडान यी सूंच सूंच ज़ि शुर्य यॆतिनस छि ततिनस रूज़िन बजाह। तीज़माल रूज़ बोज़ान बरादर सॖन्ज़ कथ मगर गऺयि कऺज्य हिश्य। हालात ह्यॆतिन वातॖन्य ज़ि बड्यन लूकन दॊहन मा प्यन असि किरायि प्यठ अनॖनि मासॖ तॖ प्वफॖ मासॖकार या प्वफॖकार करनॖ बापथ। बरादरन वॊन तीज़मालि। वख्तन हाबा ख्यव व्वलगॊतुन। फिकिरी छुनॖ तरान ज़ि ॴखॖर असि बनि क्याह। अकि तरफॖ गऺयि बऻच़ कम दॊयिमि तरफॖ ह्यॆच़ॖन माजि ज़्यव रावॖन्य तॖ त्रॊयिमि तरफॖ ह्यॆच़ॖन्य असि पनॖन्य प्रज़नथ रावॖन्य तिक्याज़ि पर ज़ऻच़ मंज़ रिशतॖदऻरी बऺडरावनॖ सॗत्य गव कऻशुर बटॖ परदस तल।

बटॖ परज़ॖनावुन छु व्वंय मुश्किल।कॆंह बटॖ छि नॖ ट्यॊक करान तॖ कॆंह बट्यनि नॖ ड्यॆजहोर लागान। पनुन पनुन तर्क ह्यथ छि सऻरी पकान। कथ छि जऻरी

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""""""

कऻशिर ग्रन्द - गिनती कश्मीरी में - शुवनज़ा (छप्पन) सतवनज़ा (सतावन) अरवनज़ा (अठावन) कुनहऻठ (उनसठ) शेठ (सठ)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

19.11.2021

19.11.2021, कार्तिक (कतक) ज़ूनॖ पछॖ (शुक्ल पक्ष) पुनिम (पूर्णिमाशी) देवादेव शॊकुरवार (शुक्रवार/जुम्मा/भार्गववार) श्री सप्तर्षि सम्वत 5097, नक्षत्र कृति, राश वृष (सुबहॖचि 8.13 बजि प्यठॖ), ऋतु हेमन्त (चलान)

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

*************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*************************

कति तिम ब्वरित्य गरॖ कऺशीरि मंज़ॖक्य तॖ कति अज़कलॖक्य छ़ऺर्य गरॖ। मन छु क्रुह गछ़ान अज़कलॖक्य गरॖ वुछिथ। मोल मऻज्य अकि अंदॖ तॖ शुर कॊट कमि ताम अंदॖ।  बरादरन वॊन तीज़मालि।  वायह कॊत गव सु प्वतकाल। व्वश त्रऻविथ वॊन तीज़मालि। च़्यॆहाबा वऺनिथ म्यानि दिलॖच कथ। ॳस्य आसॖ पांछ़ दॖरकाकनि तॖ ज़ॖ ज़ऻम तॖ ब्यॆयि ओस हश ह्युहुर। हतबाह क्याह वनय गरॖ क्याह ओस ग्रज़ान। बॖ ॴसॖस सारिनी कॗन्स दॖरकाकन्य पनॖनिस गरस मंज़। ज़ऻम दॊश्यवय आसॖ बजाह पनॖन्यन पनॖन्यन गरन मंज़। म्यान्यन ज़िठ्यन द्रॖयन हॖन्द्य शुर्य लऺसिन कोरि तॖ लऺडकॖ मिलऻविथ ॴस्य बाह शुर्य तथ गरस मंज़। त्रु पूर गरॖ, बऺड्य बऺड्य रवख ह्यि कुठ्य, वॊट कऻनी, ब्रऻर्यकऻनी, ठोकुर कुठ, डबि कुठ वगैरा। यि गरॖ ओस शोलान। सुबॖ प्यठॖ शाम ताम तॖ रऻच़ हॖज़न काहन काहन बज्यन ताम ॴस आसान शुर्यन हॖन्ज क्रख चिख, असुन गिन्दुन, ठस ठिस ओस चलान रोज़ान। ॳहलॖ मऺहलॖ ओस वनान रोज़ान ज़ि गरॖ अगर वुछुन आसिवॖ तॖ माधव भट्ट जुवुन गरॖ गछ़ि वुछुन। तीज़माल गऺयि बावुक तॖ चंदॖ मंज़ॖ कऺडॖन दऺज्य तॖ व्वथराव्यन पनॖनि ॳछ यिम प्रानि यादाशक्यन सऺहलाबॖ सॗत्य आसॖ तर बॖ तर गऻमच़ॖ। सऻरीय गरॖ ॴस्य तमि वख्तॖ कऺशीरि मंज़ बऻच़व सॗत्य बऺरिथ आसान। वॊन बरादरन। मगर अज़कलॖक्य गरॖ वुछान छि तॖ तिमन मंज़ छि च़ॖ तॖ बॖ तॖ लुतॖ बब। कथ छि जऻरी

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""""""""

कऻशिर ग्रन्द - गिनती कश्मीरी में - अकवनज़ा (इक्यावन) दुवनज़ा (बावन) त्रुवनज़ा (त्रॆपन)

च़ुवनज़ा (चौपन) पान्च़वनज़ा (पचपन)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

18.11.2021

18.11.2021 कार्तिक (कतक) ज़ूनॖ पछॖ (शुक्ल पक्ष) च़्वदह (चतुर्दशी) देवादेव ब्रसवार (गरूवार/वीरवार/ ब्रहस्पतवार) श्री सप्तर्षि सम्वत 5097, नक्षत्र भरण, राश मेष (चलान) ऋतु हेमन्त (चलान)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

*************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*************************

बरादरन वॊन तीज़मालि कुन ज़ि कऺशीरि मंज़ ॴस्य कऻशिर्य बटॖ नाहवन कलॖ दिवान यॊदवय कांह बटॖ कूर या बटॖ कॊट पननि ज़ऻच़ न्यबर खांदर ओस करान। दपान ॴस्य ॳमिस कोरि या लऺडकस मंज़ आसिहे कॆंह न्वकुस या कुनि कॖस्मॖच कमी तवय बन्योस नॖ पनॖनि ज़ऻच़ मंज़ खान्दर। यि कथ छि अज़ पान्च़त्रॖह या च़तजिह वऺरी ब्रूंठिम। मगर यनॖ बटॖस प्यव च़लुन कऺशीरि प्यठॖ तस मंज़ आव रंगॖ रंग बदलाव तॖ यि बदलाव ति आव यिमनॖय पान्च़त्रॖहन वऺरियन मंज़ ज़्यादॖ ख्वतॖ ज़्यादॖ। अख रंग होवुन ज़ि शुर्य ज़्यॆवरावॖन्य गऺयि कम याने अख या ज़ॖ मसाह या नतॖ नॖ शुरुय आसुन। कति तिम पांछ़ शें ॴठ नव शुर्य, अज़ यिमन अख ज़ॖय तिमन ति खुर्य। फ़ीस वीस बऺर्य बऺर्य पेरैंट बरहम। शुर ज़्यॆवरावुन, पतॖ शुर रछुन, शुर परनावुन, शुर बऺडरावुन, शुर कॆंह जमऺच़ परनावनॖ पतॖ ट्रेनिंग करनावुन छु अज़कल स्यठाह द्रॊग प्यवान। कूर या लऺडकॖ छु पानॖ अज़कल त्रॖह वुहुर, पान्च़ॖत्रॖह वुहुर वातान तॖ यूत वऻन्सि वऻतिथ छु या छि खान्दर करान। तिमन छुनॖ ज़ॆहनस मंज़ शुर् ज़्यॆवरावनुक व्यच़ार यिवान ति क्याज़ि खान्दरॖ पतॖ छि रून तॖ ज़नान पनुन पान डऺखरावनस मंज़ लागान, मस्लन फ्लैट ह्यनस मंज़, फ्लैट सजावनस मंज़, गऻड्य अनॖनस मंज़, पनुन पान पऻरावनस मंज़, हऺनीमून बेमत्लब मनावनस मंज़ वगैरा वगैरा। पान्च़त्रॖह वुहरिस न्यॆचवॖस या कोरि छेनॖ स्व यछ़ा रोज़ान ज़ि तिम सोंचन शुर ज़्यॆवरावनस मुतलक। तिम छि सोंचान अमि पीरॖ ख्वतॖ छु ब्यॆपीरॖय जान। त्यॆलि ॴस्य दपान त्रॖह गव सॖह, च़तजी गव पतजी, शेठ गव ब्रेठ। त्रॖह ओस सॖह त्यॆलि आसान ति क्याज़ि तऺमिस ॴस्य च़ोर पांछ़ शुर्य तॊताम आसान ज़ामॖत्य। अज़ छु त्रॖह वुहुर कुर या लऺडकॖ वुनि अनहुरॖय। यथ मुहावरस रूद नॖ कांह म्वल। तिहाबा छुय पॊज़। आंकार कॊर तीज़मालि। कथ छि जऻरी

************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""""""""

कऻशिर ग्रन्द - गिनती कश्मीरी में- शॆयतऻजी (छियालीस) सत्तऻजी (संतालीस) अरतऻजी (अठतालीस) कुनवंज़ाह (उन्नंचास) पन्च़ाह (पच्चास)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

17.11.2021

17.11.2021, कार्तिक (कतक) ज़ूनॖ पछॖ (शुक्ल पक्ष) त्रुवाह (त्रयोदशी) देवादेव, ब्वदॖवार (बुधवार) श्री सप्तर्षि सम्वत 5097, नक्षत्र अश्विन, राश मेष (चलान) ऋतु हेमन्त (चलान)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

तीज़मालि वॊन बरादरस ज़ि बोज़ान ॴसॖस ज़ि कऻशिर्य बटव बगऻर यीच़ॖ ति ज़ऻच़ छि तिम सऻरी छि पनॖनि पनॖनि माजि ज़्यॆवि मंज़ॖय पानॖवुन्य कथ बाथ करान रोज़ान। आहनी तिहय छु पॊज़। डूगरॖ छु डूगरस सॗत्य डूगरी पऻठ्य कथ करान। पंजऻब्य छु पंजऻबिस सॗत्य पंजऻब्य पऻठ्य कथ करान रोज़ान, मरऻंंठ्य छु मरऻठी मंज़, गुजरऻत्य गुजरऻत्य पऻठ्य यि दऺप्यिज़ि ति सऻरी छि पनॖनि पनॖनि माजि ज़्यॆवि मंज़ कथ बाथ करान। बस कऻशुर बटॖ छु अख वऻहिद सु इन्सान यॆमिस शर्म छि यिवान पनॖनि ज़ऻच़ मंज़ कऻशिर्य पऻठ्य कथ करनस। तीज़मालि ज़्येठरऻव कथ ब्रोंहकुन। खबर हबा क्याह रोवमुत छु सान्यन शुर्यन। बॖ छस हऻरान। म्यान्यन शुर्यन हॖन्द्य शुर्य छि म्यॆ लागान यान्य बॖ तिमन सॗत्य कऻशिर्य पऻंठ्य कॆंह वनान छस। पतॖ छस बॖय छितॖ गछ़ान। अज़कलॖक्य नान्य बुड्यबब माबा छि प्रानि पूच़ि हॖन्द्य, तिमन ति छु व्वंय मिज़ाज़ बदल्यॊमुत, कथ करनुक अंदाज़ बदल्योमुत, तिमन छि ज़न च़ूरि प्यठ रटान याम तिम कऻशिर्य पऻठ्य कथ ह्यवान करॖन्य छि। बरादरन द्युत कथि फ्युर ह्यु तॖ वॊनुन तीज़मालि ज़ि अंसि छना ब्याख कमज़ूरी ति। क्याह सना। तीज़मालि प्रुछ़ बरादरस। कथ छि जऻरी   

************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""""""

कऻशिर ग्रन्द - गिनती कश्मीरी में - अकॖतऻजी (इक्तालीस) द्वयतऻजी (बतालीस) त्यॆयतऻजी (तैंतालीस) च़्वयतऻजी (चुवालीस) पान्च़तऻजी (पैंतालीस)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

16.11.2021

15.11.2021

15.11.2021, कार्तिक (कतक) ज़ूनॖ पछॖ (शुक्ल पक्ष) बाह (द्वादशी)  च़ऺन्दॖरवार (सोमवार), श्री सप्तर्षि सम्वत 5097, नक्षत्र उ.भा, राश मीन (चलान) ऋतु हरुद (शरद) (चलान) द्रठॖपऻन्च़ुक (पंचक) (चलान) ... चूंकि बाह छि ज़ॖ गछ़ान ॳज़्युक वॊहरवोद यी पगाह

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***********************

माजि ज़्यॆवि मंज़ कथ बाथ करनस ज़ानि दय क्याज़ि छि सान्यन बायन ब्यॆन्यन गांगॖल हिश गछ़ान तॖ मन्दछ हिश यिवान। बासान ज़न छिख च़ूरि प्यठ रटान यॊदवय तिम पनॖनि ज़बऻन्य मंज़ पानॖवॖन्य कथ बाथ करान छि। मऻज्य, माजि ज़्यव तॖ माजि हुन्द वतन छु अलगॖय माने थवान प्रथ कऻन्सि हॖन्दि बापथ तॖ कऻशुर बटॖ ति छु तिमनॖय मंज़ॖ अता। ॳस्य कऺर्य दहशथगर्दव कऺशीरि निशि ब्यॊन कऺरिथ याने माजि वतनॖ निशि स्यठाह दूर कऺरिख मगर मऻज्य तॖ माजि ज़्यव रूज़ असि पानस सॗत्य सॗत्य। यि गऺछ़ नॖ असि निशि अलग गछ़ॖन्य ति क्याज़ि सऻन्य प्रज़नथ छि सऻन्य ज़्यव। ॳस्य छि ज़ऻनिथ मऻनिथ अथ पनॖनि ज़बऻन्य नफरतचि नज़रि वुछान।  खबर असि क्याह आमुत जऻरिस प्यठ ज़ि माजि ज़्यव ह्यॆच़ असि पानय मऺशरावॖन्य। म्यॆ ति हाबा तॊर नॖ वुन्युखताम फिकिरी ज़ि अथ मॆछि तॖ मॊदरि ज़बऻन्य मंज़ क्याह ट्यॆछर छु बासान सान्यन शुर्यन युथ तिम दूर छि थवान यि माजि ज़्यव तॖ नालॖमॊत छि करान पर-ज़्यॆवि। कऻशिर्य बऻथ छि ग्यवान रोज़ान मगर पानॖवुन्य अख ॳकिस सॗत्य कऻशिर्य पऻठ्य कथ करनस छख ठोंठ यिवान। तीज़मालि वॊन बरादरस ज़ि पर-ज़्यॆवि मंज़ ति छख नॖ गछ़ान कथ साफ तॖ पूरॖ तॖ न छि ह्यकान पनॖन्यन कऻशिर्य कथन पऻरिम ज़बऻन्य मंज़ सऺही तॖ मुक्कमल तरजमॖ कऺरिथ मगर फटनस छि आमॖत्य पर-ज़बऻन्य मंज़ कथ करनॖ बापथ। ख़बर कॊत कुन छि लमान सऻन्य शुर्य। भगवान गछ़्यख पनुन अनुग्रह तॖ अथॖरॊट  करुन। कथ छि जऻरी 

************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""""

कऻशिर ग्रन्द - गिनती कश्मीरी में - ॶकत्रॖह (इकतीस) द्वयत्रॖह (बतीस) त्यॆयत्रॖह (तैंतीस) च़्वयत्रॖह (चौंतीस) पान्च़ॖत्रॖह (पैंतीस)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

14.11.2021

14.11.2021 कार्तिक (कतक) ज़ूनॖ पछॖ (शुक्ल पक्ष) काह (एकादशी) आथवा (रविवार/एतवार) श्री सप्तर्षि सम्वत 5097, नक्षत्र पू.भा, राश मीन (दुहचि 10.11 बजि प्यठॖ) ऋतु हरुद (शरद) (चलान)...द्रठॖपऻन्च़ुक (पंचक) (चलान)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

*************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

दपान माजि ज़्यव यॊदवय रावि तॆलि छि तथ सॗत्य स्व ज़ाथ ति रावान यॆमि ज़ऻच़ हॖन्द्य तिम शख़स आसन। बरादरन वॊन तीज़मालि कुन।आहनबा तथ मंज़ क्याह शक छु। असि छि गऻमॖच़ यीरॖवॖन्य नाव। ॳस्य लऺग्य नॖ यथ गाठस तॖ न हुथ। सानि समुदायक लुख छि शायद सोंचान ज़ि सॊन शुर क्याज़ि ह्यॆछि कऻशिर्य ज़्यॆवि मंज़ लेखुन तॖ परुन यॆलि नॖ यि ज़्यव कुनि कारस मंज़ कारामद छययी। तीज़मालि वॊन बरादरस। मगर मऻजी यिम लुख यि सोंचान छि म्यॆ छु बासान तिम छि ग़लत सोंचान। तिमन पज़ि ज़ानुन ज़ि माजि ज़्यव छि ज़ऻच़ हॖन्ज़ प्रज़नथ दफ अख पहचान। अगर नॖ असि कऻशुर वनुन तगि, परुन तगि, लेखुन तगि तॆलि कथ आधारस प्यठ, कमि हकॖ ह्यकव ॳस्य पानस कऻशिर्य वऺनिथ। सऻन्य लिखऻर्य कऺहन्दि बापथि लेखन यॆलि नॖ तथ साहित्यस कांह प्रछ़न वोल आसि या परनवोल आसि। यिम  शऻयर छि, कथाकार छि, बऻथ लेखनवऻल्य छि, नाटक लेखनवऻल्य छि, अफसानॖ निगार छि यिहुन्द ल्यूखमुत कुस परि तॖ ज़ानि अगर ॳस्य माजि ज़्यव पानस सॗत्य थवव नॖ। च्योन वनुन हाबा छु पॊज़ तॖ पॊज़ छु हमेश ट्यॊठ लगान। वॊन तीज़मालि बरादरस कुन। यिहे छु मऻजी बडॖ संजीदॖ मस्लॖ अथ प्यठ गोर करुन छु स्यठाह ज़रूरी। आहनबा मगर करि कुस। कथ छि जऻरी 

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""

कऻशिर ग्रन्द - गिनती कश्मीरी में - शतवुह (छब्बीस) सतोवुह (सत्ताईस) अठोवुह (अठाईस) कुनत्रॖह (अन्नतीस) त्रॖह (तीस)

***********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep 

(यि सबक़ वुछिव koshursabak.blogspot प्यठॖ ति)

13.11.2021

13.11.2021, कार्तिक (कतक) ज़ूनॖ पछॖ शुक्ल पक्ष दऺहम (दशमी) बटॖवार (शनिवार/शनिश्चरवार, श्री सप्तर्षि सम्वत 5097, नक्षत्र शत, राश कुम्भ (चलान), ऋतु हरुद (शरद)  (चलान)...द्रठॖपऻन्च़ुक (पंचक) (चलान)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

ज़बऻन्य हुन्द व्वथॖवार रूद असि कऻशिर्य बटन ग्वडॖ प्यठय। बरादरन वॊन तीज़मालि। आहनबा सान्यन शूर्यन प्यव स्यठाह असर सियास्तचि लडायि मंज़। मुस्लमान आयि पनुन क्वकुर बाह त्रॊक बनावान तॖ बटॖ सुन्द तर्क बूज़ नॖ कऻन्सि ति वुन्युखताम। सान्यव शूर्यव ॴस कऺशीरि मंज़ॖय पनॖन्य माजि ज़्यॆवि मंज़ कथ बाथ करॖन्य बंद कऺरमॖच़, यॊत यिथ ह्यॊत तिमव ति परज़्यॆवि मंज़ बोल चाल थवॖन्य यिम कऺशीरि मंज़ फॖर फॖर करान कऻशुर बोलान ॴस्य। व्वंय वोत असि यिम दॊयत्रॖह वऺरी वुछान ज़ि कऻशिर्य ज़बऻन्य मंज़ कथ करन वऻल्य नफ़र छि छ़्वकान दॊह पतॖ दॊह। बरादरन बऺर हऻमी तीज़मालि हॖन्दिस वनॖनस तॖ वॊनॖनस सॗती ज़ि हालात वऻत्य यॊत ताम ति ज़ि सऻन्य शुर्य छि न ह्यकान कऻशुर देवनागरीयस मंज़ लीखित तॖ न छि ह्यकान पऺरिथ। मॊबाईलस प्यठ ति छि ज़्यादतर सऻन्य बऻय ब्यॆनि अंग्रीज़स मंज़ लेखान तॖ मसा ज़ॖ च़ोर नफ़र छि तिम यिम कऻशुर देवनागरियस मंज़ लेखान छि। आहनबा सु गव न आसनस बराबर। वॊन तीज़मालि। ब्यॆयि मा छु तिमन कऻशुर ह्यॆछनावन वोल ति कांह। गरन मंज़ छु न मोल मऻज्य ज़्यादॖ दिलचस्पी निवान पनॖन्यन शुर्यन यि माजि ज़्यव ह्यॆछनावनस मंज़ तॖ न छु कांह न्यॆबॖर्य सादन यॆमि दऺस्य यि व्यछ़य दूर गछ़िहे। छ़ॊपॖ हिश गऺयि दॊश्यवऺन्य पीन्तिस खन्डस बास्यव ज़न तिम छि अथ मस्लस हल छ़ान्डनॖच कूशिश करान। कथ छि जऻरी 

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऻशिर ग्रन्द - गिनती कश्मीरी में - ,,, अकवुह (इक्कीस), ज़ॖतोवुह (बाईस), त्रॊवुह (तेईस), च़ॊवुह (चौबीस), पॖंच़ॖह (पच्चीस)

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com ति)

12.11.2021

12.11.2021, कार्तिक (कतक) ज़ूनॖ पछॖ (शुक्ल पक्ष) नवम (नवमी) शॊकुरवार (शुक्रवार/जुम्मा/भार्गवार) श्री सप्तर्षि सम्वत 5097, नक्षत्र धनिष्ट, राश मकर (चलान) ऋतु हरुद (शरद) (चलान)...द्रठॖपऻन्च़ुक (पंचक) (चलान)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*************************

बरादरन च्यॆयि चाय तॖ वॊनुन तीज़मालि कुन। मऻजी खबरहय च़्यॆ छुया ज़्वन सान्यन च़ाटॖहालन मंज़ ॴस्य कऻशिर ज़बान परनावान वख अकि। आहनबा याद छुम मगर दपान तिम कऻशिर्य क़ऻयदॖ यिम सरकारन ॴस्य च़ाटहालन मंज़ शुर्यन दिनॖ आमॖत्य तिम किताब आसॖ आमच़ॖ छापनॖ सिरिफ नस्तालीकस मंज़ याने कऻशुर उर्दू ज़बऻन्य मंज़ॖय योत देवनागरीयस मंज़ कऻशुर ओस नॖ आमुत छापनॖ ज़ऻनिथ मऻनिथ तिमन किताबन मंज़ तवॖ म्वखॖ रूद्य नॖ तिम कऻशिर कऻयदॖ ज़्यादॖ कालस च़ाटॖहालन मंज़।  ख़बर क्याज़ि चलेयिनॖ तिम किताबॖ ज़्यादॖ कालस। प्रुछ़ बरादरन तीज़मालि। दपान हाबा तिम क़ऻयदॖ ॴस्य नॖ च़ाटॖहालन मंज़ कऻशिर बटॖ शुर्य पऺरिथ ह्यकान। तिम ॴस्य यछ़ान ज़ि यिम कऻयदॖ गऺछ़्य देवनागरीयस मंज़ याने कऻशुर हिन्दी ज़बऻन्य मंज़ ति यिन्य छापनॖ ताकि तिम ह्यकहऻन सहूलियत सान पऺरिथ मगर सरकारस ओस नॖ सु सुजाव मनज़ूर तॖ नतीजि द्राव यि ज़ि तिम क़ऻयदॖ नी सरकारन वापस तॖ तमि पतॖ ति गऺयि नॖ नज़रि तिम क़ऻयदॖ च़ाटहालन मंज़। मुस्लमानन हुन्द राज ओस तमि वख्तॖ ति तॖ यि तिमन जान बासिहे मुस्लमानन हॖन्दि बापथ सु ॴस्य लागू करान तॖ कऻशिर बटस ओस मजबूरी मंज़ ती मानुन प्यवान। करिहे तॖ करिहे क्याह। नारस दीहे नरि। चलनी कति ॴस बटस। म्यॆ छु बूज़मुत ज़ि कऻशिर बटॖ ॴस्य रास गिन्दान कॆंच़न च़ाटॖहालन मंज़ मगर सु करनोवुख बंद तॖ रौफ़ करनऻविख सऻन्य शुर्य। सरकारन ति दिच़ तऺथ्य मान्यता मगर बटन हॖन्दिस रास गिन्दनस नॖ। आहनी मऻजी म्यॆ छु बूज़मुत ज़ि सान्यन खान्दरन प्यठ ओस कुस ताम गुपॖ बचॖ गिन्दनगॊर बऺनिथ रास गिन्दान। कुष्ण बनान राधा बनान। बरादरन वॊन तीज़मालि। आहनबा पतॖ आयि मुस्लमानॖय बारसस तॖ बटॖ रूद लबि ताकस। कथ छि जऻरी

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""""

कऻशिर ग्रन्द - गिनती कश्मीरी में - शुराह (सोलह) सदाह (सतराह) अरदाह (अठारह) कुनवुह (उन्नीस) वुह (बीस)

************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

11.11.2021

11.11.2021, कार्तिक (कतक) ज़ूनॖ पछॖ (शुक्ल पक्ष) ॴठम (अष्टमी) ब्रसवार (वीरवार/ब्रहस्पतवार/गुरुवार) श्री सप्तर्षि सम्वत 5097, नक्षत्र श्रवण, राश कुम्भ (रऻच़ हॖन्ज़ॖ 2.57 बजि प्यठॖ),ऋतु हरुद (शरद) (चलान)...ॳज़यकि प्यठॖ छु द्रठॖपऻन्च़ुक (पंचक) शुरु

**********************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

हालांकि कऺशीरि मंज़ ॴस्य कऻशिर ज़बऻन्य मंज़ सऻरी पानवुन्य कथ बाथ करान मगर बटन हॖन्ज़ि ज़बानि तॖ मुस्लमानन हॖन्ज़ि ज़बानि मंज़ ॴस फरॖख वारियाह। तीज़़मालि वॊन बरादरस। सु ज़न गव मस्लन बटॖ ॴस्य वनान दऺह, मुस्लमान ॴस्य वनान दाह। ॳस्य ॴस्य दाह वनान यॆलि म्वरदस ॴस्य शुमशानबलॖ दाह दिवान। ॳस्य छि वनान शुमशानबल, तिम छि वनान आवर्यॆन। ॳस्य छि वनान शामन तिम छि वनान कालच्यन, ॳस्य छि वनान प्रभात तिम छि वनान स़हर, ॳस्य छि वनान राथ तिम छि वनान शब। दफ बोल चालि मंज़ ति ॴस फरॖख। बरादरन वॊन तीज़मालि कुन। आहनबा अदक्याह। यि ॴस शहरस मंज़ फरॖख तॖ गामन मंज़ ॴस फरखॖय फरख। बटन मंज़ ति ॴस फरॖख आसान कथि कथि मंज़। मगर यॊत यिथ गव शहर तॖ गाम कुनुय। हालांकि लैहजस मंज़ छि फरख वुनिति मगर व्वंय चूंकि ह्यॊत सारिवॖय पऻरिमॖ बोलुन अवॖ म्वखॖ छु शहरुक तॖ गामुक छ़ारुन हना मुश्किल। व्वंय ज़रूरथ ति कथ छु, वॊन बरादरन। पानॖवुन्य हय समुत रोज़्यख सुय छु ग़नीमथ। मगर यि ज़ानुन छु म्यॆ बासान ज़रूरी ज़ि मुस्लमान सॖन्ज़ि ज़बानि पतॖ छु उर्दू तॖ फ़ारसी ज़बऻन्य हुन्द डॊख तॖ बटॖ सॖन्ज़ि ज़बानि छु देवनागरी तॖ संस्कृत डखस। कथ छि जऻरी  

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""""""

कऻशिर ग्रन्द - गिनती कश्मीरी में - काह (ग्यारह) बाह (बारह) त्रुवाह (तेराह) च़्वदह (चौदह) पन्दाह (पन्द्राह)

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

10.11.2021

10.11.2021, कार्तिक (कतक) ज़ूनॖ पछॖ (शुक्ल पक्ष) शॆयम (षष्ठी) देवादेव ब्वदवार (बुधवार), श्री सप्तर्षि सम्वत 5097, नक्षत्र उ.षा, राश मकर (चलान), ऋतु हरुद (शरद) (चलान)...चूंकि पगाह छि सतम रावान पगहुक वॊहरवोद यी ॳज़्य

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमस्तुते

**********************

तीज़मालि च्यावनोव बरादर म्वगॖल्य चाय तॖ तथ सॗत्य दिच़ॖनस दुकॖवारि फुल्कॖ जोरॖ तारॖ मरॖ। बरादरन रचेयो चायि खोस अथॖ सॗत्य मगर तीज़मालि दिच़नस दऺज्य तॖ दॊपनस खोस हाबा छुय तॊत अथस प्यठ यी नॖ रटनॖ। बरादर गव हऻरान खोस वुछिथ। मऻजी तॊह्य छिवा वुनि खऻसिस मंज़ॖय चाय च्यवान। तीज़मालि कऺर असनऻहना तॖ वॊनुन बरादरस। म्यॆहाबा छु नॖ कपस मंज़ वार यिवान सुति म्वगॖल्य चाय। यिम शुर्य छि च्यवान कपन मंज़ॖय मगर म्यॆ छि थऻवमॖच़ पनॖन्य खऻस्यहऻन अलग। खऻस छिवा मूजूद त्वहि। प्रुछ़ बरादरन। आहनबा खऻस्य छि मगर ऊर्य छि प्यथ अल्मारि मंज़। मऻजी यथ म्वगॖल्य चायि छि वनान कऺहवॖ ति। कऺशीरि मंज़ ॴस्य मुस्लमान वनान कऺहवॖ तॖ बटॖ ॴस्य वनान म्वगॖल्य चाय। यिथय पऻठ्य ॴस्य ॳस्य वनान शीर्य चाय मगर मुस्लमान ॴस्य वनान तथ नूनॖ चाय। तिमन मंज़ व्वथनॖ ब्यॆहनॖ सॗत्य सॗत्य ॴस्य ॳस्य ति म्वगॖल्य चायि कऺहवॖ वनान। मुस्लमान ॴस्य पऻनिस आब वनान मगर ॳस्य ॴस्य नॖ आब वनान। ॳस्य ॴस्य पोन्य वनान। मऻजी अथ म्वगॖल्य चायि मंज़ कम कम चीज़ ॴस्य यिवान रलावनॖ। तीज़मालि ह्यॆत्य नाव वनॖन - समावारस मंज़ हाबा ॴस्य पोन्य, म्वगॖल्य चाय वऺथॖर, मऺदरेर, च़ीटिथ ॴलॖ, च़ीटिथ बादाम, रॊंग,मरॖच़, क्वंग, दालचीन च़ीटिथ, अदरख, गुलाब वऺथॖर। यिम काह चीज़ मिलनऻविथ ओस बनान कऺहवॖ। मगर अज़कल छिनॖ यिम चीज़ नऺनी। व्वंय छि त्रावान चायि वऺथॖर तॖ ॴलॖ बादाम तॖ दालचीनी प्यूंता तॖ छि च्यवान। अथ आसिहे आसान मुश्कि अम्बर। हाय वनय क्याह स्व चाय क्याह ॴस बनान। च्यॆ व्वंय यि गछ़ी यख। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

"""""""""""""""""""""""""""""""

कऻशिर ग्रन्द - गिनती कशमीरी में - शॆ (छे:) सथ (सात) ॴठ (आठ) नव (नौ) दऺह (दस)

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

09.11.2021

09.11.2021, कार्तिक (कतक) ज़ूनॖ पछॖ (शुक्ल पक्ष) पऻन्च़म (पंचमी) देवादेव बॊम्वार (मंगलवार) श्री सप्तर्षि सम्वत 5097, नक्षत्र पू.षा, राश मकर (रऻच़ हॖन्ज़ॖ 10.37 बजि प्यठॖ) ऋतु हरुद (शरद) (चलान)..अज़ छि कुमार शॆयम ति

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************** 

कथ ॴस्य करान ॳस्य दीवऻली हॖन्ज़ तॖ वऻत्य सत्यदीवस तॖ सऻन्करऻच़ ताम। अथ वनान दंदॖ दादि प्यठॖ चीन वातुन। तीज़मालि त्रऻव असन खंगाला हिश तॖ बरादरस ति आव असुन। नबा तॖ दीवऻली हॖन्ज़ कथ ज़न करेयि पूरॖ। तीज़मालि वॊन बरादरस। नाय मऻजी पूरॖ कथ गऺयेयि नॖ। कऺशीरि मंज़ हबा ॴस्य दीवऻली ॳक्यसॖय दॊहस मनावान। टास ज़ॖ च़ोर त्रावेयि, च़ऻन्ग्य वुह पॖन्च़ॖह तॖ मोमबत्ति त्रॖह च़तजीह ॴस्य ज़ालान तॖ बस। बटॖ ओस मिठायस ज़ॖ त्रॆ किलो अनान तॖ सऻरीय गरिक बऻच़ समिथ ॴस्य ख्यवान। कऻशुर बटॖ ओस नॖ मिठायि ज़्यादॖ लोर आसान। कुनि जान मोकस प्यठ हय अनिहे तॖ अनिहे नतॖ नॖ कॆंह। मिठायि बदलॖ ॴस्य कऻशिर्य बटॖ कान्दर वानचि च़ॊचि बड्यन दॊहन प्यठ अनान तॖ बऻगरावान। मिठऻय ॴस बस दीवऻली दॊह अनान या कुनि विज़ि खान्दरस प्यठ या कोर्यन हॖन्द्यन वऻर्यव्यन सोज़नॖ बापथ अनान। कूनि कुनि गरस मंज़ ॴस्य दीवऻली दॊह बटॖ तासस ति गिन्दान रोज़ान। मुस्लमान मऺहलन मंज़ ॴस्य नॖ बटॖ बिचऻर्य टास वास ह्यकान त्रऻविथ कॆंह। दीवऻलिक्यन बकाया दॊहन हॖन्द्य नाव बूज़्य असि टनलि यपोर यिनॖ पतय। गणेश जियिन्य तॖ लक्ष्मी जियिन्य मूर्ती अनॖनॖच प्रथा ॴस नॖ कऺशीरि मंज़। यीच़ व्वसॖ द्रॊस हेरच़ प्यठ ॴस आसान तीच़ ॴस नॖ ब्यॆयि कुनि त्योहारस प्यठ आसान। खऻर जानॖय गव नऺव्य नऺव्य चीज़ छि ह्यॆछान रोज़ान। बरादरन वॊन तीज़मालि। आहनबा मरनातस ताम छु ह्यॆछुनुय ह्यॆछुन। ज्ञानस तॖ ध्यानस छुनॖ अंद कुनि। तीज़मालि कऺर कथ पूरॖ। कथ छि जऻरी 

**************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

*******************

कऻशिर ग्रन्द - कशमीरी में गिनती - अख, ज़ॖ, त्रॆ, च़ोर, पान्छ़ (एक, दो, तीन, चार, पांच)

***************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

08.11.2021

08.11.2021, कार्तिक (कतक) ज़ूनॖ पछॖ (शुक्ल पक्ष) च़ोरम (चतुर्थी) देवादेव च़ऺन्दॖरवार (सोमवार) श्री सप्तर्षि सम्वत 5097, नक्षत्र मूल, राश धनु (चलान) ऋतु हरुद शरद (चलान)

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*************************

मऻजी च़्यॆ वॊनुथ ज़ि सऻन्करऻच़ दॊह ति ॴस्य कऻशिर्य बटॖ सत्यदीव बनावान। यि सऻन्कराथ क्याह मतलब छि थवान। बरादरन प्रुछ़ तीज़मालि। म्यॆहाबा छुय नॖ ज़्यादॖ ज्ञान अथ मुतलक। अल्बतॖ म्यॆ छु बूज़मुत ज़ि कऻशिर बटॖ ॴस्य विक्रमी सम्वतक्यन ऱयतन हॖन्द्यन पऺत्यमिस दॊहस दपान सऻन्कराथ तॖ अमि दॊह ॴस्य सत्यदीव बनावान। तीज़मालि द्युत जवाब बरादरस। बरादरन द्युत पनॖनिस ज़ॊहनस ज़ोर ह्यु तॖ वॊनुन तीज़मालि कुन। म्यॆहय प्यव याद। क्याह प्यॊय याद। प्रुछ़ तीज़मालि। दपान अमि सऻन्करऻच़ दॊह छु सिरियि भगवान अकि रऻश्य मंज़ॖ नीरिथ दॊयिमि रऻश्य मंज़ अच़ान। तवय छि अथ दॊहस वनान सऻन्कराथ याने मास अंत या ऱयतुक पऺतिम दॊह। बरादरन वॊन तीज़मालि। चूंकि कऻशिर्य बटॖ ॴस सिरियस ति पूज़ान तवॖ म्वखॖ ॴस्य तिम अमि दॊह सत्यदीव बनावान तॖ यछ़ा करान ज़ि नवि रऻश्य मंज़ ॳच़िथ गछ़ि सिरियि भगवान पनुन अनुग्रह करुन। बरादरन पकनऻव कथ ब्रोंहकुन यि वऺनिथ ज़ि कऻशिर्य बटन मंज़ ति छि ज़ॖ तबकॖ ॴस्यमॖत्य याने मलॖ मऻस्य तॖ भानु मऻस्य। ख़बर हाबा ति क्याह गव। तीज़मालि प्रुछ़ बरादरस। बरादरन द्युतनस जवाब ज़ि मऻजी यॊत्ताम म्यॆ बूज़मुत छु सु गव यि ज़ि ज़ूनि छि वनान मल ति संस्कृत ज़बऻन्य मंज़ तॖ सिरियस छि वनान भानु ति तऺथ्य ज़बऻन्य मंज़। सऻन्य पूर्वज यिम सिरियस पूज़ान ॴस्य तिमन आयि वनान भानुमऻस्य तॖ यिम ज़ूनि आयि पूज़ान तिमन ॴस्य वनान मलॖमऻस्य। वख गव पकान, पकान गऺयि तिम तबकॖ ति तॖ गऺयि वारॖ वारॖ रलॖमिलॖ गछ़ान। अम्युक ति मा आसिहे कॆंह वाठ सऻन्करऻच़ सॗत्य। कथ छि जऻरी 

**************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

07.11.2021

07.11.2021, कार्तिक (कतक) ज़ूनॖ पछॖ (शुक्ल पक्ष) त्रय (तृतीया) देवादेव आथवार (रविवार/ऐतवार) श्री सप्तर्षि सम्वत 5097, नक्षत्र ज्येष्ठ, राश धनु (रऻच़ हॖन्ज़ॖ 09.04 बजि प्यठॖ) ऋतु हरुद (शरद) (चलान)

***************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

****************************

  महामऻरी नाश - मंत्र

जयन्ती मंगा काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***************************

सत्य दीव छु दरअसॖल नारायण सॖन्ज़ पूज़ा। सत्य माने पज़र। नारायन छु पॊज़ तॖ बकाया छि सऻरॖय माया या मिथ्या। यि सत्य दीव छि कऺशीरि मंज़ कऻशिर्य बट स्यठाह कालॖ प्यठॖ आमॖत्य करान दीवऻली व्वत्सवस प्यठॖय योत नॖ बऺल्कि वारिहान मोक़न प्यठ। सऻंक्रऻच़ प्यठ ति ॴस्य सत्यदीव करान मगर यि प्रथा ह्यॆच़ॖन वारॖ वारॖ कम कम गछ़ॖन्य। व्वंय छि केंच़नॖय मोक़न प्यठॖय यि सत्यदीव ॳस्य बटॖ करान। दपान दीवी दीवताहन छि मॊदॖर्य चीज़, मॊदुर वऻणी, मॊदुर्य व्यच़ार ख्वश करान तॖ मॊदुर्य पूर्य छि अन्नुक प्रऺतीक यिवान मानॖनॖ तॖ तवय छि सत्यदीव करान रोज़ान तॖ नारायणस, गणेश जियस, लक्ष्मी जी तॖ समस्त दीवी दीवताहन क्यन नावस प्यठ सत्यदीव बनावान तॖ नऺवीद किस रूपस मंज़ तिमन ब्रोंहकनि थवान तॖ यछ़ा करान ज़ि तिम सऻरी दीवी दीवता रूज़िन ख्वश तॖ कऺरिन असि प्यठ अनुग्रह तॖ सूज़िन स्वख समृद्धि हर हमेशॖ। यि यछ़ा छि ॳस्य प्रे्यपुन परान परान करान तॖ तिमन आवाहन करान ज़ि तिम करन यि सोन नवीद स्वीकार। तीज़मालि वॊन यि बरादरस तॖ बरादर गव कन दिथ बोज़ान। मऻजी यि छु पॊज़ ज़ि सऻन्य संस्कार छि स्यठाह थऺद्य तॖ रॖत्य रुद्यमॖत्य। बरादरन वॊन तीज़मालि कुन। यिम हाबा छि सऻन्य संस्कारॖय ज़ि ॳस्य छि मऺर्य मऺर्य ति ज़िन्दॖ वुन्युखताम। सान्यव ऋश्यव मुनियव तॖ सान्यव ज़िठ्यव छि दिच़मॖच़ वख्तॖ वख्तॖ यिछ़ॖय शिक्षा तॖ ज्ञान युस ॳस्य आयि वुन्यखताम वरतावान। तीज़मालि वॊन बरादरस। व्वमेद छि ज़ि यॆति ब्रोंहकुन ति रऺछ़रावि यि परम्परा तॖ मऺर्यादा सऻन्य नऺव पुय। बरादरन कऺर यि मनोकामना। तथास्तु। तीज़मालि मॊंग भगवानस हलम दऻरिथ। कथ छि जऻरी  

**************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

***************************

नऺविव तॖ फॊलिव

भूषण कौल "दीप (बूज़िव ॳज़्युक सबक़ म्यानि ज़्यॆवि ति)

(ॳज़्युक सबक़ वुछिव

podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

06.11.2021

06.11.2021, कार्तिक (कतक) ज़ूनॖ पछॖ (शुक्ल पक्ष) द्वय (द्वितिय) बटॖवार (शनिवार/शनिश्चरवार) श्री सप्तर्षि सम्वत 5097, नक्षत्र अनु, राश वृश्चिक (चलान) ऋतु हरुद (शरद) (चलान)...अज़ छु भाई दूज दॊह ति

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

*************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

तीज़मालि द्युत मुबारक बरादरस दीवऻली हुन्द तॖ बरादरन रॊट ॴशिर्वाद तॖ प्रुछ़ुन तीज़मालि। मऻजी च़्यॆ छुये याद ज़ि कऺशीरि मंज़ किथॖ पऻठ्य ॴस्य कऻशिर्य बटॖ यि दीवऻली दॊह मनावान। तीज़मालि द्युत फ्युर पनॖन्यन ख़यालन तॖ वॊनुन बरादरस। नबा तॖ मऺशिथ क्याज़ि गछ़्यम। वारॖकारॖ ॴस्य ॳस्य कऻशिर्य दीवऻली मनावान  जान पऻठ्यन दफ अमा पॊज़ यॆतिक्यन लुकन हॖन्द्य पऻठ्य ॴस्य नॖ मनावान। कुनुय दॊह ॴस्य मनावान तॖ च़ऻन्ग्य ॴस्य ज़ालान तॖ ॴस्य थवान दारि दमदार्यन प्यठ। केंच़न जायन मस्लन डबि कुठिक्यन दमदार्यन प्यठ दॊसन प्यठ या वुज़न मंज़ ॴस्य ॳस्य बटॖ मोम बति ज़ालान। शामन ॴस्य सत्य दीव ति करान। बरादरन प्रुछ़ तीज़मालि ज़ि यि सत्य दीव किहे ओस आसान। तीज़मालि त्रऻव बरादरस कुन नज़राह तॖ वॊनॖनस गणेश जीनिस नावॖ ॴस्य मॊदॖर्य पूर्य बनावान यथ वनान छि सत्य दीव तॖ ब्यॆयि ॴस्य लऺड्य ति बनावान गनपतॖ जी तॖ लक्ष्मी हॖन्द्यिस नावस प्यठ। पूजा ॴस्य करान तॖ प्य्रेपुन ॴस्य हावान पूर्यन तॖ ॴस्य बऻगरावान ति। तॆलि ॴस्य बोज़ान ज़ि भगवान श्री राम चन्द्रॖ छु अमि दॊहन च़्वदह वऺर्यन हुन्द वनॖवान पूरॖ कऺरिथ पनुन गरॖ अयोध्यायि वापस आमुत। लूख छि तिहन्दिस यिनस प्यठ पनॖन्य खुशी प्रकट करनॖ बापथ च़ऻन्ग्य ज़ऻलिथ  सवागत करान तॖ टास वगैरा त्रावान। कथ छि जऻरी  

*************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

*************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव

podcast दऺस्य ति)

https://anchor.fm./bldeep

(यि सबक़ वुछिव koshursabak.blogspot.com प्यठॖ ति)

05.11.2021

05.11.2021, कार्तिक (कतक) ज़ूनॖ पछॖ (शुक्ल पक्ष) ऒक्दॊह (प्रथमा) शॊकुरवार (शुक्रवार/जुम्मा/भार्गववार) श्री सप्तर्षि सम्वत 5097 नक्षत्र विशा, राश वृश्चिक (रऻच़ हॖन्ज़ॖ 9.04 बजि प्यठॖ) ऋतु हरुद (शरद) (चलान) अज़ छि गोवर्द्धन पूजा ति

****************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

****************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

****************************

लल द्यॆदि छु वॊनमु्त ज़ि

"ग्वरस प्रॖछ़ेम सासि लटे

यस नॖ कॆंह वनान तस क्याह नाव

प्रॖछ़ान प्रॖछ़ान थऺचिस तॖ लूसॖस

कॆंहनस निशे क्याहताम द्राम"

ॳस्य ति थऺक्य पऺत्यम्यव द्वयत्रॖहव वऺरियव प्यठॖ पनॖनिस समाजक्यन ल्वकट्यन बड्यन ज़िठ्यन कॗन्स्यन माज्यन ब्यॆन्यन यारन दोस्तन प्रॖछ़ान प्रॖछ़ान ज़ि हुथ क्याह वनान, यथ क्याह वनान, हु क्याज़ि करान यि क्याज़ि करान, हु कमन हुन्द त्योहार यि कमन हुन्द त्योहार, यॆम्युक अर्थ क्या छु हुम्युक अर्थ क्याह छु, सानि पनॖनि ज़ऻच़ हॖन्द्य ब्रह्मन कति छि, सऻन्य वतॖ हावक क्वोत गऺयि मगर सऺही जवाब द्राव नॖ कऻन्सि हॖन्दि ज़्यॆवि परन्तु पकान छि सऻरी यॆमिस यपऻर्य वथ यिवान छि। अख ॳकिस बारव ॳस्य रोज़ान दिवान तॖ पकान, मतलब पनुन रोज़ान कडान तॖ पकान। असि ति छु व्वंय बासान कॆंहनस मंज़य कॆंह कॆंह नेरान। कऺशीरि निशि दूरेयि ॳस्य सऻरी तम्युक छु सख फेरान। कथ छि जऻरी

***************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

****************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor/fm./bldeep

(यि सबक़ वुछिव koshursabak.blogspot.com प्यठॖ ति)

04.11.2021

04.11.2021, कार्तिक (कतक) गटॖ पछॖ (कृष्ण पक्ष) मावस (अमावस) ब्रसवार (वीरवार/गुरुवार/ब्रहस्पतवार)श्री सप्तर्षि सम्वत 5097, नक्षत्र चित्र, राश तुला (चलान) ऋतु हरुद (शरद) (चलान)..अज़ छि दीवऻली व्वत्सव

****************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

****************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

****************************

त्वहि सारिनी छु म्योन हथ हथ मुबारक अज़ दीवऻली दॊह। मुबारकॖच कथ छि यि ति ज़ि ॳस्य कऻशिर्य बटॖ छि यि दॊह बडॖ चमॖ खमॖ सान मनावान पऺत्यम्यव केंच़व वऺरियव प्यठॖ। कऺशीरि मंज़ ॴस्य नॖ दीवऻली यूत जोश खरोश सान मनावान शायद ॴस नॖ तिमन पताह ज़ि यिथॖ पऻठ्य ति छि दीवऻली मनावान। तति ॴस्य अनान हलवऻयिस निश या संतरामस निश मिठायि किलो ज़ॖ किलो सु ति रलॖ मिलॖ तॖ गरस मंज़ बऻगरावान। पटाखॖ या टास ॴस्य तिमय चलावान यिमन आंगन ॴस्य बऺड्य आसान या यिहॖन्द्य गरॖ बटॖ मऺहलस मंज़ॖय ॴस्य आसान। यारबलॖन प्यठ गऺछ़िथ ॴस्य बट टास वास चलावान सुति खूच़्य खूच़्य युथ नॖ टासुक रौख बहच़न कुन गछ़ि तॖ बवाल व्वॊथि। सत्य दीव ॴस्य गरन मंज़ बनावान तॖ शामस प्र्यैपुन हऻविथ नवीद ख्यवान। ऒत्तुय ताम ॴस कऻशिर्य बटॖसॖन्ज़ दीवऻली आसान महदूद मगर टनलि यपोर यिथ त्रोव बटन फ्रख ह्यु तॖ वाहराव्यन नरि ज़ंगॖ हिश तॖ ह्यॊतुन नच़ुन तॖ फेरुन, टास त्रावॖन्य, धन तेरस मनावॖन्य, गणेश जी तॖ लक्ष्मी जीयिन मूर्ति अनॖन्य, कांह नॊव बानॖ अनुन तॖ नॊव लछ़ुल मऺल्य अनुन। यॊत यिथ तॊर बटस फिकिरी ज़ि दीवऻली ब्रोंठ छि ल्वकॖट दीवऻली ति आसान। दय दय करान आसि नॖ वारिहान कऻशर्यन यि ति पताह ज़ि अथ क्याज़ि छि वनान ल्वकॖट्य दीवऻली या नरकॖ च़्वदह युस अम्युक दॊयिम नाव ति छु यिवान ह्यनॖ। सऻन्य दीवऻली ॴस कऺशीरि मंज़ कमॖय शोर शराबॖ सान यिवान मनावनॖ मगर यॊत यिथ द्युत असि अथ त्योहारस व्यस्तार। यि ति गव जान ज़ि असि तॊर फिकिरी ज़ि दीवऻली छ्यॆ नॖ अकि दुहॖच बऺल्कि पान्च़न दोहन हॖन्ज़ आसान। कथ छि जऻरी

*****************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

*****************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

03.11.2021

03.11.2021, कार्तिक (कतक) गटॖ पछॖ (कृष्ण पक्ष) त्रुवाह (त्रयोदशी) देवादेव ब्वदॖवार (बुधवार), श्री सप्तर्षि सम्वत 5097, नक्षत्र हस्त, राश तुला (रऻच़ हॖन्ज़ॖ 8.53 बजि प्यठॖ) ऋतु हरुद (शरद) (चलान) चूंकि पगाह छि च़्वदाह (चॊतुर्दशी) रावान, पगहुक वॊहरवोद यी ॳज़्य

****************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

****************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***************************

कऻशुर गुरु जी या ब्रह्मा जी समाजस मंज़ न आसनॖ म्वखॖ रूद्य ॳस्य धार्मिक ज्ञानॖ निशि स्यठाह दूर। कऺशीरि मंज़ ॴस्य प्रथ मऺहलस मंज़ आसान ज़ॗज़ त्रॆ त्रॆ मंदर तॖ सऻन्य शुर्य या बऺड्य ॴस्य दॊहय न तॖ मंज़्य मंज़्य दीवी दीवताहन हुन्द दर्शुन करान रोज़ान। टनलि यपोर तरनॖ पतॖ दूरेयि तिम मंदर ति असि निशि। क्वल ब्रह्मुन ओस कुनि कुनि मोक़ा प्यठ, व्वत्सवस प्यठ यॆज़मनस निश यिवान रोज़ान कुनि न तॖ कुनि बहानॖ तॖ यज़मनस या तमि गरॖक्यन बऻच़न ओस कम अज़ कम कुनि कुनि दुहुक महत्व ति वनान रोज़ान। मगर यज़मनसुन्द बुरॖ बरताव वुछिथ बदलोव ब्रह्मा जियन पनुन पेशॖ तॖ ॳस्य गऺयि दूर तमि ल्वकटि म्वकटि ज्ञान निशि ति। योर यिथ न रूद मंदर, न ब्रह्मन तॖ न सु अध्यात्मिक ज्ञान। कमाल कॊर असि बटव पर ज़ऻच़ हॖन्द्य रीति रिवाज पानॖनऻविथ तॖ पनॖन्यन रीच़न रिवाजन मऺशरऻविथ या पर ज़ऻच़क्यन रीच़न सॗत्य मिलनऻविथ। मस्लन करवा चोथ, भाई दूज, लोडी, धन तेरस,छोटी होली, बडी होली, वगैरा वगैरा। पनॖन्य व्वत्सव तस्लन संकट च़ोरम, गणॖ च़्वदह, गाडॖ बतॗ, यक्ष अमावस,तीलॖ ॴठम वगैरा वगैरा  ह्यॆत्य मऺशरावॖन्य। माजि ज़्यव वनॖनस ति छि ॳस्य मंदछान ह्यु तॖ पनॖन्यन शुर्यन सॗत्य ति छि नॖ तथ ज़बऻन्य मंज़ कथ करान। ॳस्य कमि बुथि वनव ज़ि ॳस्य छि कऻशिर्य बटॖ। ॳस्य गऺयि जऻन्य ति तॖ मऻल्य ति। गरॖ रऻवीय रऻव्य, पर ज़्यॆवि ति कॊर असि प्यठ कब्ज़ॖ तॖ ॳस्य आयि व्वंय पर ज़ऻच़ किस गिरिफ्तस मंज़ पूरॖ पऻठ्य तॖ अमि ज़ालॖ मंज़ नेरुन छु बासान दुशवार ति क्याज़ि असि गऺन्ड पानय पऻन्य पानस यि तार। कथ छि जऻरी

***************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

****************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

02.11.2021