01.07.2020

01.07.2020, हारॖ (आषाढ) ज़ूनॖ पछॖ (शुक्ल पक्ष) काह (देवादेव) (एकादशी) ब्वदवार (बुधवार) श्री सप्तर्षि सम्वत 5096, राश वृश्चिक (रऻच़ हॖन्ज़ि 8.55 बजि प्यठॖ) ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

         महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

तलॖ छुय ज़्युस तॖ प्यठॖ छुख नच़न

वन तॖ मालि मन क्यथॖह पच़न छुय

सोरुय सॊम्बरिथ यॆत्य छुय म्वच़न

वन तॖ मालि अन किथॖ रोच़न छुय

           ***********

अर्थात:- अरे प्यारे मनुष्य तू जिस जगह नाच रहा है ठीक उसी के नीचे गहरा गढा है उसकी छत किसी भी समय टूटेगी और तू उस में गिर जाएगा। फिर भी उसी के ऊपर सब कुछ संचय (जमा) करता रहता है जो यहीं पर रह जाता है। अर्थात मरते समय कुछ भी साथ नहीं जाता यह सत्य जान कर भी तुझे अन्न ख़ाना कैसे अच्छा लगता है (मौत सामने हो तो डर से भूख समाप्त हो जाती है)

भावार्थ:- ललेश्वरी की यथार्थ चेतावनी है कि मनुष्य मृत्यु रूपी गहरी खाई पर जीवन रूपी छत के ऊपर मज़े से नाच कर अर्थात, रह कर सारी संपत्ति जमा करता है, जो मरते समय साथ नहीं जाती है। इस बात को जान कर भी संसार की भुख बढती ही जाती है। अर्थात जीवन अस्थाई है फिर भोगों के प्रति रुचि नहीं होनी चाहिए।

**************************

कॆंच़न सब्ज़ियन हॖन्द्य नाव कऻशिर्य पऻठ्य :-

1. हाक् .......Collard greens

2. मॊन्जि......Knol khol

3. स्वच़ल..... Mallow

4. ऒबुज..... Sorrel

5. नुनर........ Purslane

6. पालक..... Spinach

7. क्रछ़........ Knapweed

8. लीसॖ ....... Amaranth

9. हन्द........ Dandelion

10. मुज्य.....Raddish

**************************

पंचान्ग:-  कर्म रोज़व करान तॖ फलॖच चिन्ता थवव नॖ। फल मेलि पानय, युथ ववव त्युथुय लोनव। राथ वुछ म्यॆ अख व्हाटसाप यथ मंज़ अख गाव वुछिम शुमशानबलॖस मंज़ बिहिथ। दपान गंगा राम ओस न्यति गऻवन ख्यावनावान पालक तॖ च़ॊट वारियाह कालॖ प्यठॖ। दपान अकि द्वह वऻच़ अख गाव च़ीर्य पालक तॖ च़ॊट ख्यॆनि गंगा राम सॖन्दिस बरस तल मगर नन्योस ज़ि गंगा रामस ओस देहान्त सपदॖमुत तॖ ओसुख न्यूमुत दह दिनॖ बापथ शुमशानबल। दपान यि गाव ति वऻच़ च़ॊट तॖ पालक ख्यनय शुमशानबल तॖ प्रारेयि तति तीतिस कालस यॊत ताम गंगा रामुन ॳग्न शांत सपुद। गंगा रामस आसि मीजमॖच़ वैकुण्ठस मंज़ जाय तिछ़ ॴसमॖच़ छि तऺमिस माय जानवरन सॗत्यन तॖ आस्यस रॖत्यन कर्मन हुन्द फल रुतुय म्यूलमुत। दपान इन्सानस छु स्यठाह सॊन रिश्तॖ जानवरन तॖ जानावारन सॗत्य मगर विडम्बना छि यि ज़ि इन्सानस छु नॖ तगान इन्सानस सॗती पनुन सम्बंध रऺछ़रावुन। ज़ात पात किस बलबूतस प्यठ छु यि इन्सान पनॖन्य इन्सऻनियत मऻशरऻविथ ज़ानि दय कम कम क्वकर्म करान रोज़ान तॖ मऺशरावान ज़ि ॳमिस ॴखरस गछ़ुन छु सोरुय यॆती त्रऻविथ तॖ नेरि क्याह ॳमिस पनॖन्य हमहऺस्ती हऻविथ तॖ इन्सऻनियथ म्यॆच़ि मंज़ मिलनऻविथ। जान छु जानवर तॖ जानावार छि नॖ ब्यॊन ब्यॊन ज़ऻच़ हॖन्ज़ॖ अध्यात्मॖचि किताबॖ परान। तिम छि पनॖन्य कऻम रोज़ान करान बे-रोक-टोक। क्वकुर छु पनॖनि वख्तॖ बांग दिवान तॖ इन्सानस न्यॆन्द्रि वुज़नावान, बिल्बिचुर रॖच़ शॆछ ह्यथ यिवान, काव टाव टाव करान तॖ वनान ज़ि पॊछ़-लॊछ़ छु यिनॖवोल, बुलबुल छु बहारस कुन इशारॖ करान रोज़ान।गाव छि द्वद दिवान रोज़ान तॖ गुर छु पनॖन्य रफ्तार रऺटिथ इन्सानस च़्यॆनॖवॖन्य दिवान ज़ि क़दम तुल तेज़ ति क्याज़ि शाह छि गऺन्ज़रिथ तिमन हुन्द सही इस्तिमाल पज़ी करुन अगर भवसागरस अपोर छुय तरुन। महामऻरी निशि दूर छु रोज़ुन, शारिका मातायि शर्ण छु गछ़ुन

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

30.06.2020

30.06.2020, हारॖ (आषाढ) ज़ूनॖ पछॖ (शुक्ल पक्ष) दऺहम (दशमी) बॊम्वार (मंगलवार),श्री सप्तर्षि सम्वत 5096, राश तुला (चलान) ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

      महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

कथा बूज़ॖम कथा कऺरॖम

कथायि कऺरॖम छ़ऺरॖय सथ

शास्त्रॖक्य कथा बूज़ॖम

कथायि बऻसॖम सतॖच वथ

         *********

अर्थात :-  मैं ने कथा सुनी भी और सुनाई भी। इनसे मुझे केवल आश्वासन ही मिला, किंतु शास्त्री की कथा सुनकर सच्चाई के रास्ते का पता पाया। 

(भावार्थ:- कथा या बातें वहीं सार्थक हैं जिनके सुनने से सच्चा रास्ता मिल जाए जैसे शास्त्री की कथा। इस से परे जितनी कथाएं हैं, सब व्यर्थ ही हैं

**************************

अंगन ॴश्यनावन हॖन्द्य नाव कऻशिर ज़बऻन्य मंज़ :-

1. पॆतॖर ......(चाचा - Uncle)

2. पॆच्यन ....(चाची - Aunt)

3. पितुर-बोय....(चचेरा भाई -  

                Cousin brother)

4. पितॖर-ब्यॆनि....(चचेरी बहन -

                Cousin sister)

5. माम......(मामा -  Maternal

                   uncle)

6. मामन्य.....(मामी - Aunt)

7. मास .....(मासी/मौसी - 

                   Aunt)

8. मासू......(मौसा ......Uncle

9. प्वफ.....(फूफी/बुआ - Aunt)

10. प्वफू.....(फूफा  - Uncle)

**************************

पंचान्ग:- ज़िन्दगी हुन्द छु क्या सार म्यॆ वनतम। कवॖ यि आदम छु बे-क़रार म्यॆ वनतम। क्या सूंचिथ यिवान योर यि ज़न्मस, क्या अमलान यॆति मा छय ख़बर तस।कथ प्यठ छुस यख्तियार म्यॆ वनतम। म्वछि वऺटिथ यिवान सु नंगय तॖ न्यथॖनॊन, गछ़ान वापस सु छ़ॊर तॖ अथॖ-छ्यॊन, कथ प्यठ छु सु हक़दार म्यॆ वनतम। वऻन्सि रोज़ान मंगान तॖ हलम दारान, क्या ज़ेनान, मेनान, च़ेनान तॖ छ़ारान, कस प्यठ छु तस ऐतबार म्यॆ वनतम। छुस फकथ ब्यॆयसुन्द ॴन्ज़रुन तॖ गऺन्ज़रुन, पनॖनिस बॆबिस मा तॊगुस ज़ांह मुशुक ह्यॊन, कथ प्यठ छु तस खुमार म्यॆ वनतम। दिवान कुस ज़ुव कुल्यन, कट्यन, क्यॆम्यन तॖ क्रॗलन, वुफान पखॖल्य आकऻश्य, मछिर्य नच़ान छि मंज़ सदरस, कऺमिस कुस छु तलबगार म्यॆ वनतम। रोज़ि यॊद दीपस सॊयथ सॊमुय, सॊमॖय ग्यव तॖ रोज़्यस रेह सॊमॖय, तॆलि क्याज़ि रोज़ि तस दय बे-आर म्यॆ वनतम। माजि हॖन्ज़ि खॊनि प्यठॖ शुमशानकिस आगोशस ताम छु अख ज़्यूठ सफ़र कडान यि इन्सान। ॴखरस म्यॆच़ि मंज़ॖय मेलान छु यि इन्सान। वुनि छु नॖ कोरोनावयरस कऻबूहस मंज़ यिवान। दुनिहीक्य डाक्टर छि सुबॖ प्यठ शाम ताम पानॖवॖन्य मशवरॖ करान तॖ छ़ान्डान कांह वथा नेरिना अमि कऺन्ड्य ज़ालॖ मंज़ न्यबर नेरनॖ बापथ। असि छि मगर थवॖन्य यछ़ तॖ पछ़ माजि प्यठ। रोज़व तऺम्यसॖन्दिसॖय सायस तल।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

29.06.2020

28.06.2020

28.06.2020 हारॖ (आषाढ) ज़ूनॖ पछॖ (शुक्ल पक्ष) ॴठम (अष्टमी) आथवार (रविवार/एतवार) श्री सप्तर्षि सम्वत 5096, राश कन्या (चलान) ऋतु ग्रीष्म (चलान)...अज़ छि हारॖ ॴठम ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

          महामारी नाश ् मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

नाथ ना पान ना परज़ोनुम

सदऻय बूदुम ईकुय दीह

च़ॖ बो बो च़ॖ म्युल ना ज़ोनुम

च़ॖ कुस बॖ क्वस छु संदीह

     ************

अर्थात :- मैं ने न प्रभु को ही, न अपने आप को ही पहचाना। सदा केवल अपने ही शरीर को सब कुछ माना। तुम मैं हो और मैं तुम हूं, इनका मिलाप न कर सकी इसी कारण संदेह उत्पन्न हूआ कि तुम कौन हो और मैं कौन हूं?

**************************

गरिक्य बऻच़ (कऻशिर्य पऻठ्य)

1. जदॖ बुड्यबब .... (परदादा - Great grand father)

2. बॖड्यबब ......( दादा  - Grand father)

3. मोल......(पिता - Father)

4. मऻज्य ......(माता ....Mother)

5. बोय .....(भाई - Brother)

6. सारिनी ज़्युठ बोय....(सब से बड़ा भाई -  Eldest brother)

7. पानस ज़्युठ बोय... (बड़ा भाई  - Elder brother)

8.  ल्वकुट बोय ...( छोटा भाई - Younger brother

9. सारिनी ल्वकुट बोय....(सब से छोटा भाई  -. Youngest brother)

10. ब्येनि .....(बहन  -  Sister)

11.सारिनी ज़िठ ब्यॆनि....  (सब से बडी बहन - Eldest sister)

12. ल्वकॖट ब्यॆनि ....(छोटी बहन - Younger sister)

13. सारिनी ल्वकॖट ब्यॆनि...(सब से छोटी बहन  - Youngest sister)

**************************

पंचान्ग :- राथ ॴस हारॖ सतम। प्रथा ॴस कऺशीरि मंज़ ज़ि अमि द्वह ओस यिवान त्रावनॖ हारॖ मण्डुल गरिकिस आंगनस मंज़, वुज़स मंज़, गरिकिस ब्रान्दस प्यठ, कऻनी प्यठ वगैरा। रातुक द्वह ओस यिवान मनावनॖ सिरियि भगवान सॖन्दिस नावस प्यठ। तऺहऺर ॴस यिवान बनावनॖ।अज़ छि हारॖ ॴठम। यि द्वह छु यिवान माजि दीवी हन्दिस नावस प्यठ मनावनॖ। हारी पर्वत याने च़क्रीश्वरॖॖ ॴस आसान बजन-मण्डली रऻत्य रातस कीर्तन करान। तुलॖमुलि याने क्षीर भवऻनी मंज़ ति ओस आसान मॊत मत्यॊमुत ॳज़्यकि द्वह। हालांकि ज़्येठॖ ॴठम दुहुक ह्यु रश ओस नॖ आसान तुलॖमुलि मगर कम ति ओस नॖ आसान। याद छि प्यवान कऺशीरि हॖन्द्य तिम द्वह तॖ ॳछन मंज़ छि नमी हिश पऻदॖ सपदान, दिलस छि दुबहराय हिश गछ़ान। मन छु करान काव लऻगिथ वातहऻव कऺशीरि तॖ यिमॖहऻव फीरिथ यिमन जायन यिम असि पथ कुन रूद्य कऺशीरि मंज़। हऻर्यऻयि च़ॖ गछ़तय कऺशीरि ताम, तॊत वऻतिथ हालातन ह्यतॖ साम, वुछतय च़ ठीक-ठाख छा म्यॊन गाम, बॖ हऻय गछ़हऻ गरॖ करॖ हऻ आराम। कति यिन फीरिथ तिम द्वह बस अख स्वपनाह बऺनिथ यी यि द्वह प्रथ वऺरियि तॖ रोज़ि ज़ख्मन क्योर तुलान। राथ ओसुस बोज़ान ज़ि सऻनिस मुल्कस मंज़ गऺयि वुन्युखताम क़रीबन पन्दह सासॖ ह्यॊरॖय लूख स्वर्गस यथ महामऻरी मंज़ तॖ दिल छि दॊयमिस दर्जस प्यठ महाराषट्र पतॖ। यपऻर्य छु चीनुक तनाव व्वतलिथ आमुत तॖ बन्योमुत छु बेकरऻरी हुन्द सबब। भगवान गछ़ि पनुन पर्दॖ करुन यिमव त्रटॖबुज़व निशि। असि छु पनुन पान पुशरोवमुत तस परमात्माहस तॖ व्वमेद छि तऺमिस यी आर यॆलि बोज़ि सऻन्य विलज़ार तॖ दी स्यॆदि बुथि तार।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

27.06.2020

27.06.2020 हारॖ (आषाढ) ज़ूनॖ पछॖ (शुक्ल पक्ष) सतम (सप्तमी) बटॖवार (शनिवार/शनिश्चरवार) श्री सप्तर्षि सम्वत 5096, राश कन्या (दुह्यचि 3.50 बजि प्यठॖ), ऋतु ग्रीष्म (चलान)....अज़ छि हारॖ सतम ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

       महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

गाटुलाह अख वुछुम ब्वछि सॗत्य मरन

पन ज़न हरन पोहनि वावॖ लाह

न्यशबॊद अख वुछुम वाज़स मारन

तनॖ लल बॊ प्रारन छ़्यन्यम ना प्राह

         ***************

अर्थात :- मैं ने एक बुद्धिमान को भूख से मरते देखा जैसे शरद ऋतु की हवा से पत्ते गिरते हों, अर्थात वह अति निर्बल था। (उसकी बुद्धिमानी से वह भूखों मरने से नहीं बच सका)। एक बुद्धिहीन द्वारा रसोईये को पीटते हुए देखा (बावर्ची द्वारा अधिक ख़ाना न देने पर पीटते देखा)। यह सब कार्य उल्टे हो रहे थे। यह सब देख कर तभी से मैं इस प्रतीक्षा में हूं कि कब मेरी यह दुविधा मिटे (कि ऐसा क्यों होता है?)।

(भावार्थ : यह संसार अपनी ही चाल में चलता है। किसी का इस पर कोई बस नहीं है। बुद्धिमान भूखा मरता है और बुद्धिहीन मारता है, किंतु ऐसा क्यों हो रहा है यह मनुष्य की समझ से परे है।

**************************

केंच़न रंगन हॖन्द्य नाव कऻशिर ज़बऻन्य मंज़ :

राम राम बद्रॖन्य दूनि(इन्द्रधनुष) हॗन्द्य सथ रंग - VIBGYOR - 

1. वान्गॖन्य रंग (बैंगनी - violet)

2. गूडॖ न्यूल रंग (नील - Indigo)

3. न्यूल रंग (नीला - Blue)

4. सब्ज़ रंग (हरा - Green)

5. ल्यॆदुर रंग (नीला - Yellow)

6. संगतरी रंग(संतरी - Orange)

7. व्वज़ुल रंग (लाल - Red)

          ************

अमि अलावॖ कॆंह रंग -

सफ़ेद (सफेद - White), क्रुहुन (काला - Black), गुलऻब्य (गुलाबी - Pink), सूर्य रंग (आसमऻनी - Gray), तोतॖ रंग (तोते वाला - Parrot), स्वनहरी (सुनहरी - Golden), करोंदिया (करौंदिया - Maroon), जामुनी (जामुनी - Purple) वगैरा वगैरा

**************************

पंचान्ग:- यॊदवय वुछव तॖ लल द्यॆदि हॖन्द्य वाक् छि कुनि कुनि जायि बिल्कुल प्रॊखुट बासान अज़कल ति। सथ हथ वऺरी ब्रोंठ वऺन्यमॖत्य कॆंह वाक् लल द्यॆदिहॖन्द्य छि पॊज़ नेरान अज़कल ति। नज़र यॆलि तुलान दऺछुन या खॊवुर तॖ वुछनस तल छु यिवान भ्रष्टाचार, बॆहुर्मती, बॆरहमी, गुर्बथ, अपुज़ व्यापार, पौंसॖ कमावनॖच होड लऺज्यमॖच़, इन्सान सुन्द क़दॖर कम गोमुत, रिश्तन दरार प्यॆमॖच़, संस्कारन माने रोवमुत, ख्वदगर्ज़ी हुन्द आलम, तनाव, इन्सान परेशान, असुन रोवमुत मगर तोति यि इन्सान ज़िन्दॖ रोज़नॖच कूशिश करान करान पनॖन्य वऻन्स कडान।कॆंच़न जायन छु नज़र यिवान लूख खति कऺडिथ वति प्यठ आमॖत्य त्रावनॖ, गरॖ त्रऻविथ बेगरॖ गऻमॖत्य, आतंकवादन कलॖ कॊडमुत,। यॆमिस व्वथान नऺर सु ख्यवान ब्यॆयिसॖन्ज़ लऺर मगर तोति यि इन्सान पकान क़दम क़दम ब्रोंठ प्रान्यन ख़यालन ठानॖ दिथ।राम राज छि परान किताबन मंज़। रावन राज छु नज़रन तल। प्यठॖ होव भयानक रूप महामऻरी। शुमशान गाटन मंज़ छॆ नॖ जाय नसीबस तऺमिस शखसस युस वलनॖ यिवान कोरोनावयरसकिस ज़दस मंज़। यि त्रासदी ॴस बकाया। खून्त्य लदस छु खून्त पतय। कमन ताम पापन हुन्द सज़ा छु बुगतान यि ॳज़्यूक इन्सान। क्याह ताम ग़लती छि गऻमॖच़ ॳमिस इन्सानसॖन्दि दऺस्य ज़ि दऺर्य दऺर्य च़ीन्य यिवान छि वऺस्य वऺस्य। गुल्य गऺन्ठिथ करव ज़ारॖ पारॖ माजि दीवी तॖ सॊय करि अथॖरॊट असि सारिनी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

26.06.2020

26.06.2020 हारॖ (आषाढ) ज़ूनॖ पछॖ (शुक्ल पक्ष) पऻन्च़म (देवादेव) (पन्चमी) शॊकुरवार (शुक्रवार/जुम्मा) श्री सप्तर्षि सम्वत 5096, राश सिंह (चलान) ऋतु ग्रीष्म (चलान)..अज़ छि कुमार शॆयम ति... चूंकि पगाह छि शॆयम रावान, शॆयम हुन्द वॊहरवोद यी ॳज़्य यानि पऻन्च़म दुहुय

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

        महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

क्याह करॖ पऻन्च़न दऺहन तॖ काहन

व्वखशुन यथ ल्यजि कऺरिथ यिम गऺय

सऻरी समहन यथ रज़ि लमहन

अदॖ क्याज़ि राविहे काहन गाव

           *************

अर्थात :- पांच मनोवृत्तियों (काम, क्रोध, लोभ, मोह तथा अहंकार) दस इन्द्रियों (पांच ज्ञान तथा पांच कर्म इन्द्रियांं) तथा ग्यारह (10 इन्द्रियां+मन) को क्या करूं जो अलग अलग मेरी काया रूपी हान्डी को उभाड गए। यॆदि यह सारे केन्द्रभूत हो कर रस्सी (साधन) को पकड कर काम करते तो मनुष्य की गाय रूपी आत्मा क्यों संसार में भटक कर खो जाती। 

(भाव यह है कि अपनी सारी इन्द्रियों को भटकने से रोक कर खोया हुआ पदार्थ (आत्म भाव) प्राप्त हो सकता है।

**************************

कऻशिर्य पऻठ्य हफ्तॖक्यन दॊहन हॖन्द्य नाव :-

1.च़ऺन्दॖरवार (सोमवार) 2. बॊम्वार (मंगलवार) 3. ब्वदवार (बुधवार) 4. ब्रसवार (वीरवार/बृहस्पतिवार) 5. शॊकुरवार (शुक्रवार/जुम्मा) 6. बटॖवार (शनिवार/शनिश्चरवार) 7. आथवार (रविवार/एतवार)

**************************

पंचान्ग:- ॳज़्यकिस लल वाकस मंज़ छु आमुत अकि मुहावरुक प्रयोग करनॖ यानि काहन गाव रावॖन्य। अथ पतॖ छि अख लोक-कथा ज़ि दपान कुनि अकि वख्तॖ ॴस काहन बायन मंज़ ॶख गाव रऻवमॖच़। प्रथ अख बोय द्राव ब्यॊन ब्यॊन वति यि रऻवमॖच़ गाव छ़ान्डनि। अख बोय फ्यूर वापस गरॖ खऻली अथव यि सूंचिथ ज़ि दॊयमिस बऻयिस मा आसि शायद गाव मीज्यमॖच़। यी सोंचान सोंचान फीर्य सऻरी बऻय गरॖ कुन वापस खऻल्य अथव। यि गाव लऺब नॖ कऻन्सि ॳक्य ति। लल द्यदि हुन्दिस अथ मुहावरस आयि अज़ ताम सऻरी लूख ब्यॊन ब्यॊन मॊकन प्यठ तमि तमि सातन इस्तिमाल करान यॆमि यॆमि सातन कुनि कुनि जायि व्यवस्था आसि नॖ व्यस्तऻरिथ या ॴस व्यवस्था बनेमॖच़ खुर्यलद, यॆमि यॆमि सातन ॳक्यसॖय मुद्दहस प्यठ ॴस्य व्यच़ार रोज़ान ब्यॊन ब्यॊन, यॆमि यॆमि सातन गरस मंज़ ॴस नॖ कुनी कथ व्यतरावनॖ यिवान, यॆमि यॆमि सातन ब्यॊन ब्यॊन संस्थायन ॴस नॖ कुनी दिशा रोज़ान कांह ति समस्या हल करनॖ बापथ। हालांकि दपान लल द्यदि छु यि मुहावरॖ पानस प्यठ लागू कॊरमुत यि वऺनिथ ज़ि अगर सारेय इन्द्रीय कॊबूहस मंज़ आसहन तॖ तॆलि रोज़िहे मन ति डन्जि। मतलब यि ज़ि समुतस या यकुत आसनस छि शक्ति तॖ अकॖय आवाज़ तॖ कुनी कथ आसॖनॖ सॗत्य ह्यॆकि इन्सान कांह ति किलॖ फतह कऺरिथ। कुनि ति मन्ज़िलस ताम वऻतिथ। सऻरी सऺमिथ, कुनी कथ कऺरिथ, ॳक्यसॖय रज़ि लऺमिथ छु मुम्किन पनॖन्यन मसलन हल छ़ान्डुन। त्रॖह वऺरीवऻत्य असि कऻशिर्य बटन बस रऻवमॖच़ गावॖय छ़ान्डान तॖ रोज़व तॊत ताम छ़ान्डान यॊत ताम नॖ ॳस्य अथॖवास कऺरिथ, इकॖवटॗ पकिथ छ़ऻन्ड दिमव तॖ अनोन यि रऻवमॖच़ गाव लऺबिथ। यकजाह रऺलिथ ह्यमव ईश्वर सुन्द नाव तॖ मंगोस यॆमि महामऻरी निशि असि बऺचिराव तॖ हाव त्युथुय कांह चमत्कार। 

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

25.06.2020

25.06.2020 हारॖ (आषाढ) ज़ूनॖ पछॖ (शुक्ल पक्ष) च़ोरम (देवादेव) (चतुर्थी) ब्रसवार (वीरवार/ बृहस्पतिवार/गुरुवार) श्री सप्तर्षि सम्वत 5096, राश सिंह (दुहॖचि 12.26 बजि प्यठॖ) ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

      महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

अछ़्यन आय तॖ गछ़ुन गछ़े

पकुन गछ़े द्यन क्यो राथ

योरय आयि तॖ तूर्य गछ़ुन गछ़े

कॆंह न तॖ, कॆंह नतॖ कॆंह, नतॖ क्याह

           ***********

अर्थात :- जीव कब से जन्मता तथा मरता रहा है। यह ज्ञात नहीं। किन्तु यह क्रम रात दिन चलता रहता है। जहां (प्रभु) से आये हैं अवश्य वहां अपने स्रोत में ही जाना चाहिए है। यदि माना जाए कि ऐसा कुछ नहीं है फिर भी कुछ न कुछ रहस्य तो अवश्य ही है। नहीं तो यह सारा तथ्य क्या है? यह जाने बिना यहां रहना व्यर्थ है।

**************************

ऱयतन हॖन्द्य नाव कऻशिर्य पऻठ्य :-

1. च़िथ्थॖर (चैत्र) 2. वह्यक (वैशाख) 3. ज़्येठ (ज्येष्ठ) 4. हार (आषाढा) 5. श्रावुन (श्रावण) 6.बऻद्रप्यथ (भाद्र) 7. ॴशिद (आश्विन) 8. कार्तिक (कार्तिक) 9. मॊन्जहोर (मार्ग) 10. पॊह (पौष) 11. माग (माघ) 12. फागुन (फाल्गुन)

**************************

पंचान्ग:- नऺव्य नऺव्य चीज़ यिनॖ सॗत्य लॊग प्रान्यन चीज़न पथकुन दक्कॖ। फिकिरी छु नॖ तरान ज़ि सु प्रोन वख ओसा ठीख किनॖ यि नॊव वख छु ठीख। युस हालय हालॖ ज़न्मस आव तऺमिस छॆ नॖ पताह ज़ि प्रोन समय क्युथ ओस या प्रऻन्य चीज़ किथ्य ॴस्य। इस्लिये छु नॖ तिमन कांह कॊसूर तॖ न ह्यकव ॳस्य तिमन खऻतरॖ तिम चीज़ वापस ॳनिथ तॖ तिमन चीज़न सॗत्य पऻर्यज़ान करनऻविथ।बस मिसाल ह्यकव दिथ। मसलन मशॖक्य यानि दूज तॖ नरकऻन्य क़लम तॖ स्यॆपि मील गव गऻबॖय ॳज़्यकिस शुर्यसॖन्दि बापथ। तऺम्य ह्यॊत स्यॊदुय कापी प्यठ लेखुन मगर सु लेखुन ति छु कमसॖय कालस सिरिफ अ आ इ ई ह्यॆछनॖ बापथ। अमि पतॖ छु यि ॳज़्युक शुर यकदम व्वठ छॖनान मोबायलस प्यठ तॖ अति प्यठॖ यिछ़नॖय बलायन प्यठ जैसे लैपट्वाप, टेबॖल, आईप्वाड, कमप्यूटर बेतरी। यिथय पऻठ्य आव बदलाव ॳमिस शुर्यसॖन्दिस रिशतन मंज़। मास मासू, माम मामन्य, प्वफ पॊफू बन्यॆयि व्वंय सिरिफ आंटी तॖ अंकॖल या ज़्यादॖ ख्वतॖ ज़्यादॖ मामी, बडी मामी, छॊटी मामी, बडे मामू, छोटे मामू, मासी तॖ बुआ। रिशतन हॖन्ज़ अहमियत छ़ॊकेयि तॖ दूरेयि वारॖ वारॖ। मज़मून छु स्यठाह बॊड त्यूतुय छु बऺहस बॊड। अज़ करव कथ सिरिफ पनॖनि ज़बऻन्य प्यठ।सान्यव शुर्यव ह्यॊत मऺशरावुन कऻशुर, कऻशिर पऻठ्य कथ करॖन्य, कऻशिर्य पऻठ्य लेखुन तॖ कऻशुर परुन। मोबायलस प्यठ हालांकि कऻशुर ज़बऻन्य मंज़ लेखनुक तोर तरीकॖ, की-बॊर्ड वगैरा छु मय्यसर मगर यछ़ायि हॖन्ज़ व्यछ़य छि तॖ सऻरी छि दवान अंग्रीज़स कुन। संस्कृत तॖ ह्यॆन्दी ति छु व्वंय यिवान लेखनॖ अंग्रीज़स मंज़ॖय। कऻशिरिस सॗत्य रॖश छॆयी छि। कऻशिर्य ज़बऻन्य हुन्द नाव ह्यॊन छु ॳज़्यकिस शुरिस बासान ज़ि ॳम्यसॖन्दिस यज़तस खलल हिश। मगर बाकय ज़बानॖ छु चिक चावॖ सान ह्यॆछान, फखरॖ सान बोलान तॖ दिल खूलिथ लेखान। कमी कत्यन रूज़ असि मंज़ ज़ि असि ह्यॊक नॖ पनुन शुर तमि त्रायि बऺडरावुन यॆमि त्रायि ॳस्य आयि पानॖ वुन्युखताय बडान। हालांकि बदलाव छु नॖ कांह नोन लफॖज़ म्यॆ बासान। यॆलि ॳस्य ल्वकॖट्य ॴस्य, तॆलि ति आयि नऺव्य नऺव्य चीज़ बारसस तॖ ॳस्य गऺयि पानॖनावान मगर थफ ॴस पूरॖ कऺरिथ पनॖन्यन चीज़न, पनॖन्यन रिशतन तॖ पनॖनि ज़बानि, पनॖन्यन संसकारन तॖ पनॖनि सभ्यतायि। अथ प्यठ पज़ि व्यच़ार करुन, म्यॆ बासान। मऻज्य दुर्गा छि द्वख तॖ दऻद्य कासान। वऺलिव गछ़व तस शर्ण।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

24.06.2020

24.06.2020 हारॖ (आषाढ) ज़ूनॖ पछॖ (शुक्ल पक्ष) त्रय (देवादेव) (तृतीय) ब्वदवार (बुधवार) श्री सप्तर्षि सम्वत 5096, राश कर्कट (चलान) ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

             श्रीचण्डीकवच

देहान्ते परमं स्थानं यत्सुरैरपि दुर्लभम्।

प्राप्नोति पुरुषे नित्यं महामाया प्रसादत:।।

लभते परमं रूपं शिवेन सह मोदते।।

          *************

अर्थ :- मरने के बाद उस महामाय के प्रसाद से जो देवताओं को भी दुर्लभ स्थान है उस नित्य (अनश्वर) स्थान को पाता है। उस परमज्योति को प्राप्त करता और कल्याण स्वरूप ब्रह्म के साथ (ब्रह्म में) आनन्द करता है।

(इस प्रकार वाराह पुराण में हरिहरब्रह्म का बनाया हुआ देवी कवच समाप्त हुआ)

**************************

       महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

आयस वते गऺयस नॖ वते

स्यमंज़ स्वथि लूसुम द्वह

चंदस वुछुम तॖ हार नॖ अथे

नावॖ तारस दिमॖ क्या बॊह

          *********

अर्थात :- मैं जिस रास्ते (परमात्मा) से आई उस रास्ते (स्वात्म ज्ञान प्राप्ति) से वापस नहीं गई। सागर (भवसागर) के किनारे पर चलते चलते इस के बीच में ही दिन डूबा और शाम (अंतकाल का आभास) हो गई। जब नाव की उतराई (हरि नाम) देने के लिए जेब टटोलने लगी तो कुछ नहीं पाया। अब परेशान हूं कि पार जाने की उतराई क्या दूं। 

(सारांश यह कि भवसागर से पार उतरने के लिए आत्मज्ञान रूपी उतराई को प्राप्त करना ही जीवन की सार्थकता है)

**************************

पंचान्ग:- नेरान अकि फिरि फ़ेरान नॖ वापस। फ़ेरान मगर तम्यकुय कॆंच़स कालस। नम गछ़ान ॳछ यॆलि फ्युर लगान ख़यालस। दमफुट्य गछ़ान लगान ब्यॆयि तऺथ्य जंजालस। गऺयि सान्यन ॳछन निशि दूर ब्यॆयि अख हऺस्ती, जान स्वभाव वोल शखॖस, श्री ओंकार नाथ रैना, फरीदाबादॖ रोज़न वोल। श्री रैना सऻबन ओसनस बोज़ॖनोवमुत बॖ अख प्रऻन्य दास्तान यॆलि सु 1990-तॖ किस क़हरस मंज़ कऺशीरि प्यठॖ च़ऺलिथ ऒस आमुत पनुन अयाल ह्यथ। ॳथ्य दोरानस मंज़ यॆति यिम रोज़नि लऺग्य, पनॖन्यन केंच़न यारन दोसतन सॗत्य मीलिथ कऺर यिमव कथ ताम जायि अख ल्वकुट म्वकुट मन्दर सरकऻर्य जायि प्यठ बनावनॖच कूशिश मगर सरकारन द्युतनख नॖ इजाज़त। दॊप रैना सऻबन ज़ि असि वॊन यॆतिकिस सरकारस ज़ि ॳस्य मंगोवॖ नॖ अख ईंच ति यॆति ज़मीनुक अगर तॊह्य असि कऻशिर्यन दिवॖनऻयिव वापस असि पनॖन्य यार यिम असि रऻव्य। दपान सु सरकऻर्य अफ़सर गव हऻरान यि कथ बूज़िथ तॖ प्रुछ़ुन असि ज़ि कम यार दिवॖनावोवॖ त्वहि वापस, तॊह्य कमन यारन हॖन्ज़ कथ छिवॖ करान। तुहॖन्ज़ि कथि तॖ मन्दरस क्याह वाठ छु। रैना सऻब दपान जवाबस मंज़ वोन असि ॳमिस सरकऻर्य अफ़सरस ज़ि जिनाब असि रोव टोठ यार, मसलन गणपत-यार, प्वरुष-यार, खरॖ-यार, मलॖ-यार, क्रालॖ-यार, मूत्य-यार, द्रऻब्य-यार, डलहसन-यार बऺड्य-यार, सॖह-यार वगैरा वगैरा। यि बोज़नॖ पतय दपान यॆलि तऺमिस अफ़सरस तॊर फिकिरी ज़ि यिम छि वाकय यारॖ दादि योर लऺग्यमॖत्य तॖ यिमन छि वाकय यार रऻव्यमॖत्य, तऺम्य कॊर असि वादॖ यि वऺनिथ ज़ि युस मन्दर तॊह्य यछ़ान छिवॖ बनावुन यथ सरकऻर्य जायि प्यठ, त्वहि छुवॖ म्यॊन इजाज़त। यूतुय योत नॖ बडॖ कशमॖकश छि रैना सऻबन तॖ ॳम्य सॖन्द्यव यारव दोस्तव कऺरमॖच़ फरीदाबादस मंज़ ति अख मन्दर बनावनस मंज़। रैना सऻब ओस समाजुक च़ुक्यदार सेवक तॖ मददगार। रुत इन्सान बनान बनान छि वुम्बॖर नेरान तॖ अदॖ छु समाज तस पानॖनावान। यिथिय हि शख़स यॆलि समाजि निशि छ़्यनॖ गछ़ान छि हमेशि बापथ, समाज छु छ़ॊर गछ़ान, खॊखलॖ गछ़ान, बे-सबबगार गछ़ान। मन छु वाकय क्रुह गछ़ान। मगर युस आव तस वापस गछ़ुन, मोतस क्याह करि सोन पश्युन। यिमन त्रॖहन वऺरियन मंज़ वॊथ सान्यव कलव प्यठॖ बड्यन बड्यन हऺस्तियन हुन्द सायि। ॳस्य गऺयि बे-पीर। हालांकि मरुन छु सारिनीय। मगर यिमन ज़िन्दॖ पज़िहे रोज़ुन वुनि वारिहास कालस, तिमय आयि कालस अथि ति नियन कॆंह बर जवऻनी मंज़ॖय, कॆंह बुजरस मंज़ ख्वर त्रावान त्रावानॖय। कालस दपान छु पनुन अलग प़चान्ग यॆमि निश ॳस्य बे-ख़बर छि। पताह छॆ नॖ कस कऻत्या शाह छि खारॖन्य तॖ वालॖन्य। पताह छॆनॖ कस कोताह द्वख-स्वख छु च़ालुन। बस पुशरावुन छुय पान तस दयस। सुय छु ॴखॖर सोन रऻछ़दर।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

23.06.2020

22.06.2020

22.06.2020, हारॖ (आषाढ) ज़ूनॖ पछॖ (शुक्ल पक्ष) ऒक्दॊह(देवादेव) (प्रथमा) च़ऺन्दॖरवार (सोमवार),श्री सप्तर्षि सम्वत 5096, राश मिथुन (चलान), ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

           श्रीचण्डीकवच

ग्रह भूत पिशाचा च यक्ष गन्धर्व राक्षस:।

ब्रह्म राक्षस वेताला: कूष्मांडा भैरवादय:।।

नश्यन्ति दर्शनात्तस्य कवचे हृदि संस्थिते।

मानोन्नतिर्भवेद् राज्ञस्तेजो वृद्धिकरं परम्।।

              *********

अर्थ :- सूर्यादि नवग्रह, भूत, प्रेत, पिशाच, यक्ष, गन्धर्व, ब्रह्मराक्षस, वैताल, कुष्माण्ड, भैरव। ये सभी, जिसके हृदय में कवच है उसे देखते ही नष्ट हो जाते हैं। इस कवच को याद रखने वाले राजा के द्वारका मान (सम्मान - प्रतिष्ठा)  उन्नति (वृद्धि) होती है। (अथवा राजा की मान - उन्नति होती है) और यह कवच तेज को बढाने वाला और महान है।

**************************

       महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

            लल वाक

आमि पनॖ सऺदरस नावि छस लमान

कति बोज़ि दय म्योन म्यॆति दियि तार

आम्यन टाक्यन पोन्य ज़न शमन

ज़ुव छुम ब्रमन गरॖ गछ़हऻ

           **********

अर्थात :- संसार रूपी समुद्र से पार जाने के लिए जीवन रूपी नाव को श्वासोश्वास रूपी कच्चे धागे से खींच रही हूं। काश! मेरे प्रभु मेरी विनती तथा पुकार सुनकर मुझे भी भवसागर से पार उतार देते। इस के लिए मेरी जान मचल रही है और निजधाम जाने की यह ललक मेरे कलेजे को ऐसे ही घलाती है जैसे कच्चे पर्वों को पानी पिघला देता है

**************************

पंचान्ग :- राथ ताम यिम ति नुंदॖ ऱेशिन्य श्रुक्य बॖ लेखान आस, यिमन श्रुक्यन हॖन्ज़ तरतीब तॖ तशरिह ॴस कऺरमॖच श्रीमती संतोष शाह "नादान" जियन य्वस अख थदि पायिच कलमकार छि। अमि छि भगवद् गीता जी-हुन्द ति  कऻशिर्य ज़बऻन्य मंज़ तर्जमॖ कॊरमुत। "नादान" जी छि कऻशिर्य ज़बऻन्य मंज़ वारियाह कऻम करान। यि छि सानि समाजिच अख बऺड शूब तॖ रोनक। अज़ दॊहरऻव्य म्यॆ ब्यॆयि अकि फिरि लल वाक अनुवाद सहित। यिम लल वाक छि सॊम्बरऻव्यमॖत्य श्री पुष्कर नाथ रैना सऻबन तॖ यिमन वाकन हुन्द हॆन्दियस मंज़ अनुवाद ति छु तिमवॖय कॊरमुत। म्यऻन यछ़ा छि ज़ि यिम लल वाक गछ़न वातॖन्य म्यानि समाजक्यन बायन ब्यॆन्यन ताम खासकर तिमन ताम यिम यिमन  लल वाकन निशि अनज़ान छि। रातुक द्वह ओस स्यठाह आवर्यरुक द्वह माने सिरियस ग्रुहुन, अन्तर राष्ट्रीय योग दिवस, पश्चिम सभ्यताय हुन्द ज़बर्दऺस्ती पानॖनोवमुत द्वह मऻल्य सॖन्दिस नावस प्यठ "फादऻर्स-डे" तॖ ब्यॆयि ओस वऺर्लॖड म्यूज़िक-डे। असि ह्यॆत्य पनॖन्य संस्कार मऺशरावॖन्य तॖ व्वपर ज़ऻच़ हॖन्द्य त्योहार तॖ संस्कार पानॖनावॖन्य, मसलन मदऻर्स-डे, फ्रैंडस-डे, वैलनटायिन-डे,भाई दूज, धन तेरस, करवा चौथ वगैरा वगैरा।  सऻरी लूख ॴस व्यस्त तॖ मस्त पनॖन्यन पनॖन्यन काम्यन मंज़ तॖ सॗत्य वोत प्यतरावान महामऻरी हुन्द प्रकोप ति। वैकुण्ठ मंडली, फरीदाबाद वाल्यव ॴस व्यवस्था कऺरमॖच़ आन-लाईन योगासनॖच यथ मंज़ कॆंच़व शुर्यव क्यो बड्यव शिरकत कऺर। सौरभ ज़ाडू जियन, युस हार्मनी इन्डिया चलावान छु दिलशादगार्डनॖस मंज़, ओस शाया कॊरमुत अख संगीत एल्बम वऺर्लड म्यूज़िक डे-किस नावस प्यठ। यि एल्बम मेलि यू-ट्यूबस प्यठ। 

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

21.06.2020

21.06.2020, हारॖ (आषाढ) गटॖ पछॖ (कृष्ण पक्ष) मावस (देवादेव) (अमावस्या) आथवार (रविवार/ एतवार) श्री सप्तर्षि सम्वत 5096, राश मिथुन (चलान) ऋतु ग्रीष्म (चलान)...अज़ छु सिरियि ग्रुहुन सुबहॖचि 10.17 बजि प्यठॖ दुहचि 2.17 बजि ताम

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

         श्रीचण्डीकवच

अभिचाराणि सर्वाणि मन्त्र यन्त्राणिभूतले।

भूचरा: खेचराश्चैव जलजाश्चोपदेशका।।

सहजा कुलजा माला डाकिनी शाकिनी तथा।

अन्तरिक्षचरा घोरा डाकिन्यश्च महाबला:।।

            ***********

अर्थ:- और पृथ्वी पर जितने अभिचार (दूसरे से किए गए मारण - मोहन आदि सभी मंत्र यंत्र ) और पृथ्वी तथा आकाश में चलने वाले सब जलज (जल के सम्बन्ध से पैदा होने वाले) और औपदेशिक (उपदेश से सिद्ध नीच देवता) और संसर्ग से उत्पन्न लोग, कुल के रोग, गण्डमाला और डाकिनी, शाकिनी और आकाश में चलने वाली महाबलशालिनी भयंकर डाकिनियां।

**************************

         महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           नुंदॖ ऱेशिन्य श्रुक्य

यॊतुय बस नाज़ि आदम कॊरनस

सोरि रऺहमच़ बॊरनस सरतापाय

ख्वशहाल छुस ज़्यनस तॖ मरनस

छुस बॖ तसुंद बंदॖ सु म्योन ख्वदाय

आरऻयिश दिच़ॖन फलकस तॖ दरतस

उमच़ ॳमीन सूज़ुन रसूल(सल्ल) ख्वदाय

उमेदवार छुस तति उबरनस

यॆति अवेस करन (रज़) छुम राह नुमाय

             **********

माने :- आदम ज़ऻच़ मंज़ ज़न्मस यिथ छम दय कृपा ख्वरॖ प्यठॖ कलस ताम। बॖ छुस तसुंद बंदॖ तॖ सु छु म्योन ख्वदाय। ज़्यनस तॖ मरनस छुस बॖ ख्वश। ज़मीन तॖ आसमान द्युतुन सानि आसऻयिशॖ खऻतरॖ। उमच़ अथरॊट करनवोल सूज़ुन रसूल (सल्ल) ख्वदाय हज़रत मॊहम्मद। तति छुम व्वमेदवऻरी व्वबरनस, यॆति छुम अवेस करनी (रज़) वतॖ हावुक।

**************************

पंचान्ग :- अज़ छु सिरियि ग्रुहुन युस सुबहॖचॖ 9.16 बजि प्यठॖ दुहॖचि 3.4 बजि ताम रोज़ि। यि ग्रुहुन यी ब्यॊन ब्यॊन जायन अलग अलग समयस प्यठ नज़रि। सऻनिस वतनस याने भारतस मंज़ छु अम्युक बासुन सुबहॖचि 10.17 बजि प्यठॖ दुहचि 2.48 बजि ताम। ब्यॊन ब्यॊन प्रदेशन मंज़ रोज़ि यि ग्रुहुन ब्यॊन ब्यॊन समयि प्यठॖ ब्यॊन ब्यॊन समयस ताम। हालांकि ग्रुहुन छु शुरु सुबहॖचॗ  9.16 बजि प्यठॖ दुहचॖ 3.4 बजि ताम मगर प्रभाव रोज़ि भारतस मंज़ 10.17 प्यठॖ 2.17 बजि ताम। अमि ग्रेहनुक सूतक छु चलान युस राथ शामस 9.16 बजि शुरु छु सपद्योमुत। गर्भवती ज़नानन पज़ि एहतियात वर्तावुन। ब्यॆयि गछ़ि दर्भॖ-तुल थवुन तरल पदार्थन मंज़ यानि द्वद, तील वगैरा। दर्भ थवनॖ सॗत्य दपान तरल पदार्थ छु नॖ दूषित गछ़ान।श्रान गछ़ि करुन ग्रुहुन लगनॖ ब्रोंह ति तॖ ग्रुहुन म्वकलनॖ पतॖ ति। यॊदवय ह्यॆकिव, ग्रहन-समयस मंज़ गछ़ि नॖ पोन्य ति च्यॊन। ईश्वर कऺरिन असि सारिनी पनुन अथरॊट तॖ कऺडिन्य असि बड्यव गमव तॖ फिकरव मंज़ॖ ख्शश तॖ ख्वशहाल पऻठ्य

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

20.06.2020

20.06.2020, हारॖ (आषाढ) गटॖ पछॖ (कृष्ण पक्ष) च़्वदह (देवादेव)(चतुर्दशी) बटॖवार, श्री सप्तर्षि सम्वत 5096, राश मिथुन (रऻच़ हॖन्ज़ॖ 12.34 बजि प्यठॖ), ऋतु ग्रीष्म (चलान)..चूंकि पगाह याने 21.06.2020 छु कंकण सिरियि ग्रुहुन लगान सुबहस 9.16 बजि प्यठॖ, अमि ग्रहनुक सूतक छु अज़ शामन 9.16 बजि प्यठॖ शुरु

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

           श्रीचण्डीकवच

दैवी कला भवेत्तस्य त्रैलोक्येष्वपराजित:।

जीवेद्वर्ष साग्रमप मृत्यु र्विवर्जित:।।

नश्यन्ति ब्याधय: सर्वेलूताविस्फोटकादय:।

स्थावरं जन्गमं चैव कृत्रिमं चापि यद्विषम्।।

             *********

अर्थ:- उसको दैवी कला (शक्ति) हो जाती है, जिससे वह तीनों लोक में परास्त नहीं होता और अकाल आदि मृतियों से रहित हो, सौ वर्ष से अधिक जीता है। उसके लूता (लूत्ता पत्ता मकरी प्रसिद्ध है) विस्फोटक (शीतला) आदि सभी रोग नष्ट हो जाते हैं, स्थावर (कुचला वत्सनाभ आदि) विष, जन्गम (सर्प आदि) विष और जो कृत्रिम (बनाया हुआ) विष

**************************

     महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

            नुंदॖ ऱेशिन्य श्रुक्य

मऻज ग्वफि छुम कॊडमुत गछ तय

मऻज सॖह तय शाल छि बऻच़ॖय

मऻज वुमॖर व्यंदन अख पछ तय

मऻज द्यवॖ यछ छिम खऺज़मॖच़ॖय

         *************

माने:- मऻज म्यॆ छि पनॖन्य ग्वफ तिछ़ सचऻवमॖच़, यॆति सॖह तॖ शाल छिम बऻच़, द्यव तॖ यछ छिम सीवायि। वम्बॖर छम बासान ज़न पछिच मॆहमान, यानि पऺदिस तल छुम बासान च़िह्य च़िह्य मोत

**************************

पंचान्ग :- यॆलि द्वह गछ़ान फीरिथ पकवॖन्यन दऺर्यावन छु पोन्य हॊखित गछ़ान। यॆलि पनुन तक्दीर खॊट आसि, ज़ाल्यव मंज़ॖ गाडॖ नीरिथ च़लान। कोरोनावयरसन कॊर इन्सान यूत खौफज़द ज़ि मऺरिथ छु नॖ इजाज़त ॳम्यसॖन्दिस शवस तथ शुमशानस मंज़ दाह द्युन यथ शुमशानस मंज़ बाकय शव यिवान छि वातनावॖनॖ। अमि खॊतॖ त्रासदी क्याह। अमि खॊतॖ बद-नसीबी क्याह। ज्यॆमिस मंज़ दपान ॳकिस पतॖ गऺयि त्रॆ मोतॖ प्यॊठुस प्यठ तॖ शव ह्यथ वोत तिमन नच़ान अकि जायि प्यठॖ ब्यॆयिस जायि तॖ गाडि हुन्द शायद सादन न आसनॖ म्वख दपान नख दिनॖ वऻल्य ताम गऺयि फेंठ। अथ कथि मंज़ छि कऻच़ाह सदाकत ति ननि पगाह कऻल्यक्यथ मगर हालात वऻत्य कति कॊत। पऺज़्यपऻठ्य गव व्वंय मरुन ति मुश्किल। कोरोनावर्यसुक शव छु ज़न बासान अछूता ह्यु तॖ लावऻरिस ह्यु। अमि महामऻरी कॊर यि इन्सान ब्यॊन ब्यॊन तॖ दूर्रोवुन अख ॳकिस निशि।ब्यॆयिस हऻदिसस मंज़ आव अज़ वुछनॖ यि ज़ि ल्वकटिस बऻयिस गुज़र्यव बोड बोय मगर अख ॳक्यसुन्द बुथ वुछुन गव मुहाल तिक्याज़ि बऺडिस बऻयिस सपुद देहान्त ज्यॆमिस मंज़ तॖ ल्वकुट बोय छु गाज़ियाबादस मंज़  गरॖ-कऻदस मंज़ दारि बर त्रोपरिथ बिहित तरसान तॖ तडपान बऻयिस बुथ वुछनॖ बापथ मगर महामऻरी मंज़ मजबूर तॖ गरि न्यबर नेरुन छु नॖ समयस मन्ज़ूर। कॗतिस कालस छि ब्यॆयि ॳसि यि महामऻरी वुछिन्य बस दयस छि ख़बर। ॳस्य छि बे-सहारॖ तॖ बे-वसीलॖ। रऻछदर छु बस अख भगवान।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

 भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

19.06.2020

19.06.2020 हारॖ (आषाढ) गटॖ पछॖ (कृष्ण पक्ष) त्रुवाह (देवादेव) (त्रॆयॊदशी) शॊकुरवार (शुक्रवार/ जुम्मा), श्री सप्तर्षि सम्वत 5096,राश वृष (चलान) ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

          श्रीचण्डीकवच

निर्भयो जायते मर्त्य: संग्रामेष्वपराजित:।

त्रैलोक्येतुभवेत्पूज्य: कवचेनावृता: पुमान्।।

इदं तुदेव्या: कवचं देवानामपि दुर्लभम्।

य: पठेत्प्रयतो नित्यं त्रिसंध्यं श्रद्धयान्वित:।।

             **********

अर्थ :- कवच पाठ करने वाला मनुष्य संसार में निर्भय हो जाता है तथा संग्राम में पराजित नहीं होता और कवच से युक्त पुरुष तीनों लोकों में पूजा के योग्य होता है। देवी का यह कवच देवताओं को भी दुर्लभ है जो मनुष्य एकाग्रचित्त होकर श्रद्धापूर्वक तीनों काल पढता है।

**************************

        महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

            नुंदॖ ऱेशिन्य श्रुक्य

कॆंच़न द्युतुख तोरय आलव

कॆंच़व रचायि नालय व्यथ

कॆंच़न मस च्यथ ॳछ लऺजि तालव

कॆंच़न न्यलुय च़ऺल्य हालव ख्यथ

कॆंह गऺल्य मूलॖ तॖ कॆंह गऺल्य मालव

कॆंच़ि गऺयि वानन फालव दिथ

           ***********

माने :- कॆंह गऻर्य दयन पानय, कॆंह रूद्य नालॖ दिवान। कॆंच़न लजि ॳछ दरॖ अमृत च्यथ ति। केंच़न च़ऺल्य ज़िन्दय हालव ख्यथ। कॆंह गऺल्य यशि तॖ कॆंह मालॖ दोवलतॖ शरॖ। केंच़न द्युतुन नॖ दिथ ति ख्यनॖ यॆमि सम्सऻर्य

**************************

पंचान्ग:-  दॊयव च़ोरव दॊहव प्यठॖ वोत म्यॆ परान व्हाटसापस प्यठॖ ॳकिस मित्रॖ सुन्द पोस्ट यथ मंज़ सु पनॖन्य राय छु दिवान ज़ि सानि समाजक्यन शुर्यन पज़ि नॖ ज़्यादॖ च़ेर ताम अनहूरुय रोज़ुन, वाकयि छु यि अख संजीदॖ मसलॖ। बॖ छुस मोबायलॖ दऺस्य चलावान वरमाला मैट्रिमोनियल तॖ अथ मंज़ यिम पनॖन्यन शुर्यन हॖन्दि बापथ वर छ़ान्डान छि तमि तलॖ छु ननान ज़ि च़ॊयत्रॖह पांच़त्रॖह वॖहुर लडकॖ छु वुनि अनुहूरुय। यिथय पऻठ्य छि त्रॖह दॊयत्रॖह वऺरिश कूर ति अनहऺरिश तॖ छ़ान्डान वर अख ॳक्यसॖन्दि बापथ। म्यॆ यॊत ताम याद प्यवान छु ज़ि कॆंह वख्त ब्रोंह ओस प्रथ बटॖ गरस मंज़ पांछ़ पांछ़ शे शें शुर्य तॖ गरॖ ओस बासान ओरुत तॖ ब्वरुत मगर व्वंय छु नज़र यिवान प्रथ गरस मंज़ अख या ज़ॖ शुर्य या शुर्यव रॊस गरॖ। कति कोर बदलाव आव सऻनिस समाजस मंज़। सान्यन खान्दॖरन या कॆंच़न बड्यन दॊहन प्यठ छि कॆंह रसॖम तिम यिमन मंज़ मासि या प्वफि हुन्द आसुन छु लऻज़मी आसान य्वस मासॖ कार करान छि या प्वफॖ कार करान छि। मगर अज़कलॖक हालात वुछिथ छु म्यॆ बासान ज़ि यिम कार करनॖ बापथ मा प्यन असि किराय प्यठ मास या प्वफ अनॖन्य ति क्याज़ि पनॖन्यन गरन मंज़ ह्यॆच़ॖन्य यिमन रिशतन हॖन्ज़ व्यछ़य बासॖन्य। च़ेर ताम अनहूर रोज़ुन, खान्दर कऺरिथ शुर या शुर्य ज़्यादॖ न आसुन या आसॖन्य, यि छु सोच विचारुक विषय। पर ज़ऻच़ मंज़ खान्दर करुन ति छु ॳथ्य सॗत्य कुनि नतॖ कुनि रऺन्ग्य जुडिथ। अख मुहावरॖ छु म्यॆ ज़ॆहनस मंज़ यिवान ज़ि त्रॖह गव सॖह, च़तजी गव पतजी तॖ शेठ गव ब्रेठ। ख़बर करॖ प्यठॖ छु यि दॊप यिवान आमुत वनॖनॖ मगर ॳज़कलॖक्य हालात मदिनज़र थऻविथ छू अमि मुहावरॖच अहमियत बासान बिल्कुल ख़तम गऻमॖच़। कथ छि जऻरी। महामऻरी छि पनुन ज़ाल वाहरऻविथ वुनि ति। ॳस्य ति कूशिश कऺरिथ ज़ि अथ मंज़ गऺछ़्य  नॖ ह्यनॖ यिन्य तॖ छि पकान पनॖन्यकिन लबि लबि नज़र बचऻविथ मगर कुस, कर, कति तॖ किथॖपऻठ्य वलनॖ यी, इन्सान छु बेख़र। ख़बर छि तस परमेश्वरस यॆमिस असि पनुन पान छु पुशॖरोवमुत। सुय करि असि रऻछ।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

18.06.2020

18.06.2020, हारॖ (आषाढ) गटॖ पछॖ (कृष्ण पक्ष) बाह (देवादेव) (द्वादऺशी) ब्रसवार (वीरवार/ बृहस्पतिवार/गुरुवार) श्री सप्तर्षि सम्वत 5096, राश वृष (दुहचि 3.2 बजि प्यठॖ) ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

           श्रीचण्डीकवच

पदमेकं न गच्छेतु यदीच्छेच्छुभ मात्मन:।

कवचेना वृत्तो नित्यं यत्र यत्रैव गच्छति।।

तत्र तत्रार्थलाभश्च विजय: सार्वकामिक:।

यं यं चिन्तयतेकामं तं तं प्राप्नोति निश्चितम्।

परमैश्वर्य्य मतुलं प्राप्स्ते भूतले पुमान्।।

            *************

अर्थ:- यदि मनुष्य अपना कल्याण चाहे तो बिना कवच के एक पग भी न चले और कवच के सहित सदा जहां जहां जाता है। वहां वहां धन का लाभ तथा सभी इच्छाओं को सिद्धि करने वाली विजय - प्राप्ति होती है और वह जिस जिस वस्तु की इच्छा करता है, उस उस को अवश्य प्राप्त करता है। कवच पाठ करने वाला मनुष्य इस पृथ्वी पर अनन्त उत्तम एश्वर्य को पाता है।

**************************

           नुंदॖ ऱेशिन्य श्रुक्य

सत स्रानस फल यॊद पोशिहे

गाडि तॖ क्रमस ॴस अकॖय ज़ात

वॊपस दिनय दय यॊद तोशिहे

द्रऻयलद लॆलिवय छ़ेनिहे नॖ ज़ात

             **********

माने:- यॊद सतव स्रानव तन नावनॖ फल कॆंह मेलिहे तॆलि आसिहे कुनुय स्वबाव गाडि तॖ क्रमस दर सम्सऻर्य। यॊद फाकॖ दिनॖ सॗत्य दय ख्वश गछ़िहे, मुसीबत ज़द सॖन्दि लॆलवय गछ़िहे  नॖ तॆलि ज़ात कम कॆंह।

*************************

पंचान्ग :- यी पज़ि ती गछ़ि करुन, बऺल्य गछ़ि नॖ आम्यन रज़न खसुन। यी वऻजिब आसि ती गछ़ि वनुन, बऺल्य गछ़ि नॖ खामॖखा चीज़न सनुन। बऺहस छु चलान ज़ि संत कऺमिस वनऺव, साधु कुस गव, महात्मा कस दिमव नाव, ब्रह्मन तॖ पंडितस मंज़ फरॖख क्याह छि, अवतार कुस गव तॖ दीवी कऺमिस छि वनान, देवता तॖ भगवानस मंज़ क्याह ॳंतर छु, भैरव कस वनान, ऱयॊश कऺमिस वनान, क्या आम इन्सानस युस अध्यात्मस मंज़ कुनि ख़ास मुकामस प्यठ वोतमुत आसि, तऺमिस दिमवा ॳस्य भगवान सॖन्ज़ पदवी, अगर भगवान दपान छि अख आसान, अल्लाह छु अख आसान, ग्वाड छु अख आसान, तॖ दपान ईश्वर छु कुनुय। भगवान दपान छु निराकार। ॳस्य मा छि नवि पुयि वथ डालान य्वस असि विज़ि विज़ि सवाल छि प्रॖछ़ान ज़ि गोपी नाथ जियस क्याज़ि छि भगवान गोपी नाथ वनान। मंत्र छु असली ओम् नमो भगवते वासुदेवाये, युस सानि धार्मिक ग्रन्थ भगवद् गीतायि जी मंज़ हऻविथ छु, ॳस्य क्याज़ि यि मंत्र मऺशरऻविथ फिरिथ मंत्र परान, ओम् नमो भगवते गोपीनाथाये, यि मंत्र कऺम्य बनोव तॖ क्याज़ि बनोवुन तॖ असली मंत्र किताबि मंज़ॖय सोवुन। यीत्य संत छि ॴस्यमॖत्य कऺशीरि मंज़, क्या असि छा ब्यॆयि कऻन्सि संतस भगवान सॖन्ज़ पदवी दिच़मॖच़। तऺम्यसॖन्दिस नावस सॗत्य भगवान नाव जूडमुत। म्यॆ छु नॖ बासान। अगर गोपीनाथ जी पानॖ ज़िन्दॖ आसिहे, क्याह सु वनिहे पनॖनिस पानस भगवान। ॳस्य क्याह मज़ाख छि करान पनॖन्यन साधुहन, संतन सॗत्य, ॳस्य कयाज़ि छि पनॖन्यन शुर्यन, पनॖनिस पानस गुमराह करनॖच कूशिश करान। साईं बाबा छु ओसमुत मुसलमान, यि कथ छि वाज़ेह गऻमॖच़ तॖ सु ति वनान ॳल्लाह मालिक है मगर असि वॊन नॖ तऺमिस ज़ांह भगवान साईं। ऱयशि पीर आव वुन्युखताम ऱयशि पीरॖय ज़ानॖनॖ हालांकि दपान छि तऺम्य छि गंगायि हुन्द ऱवख डोलमुत पनॖनि माजि हॖन्दि बापथ। मगर तऺमिस वॊन नॖ ज़ांह भगवान। अथ कथि प्यठ पज़ि सान्यन बख्तन ग़ोर करुन। मंत्र ज़ाप सूंचिथ समजिथ करुन। पगाह ह्यॆकि कांह ति पऺरिथ ओम् नमो भगवते क्रालॖ बबाये नम:, या कांह परि भगवते मस्त बबाये नम:। यि छि ग़लत धारणा, ग़लत शिक्षा। सनातन धर्म छु वनान अख भगवान। इस्लाम छु वनान अख ॳल्लाह तॖ पैगंबर बेशुमार, ईसाई छु वनान, वन ग्वाड ॴनली, ॳसी क्याज़ि रऻवमॖच़ काहन गाव। महामऻरी हुन्द ज़ोर छु जऻरी, मरन वाल्यन हुन्द त्येदाद छु बडान रोज़ान। दय छु नॖ असि पऻपियन हुन्द विलज़ार बोज़ान।मगर ॳस्य रटव बस माजि दीवी हुन्द दामन सॊय रटि असि पनॖनिस सायबानस तल।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

17.06.2020

17.06.2020, हारॖ (आषाढ) गटॖ पछॖ (कृष्ण पक्ष) काह (देवादेव) (एकादशी) ब्वदवार (बुधवार) श्री सप्तर्षि सम्वत 5096, राश मेष (चलान), ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

          श्रीचण्डीकवच

पन्थानं सुपथारक्षेन्मार्ग क्षेमकरी तथा।

राजद्वारे महालक्ष्मीर्विजया सर्वत: स्थिता।।

रक्षाहीनंतु यत्स्थानं वर्जितं कवचेनतु।

यत्सर्व रक्षमेदेवि जयन्ती पाप नाशिनी।।

               ********

अर्थ :- सुपथा देवी रास्ते में और क्षेमकरी देवी दुर्गम मार्ग में रक्षा करें। श्रीमहालक्ष्मी राजद्वार (कचहरी आदि) में रक्षा करें। हे देवी! जो स्थान रक्षा रहित और कवच से हीन हैं उनकी रक्षा करो; क्योंकि तुम विजयशालिनी एवं पापों का नाश करनेवाली हो।

**************************

         महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

          नुंदॖ ऱेशिन्य श्रुक्य

पानय ॴसिथ पानय बोवुन

पानय ख्वशब्वय क्रऻवॖन लछ़े

शरहुक सॊथ ब्यूठ अदॖ पछ़े

दऺर्यावॖ पतॖ यॆलि मोजा होवुन

लाल तॖ रऺत्न प्रऻविन दॊछ़े

          ********

माने:- पऻन्य पानय बोवुन सारिनी राज़ि दिल, यॆमि सॗत्य पनॖन्य ख्वशब्वय रलऻवॖन पानय लछ़ि। सु बन्योव लूकन हुन्दि बेज़ती हुन्द बऻयिस। तिमव कॊरहस लानॖ तानॖ। पतॖ यॆलि पनॖनिस दर्मस प्यठ अटल रूज़िथ दऺर्यावचि लहरॖ मंज़ अथॖ त्रऻविथ लाल तॖ रऺत्न दॊछ़ि मंज़ खऻरिथ हऻविथ दितिन लुकन, तिमन आयि पतॖ पछ़ ज़ि मंसूर कूताह थॊद छु।

**************************

पंचान्ग:- ह्यनॖ आस म्यॆ नॖ राह। ॳस्य याने म्योन वतन भारत आव वलनॖ ज़न प्रथ तरफॖ, ॳन्दॖर्य ति तॖ न्यॆबॖर्य ति। कोरोना वयरसन रॊट यि मुलुख कोहनॖ पऻठ्य पऺत्यम्यव त्रॆयव च़ोरव ऱयतव प्यठॖ तॖ वातॖनऻविन सासॖबऺद्य लूख शमशामगाठ, करोरबऺद्य लूख थऻविन त्रॊपरऻविथ पनॖन्यन पनॖन्यन गरन मंज़। प्यठॖ थाव्यनख कॆंह शर्त अख ॳकिस मेलनॖ बापथ, ॳकिस ब्यॆयिसुन्द गरॖ गछ़नॖ बापथ। कारॖबारॖ करनोवुन ठप तॖ वुनि ति छुनॖ थफ तुलान। वुनि छि ॳस्य यि महामऻरी च़ालानॖय तॖ ख़बर आयि नयपाल वाल्यव होव पनॖनिस नक्शस मंज़ सानि मुल्कुक ति ओड हिसॖ तॖ न्यूख नक्शॖ मन्ज़ूर कऺरिथ पनॖनिस संसदस मंज़। सऻन्य सरकार दपान छि अथ मामॖलस मंज़ छानबीन करान। कोताह काल लगि अथ मसलस हल छ़ान्डनस यि वनुन छु दुशवार। दॊयिमि तरफॖ आव पऻकिस्तानस ब्यॆयि वऺकिथ तॖ आव वरमुल्य किन्य खलबऺली तुलनि। सान्यव जवानव च़ऻन्य तिमन लार तॖ करनऻविन छ़्वपॖदय कॆंच़स कालस मगर त्रॆयमि दरवाज़ॖ किन्य आव ब्याख दुश्मन कलॖ कऺडिथ याने चीन। राथ दपान तिहॖन्दिस फोजस सॗत्य छि सानि फोजक्यन जवानन हाथापायी गऻमॖच़ तॖ अथ मुथबेडि मंज़ गऺयि सऻन्य कॆंह आला अफ़सर तॖ कॆंह जानबाज़ जवान शऺहीद तॖ कॆंह जवान दपान छि गऻमॖत्य लापता। म्वखसरॖ कथ छि यि ज़ि ॳस्य आयि वलनॖ च़्वापऻर्य। अथ छि वनान संजि दिवान ज़ऻल्य तॖ ह्यन्दॖव्यन्दॖ च़लान नीर्य नीर्य। ॳन्दरिम ग़म गव मऺशथॖय, न्यबरिम्यन परद्यन सॗत्य मुकाबलॖ करुन छु स्यठाह ज़रूरी। मऻज्य दुर्गा कऺरिन्य सऻन्य रक्षा ॳन्दॖर्य ति तॖ न्यॆबॖर्य ति।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

16.06.2020

16.06.2020 हारॖ (आषाढ) गटॖ पछॖ (कृष्ण पक्ष) दऺहम (देवादेव) (दशमी) बॊम्वार (मंगलवार) श्री सप्तर्षि सम्वत 5096, राश मेष (चलान) ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

            श्रीचण्डीकवच

आयू रक्षतु वाराही धर्म रक्षतु वैष्णवी।

यश: कीर्त्तिन्च लक्षमीन्च धनं विद्यांच चक्रिणी।।

गोत्र मिन्द्राणि में रक्षेत्पशून्मे रक्ष चण्डिके।

पुत्रान्न रक्षेन्महालक्ष्मीर्भार्यां रक्षतु भैरवी।।

             ************

अर्थ :- वाराही आयु की रक्षा करें, वैष्णवी धर्म की रक्षा करें और चक्रिणी यश, कीर्ति, लक्ष्मी, धन और विद्या की रक्षा करें। इन्द्राणी हमारे कुल की रक्षा करें। हे चण्डिके! हमारे पशुओं की रक्षा करें। महालक्ष्मी पुत्रों की, भैरवी देवी स्त्री की रक्षा करें।

**************************

         महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

          नुंदॖ ऱेशिन्य श्रुक्य

ॴर्यफन तॖ आशकन शूबा लऻजिन

अन्दरॖच आवाज़ न्यबर कवॖ गऺये

शरहॖकिस सॊथिस सीरा वऻजिन

अदॖ कऻठिस कॊरुख ख़बर गऺयॆ

              **********

माने :- आशकन तॖ आरिफन हॖन्ज़ ति ओस डॆकिच शूब, मगर ॳन्दरिम राज़ क्याज़ि वॊनुन लूकन निश। अमि वनॖनॖ वऻजिन शरहॖकिस सॊथिस सीर, यॆमिकिन्य कऻठिस खऻरिथ गयि लूकन ख़बर

**************************

पंचान्ग :- पीर छा बॊड किनॖ यॆकीन। यि फरॖख ज़ानान ज़ानान छि नेरान वऻन्सा तॖ सवाल छु रोज़ान जवाब छ़ांडान। पनुन पनुन तर्क ह्यथ छि पकान सऻरी।यॆमिस यि ब्रूंठ्य आव तऺमिस बास्यव ती पॊज़। राधामालि गव मन गोपी नाथ आश्रम ताम गछ़नुक तॖ मऺन्ज्यन ज़ॖ रॊपियि पनॖनिस खान्दारस। तऺम्य कऺर बोज़नहऻना तॖ दॊपनस न म्यॆ छॆ नॖ ज़ॖ रॊपियि वुन्यक्यनस। राधामालि  कॊर नॖ ज़्यादॖ बऺहस रॗनिस सॗत्य तॖ द्रायि आश्रम कुन। दपान आश्रम वऻतिथ यॆलि यि बीठ स्वामी गोपी नाथ जियस निश, कीर्तन वीर्तन कऺरिथ, स्वामी जियन वोन राधामालि ज़ि म्यॆ दितॖ अति पनॖनि चन्दॖ मंज़ॖ ज़ॖ रॊपियि। राधामाल ज़न रऺटॖख च़ूरि प्यठ तॖ व्वशलेयि। दॊपनस म्यॆ छम नॖ ज़ॖ रॊपियि वुन्यक्यनस। यि वुछिथ यिम ब्यॆयि बखॖत बिहिथ ॴस्य अति, तिमव कऺर कूशिश पनॖनि चन्दॖ स्वामी जियस ज़ॖ रॊपियि दिनॖच मगर स्वामी जीयन कॊरनख रटनॖ निशि इन्कार तॖ दोपॖन तिमन ज़ि म्यॆ छि राधामालि हॖन्दी अथॖ ज़ॖ रॊपियि रटनि। हऻरान गऺयि सऻरी यि बूज़िथ ज़ि ॴखॖर क्याह वजह छु ज़ि स्वामी गोपी नाथ जियन रचि नॖ कऻन्सी हॖन्दि अथॖ ज़ॖ रॊपियि तॖ सिरिफ मंज्यन राधामालि योतॖय। राधामाल गऺयि छितॖ तॖ वऻच़ गरॖ पनुन मनस मंज़ यि खजालथ ह्यथ। गरि वऺनिन्य यि कथ पनॖनिस खान्दारस तॖ दपान तऺम्य च़्यून यकदम पनॖनि नकारुक नऺतीजि तॖ बन्यव अमि द्वह प्यठॖ स्वामी गोपी नाथ जियुन मुरीद तऺम्यसुन्द यि चमत्कार बूज़िथ। दॊयिमि द्वह दपान गव यि राधा कृष्ण स्वामी जियस निश आश्रम तॖ मन्जनस मऻफी पनॖनि आश्यनि कालॖ ज़ॖ रॊपियि न दिनॖ बापथ। यथ कथि मंज़ छि नाव फर्ज़ी मगर हऻदिसॖ छु पॊज़ युस म्यॆ ताम वातॖनोव चन्डीगडॖ प्यठॖ ज्ञानेन्द्र कौल जियन पनॖनि ज़्यॆवि दऺस्य। यि छि तमि वखतॖच कथ यॆलि स्वामी गोपी नाथ जी ॴस्य हालय हयात तॖ ॴस्य खरॖयारॖ, श्रीनगर, कऺशीरि  मंज़ रोज़ान। तऺमिस ॴस शक्ति ज़ि सु ओस बख्तन हॖन्ज़ मनॖच कथ ह्यकान ज़ऻनिथ। कऺशीरि मंज़, म्यॆ छि याद प्यवान ब्यॆयि ति कॆंह चमत्कार यिम सान्यव संतव हॖन्दि दऺस्य करनॖ छि आमॖत्य विज़ि विज़ि तॖ छख पनॖन्य ॶध्यात्मॖच छाप त्रऻवमॖच़। बस पानस मंज़ गछ़ि यछ़ तॖ पछ़ रोज़ॖन्य। यिमन क्वदर्यतक्य खॖदमतगारन छॆ नॖ ज़ऻच़ हॖन्ज़ बंदिश ज़ांह ति रूज़मॖच़। बख्तन ति छॆ नॖ ज़ऻच़ हॖन्ज़ फरॖख बासान यॆलि तिम पनुन सद् ग्वर छ़ान्डनि छि नेरान। बस मनुक बाव गछ़ि श्वद आसुन द्वश्यवऺन्य तरफव। ग्वरॖ सॖन्दि तरफॖ ति तॖ बख्तॖ सॖन्दि तरफॖ ति। ग्वर या बखॖत ह्यॊन्द छु या मुसलमान, सिख छु या ईसऻई अम्युक ख़याल छु नॖ थवुन आसान ज़ॆहनस मंज़। ज़नान छा या मर्द, ल्वकुट छा या बॊड। यि फरॖख छि प्यवान मऺशरावॖन्य ग्वरस तॖ शिष्य सॖन्दिस पाक तॖ पवित्र रिशतस मंज़। बस मामलॖ छु यछ़ तॖ पछ़ आसॖन्य। महामऻरी ति छि पकान ॳस्य ति बर्दाश्त कऺरिथ गऺर गऺर कडान मगर तनाव छु, खोच़ुन छु, परेशऻनी छि तॖ ह्यमथ ति छि, पूज़ा पाठ ति छु। कशमॖकश छि जऻरी। कर च़लि यि महामऻरी अथॖ दऻर्य दऻर्य छि मंगान भगवानस सऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

14.06.2020

14.06.5096, हारॖ (आषाढ) गटॖ पछॖ (कृष्ण पक्ष) नवम (नवमी) आथवार (रविवार/एतवार)श्री सप्तर्षि सम्वत 5096, राश मीन (चलान), ऋतु ग्रीष्म (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

          श्रीचण्डीकवच

पद्मावती पद्मकोषे कफे चूडा मणिस्तथा।

ज्वालामुखी नखज्वालामभेद्या सर्वसन्धिषु ।।

शुक्रं ब्रह्माणि में रक्षेच्छायां क्षत्रेश्वरी तथा।

अहंकारं मनोबुद्धि रक्षेन्मे धर्म धारिणी।।

          **************

अर्थ :-  पद्मावती पद्मकोश (मूलाधार आदि चक्रों में रहता है) की और चूडामनि कफ की रक्षा करें, ज्वालामुखी नखों की किरणों  और अभेद्या सभी सन्धियों की रक्षा करें। ब्रह्माणी मेरे वीर्य की और छत्रेश्वरी छाया की रक्षा करें और धर्मधारिणी हमारे अहंकार, मन और बुद्धि की रक्षा करें

**************************

     महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

            नुंदॖ ऱेशिन्य श्रुक्य

आयि ति बवनय गछ़व ति बवनय

बवनस ख्वतॖ नॖ बवनय ख़ास

यॊद वनि आसन व्यनदख कवॖनय

ख्यनॖ ख्वतॖ छुय आपरुनुय ख़ास।।

         *************

माने :- आयि ति दयस निश छ़्यनॖ गऺछ़िथ, गछ़ुन ती छु ब्यॆयि मऺरिथ तऺस्य निश। तसॖन्दिस दामस बराबर छुनॖ ब्याख कांह ति दाम। यॊद हे इन्सानॖ, च़्यॆ अमिच ज़ान आसिय, तॆलि क्याज़ि व्यच़ारख नॖ  ज़ि पनॖन्य यड बरनॖ ख्वतॖ छुय ब्यॆयिस आपरुनुय जान

**************************

पंचान्ग:- कऺशीरि मंज़ क्याह छु नॖ। अख समंदर त्रऻविथ म्यॆ बासान दुनिहीक्य सऻरी रंग छि नज़र यिवान अथ जायि। निशात बाग़, शालमऻर बाग़, हऻर्वन, चॆश्मऻशऻही, परी महल, नहरू पार्क आसनॖ सॗत्य बडेयि कऺशीरि हॖन्ज़ रोनक ब्यॆयिहऻन। गुलमर्ग, सॊनॖमर्ग, पहलगाम, डकसुम छि क्वदर्यतन ग्वडय खूबसूरत तोफॖ सूज़मॖत्य अथ जायि। जीलि डल, व्वलर, मानसबल आसनॖ सॗत्य छु कऺशीरि मंज़ बॆहनस दिल करान। आबशारन हुन्द नज़ारॖ वुछिथ छु नॖ इन्सानस कऺशीरि न्यबर नेरनस मन हर्गिज़ करान। ॳहरबलुक आबशार वुछिथ छुस बॖ यि कथ वऻयिथ वनान। तीर्थन हॖऩ्ज़ कथ कऺर, साधु संतव हॖन्ज़ कथ कऺर, दऻछ्य गाम, ज़बरवन, ॴश्यमुकाम, क्वकरनाग, अछॖबल जायि यॆम नॖ वुछ कऺशीरि मंज़ तऺम्य मऻन्यतव वुछ नॖ किहीं। वेरनाग युस व्यतस्तायि हुन्द आगुर छु आसुन छु कऺशीरि पानि रंग्य मालामाल  कऺरिथ। मनॖच शऻन्ती ॴस कऺशीरि मंज़ वखतॖ अकि। मगर आव नॖ ख्वश कॆंच़न दहशतगर्दन, कॆंच़न आतंकवाद्यन, कॆंच़न बद-द्यमाग तनज़ीमन, कॆंच़न कऻत्यलन, कॆंच़न मारॖवातलन तॖ कॊरुख कऺशीरि हवा ज़हरीलॖ। नफरतुक ब्यॊल वॊवुख तथ सर ज़मीनस प्यठ य्वस ज़मीन नॖ तिहॖन्ज़ ॴसॖय ज़ांह। लडायिगऺर्य बऺनिथ आयि, खौफज़द कऺरिख तमिसातॖ कऺशीरि हॖन्द्य कऻशिर्य बट्टॖ, धर्म-परिवर्तन करनऻविख ज़ोर ज़बर्दऺस्ती तॖ पनुन सिक्कॖ जमोवुख तथ सतीसरस मंज़, तथ ऋश्यवारि मंज़ तॖ वारॖ वारॖ पनुन ख्वर ठीकॖरऻविथ च़ऻनिख च़लॖ लार ततिक्यन असली बसकीनन यिमव बिचार्यव मुकाबलॖ ह्यॊक नॖ कऺरिथ यिमन पुज्यन सॗत्य। सोरुय ज़मीन जायदाद त्रऻविथ आयि नीरिथ तॖ लऺग्य दक्कन डुलन तॖ बालन तॖ बछ्यन कऺशीरि न्यबर। मगर वुनि ति छि नॖ तिम नाफलख होशि यिवान, तोति ज़िख ज़िख दिवान तॖ सानि समाज्यक्यन कॆंच़न शखसन च़ऻर्य च़ऻर्य पनॖन्यन गोल्यन हुन्द निशानॖ बनावान युस ति तथ कश्यपमऻरस मंज़ तिमन नज़रि  गछ़ान छु। अजय पंडिता भारती जियिन निर्मम हत्या राथ ऊतरय छि अख ज़िन्दॖ मिसाल। क्वदर्यथ गऻलिन यिमन नफ़रन हुन्द ब्यॊल यिमव सोन शान्त वातावर्ण कऺशीरि मंज़ॖ डोल। महामऻरी मत्येयि अकि तरफॖ, नयपालस ति आयि ह्यन्ग तॖ गव ख्यथ सानि वतनुक अख अंग। चीन छु ब्रऻर्यसॖन्द्य पऻठ्य ज़ागान ब्यॆयि तरफॖ तॖ पकान क़दमा क़दमा अन्दर कुन। पऻकिस्तान छु गगरॖ सॖन्द्य पऻठ्य अमनुक ज़ाल च़टनस मंज़ पनॖन्य कऻम करान् असि थऻव्यख यिम सारेय ब्यमारि प्यतरावनॖ बापथ।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

13.06.2020

13.06.2020 हारॖ (आषाढ) गटॖ पछॖ (कृष्ण पक्ष) ॴठम (अष्टमी) बटॖवार (शनिवार/शनिश्चरवार) श्री सप्तर्षि सम्वत 5096, राश मीन (दुहचि 2.45 बजि प्यठॖ) ऋतु ग्रीष्म (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

          श्रीचण्डीकवच

नखान्दंष्ट्रा कराली च केशांश्चैवोर्ध्वं केशिनी।

रोम कूपेषु कौमारी त्वचं वागीश्वरी तथा।।

रक्त मज्जाव सामांसा न्यस्थि मेदांसि पार्वती।

अन्त्राणि कालरात्रि शच पित्तंच मुकुटेश्वरी।।

              ************

अर्थ:-  दंन्ष्ट्रां कराली नखों की और ऊर्ध्वकेशिनी केशों की, कौमारी रोम के छिद्रों की और वागीश्वरी देवी त्वचा (चर्मभाग) की रक्षा करें। श्री पार्वती देवी रक्त, मज्जा, वसा, मांस, हड्डी और मेद की रक्षा करें, कालरात्रि अंतडियों की और मुकुटेश्वरी पित्त की रक्षा करें।

**************************

       महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           नुंदॖ ऱेशिन्य श्रुक्य

दुन्याकिस तऺतिस मऺतिस बाज़ारस

डीशिथ आहारास कऺरॖम गथ

शॆतऻन्य लऺश लऻजिम पॆज़ि बारस

म्यॆ रऻव तारस च़ूरस वथ

नहकॖ ब्रम बॊरुम यथ बाज़ारस

ज़्यथ सम्सारस गऺयम लथ

           ***********

माने:-  वॆशय रूप बाज़रस मंज़ यिथ (सम्सार) कॊरुम सिरिफ ख्यनस कुन। यछ़ायि पूर्ती रूप शेतानन द्युतुम पॆज़ि नार, यॆमि सॗत्य म्यॆ दयि वथ मेनॖन्य मऺशरॖम। ज़्यथ यॆमि सम्सऻर्य बॊरुम ॳथ्य लोल, म्यानि ज़ंगॖ ति फसेयि ॳथ्य दलदलस मंज़, यॆमिकिन्य च़्यूनुम म्यॆ च़ूरस रऻव तारच असली वथ

**************************

पंचान्ग:- कऺशीरि मंज़ छि रूद्यमॖत्य तीर्थस्थल ति कऻफी यिमन मंज़ अमरनाथ यात्रा छि अख मशहूर तीर्थस्थल मानॖनॖ यिवान। अमि अलाव छि हरम्वखबल यात्रा तॖ शारदा माता यात्रा या दशार यात्रा। हालांकि शारदा मंदर छु अज़कल पऻकिस्तानस मंज़। सानि समाजिक केंह बऻय छि प्रयास करान ज़ि ॳस्य गऺछ़्य वातॖन्य तथ मंदरस ताम। पऻकिस्तान सरकारस सॗत्य छि तारॖकानॖज चलान अथ मुतलक। रविन्द्र पंडिता जी छु बराबर अथ कामि सॗत्य लऺगिथ तॖ तऺमिस छु पूरॖ विश्वास ज़ि जल्दॖय मेलि तऺमिस सफलता तॖ ॳस्य ह्यकव यि यात्रा मुक्कमल कऺरिथ। शऻद्यपोरॖ कऺशीरि मंज़ ओस द्वन दऺरियावन यानि दऺर्यायि सिन्द्ध तॖ व्यतस्ता नदी हुन्द म्युल गछ़ान यथ नाव छु प्यॊमुत संगम। अथ जायि छि अख बून्य ति यथ नाव छु प्रयाग बून्य। कऻशिर बट्टॖ ॴस्य गछ़ान अथ जायि अस्थी विसर्जित करनॖ बापथ ति। अथ जायि ओस अख ल्वकुट मंदर ति। दय ज़ानि तमिच हालथ क्याह छि अज़कल। हऺरीश्वर, सरीश्वर या द्यऻन्यश्वर ति छि रूद्यमॖत्य मशहूर तीर्थस्थल कऺशीरि मंज़। अमि अलावॖ ॴस गछ़ान गुदर। दपान गुदरॖ ओस लगान हर त्रुवाहि वॖहिर्य पतॖ मेलॖ योत कऻशिर बट्टॖ ॴस्य वातान दर्शन करनि। गंगॖ जटन ति छु रूदमुत अख तीर्थस्थल। महादेव यात्रा ति ॴस यिवान करनॖ कऺशीरि मंज़। अमरनाथ यात्रा ॴस आसान अद्धभुत यात्रा वखतॖ अकि। बाबा जियन हॖन्ज़ छॆड्य ॴस नेरान कऺशीरि मंज़ दशनामी अखाडा, अम्राकऺदलॖ प्यठॖ यिमन वुछिनि ॴस्य लूकन हॖन्ज़ लऻन लगान तॖ हर हर महादेव नारॖ सॗत्य ओस वातावर्ण ग्रज़ान। सऻरी साधु ॴस्य समान ॳकिस जायि तॖ अति प्यठॖ ॴस्य नेरान पैदल अमरनाथ यात्रा करनि। म्वकल्यव सु वखॖत। छॆड्य छि नेरान अज़कल ति मगर आतंकवादन बदलोव सोरुय सु नज़ारॖ तॖ सु वलॖवलॖ। तोर तरीकॖ अमि यात्रायि हुन्दुय बदल्यव। व्वंय छि कॆंच़न शर्तन प्यठ यिवान यि यात्रा करनॖ। ज़ॖ वतॖ छि यि यात्रा करनॖ बापथ। अख छि पऺहलगामॖ किन्य तॖ ब्याख छि बालतलॖ किन्य। यि कथ छि जऻरी। प्रारान छि सऻरी ज़ि कर च़लि यि महामऻरी। मऻज्य दीवी करि पनॖन्य यऻरी। सान्यन बंद दरवाज़न मुच़ॖरावि तऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

12.06.2020

12.06.2020 हारॖ (आषाढ) गटॖ पछॖ (कृष्ण पक्ष) सतम (सप्तमी) शॊकुरवार (शुक्रवार/जुम्मा) श्री सप्तर्षि सम्वत 5096, राश कुम्भ (चलान) ऋतु ग्रीष्म (चलान) द्रठॖपऻन्च़ुक (पंच) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

           श्रीचण्डीकवच

कट्यां भगवती रक्षेज्जानुनी विन्ध्यवासिनी।

जंघे महाबला रक्षेत्सर्व काम प्रदायनी।।

गुल्फयो नारसिंही च पाद पृष्ठे तु तैजसी।

पदांगुलीषु श्री रक्षेत् पादाध: स्थलवासिनी।

            ************

अर्थ :- भगवती कमर की, और विंध्यवासिनी दोनों घुटनों की रक्षा करें। सभी कानों को देनेवाली महाबला दोनों जांघों की रक्षा करें। नारसिंही एडियों की और तैजसी पांवों के पीठ की, श्रीदेवी पैरों की अंगुलियों की और स्थल वासिनी पैरों के नीचे अर्थात तलओं की रक्षा करें

**************************

        महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

          नुंदॖ ऱेशिन्य श्रुक्य

हाय हांग नार ज़न वुज़न

गुबंद वज़न दुन्य दुन्य कथ

स्व ज़न इशारॖ तय बोज़न

क्वज़न बोज़न नॖ दमामॖ गथ

         **********

माने :- शेंख छु अकिय फ्वकॖ ग्रज़न, गुबंद छु कथि हॖन्दि आवाज़ि सॗत्य वज़न। स्वज़न छि सॊरुय इशारव तुलिथ निवान। क्वज़नन ब्रोंहकनि नऺच़िथ ति छुनॖ तिमन फिकिरी तरान।

**************************

पंचान्ग :-  कॆंह द्वह ब्रोंठ वॊन म्यॆ ज़ि कऺशीरि मंज़ कम कम संत तॖ महात्मा ॴस्य रोज़ान यिहॖन्ज़ि छऺत्रॖ छायायि तल वऻच़ असि पनॖन्य वुम्बॖर कडान। यिथय पऻठ्य छि सानि माजि कऺशीरि मंज़ नाग तॖ मन्दर बिसियार तॖ बेशुमार ॴस्यमॖत्य तॖ वुनि ति छि नज़र यिवान। प्यॆठ्य प्यॆठ्य यॊदवय वुछव तॖ कॆंच़न मन्दरन हॖन्द्य नाव छि अमरनाथ, हरिश्वर, सऺर्यश्वर, ध्यऻन्यश्वर, गंगबल, शेंक्राचार, गणपतयार,  क्षीर भवऻनी, ज्वाला दीवी, सोमयार, रघुनाथ मन्दिर, रामॖ-च़न्द्रुन, हनुमान मन्दर बेतरी। अमि अलावॖ ति छि तति वारियाह शुमार रॊस ल्वकॖट्य बऺड्य मन्दर बऺनिथ। दपान व्यतस्तायि बऺठि बठि छि शुराह मन्दर आमॖत्य बनावनॖ तॖ नाव ओस आमुत दिनॖ शुराह-यार।प्रथ महलस मंज़, प्रथ वुडरि प्यठ, पहाड़स प्यठ, ग्वफायन मंज़ छि आमॖत्य कऺशीरि मंज़ मन्दरॖय मन्दर बनावनॖ प्वतकालॖ प्यठॖ। यिथय पऻठ्य छि तथ कऺशीरि मंज़ नागन हॖन्ज़ ति बरमार यिम धार्मिक जायन सॗत्य वाबसतॖ थऺविथ छि। नागबल, नागडन्डी, व्यच़ारनाग, वगैरा वगैरा। हालांकि इतिहास छु गवाह ज़ि मुसलमान ह्वकुमरानव छि लुहरऻव्यमॖत्य कॆंह धर्मस्थल विज़ि विज़ि 1300 सदी प्यठॖ वुन्युखताम। कऺशीरि ॴस्य वनान ऋश्यवऻर, कश्यपमऻर, सतीसर वगैरा वगैरा। मन्दरन तॖ नागन हॖन्ज़ कथ छि जऻरी। असि  छु फ़र्ज़ पनॖन्यन शुर्यन ताम यि ज़ऻन्यकऻरी दीन्य ज़ि सऻन्य सभ्यता तॖ तहज़ीब कऻच़ाह जान तॖ पायदार छि रूज़मॖच़ तॖ कऻच़ाह प्रऻन्य छि कऻशिर्य बटन सॗत्य सॗत्य पऺचमॖच़। महामऻरी हुन्द नाजऻयिज़ फऻयदॖ छि दपान तुलान छि अज़कल अस्पताल वऻल्य ज़यादॖ पौसॖ हॆय हॆय, ट्यस्ट करनवऻल्य ग़लथ मलथ ट्यस्ट कऺरिथ गुमराह तॖ परेशान करान अकिस आम ब्यमारस, ॳकिस स्यॆदिस सादस इन्सानस। दय दीनख सद्बुद्धि तॖ रॖच़ वथ हऻविन्य हाजतमंदन तॖ ज़रूरतमंदन। रोज़वॖन्य छॆ नॖ यि महामऻरी मगर दपान दाग़ छु रोज़ान द्राग छु नॖ रोज़ान। मन्दरन आयि बर मुच़रावनॖ मगर बखॖत छु वुनि खूच़्य खूच़ी भगवान सुन्द दर्शुन करान। दपान वनॖनॖ छु आमुत ज़ि भगवान सॖन्ज़न मूर्तियन छु नॖ अथॖ लागुन। दूरि दूरी प्रणाम करुन तॖ दूरि दूरी मंगुन यि कॆंछ़ा मंगुन आसि। तिथ पऻठ्य मंगुन युथ तऺमिस बासि ज़ि बखॖत ओस आमुत। वारॖ वारॖ गछ़ि यि खोच़ुन ति दूर। ज़ानि दय तस क्याह छु मन्ज़ूर।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

11.06.2020

11.06.2020 हारॖ (आषाढ) गटॖ पछॖ (कृष्ण पक्ष) शॆयम (षष्ठी) ब्रसवार (वीरवार/बृहस्पतिवार/गुरुवार) श्री सप्तर्षि सम्वत 5096, राश कुम्भ (चलान) ऋतु ग्रीष्म (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

          श्रीचण्डीकवच

स्तनौ रक्षेन्महादेवी मन: शोक़ विनाशिनी।

हृदये ललितादेवी उदरेशूल धारिणी।।

नाभौच कामनी रक्षेद् गुह्यं गुह्येश्वरी तथा।

पूतना कामिका मेढ्र गुदे महिषवाहिनी।।

        *************

अर्थ :- मानसिक सभी शोकों का नाश करनेवाली महादेवी स्तनों की रक्षा करें, ललितादेवी हृदय की, शूलधारिणी पेट की रक्षा करें।

कामिनी ढोढी की और मह्येश्वरी गुप्त-स्थान की रक्षा करें, पूतना कामिका मेढ्र की अर्थात नाभि से नीचे का और लिंग से ऊपर के स्थान की, महिषवाहिनी गुदा की रक्षा करें

**************************

        महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

         नुंदॖ ऱेशिन्य श्रुक्य

नफसी कॊरुस ॳटी ॳटी

नफसी कॊरुस पशेमान

नफसी छुय मदहॊस हऻन्कल च़टी

नफ़स यॆम्य रॊट वोत लामकान

            **********

माने :- नफसन कॊरुस ॳट्य ॳट्य तॖ पशेमान। यि छु मदहॊस युस हऻन्कल च़ऺटिथ खॆयि सोरुय खल। यॆम्य इन्सानन नफ़स हदॖ रॊट, सु प्रावि तसुन्द दाम

**************************

पऺचान्ग :- अज़ ताम वोत म्यॆ कऻशिर्य बटन हॖन्ज़ि ज़्यॆवि यी बोज़ान ज़ि सु कुस द्वह आसि यॆमि द्वह ॳस्य वातव वापस कऺशीरि तॖ कडव पनॖन्य बचेमॖत्य द्वह तऺत्य माजि कऺशीरि हॖन्ज़ि खॊनि मंज़। त्युहुन्द अख अरमान छु यि ज़ि तिहुन्द दाह संस्कार गॊछ़ यिनॖ करनॖ माजि कऺशीरी मंज़ॖय ति क्याज़ि सॊय छि कऻशिर्य बटॖसॖन्ज़ असली सर ज़मीन, तऺम्यसॖन्ज़ पुशतऻनी ज़मीन। यि वोत म्यॆ पनॖनि समाजक्यन बायन ब्यॆन्यन हॖन्ज़ि ज़्यॆवि बोज़ान। हकीकत ति छि ती। मगर हालात छि नॖ ख्वशगुवार तॖ असि कऻशिर्य बटन छुनॖ वापस गछ़नुक कांह व्यसतार। मगर हऻरऻनी गऺयि म्यॆ यि वुछिथ ज़ि सानि समाजुक अख नवजवान युस आतंकवाद्यन हॖन्ज़न गोल्यन हुन्द शिकार सपुद तति कऺशीरि मंज़ॖय तॖ तऺम्य त्रऻव्य पनॖन्य प्राण पनॖनिस सर-ज़ऺमीनस प्यठॖय, तऺमिस क्याज़ि आव नॖ दह संस्कार तऺत्य कऺशीरि मंज़ॖय करनॖ। तऺम्यसुन्द शव दपान आव ज्यॊम अनॖनॖ तॖ ज्यॆमि शक्तीनगरॖ शुमशानगाटॖ आव तमिस दह संस्कार करनॖ। क्याह कारण छु ज़ि कऺशीर त्रऻविथ आव अजय जियस ज्यॆमिस मंज़ अंतिम संस्कार करनॖ। मरनॖ पतॖ क्याज़ि आव नॖ अमिस कऺशीरि हुन्द शुमशानगाट हावनॖ, म्यॆ तॊर नॖ फिकिरि अम्युक रहस्य।  हालांकि सऻर्यसॖय वतनस मंज़ आयि अजय जियस ॳश्यधारि सॗत्य बटन हॖन्द्य दऺस्य श्रद्धांजलि दिनॖ, विरोध प्रदर्शन ति आव करनॖ ब्यॊन ब्यॊन जायन प्यठॖ, ब्यॊन ब्यॊन तऺरीकव। ख़राजे ॳकीदत आव पेश करनॖ। मगर अमि सवालुक जवाब रोज़ बॖ छ़ान्डान ज़ि कऺशीर त्रऻविथ क्याज़ि आव अजय जियस ज्यॆमिस मंज़ दह संस्कार करनॖ यॆलि तऺमिस गरॖ ओस कऺशीरि मंज़ तॖ तऺम्य द्युत अमानथ कऺशीरि मंज़ॖय। महामऻरी छि अकि अंदॖ च़लान तॖ दॊयिमि अंदॖ वलनॖ यिवान। गीर गऺयि लूख। मगर मजबूर छि, बेबस छि, बेवऺसीलॖ छि। दय सुन्द नाव छु याद करुन

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)