27.01.2020

27.01.2020, माघ (माघ) ज़ूनॖ पछॖ (शुक्ल पक्ष) त्रय (देवादेव) (तृतीय) च़ऺन्दॖरवार (सोमवार) श्री सप्तर्षी सम्वत 5095, राश कुम्भ (चलान) ऋतु शिशर (चलान) द्रठपऻन्च़ुक (पंचक) (चलान)
चूंकि त्रय छि ज़ॖ गछ़ान, ॳज़्युक वॊहरवोद यी पगाह। पगहॗय छि गोरॖ त्रय (गुरु तृतीया) ति।
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
       नित्य नियम विधि 
गंगा, प्रयाग, गयनै मिष पुष्करादि-तीर्थानि , यानि भुवि सन्ति हरि-प्रसादात् आयान्तु तानि  करमद्मपुटे मदीये, प्रक्षालयन्तु वदनस्य निशाकलंकम्। तीर्थे स्नेयं तीर्थमेव समानानां भवति मा न: शंस्यो अरुरुषो धूर्ति प्राणडं मर्त्येस्य रक्षाणो ब्रह्मणस्पते।
(मुंह धोते हुए पढें)
**************************
            लल वाक्
कऻली सथ क्वलॖ गछ़न पातऻली
अकऻल्य ज़लॖ मलॖ वर्शन प्यन
मामस टऻक्य तय मस की प्याली
ब्रह्मन तॖ च़ऻली यिकॖवटॖ ख्यन।
           *********
अर्थात:- भविष्य वाणी करते हुए ललेश्वरी कहती है कि एक समय ऐसा आयेगा कि सातों उपहार पाताल लोक में चले जाएंगे।
असमय मैली वर्षा होगी जिससे कोई लाभ नहीं होगा अत: हानी होगी। ब्रह्मण तथा चंडाल मिल बैठकर मांस तथा मदिरा का सेवन करेंगे।
**************************
       नुंदॖ ऱेशिन्य श्रुक्य     
पानय पानस पाफ न्यवारे
युस नुंदॖ संज़ुन दॊप ह्यॆये
दॖयि वऺसिथ छुय अपोर तरुन
अख कारन तॖ ब्यॆयि क्रॆये
        ***********
माने:- युस नुंदॖ रॆश्य सऻबॖन्यनन श्रुक्यन ज़ानि सु ह्यॆकि पऻन्य पानय पनॖन पाफ न्यवऻरिथ। कारन तॖ क्रॆय छु व्यवॖहारुक हीतू। दयस(कारन) सॗत्य ध्यानस मंज़ रूज़िथ रॖत्यव कर्मव ह्यॆकि दॖय दूर सपदिथ। यॆमिकिन सारिनॖय मंज़ कुन दय डींशिथ तरि ज़ीव अपोर।
**************************
पंचान्ग:- यनॖ इन्सान बारसस आव तनॖ प्यठॖ वोत ॳमिस अज़ ताम कॆंंह न तॖ कॆंह करान। पनॖनि ज़िन्दॖ रोज़नॖक्य पैयमानॖ छ़ान्डान। कुनि नतॖ कुनि बहानॖ कॆंह नतॖ कॆंह बनावान, नाहवनावान, तॖ कुनि नतॖ कुनि मंज़ॖ कॆंह नतॖ कॆंह प्रावान या रावरावान। ॳथ्य दवनस मंज़ लॊब ॳम्य इन्सानन क्वस ताम स्व शक्ति यॆमि सॗत्य ॳम्य च़्यून ज़ि यि कायनात छि कमि ताम ज़ोरॖ चलान। मगर थऺकिथ हऻरिथ वोत वातान ॳमिस इन्सानस अंद तॖ गोस शाह बंद तॖ अमि पतॖ क्याह सपुद तऺम्यसॖन्दिस करिमॖच़न काम्यन तऺमिस छॆ नॖ ख़बरॖय। मगर परम्परा रूज़ चलान। नॊव गव नवान तॖ प्रोन गव प्रानान। प्रोन यि गव सु गव मगर नऺविस मंज़ॖ गव हमेशॖ क्याहताम नॊवुय न्येरान। यि गर्दिश रूज़ चलान प्रथ शयि मंज़, इन्सानस मंज़, जानावारन मंज़, जानवरन मंज़, कुल्यन कट्यन मंज़, क्यम्यन क्रॗलन मंज़ यि दऺप्यज़ि ति यथ पृथ्यवी प्यठ यि ति कॆंह आव नज़रि तथ वोत अंद सुलि या च़ीर्य। इन्सान सॖन्दि मनॖ मंज़ यि कॆंछ़ा यछ़ा द्रायि, तथ आव दिनॖ सकारात्मुक रूप। मंदर बन्येयि, मंदोरि बन्येयि, समन्दरस तल पातालन ताम वोत यि इन्सान क्याहताम छ़ान्डान, आकाशस मंज़ वऺन्य दिवान, सिरियि च़न्दर्मस ॳन्द्य ॳन्द्य गतॖ ग्यूर करान मगर यिम कामि कऺरिथ ति रूद यि इन्सान बेख़बर यि वुछिथ ज़ि क्वस शक्ति छि स्व य्वस यिमन ज़ीवन मंज़ॖ ज़ुव कडान छि तॖ ॳमिस ज़ीवस छॆ नॖ तमि गरि हॖन्ज़ ब्वयी रोज़ान यथ गरि ॳमिस ज़ुव छु ॴखरस न्यॆरान। हऻरान छु यि इन्सान वुन्युखताम यि दय सॖन्ज़ दय गथ वुछिथ यथ मंज़ क्याहताम राज़ छु त्युथ बऺरिथ युस नॖ फिकिरि तॊर तॊत ताम यॊत ताम ज़ीव गव मऺरिथ। सोंचान छु यि ज़ीव ज़ि मऺरिथ सु गव कॊत तॖ कथ चीज़स क्याह ओस तस करुन मगर गव क्याह कऺरिथ। सोंचान छु यि कायनात कथ प्यठ छि दऺरिथ
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

26.01.2020

26.01.2020, माघ (माघ) ज़ूनॖ पछॖ (शुक्ल पक्ष) द्वय (द्विती) आथवार (रविवार/ऐतवार) श्री सप्तर्षी सम्वत 5095, राश कुम्भ(शामन 5.38 बजि प्यठॖ), ऋतु शिशर(चलान)...ॳज़्यकि प्यठॖ छु द्रठख पऻन्च़ुक (पंचक) ति शुरु।
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
          नित्य नियम विधि
ऊं गायत्र्यै: नम: ओम् भूर्भुव: स्व: तत्सवितुर् वरेण्यं भर्गो देवस्य धीमहि धियो यो न: प्रचोदयात्।
(मुंह धोकर यज्ञोपवीत धोते हुए तीन बार पढें)
गायत्री मंत्र में 24 अक्षर हैं।इन्हें मिलाकर पढने से ही इनका शब्दार्थ और भावार्थ समझ में आता है।
**************************
            लल वाक्     
कायस बल छुय मायस ज़ागुन
प्रानस बल छुय शब्दॖ सोरूफ
आयस बल छुय तत्व व्यद्ध ज़ानुन
ज्ञानस बल छुय आदि अन्त तान्य
         *************
अर्थात:- काया का बल तरलता है। प्राणों का बल शब्द स्वरूप है।
आयु का बल तत्व विज्ञान को जानने से है। यह सभी बल अस्थायी हैं परन्तु ज्ञान का बल स्थायी है।
**************************
           नुंदॖ ऱेशिन्य श्रुक्य       
बुगि च़्यॆति कल गऺयी म्यऻनी
गोसय बॖ गऺल्य गऺल्य च़ऺमिथ कथ
अवॖ व्वंय बॖति कल त्रावनॖ च्यऻनी
याम हऻन्कल गछ़्यम च़मिथ कथ।
            *************
माने:- संशय सॗत्य गनेय म्यऻनिस मनस म्यऻन्य कल। यने तस गव अहंबाव, मगर हीनॖ बाव यिथ फ्यूरुस बॖ दयस कुन। दय गन्डस तल रूज़िथ गनेयम तसॖन्ज़ कल तॖ कॊरुम तहिया तिहुन्द दामनॖ रटनुक।
**************************
पंचान्ग:- बॖ यॆलि यॆलि पनुन पॊतकाल छुस याद करान हऻरान छुस बॖ गछ़ान फरॖख वुछिथ कति कोर तथ समयस तॖ यथ समयस।कऺशीरि मंज़ ॴस्य आसान प्राइवेट स्कूल स्यठाह कम तॖ सरकऻर्य स्कूल यसलॖ। अज़कल छु बिल्कुल फिरिथ यानि क़दमस क़दमस प्यठ छि प्राइवेट स्कूल तॖ सरकऻर्य स्कूल छि अज़कल बासान ग़रीब खानॖ ह्यि। आम इन्सान छु नॖ पनॖनिस शुरिस सरकऻर्य स्कूलस कुन वथ हावान। तऺमिस छि बासान पनॖनिस यज़तस ख़लल हिश यॊदवय सु पनॖनिस शुरिस सरकऻर्य स्कूलस मंज़ परनावि। द्वदॖ शुर्य ति छि त्रावान प्राइवेट नर्सरी स्कूलन मंज़। सान्यव ज़िठ्यव ति छु पॊरमुत तॖ सुति सरकऻर्य स्कूलन मंज़ॖय। गुर्बतकिस तनावस मंज़ तॖ पनॖनि मेहनऺच़ सॗत्य छु सान्यव तिमव ज़िठ्यव विज़ि विज़ि नाव ति कमोवमुत।अल्बतॖ सानि कोरि आसॖ तथ वखतस मंज़ कमॖय पहान परान। तिम आसॖ गरॖ सम्बालान, शुर्यन पालान पोसान संस्कऻरी बनावान। मगर यनॖ प्यठॖ कोरि द्रायि पऺरिथ लीखित कमावनि बासान ज़न अख इन्कलाब आव। यि छि अख स्यठाह जान कथ ज़ि सान्यन कोर्यन म्यूल मोकॖ पनॖन्य कला हावनुक। होवुख ज़ि तिम ह्यकन सारेय तिम कामि कऺरिथ यिम मर्द लूख सऺदियव प्यठॖ करान आयि।मगर तिहॖन्दि न्यबर व्येरनॖ सॗत्य प्यव कॆंह बुरॖ असर ति युस ॳस्य सऻरी छि च़्येनान मगर वऺनिथ छि नॖ ह्यकान। सु गव शुर्यन हॖन्द्यन संस्कारन प्यठ। शुर्यन हॖन्दिस रख रखावस प्यठ। शुर्य ज़्यॆविरावनस प्यठ। गर गृहस्ती आयि दायन हवालॖ करनॖ। शुर्य आयि क्रचन मंज़ या डे कियरन मंज़ त्रावनॖ।वगैरा वगेरा। दॊयिम बदलाव वुछ म्यॆ ज़ि पोत कालॖ आसॖ सरकऻर्य नोकरी मेलान सान्यन बायन।  मगर यथ वखतस मंज़ छॆ नॖ सरकऻर्य नोकरी मेलानॖय। सानि ज़ऻच़ मंज़ छि म्यॆ बासान 98 प्रति शत लूख अज़कल प्राइवेट नोकरियन मंज़। फिरिथ गऻमॖच़ छि यि व्यवस्था ति। अखराजात ति ॴस्य कम तथ वखतस मंज़ मगर यथ वखतस मंज़ छु नॖ अखराजातन अंदॖय अथि यिवान। पलवन दलवन मंज़ ति ॴस्य स्यठाह सादॖगी नज़र यिवान मगर अज़कल छु तथ मंज़ ति स्यठाह फिरॖथुर गोमुत। शर्म हय्या ति ॴस प्रथ गरस मंज़ मगर अज़कल छु तिमन संस्कारन नाव दिनॖ आमुत दऺक्यानूसी। पॊत कालॖ आसॖ सानि कोरि वऺलिथ मऺलिथ पकान तॖ थोरान मगर अज़कल छि तिम पनॖनिस पानस गतॖ ग्यूर तुलान पनुन पान पऻरावनस मंज़। मायायि हुन्द ज़ोर छु अज़कल ज़्यादॖ तॖ कायायि हॖन्ज़ फिकिर छि कमॖय पाहन। च़्वपल होन्यन हॖन्द्य पऻठ्य छि च़ूर तॖ च़टल ति नच़ान च़्वपऻर्य अज़कल तॖ सान्यन माज्यन तॖ ब्यॆन्यन छु नॖ पनुन पान महफूज़ बासान। युथ नॖ कांह अहमक़ ज़ऻनिथ मऻनिथ तेज़ाबॖ छॆकि, पनुन बुथ बंद कऺरिथ छि सारेय कोरि अज़कल वति पकान। ज़मानॖ छु खराब द्वह ख्वतॖ द्वह गछ़ान। प्रोन समय म्यॆ बासान ओस ज़न स्यठाह रुत। अज़कल छु सोरुय फिरॖथुर।अयाल छु फिरॖथुर, खयाल छु फिरॖथुर। अथ फिरॖथुरिस तॖ बदलावस कुस छु ज़िम्मवार? टी वी,  सिनमा, फऻशन, देखा-दीखी,  मायायि हुन्द ज़ोर किनॖ  ख़यालन हॖन्ज़ आज़ऻदी? कुस दी यिमन
कथन सऺही जवाब? ॳस्य छि सऻरी नवाब।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

25.01.2020

25.01.2020,माघ (माघ) ज़ूनॖ पछॖ (शुक्ल पक्ष) छि ऒक्दॊह (प्रथम) बटॖवार (शनिवार/ शनिश्चरवार)श्री सप्तार्षि सम्वत 5095, राश मकर (चलान) ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************"***********
         नित्य नियम विधि     
कराग्रे वसते लक्ष्मी: कर मध्ये सरस्वती। करमूले स्थितो ब्रह्मा
प्रभाते कर दर्शनम।
          अर्थात
हाथ के अग्रभाग में लक्ष्मी, हाथ के मध्य भाग में सरस्वती और हाथ के मूलभाग में ब्रह्मा जी निवास करते हैं।
(प्रात:काल ब्राह्मी मुहूर्त में नींद से उठते ही, दोनों हाथों की हथेलियों को देखते हुए पढें)
**************************
             लल वाक्         
कुस मरि तॖ कसू मारन
मरि कुस तय मारन कस
युस हरहर त्रऻविथ गरॖगरॖ करे
अदॖ सुय मरि तॖ मारन तस
         *********
अर्थात:- संसार में आकर मरना तो सब ने है। मरने का भय प्रभु भक्ति से ही दूर हो सकता है, अर्थात प्रभु भक्त मरने वालों में से नहीं होते हैं। वे आवागमन में नहीं फंसते। वे तो सदा आत्मा में ही स्थित रहते हैं। प्रभु नाम स्मरण न करने वाले ही मृत्यु को प्राप्त होते हैं। अर्थात जो भगवान का नामस्मरण त्याग कर केवल घर के कार्यों में लिप्त रहते हैं, वे ही मृत्यु को प्राप्त होते हैं। भाव यह है कि घर में रहकर भी जो हर भगवान को भजता है वह भी मृत्यु को प्राप्त नहीं होता है। अर्थात वह मृत्यु से नहीं डरते हैं।
**************************
           नुंदॖ ऱेशिन्य श्रुक्य     
कॆंच़न दितुख यॊत क्या तॊतो
कॆंच़न यॆति नतॖ तॊतुय हाव
कॆंच़न दितुख लालुक त्रॊटो
कॆंच़न गाशि मंज़ गॊटुय गव
          ***********
माने:- दय सॖन्ज़ि दयगऺच़ किन्य रूद्य यितॖ गछ़ि बंदनन मंज़ कॆंह आवॖर्य। कॆंच़व प्रोव मूख्य दाम।कॆंच़न छ़ुनिन लालन हॖन्ज़ त्रठा प्यठय फिरिथ, मगर कॆंच़न गव
गाशि मंज़ॖ अनिगॊट।
**************************
पंचान्ग:- व्वंय कथ कथ दिमव वाठ। सऻरी परान अख ॳकिस पाठ। मगर हकीकत छि यि ज़ि ग्वर छु नॖ कुनी तॖ न रूद सु चाठ। अख ॳक्यसॖन्ज़ कथ छॆ नॖ श्रपान। गरॖ करेयो अन्य तॖ कानि, गरॖ रोव मान मानि। ज़्यादॖ परनस छु ज़्याद ज़वाल ति क्याज़ि सवालॖ गऺयि तिथी खड़ा। दपान सानि ज़ऻच़ मंज़ छि तलाकन हॖन्ज़ रफ़तार ति बडॖ तेज़ गऻमॖच़।हालांकि यॊदवय वुछव सानि ज़ऻच़ मंज़ यानि कऻशिर्य बटन मंज़ छु नॖ यि शब्दॖय शब्दॖकोषस मंज़। अंग्रीज़स मंज़ छु 'डायवोर्स', उर्दूहस मंज़ छु 'तलाक' मगर कऻशिर्य ज़बऻन्य मंज़ छु नॖ अमि कॖस्मुक शब्दॖय। शायद अमि वजह किन्य कि ॳस्य ॴस्य ॳग्नॖस साक्षी मऻनिथ यि प्रण करान लऺगनस प्यठ ज़ि माहर्यॆनि तॖ माहराज़स छु सतन ज़न्मन हुन्द अख ॳक्यसुन्द साथ। मगर यि प्रवचन छु ज़न मऺशथॖय गोमुत। वऺरि ज़ॖ वऺरीय छि नॖ नेरान कुनि तॖ अन-बन छि गछ़ान शुरू। यि मसलॖ छु वारॖ वारॖ वातान अदालत वानन ताम तॖ छि मंगान अख ॳकिस निशि म्वकॖजार। रॗनिस तॖ ज़नानि हॖन्दिस मॊहब्बतस यान्य दरार प्यवान छि, अथ छु नॖ पतॖ ब्यॆयि म्युल गछ़ान। नोबत छि वातान ज़ि बऻच़ ज़ॖ छि ब्यॊन गछ़ान। शुर्य छि नॖ ज़ामॖत्य आसान या छिनॖ ज़ऻनिथ मऻनिथ ज़्यॆवरावान, तमि निशि ति छि आज़ऻदी। दाजस दहेजस छु गछ़ान लेन देन तमी त्रायि यॆमि त्रायि अदालत पनुन फऻसलॖ बोज़नावान छि। ॳल्लाह ॳल्लाह तॖ खऻर-सल्लाह। द्वनवय छि रटान पनॖन्य पनॖन्य वथ ज़न नॖ अख ॳकिस ज़ानॖनॖय। गतॖ ग्यूर व्वथान छु मऻलिस तॖ माजि। यिथ्य कॖसॖ दपाव छि अज़कल ग्रॆन्दि रॊस अदालतन मंज़ प्यथ। अथ प्यठ कुस सना करि सोच विचार?
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

24.01.2020

24.01.2020,माघ (माघ) गटॖ पछॖ (कृष्ण पक्ष) मावस (अमावस्या) शॊकुरवार (शुक्रवार/जुम्मा) श्री सप्तर्षी सम्वत 5095 राश मकर (सुबहॖचि 7.39 बजि प्यठॖ)ऋतु शिशर (चलान)
**************************
          गीता ज्ञान  :अध्याय 18
हे राजन यॆति योगीश्वर कृष्ण भगवान, ब्यॆयि अर्ज़न गांडीव धनुशधऻरी महान तति न्याय, विजय, विभूती आसान
वॊन भगवानन गीता ज्ञान
सऻरिसॖय ज़गतस सपुद कल्यान
वॊन भगवानन गीता ज्ञान
**************************
ॳथ्य सॗत्य वोत भगवान कृष्णॖ जीनि अध्यायि सॗत्य श्रीमदभगवतगीतायि हुन्द यि कऻशुर तर्जमॖ अंद
**************************
          लल वाक्         
कॆंहनस प्यठॖय क्या छुय नच़ुन
म्वच़िय कॆंह नॖ तॖ नच़ुन त्राव
पॊत फीरिथ छुय तॊतुय अच़ुन
यिहोय वच़ुन च़्यतस थाव
        ************
अर्थात:- इस असार संसार में क्यों अटखेलियां करता है। यहां कुछ प्राप्त नहीं होता है और न ही कुछ शेष रह जाता है। यह अटखेलियां करना छोड दे और मेरे इस तथ्य को स्मरण रखो कि अपने अंतर में  ही जाना फलदायक है। शेष सारा व्यवहार अस्थायी है।
**************************
           नुंदॖ ऱेशिन्य श्रुक्य     
यॆति ति म्यॆ च़ॖय तति ति म्यॆ च़ॖय
म्यॆच़्ये करतम गुलज़ार
सोरुय त्रऻविथ रॊटुख म्यॆ च़ॖय
म्यॆ च़ॖय हावतम दीदार
          **********
माने:- यॆरिलूक्य ति छु ख़वदा परिलूक्य मंज़ ति छु तिमनॖय निश वातुन। युस इन्सान सोरुय पुशरिथ तस दयस ज़िकरि तॖ फिकरि याद करि तस हावि सु पनुन दीदार तॖ म्यॆच़ि कर्यस गुलज़ार।
**************************
पंचान्ग:- कश्यप ऋशि दपान ओसमुत छु सारिवॖय ऋश्यव मंज़ स्यठाह थॊद ऱयॊश। दपान यथ पृथ्यवी प्यठ यीत्य ति दीवी दीवता आमत्य छि या यीत्य ति जीवात्मायि यथ पृथ्यवी प्यठ पऻदॖ सपद्यॆमॖत्य छि यिम सऻरीय छि आमॖत्य कश्यप ऋशि सॖन्दि तपोबलॖ सॗत्य। सऻरी वुडवुन्य जानावार, सऻरी जानवर तॖ पऻनिस मंज़ रोज़न वऻल्य ज़ीव, क्यॆम क्रॗल यिम ति यथ पृथ्वी प्यठ व्वपद्येमॖत्य छि, यिम छि व्वपद्येमॖत्य कश्यप ऋशि सॖन्दि मनोबलॖ तॖ तपोबलॖ सॗत्य। यि छि अख मान्यता। अथ कथि मंज़ कऻच़ाह सदाकथ छि ति ज़ानि दय। त्यूतुय योत नॖ बऺल्कि यिम कुल्य कऺट्य ति असि पृथ्वी प्यठ छि नज़र यिवान, यिम ति छि व्वपद्यॆमॖत्य कश्यप ऋशि सॖन्ज़ अध्यात्मिक शक्ति, योगबल, ग़ोर तपस्या सॗत्य। दपान कश्यप ऋश्यन छु यि तप कॊरमुत कऺशीरि मंज़ यॆति ग्वडय रोज़ान छु ओसमुत जाम्बुद्वीप। यिति छु यिवान वनॖनॖ ज़ि कऺशीरि मंज़ ओस अख बॊड बारॖ सर यानि अख बॊड झील।अथ सरस छु ओसमुत नाव सती सर। दपान कश्यप ऋश्यन कॊड अमि सरुक  पोन्य कऺशीरि न्यबर तॖ सरॖस तलॖच ज़मीन द्रायि नऺन्य तॖ अथ ज़मीनि प्यठ ह्यच़न कॆंह ज़ऻच़ बसॖनि। यि छि सॊय कऺशीर यॆति सऻन्य पूर्वज आयि रोज़ान तॖ यि छि सोय कऺशीर यॆति प्यठॖ असि प्यव च़लुन तिक्याज़ि आतंकवाद्यव कऺर्य ॳस्य खोफज़द,असि प्यठ कॊरुख ज़ुलुम,तिमव दहशतगरदव करि निर्मम हत्यायि तॖ असि प्यव सोरुय जायदाद तती त्रावुन तॖ पनुन पान बचावनॖ म्वखॖ प्यव च़लुन तॖ वुनि छि ॳस्य तथ कशीरि निशि दूर यॆतिक ॳस्य वंशज छि। कश्यप ऋशि सॖन्दिस नावस प्यठॖय छु प्योमुत अथ जायि नाव कशमीर। चूंकि कश्यप ऋशि सॖन्ज़ मृत्यु ति छि दपान ॳथ्य कऺशीरि मंज़ॖय सपद्येमॖच़ तमि म्वखॖ ॴस्य अथ वनान कश्यप मऻर ति। मानॖनॖ छु यिवान ज़ि अथ कऺशीरि मंज़ आसॖ त्रॆ ज़ऻच़ सरस्वत ब्रह्मनन कशीरि मंज़ यिनॖ ब्रौंठॖय बसान। यिम त्रॆ ज़ऻच़ आसॖ नाग, पिशाच तॖ यक्ष्य। नील नाग दपान छु ओसमुत अत्युक ग्वडन्युक राज़ॖ। हालांकि असि छि यिम कथॖ वुन्युखताम हति सासि लटि बोज़मच़ॖ मगर सान्यन शुर्यॆन छा ब्वय यिमन कथन हॖन्ज़ म्यॆ छु नॖ बासान। इतिहासॖक्य यिम वर्क़ गछ़न यिन्य तिमन परनावनॖ तॖ   तिमन गछ़ि पताह लगुन ज़ि सोन प्वतकाल कथ जायि तॖ कमन ऋश्यन तॖ मुनियन सॗत्य छु  जुडिथ रूदमुत तॖ ॳस्य कोताह दूरेयि पनॖनि माजि कऺशीरि निशि।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(koshursabak.blogspot.com ति वुछिव)

23.01.2020

23.01.2020,माघ (माघ) गटॖ पछॖ (कृष्ण पक्ष) च़्वदह (चतुर्दशी) ब्रसवार (वीरवार/ब्रहस्पथवार/ गुरुवार) श्री सप्तर्षी सम्वत 5095, राश धनु (चलान) ऋतु शिशर (चलान)...अज़ छि शिव चतुर्दशी ति
**************************
          गीता ज्ञान  :अध्याय 18
श्री हरि सुन्द सु विश्वॖ रूप वुछिथ, बॖ बार बार छुस तम्युक ध्यान कऺरिथ आश्चर्यस गछ़ान तॖ खुशी प्रावान
वॊन भगवानन गीता ज्ञान
**************************
           लल वाक्       
ख्यन ख्यन करन कुन नो वातख
न ख्यनॖ गछ़ख अहंकऻरी
सॊमॖय ख्यॆह मालि सॊमुय रोज़ख
स्वमिय ख्यनॖ मुच़रनय बरन्यन तऻरी
          *************
अर्थात:- केवल खाते ही रहने से सफलता नहीं मिलेगी और कुछ भी न खाने से तेरा अहंकार बढेगा। आस लिए सम (न कम न ज़्यादा) ही खाने से तू सम ही रहेगा जिस से तेरे लिए वास्तविकता के दरवाज़े खुलेंगे। सारांश यह कि हर कार्य समभाव से ही सम्पन्न करना चाहिए।
**************************
          नुंदॖ ऱेशिन्य श्रुक्य   
च़ालुन छुय वुज़मलॖ तॖ त्रटय
च़ालुन छुय मन्द्यन्यन गटॖकार
च़ालुन परबतस करनि अटय
च़ालुन छुय मंज़ अथस ह्यॊन नार
च़ालुन छुय पान कडुन ग्रटय
च़ालुन छुय ख्यॊन वॆह तॖ गार
          ***********
माने:- दय नावॖच्य ज़ितिन्य ज़्यवॖरऻविथ गछ़ि फिकरि हुन्दि सग सॗत्य दिल शॆहलावुन। दय वति पकुन गव वुज़मलॖ तॖ त्रटॖ च़ालनि। मन्द्यन्यन शाम गछ़ुन गव द्वख च़ालुन। पनॖनि मॆहनच़ॖ तॖ दऻरॖ सॗत्य परबतस ति अटॖ करनि। स्व ज़ितिन्य ज़्यवॖरॖन्य गऺयि मंज़ अथस नारॖच दग पालॖन्य। ग़ार रऺटिथ वॆह तॖ नार न्यंगलुन। पतॖ अभ्यासॖ किन्य पनुन पान ग्रटॖ पिशिथ तिहन्ज़ि वति प्यठ पकुन।यानि यिम ॳन्दॖरय ॴठ च़ूर छिय तिम छि ज़िकरि तॖ फिकरि रूप ग्रटॖ पिहिन्य।
**************************
पंचान्ग:- हद दपान छु आसान प्रथ कुनि चीज़स मगर कॆंह चीज़ छि तिम यिमन नॖ हदॖ कांह छु आसान। मसलन लॊल तॖ माय। पौंसॖ कमावनस। नाव कमावनस। पर-व्वपकार करनस। म्यॆ छु बासान ज़ि यिम कॆंह चीज़ छि हदॖ रॊस। कहावत छि ज़ि ज़्यादॖ मेछर थवनस छु वारॖ वारॖ ट्येछर पऻदॖ सपदान। ज़्यादॖ पौंसॖ कमावनस छु नॖ पतॖ खर्चावनस सॊम्ब सूरथ रोज़ान। ज़्यादॖ पौंसॖ आसुन छु पनुन पान अंगन तॖ ॴश्यनावन निशि दूर करान। इन्सान सॊम ख्यॆयि, सॊम रोज़ि तॖ तस इन्सानस छु नॖ ज़वाल आसान। इस्लिए छु यिमन चीज़न मंज़ ति हद थावुन ज़रूरी। कथि मंज़ॖ द्रायि कथ ज़ि परेशान वुछ म्यॆ कॆंह मोल मऻज्य यिमन हॖन्द्य शुर्य पऺर्यमॖत्य लीख्यमॖत्य छि जान पऻठ्य अख ॳक्यसॖन्दि ख्वतॖ मगर खान्दरॖ बापथ छि परेशान ति क्याज़ि ट्यॆकिन छि मेलान मगर द्वन हुन्द तनख्वाह छु नॖ मेलान अख ॳकिस सॗत्य, ट्यॆकिन छि मेलान मगर तऻलीमि हुन्द अंद छु नॖ मेलान, ट्यॆकिन छि मेलान मगर लड़कॖ तॖ लऺडकी हुन्द साईज़ छु नॖ मेलान, ट्यॆकिन छि मेलान मगर प्राइवेट नोकरी छि स्यठाह अडचन अनान। प्राईवेट नोकरियन मंज़ छॆ नॖ मैटरनिटी लीव या पैटरनिटी लीव म्येलान। अमि मूजूब छि नॖ शुर्य सानि ज़ऻच़ मंज़ पऻदॖ यछ़ान करॖन्य खान्दरॖ पतॖ। नोकरी रावनुक खतरॖ छुख रोज़ान। अकि कोरि वॊन पनॖनिस मऻलिस तॖ माजि ज़ि स्व छि शीथ सास रॊपियि माहानॖ अनान, तॖ यॆमिस सॗत्य तऺमिस ट्यॆकिन्य मीज्य सु लऺडकॖ ओस सिरिफ पंछ़ाह सास माहानॖ ज़्यॆनान। यिम कॖसॖ वुछान वुछान द्रायि ॳमिस कोरि त्रॆ वऺरी मगर तान म्यूल नॖ मनस मुवऻफिख। अंतॖत: कॊर अमि कोरि ज़ऻच़ न्यबर खान्दर यि मऻनिथ ज़ि तऺमिस यी नॖ कम तनख्वा निनॖ वऻलिस सॗत्य वार। ब्याख कूराह वुछिम ज़ि ट्यॆक्यन्य मेलनॖ पतॖ ॴस नॖ स्व तयार दिल्लि मंज़ नोकरी त्रऻविथ बंगलैर गछ़नॖ बापथ यॆति लऺडकॖ नोकरी ओस करान तॖ तनख्वाह ति ओसुस जान मगर न ओस सु लऺडकॖ यछ़ान नोकरी त्रावॖन्य तॖ दिल्लि युन । 34, 36 वुहॖर्य लडकॖ या लऺडकी छि अनॖहॗरी।क़द छु नॖ मेलान, अख छु ज़्यूठ पाहन तॖ दॊयिम छु छ़ॊट पाहन। साईज़ ति गछ़ि आसुन बराबर अख ॳकिस सॗत्य,  तऻलीम ति गछ़ि बराबरॖय आसॖन्य तॖ तनख्वाह ति गछ़ि या बराबर आसुन या लऺडकॖ सुन्द तनख्वाह गछ़ि ज़्यादय आसुन कम नॖ कॆंह। अथ कथि छॆ न व्वंय थाह कुनि नज़रि यिवान।ॳस्य गऺयि हदॖ रॊस यिमन चीज़न मंज़।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

22.01.2020

22.01.2020, माघ(माघ)गटॖ पछॖ (कृष्ण पक्ष)त्रुवाह (त्रॆयॊदशी)
ब्वदवार (बुधवार)श्री सप्तर्षी सम्वत 5095, राश वृश्चिक (चलान)ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
         गीता ज्ञान :अध्याय 18
हे राजन, बार बार छुम प्यवान याद, कृष्ण जियुन तॖ अर्ज़न दीवुन सम्वाद,सु पुर इसरार तॖ कल्यान कऻरी ज्ञान
वॊन भगवानन गीता ज्ञान
**************************
             लल वाक्
ख्यथ गऺन्डिथ शमि ना मानस(दूर)
ब्रांथ यिमव त्रऻव तिमय गऺयि खऺसिथ
शास्त्र बूज़िथ छुह यमॖ भयॖ क्रूर
सुह ना पॊच़ तॖ दन्या लऺसित
        ************
अर्थात:- केवल खाने से तथा पहनने से मन को शांत एवं नियन्त्रण में नहीं किया ज़ा सकता है। अपितु जिन्हों ने सारी भ्रांतियां अर्थात संदेह एवं दुविधाएं त्याग दी वे परमपद को पागए। शास्त्र सुनने से काल भय अत्यंत क्रूर है और वह किसी को क्षमा नहीं करता किंतु वह गुणयुक्त तथा पवित्र भी है
**************************
          नुंदॖ ऱेशिन्य श्रुक्य
अंदरॖ क्रूद त्रावख नतॖ
न्यबर क्रूल कन्दे
अन्तॖ मल कासख नतॖ
छॊन्य व्वथ बेठ कन्दे
       *******
माने:- हे इन्सानॖ! च़्यॆ छुथ ॳन्दॖर्य क्रूद पोलमुत, न्यॆबॖर्य पान सजावनॖ क्या वसि नखॖ। यॊद क्रूद त्रावख मुह आवरिय नॖ ज़ांह।श्वद तॖ साफ़ मन ह्यकख संसऻर्य व्यवहार कऺरिथ नतॖ रोज़ख आच़ार व्यच़ार रॊस। यॊद नॖ व्यवहार ज्ञान प्रावख दय ज्ञान प्रावुन छु नामुम्किन।
**************************
पंचान्ग:- अज़ वऻच़ असि यि हालथ ज़ि व्वंय छि पनॖनि ग्रऺन्दि मंज़ॖय वलनॖ आमॖत्य। कॆंह छि वनान ज़ि ॳस्य छि सथ लछ, ॳड्य छि वनान ज़ि च़लान च़लान यिम कऺशीरि प्यठॖ आयि तिहॖन्ज़ ग्रन्द ॴस साड-त्रॆ लछ, सरकार वनान पनॖनि आयि तॖ असि मंज़ ति कुनी कथा छॆ नॖ। निर्वासिथ कमन वनव अथ प्यठ ति छि असि ब्यॊन ब्यॊन राय। अख गव सु युस आतंकवाद्यव च़लरोव तॖ ज्यॊम वऻतिथ ल्यॆखनोव तऺम्य पनुन नाव तॖ मीज्य तऺमिस अख सऺर्टिफिकेट ज़ि आहनसऻ च़ॖ छुख माईग्रन्ट। मगर यिम कुनवुहशथ नमतॖ ब्रौंठॖय कऺशीरि न्यबर नोकरी मंज़ ॴस्य तॖ यिम नमतॖ पतॖ वापस कऺशीरि ह्यॆक्य नॖ गऺछ़िथ, तिम यिन ना माईग्रन्टन मंज़ गऺन्ज़रावनॖ। अख छु वनान आ तॖ ब्याख छु वनान ना। कुस करि तिहुन्द फऻसलॖ, अथ कथि प्यठ छि छ़्वपॖ पऺत्यम्यव त्रॖहव वऺरियव प्यठॖ हालांकि तिमन लूकन छु नॖ रिलीफ मेलान न छु तिमन राशन  मेलान। ज़मीन जायदाद रूद तिमन ति कऺशीरि मंज़ॖय मगर चूंकि तिम ॴस्य नमतॖ कि क़हरॖ ब्रौंठॖय द्रामॖत्य, तिम छि नॖ यिवान ग्रन्दि मंज़। कॆंह लीडर छि मानान ज़ि यिम कऻशिर बटॖ छि द्रामॖत्य कऺशीरि न्यबर सनॖ सतऻजि-हस मंज़ तिम ति गछ़न माईग्रन्टन मंज़ यिन गऺन्ज़रावनॖ मगर कॆंह छि नॖ अथ ख़यालस सॗत्य पनुन ख़याल थवान। यॊत ताम शुर्यन हॖन्दि तऻलीम हुन्द तोलुक छु यिमव पनुन नाव च़ऺलमॖत्यव मंज़ॖ ल्येखनोवमुत ओस, तिहन्द्यन शुर्यन कऺर बाला साहॆब ठाकरेयन मॆहर तॖ तिमन मीज राहत स्कूलन मंज़, कालेज्यन मंज़, ट्रेनिंगि मंज़ वगैरा वगैरा मगर अमि कॖसमॖच राहत मीज्य नॖ तिमन शुर्यन यिहिन्द्य मोल मऻज्य ॴस नोकरियव किन्य फऺसिथ कऺशीरि न्यबर ग्वडय यानि नमतॖ ब्रौंठॖय। माने ॳस्य छि पानय दु-च़्यतिस मंज़ ज़ि माईग्रन्ट कऺमिस वनव तॖ कऺमिस वनव नॖ। कयाज़ि वनोस या क्याज़ि वनोस नॖ, अथ प्यठ छॆ नॖ कुनी राय वुनि ति, त्रॖह वऺरी द्रायि असि यि मसलॖ अंज़रावनस मंज़। पतॖ गव ज़ि असि छा कऺशीरि हुन्द यपऻरिम अंद मऺगुन किनॖ हुपऻरिम अंद किनॖ च़्ववापऻर्य मंगुन, अथ प्यठ ति छॆ नॖ कुनी सहमति। सान्यन शुर्यन मेल्या तॊत वऻतिथ सरकऻर्य नोकरी किनॖ न, यि कथ ति छॆ नॖ वाज़ॆह कॆंह। बच्चॖ क्याज़ि छि नॖ ॳस्य ज़्यादॖ थवान, यि मसलॖ ति छु अख पीचीदॖ मसलॖ, माजि ज़्यव छा वनॖन्य किनॖ छॆ नॖ वनॖन्य, अथ कथि प्यठ ति छु मतभेद।ति कयाज़ि पनॖन्यन गरन मंज़ छु नॖ मोल मऻजी करान शुर्यन सॗत्य कऻशिर्य पऻठ्य कथ तॖ शुर क्या ह्यॆछि तॖ किथॖ पऻठ्य ह्यॆछि। पर-ज़ऻच़ मंज़ खान्दर करनस प्यठ ति छि ॳस्य दमफुट्य। ॳड्य छि यछ़ान तॖ ॳड्य छि नॖ यछ़ान। कुस करि फऻसलॖ दपान वख करि पानय फऻसलॖ। यिमन कथन जवाब न मेलनॖ म्वखॖ दपान ज़ुवॖ पख यपऻर्य च़्यॆ वथ यी वुछव दय कॊत नीय।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
बूज़िव ॳज़्युक सबक़ म्यानि ज़्यॆवि ति
 भूषण कौल "दीप"
(koshursabak.blogspot.com ति वुछिव)

21.01.2020

21.01.2020, माघ(माघ)गटॖ पछॖ (कृष्ण पक्ष) बाह (द्वादऺशी) बॊम्वार (मंगलवार) श्री सप्तर्षी सम्वत 5095, राश धनु(रऻच़ हॖन्ज़ॖ 11.42 बजि प्यठॖ) ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
         गीता ज्ञान :अध्याय 18
व्यास जी नि कृपायि ॴस म्यॆ दिवॖ दृष्टी, वनान अर्ज़न दीवस कृष्ण जी, म्यॆ पानॖ वुछ तॖ बूज़ यि पवॆत्र ज्ञान।
वॊन भगवानन गीता ज्ञान
**************************
          लल वाक्
ग्वरॖ शब्दस युस यछ़ पछ़ बरे
ज्ञानॖ वगि रटि च़्यतॖ त्वरगस
यॆन्द्रॆय शॊमरिथ आनन्द करे
अदॖ कुस मरे तॖ मारन कस
       **********
अर्थात:- गुरु के कहे शब्द पर जो
पूर्ण श्रद्धा तथा विश्वास रखेगा और चित्त रूपी घोडे की लगाम ज्ञान द्वारका कस कर पकडे गा। इससॆ उसकी इन्द्रियां नियंत्रण में रहेंगी फिर वह आनन्द प्राप्त करेगा। फिर कौन मरेगा और किसे मारेंगे। अर्थात यम, मृत्यु आदि का भय समाप्त हो जाएगा।
**************************
         नुंदॖ ऱेशिन्य श्रुक्य
ॳलिम बॊड तॖ कऺलिमॖ सोदो
मुहम्मद पऻलिथ वुदि पकख वते
क्रय विरिन्य म्वखतॖ लोदो
बावच दावथ सु तथ वते
        ********
माने:- हे इन्सान! ज्ञान छु बॊड,कऺलिमॖ छि तमिच शान।हज़रत मुहम्मद सऻबॖन्यन वतन प्यठ पऺकिथ ह्यकख जल जल ब्रौंहकुन पऺकिथ। यिम वतॖ छि बेशक क्रेछि आसान, मगर क्रॆय विरनि मंज़ यॆलि ऱत्यव कर्मव रूप म्वख्तॖ बरख, त्यॆलि सपदन वतॖ आसान। तति छु सिर्फ बख्ति बावस म्वल।युस बावॖ तस नालॖ दियि सुय तरि अपोर
**************************
पंचान्ग:- आयि कथा गऺयि कथा रऺट सारिवॖय पनॖन्य पनॖन्य वथा। प्रारब्ध ब्यॆयिस कुनवुह जनवऺरियस ताम। अख कथ छि जान ज़ि त्रॖहि वुहॖर्य पतॖ ह्यॊतुन असि यि यहसास सपदुन ज़ि असि पज़ि अथवास कऺरिथ पकुन। आवाज़ सारिनी लूकन हॖन्ज़ मेलान छा या न मेलान छि मगर जंत्र मंत्रस मंज़ ह्यॆच़ॖन्य संख्या इकॖवटॖ पकन वाल्यन हॖन्ज़ बडॖन्य। आवाज़ ति मेलि अख ॳकिस सॗत्य म्यॆ छु विश्वास मगर बटॖ ज़ाथ आसि तॊताम छवक्येमच़। बटॖ यि नॖ नज़रि कुनि ति क्याज़ि इन्टर-कास्ट यानि ज़ऻच़ न्यबर खान्दरव रऺट तेज़ रफ्तार तॖ तिमन मंज़ कऻशुर बटॖ छ़ान्डुन छु व्वंय दुशवार। यॊदवय बटॖ लबोन ति हालातन मंज़ आसि सु तिथॖ पऻठ्य गीर गोमुत ज़ि यॆछ़िथ ति ह्यॆकि नॖ कऺशीरि वापस गछ़नुख आन्कार कऺरिथ। प्राइवेट नोकरियव छि सऻरी बटॖकऺट्य तिथॖ पऻठ्य ॴडरऻव्यमॖत्य ज़ि तिमन रोज़ि नॖ कलॖ फिरॖनस ति वार तॖ नोकरी त्रऻविथ कऺशीरि गछ़नुख छु नॖ सवालॖय तॖ सरकऻर्य नोकरी कऺशीरि मंज़ म्यॆलॖन्य छु हवहऻस मंज़ तीराह लायनस बराबर। म्वखसरॖ छु म्यॆ वनुन ज़ि कऻशुर बटॖ ह्यॊतुन दूरुन पनॖनि प्रज़नथॖ निशि तिक्याज़ि सु छु नॖ पनॖन्य माजि-ज़्यव वरतावान, सु छु नॖ ज़ऻच़ न्यबर खान्दर करनस लाकम चारान, ज़ि़ठ्यन हुन्द सायि ह्यॊतुन व्वथुन बजि रफ्तारि सान तिक्याज़ि तिम रऺट्य ब्यॊन ब्यॊन ब्यमार्यव तॖ अजब तॖ गज़ब तनावव, नव्यन बच्चन हॖन्ज़ ज़न्मस यिनॖच रफ़तार ह्यॆच़ॖन्य स्यठहॗय कम गछ़ॖन्य या न आसनस बराबर, सरकऻर्य नोकरी न आसॖन्य, स्यठाह च़ीर्य खान्दर करुन तॖ व्यलायथ कुन लथ कडनॖ मूजूब यीनॖ कॆंच़व वऺरियव पतॖ कऻशुर बटॖ अथि कुनि। कुस गछ़ि कऺशीरि, कर गछ़ि कऺशीरि, क्याज़ि गछ़ि कऺशीरि, कऺमिस सॗत्य गछ़ि कऺशीरि, कॗतिस कालस रोज़नि गछ़ि कऺशीरि यिमन सारिनी सवालन हुन्द जवाब दी वख पानय, सोन वनुन कॆंह छु बस अख बहानय। मगर लडऻय पनॖन्य
कऺशीर्य मंगनॖच छि जऻरी। राथ ति ॴस, अज़ ति छि तॖ पगाह ति रोज़ि।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

20.01.2020

20.01.2020 माघ (माघ) गटॖ पछॖ (कृष्ण पक्ष) काह (एकादशी) च़ऺन्दॖरवार (सोमवार) श्री सप्तर्षी सम्वत 5095, राश वृश्चिक (चलान) ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
      गीता ज्ञान  :अध्याय 18
           संजय वनान         
संजय वनान यिथॖ पऻठ्य यि पुर इसरार ज्ञान, अर्ज़न दीवस वनान कृष्णॖ भगवान,म्यॆ बूज़्य बूज़्य रोम हरश ओस सपदान
वॊन भगवानन गीता ज्ञान
**************************
           लल वाक्
च़रमन च़ऺटिथ दितिथ पऺन्य पानस
त्युथ क्याह वव्योथ तॖ फलिही सोव
मूढस व्वपदीश गऺयि रींज़्य डुमटस
कऺन्य दान्दस गोर आपरिथ रोव
          ************
अर्थात:- तू ने (संसारी काम के लिए) स्वयं की चमडी को घला कर (कठोर शारीरिक परिश्रम करके) अपने को उसी में खूंटे गाढ कर उलझाये रखा है, और अपने अंदर शुभ फल देने वाला कोई बीज नहीं बोया। अर्थात तुम ने कोई एसा शुभ कर्म भी नहीं किया जिसका फल तुम्हारे लिए शुभ होता। तुम समझा कर भी न समझे। ऐसे अल्पबुद्धि वाले को उपदेश देना वैसा ही है जैस डुमट या गुंबद को छोटे कंकर मारकर गिराने की कोशिश करना है या पीले - भूरे बैल को (दूध देने के लिए)गुड खिलाना है।
**************************
          नुंदॖ ऱेशिन्य श्रुक्य 
आदम व्वपदोवुन स्वबाव म्यॆच़्यॆ
म्यॆच़ि हुन्द्य कर गऺन्डिथ कथ
सारि न्यऻमच़ व्वपदाव्यन म्यॆच़्यॆ
रनान म्यॆच़व्यन बानन क्यथ
ज़ुव च़लि नीरिथ मॊर मॊच़ि म्यॆच़्यॆ
म्यॆच़्यॆ म्यॆच़ गछ़ि मीलिथ कथ
         *************
माने:- दय सुन्द बजर वख्नावान छि म्यॆच़ि हॖन्ज़ कथ कऺरिथ वनान ज़ि म्यॆच़ि रूप तत्वॖ सॗत्य थुरॖय दयन ज़ीव सऻरिय। न्यऻमच़ यिम आदमस ब्रौंहकुन थव्यन। तिम व्वपदाव्यन म्यॆच़ि मंज़ॖय। म्यॆच़िवॖय बानॖ थऺविन्य रनॖन्य किथ्य मुहय्या। मऺरिथ यॆलि रुह नेरि, शऺरीर रूप म्यॆच़ि बॊनॖ मेलि ब्यॆयि म्यॆच़ि सॗत्य।
**************************
पंचान्ग:- राथ ओस कुनवुह जनवऺरी। यि छु सु द्वह यॆलि कऺशीरि मंज़ बिहिथ कऻशिर्य बटन आव दऺहशथ फऻलावनॖ तति दऺहशथगरदव दऺस्य तॖ क्रकॖ दी दी वॊन तिमव बटन ज़ि तॊह्य च़ऺलिव यॆमि शहरॖ मंज़ॖ तॖ पनॖनि ज़नानॖ त्रऻव्यूख यॆतीय सानि बापथ। यि छु सु द्वह यॆलि कऻशिर्य बटॖ आयि यकमुश्त च़ऺलिथ कऺशीरि प्यठॖ कुनवुहशथकुन्नमथस मंज़ तॖ लऺग्य कऺशीरि न्यबर छालन बालन, दक्कन तॖ डुलन, गर्मॖ क्रायन, तॖ छिनॖ वुनि सम्बलान। अज़ गऺयि पथकुन त्रॖह वऺरी यॆलि बटन तति कऺशीरि मंज़ क़त्लॖ गार्त कॊरुख, मंदर फुटरऻविख, मूरच़ॖ कज्यख मंदरव मंज़ॖ न्यबर तॖ त्राव्यख मंज़ वतन प्यठ, बटि कोरि क़तराव्यख ल्यॆतरि सॗत्य, गोलि मार्यॆख स्यमंज़ वति। यि द्वह छि कऻशिर्य बटॖ मातमदऻरी हुन्द द्वह मनावान। यि द्वह आयि वुन्युखताम प्रथ वऺरियि याद करान तॖ त्राहि त्राहि करान तॖ सरकारस ज़ार ज़ार बोज़नावान ज़ि तिमन आतंकवाद्यन दीतव सख़ सज़ा यिमव कऻशुर बटॖ ख़ोफ़ज़द कॊर हॖटॖ मॖटस प्यठ। यि व्यथा आयि बोज़नावनॖ जंत्र मंत्रस मंज़ कॆंच़व संस्थायव दऺस्य, कॆंच़व द्वखॖज़दव दऺस्य। कॆंच़व कॊर अन्न शन, कॆंच़व दिच़ॖ बडि हट्यव नऻरॖ, कॆंच़व बोज़नावि तिमन ज़ुलुमगारन हॖन्ज़ॖ कथॖ यिमव सान्यन बायन तॖ ब्यॆन्यन प्यठ क़ऺहर तुल। रातुक द्वह ओस सुय द्वह याद आमुत करनॖ। कर नेरि हल सान्यन मसलन, दय ज़ानि। मगर ॳस्य गछ़व बांग दिवान। सरकार बोज़्या या न बोज़्या, ॳस्य करव पनॖन्य तीर खऻली अदॖ तिम तीर कमन कूनन लगन तॖ क्याह फल कऺडिथ अनन यि करि वख फऻसलॖ तॖ दय करि पनॖन्य मॆहर प्रथ सातॖ।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogsport.com ति वुछिव)

19.01.2020

19.01.2020 माघ(माघ)गटॖ पछॖ (कृष्ण पक्ष) दऺहम (दशमी) आथवार (रविवार/एतवार),श्री सप्तर्षी सम्वत 5095, राश वृश्चिक (शामन 5.47 बजि प्यठॖ), ऋतु शिशर(चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
         गीता ज्ञान  :अध्याय 18
         अर्ज़न दीव वनान       
अर्ज़न छुस वनान ही भगवानॖ, सुमर्ती म्यॆ प्रऻव नष्ट गव अज्ञान।
चऻन्य आज्ञा बॖ पालॖ खुशी सान
वॊन भगवानन गीता ज्ञान
**************************
          लल वाक्   
अभ्यास किन्य व्यकास फॊलुम
स्वप्रकाश ज़ोनुम यिहोय दीह
प्रकाश ध्यान म्वख यिय दोरुम
स्वखॖय बॊरुम कॊरुम तिय
          **********
अर्थात:- अभ्यास करने से मेरा विकास अथवा विस्तार हुआ और मैं खिल गई। इस शरीर को भी प्रकाश रूप मानकर इसी में ध्यान किया तो मैं अत्यन्त सुखी हो गई। क्योंकि इसी शरीर द्वारा अभ्यास हो सकता है अन्यथा नहीं
**************************
           नुंदॖ ऱेशिन्य श्रुक्य   
आरॖबलन नागॖरादा रूदुख
सऻदा रूदुख च़ूरन मंज़
मुडॖ गरन ग्वर पऺन्डिथा रूदुख
राज़ॖ हॊंज़ा रूदुख कावन मंज़
          ***********
माने:- यिम ॴस्य आरॖबलन मंज़ नागराद, च़ूरन मंज़ सऻद, अज्ञान्यन हॖन्दि गरि पऺन्डिथ तॖ कावन मंज़ राज़ हॊंज़ (ॳन्ज़) पनुन पान मानान गोया कि ॴरच़र बावस मंज़ ॴस्य दय गारान।
**************************
पंचान्ग: ॳकिस अंदस यॊदवय हवन छु आसान सारिवॖय अंदव प्यठॖ छि भखॖत्य वातान तॖ हवनस मंज़ शमूहलियत करान रोज़ान। हवन ॳस्य करान छि लूकॖ कल्याण बापथ तॖ युस हवन ॳस्य हारी पर्वतॖ करान छि, सुय हवन छि ॳस्य करान रोज़ान फ़रीदाबादॖ, सुय हवन छु करनॖ यिवान मयूर विहारॖ, सुय वसुन्धरा, सुय ईन्दरा पुरम, सुय प्रताप विहार, रोहिनी, द्वारका, नजबगढ, वैशाली, नोईडा, दिलशाद गार्डॖन, शालमार गार्डॖनॖ, ग्रेटर नोइडा, पम्पोश एनक्लेव, गुरु ग्राम, पालम विहारॖ, लाजपत नगर वगैरा वगैरा जायन। यिम यॆति लूख छि यिमन अलाक़न मंज़ यिमय छि नज़र यिवान प्रथ ॳकिस जायि। कुनि कुनि जायि छि द्वयि द्वयि त्र्यॆयि त्र्यॆयि लटि यिम हवन यिवान करनॖ ॳकिस वऺरियस मंज़ तॖ यिम त्रॖह वऺरी वऻत्य असि यी करान। लूकन सपुद कल्यान ति वारियाह। भगवान रूज़्यनख सहायतस हर हमेशॖ। म्योन अंदाज़ॖ छु ज़ि ॳकिस ॳकिस हवनस प्यठ छु ख़र्च यिवान ज़ॖ ज़ॖ त्रॆ त्रॆ लछ। हालांकि यि खर्चॖ छु भखतन हुन्दॖय पऻन्सॖ युस खर्चनॖ छु यिवान मगर छु ना यिमव हवनव खॊतॖ जान ज़ि यिहऻय पौंसॖ करहऻव ख़र्च ॳस्य कुनि तऻलीमी अदारस प्यठ यॆति सऻन्य शुर्य कऺट्य पऺरिथ लीखित ह्यकॖहऻन, छु ना जान ॳस्य बनावहऻव ज़ॖ च़ोर जंज गर यॆति सानि समाज़िक्य लूख ह्यकहऻन हॖकॖ यिथ तॖ पनॖन्य बऺड्य द्वह लूक्य द्वह करिथ, खान्दर व्वछ़ब करहऻन, छु ना जान ॳस्य बनावहऻव लाईबर्री यथ मंज़ सान्यन ज़िठ्यन अदीबन हॖन्ज़ॖ अदबी किताबॖ ह्यकहऻव थऺविथ, धर्मॖचि कॆंह किताबॖ ह्यकहऻव थविथ युस ज्ञान सानि नवि पुयि ताम वातिहे। किताबन हॖन्ज़ व्यछ़य रोज़िहेक नॖ। हवनव खॊतॖ छि नॖ यिम चीज़ ज़्यादॖ ज़रुरी। अल्बतॖ वुहव हवनव बदलॖ करहऻव ज़ॖ या च़ोर हवन च़्वन तरफन च़्वन ब्यॊन ब्यॊन सातन प्यठ। करोरॖ बॊद रुपियि हवनन प्यठ खर्च करनॖ बजायि लगिहे यि पौंसॖ कॆंच़न तिमन अदारन प्यठ यॆमि सॗत्य असि लूकॖ गरन गछ़ुन बंद गछ़िहे।कॆंह फ्लैट बनावहऻव यॆति ब्यमारन हॖन्द्य तीमारदार ह्यकहऻन बिहिथ तॖ पनॖन्यन ब्यमारन यलाज करनऻविथ जान जान अस्पतालन मंज़। तिमन प्यॆयिहे नॖ होटलन मंज़ रोज़ुन।अख सोंचनॖच कथ छि। करनॖ बापथ छु वारियाह अगर करनि बेहमव। न तॖ गव ब्यॆयि वऻन्सा कडॖन्य यिमनॖय हवनन प्यठ नवीदा करुन तॖ च़ॖति पानस बॖति पानस। यॆति यूत काल कॊड तति नेरन ब्यॆयि त्रॖह वऺरी।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

18.01.2020

18.01.2020, माघ (माघ) गटॖ पछॖ (कृष्ण पक्ष) नवम (नवमी) बटॖवार (शनिवार/शनिश्चरवार) श्री सप्तर्षी सम्वत 5095, राश तुला (चलान) ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
        गीता ज्ञान  :अध्याय 18
हे अर्ज़न च़ॖ एकाग्र कऺरिथ मन, यि गीता ज्ञान ओसुख बोज़ान नष्ट सपदि यॊदवय मॊह तॖ अज्ञान
वॊन भगवानन गीता ज्ञान
**************************
           लल वाक्             
च़्यथ अमर पथि थऻविज़ि
ति त्रऻविथ लगि ज़ूढे
तति च़ॖ नो शकिज़ि संदऻरिज़ि
द्वदॖ शुर तॖ क्वछि नो मूढे 
        ***********
अर्थात:- अपने चित्त को अविनाशी पथ अर्थात परमार्थ  के मार्ग पर चला ले नहीं तो यह दूसरे  मैले पथ की ओर मुडेगा अर्थात विषयों की ओर भागेगा। अमर पथ पर दृढ होकर चलते हुए शंकाएं (क्यों, कैसे, कहां आदि) न करना चाहिए, अपितु अपने को सम्भाल कर अभ्यास करना चाहिए, दूध पीते शिशु की भांति जो मां के गोद में मूढता नहीं दिखाता, अपितु पूर्व विश्वास (सहज़ व सरलता) के साथ एवं किसी शंका के बिना पूर्ण विश्वास के साथ संभल कर अपनी माता की गोद में बैठता है।
**************************
           नुंदॖ ऱेशिन्य श्रुक्य     
अव्वल रॆशी अहमद रॆशी
दॊयिम उवीस करनि आव
त्रॆयिम रॆशी ज़लक रॆशी
च़ूरिम हज़रत पलास आव
पॗन्च़िम रॆशी रुमय रॆशी
शॆयिम हज़रत मीरां आव
सऺतिम कऺरॖम दॖशना हिशी
बॖ नय कुनि तॖ म्यॆ क्याह नाव
          **********
माने:- शेख नूरदीन नूरऻनी सऻब छि  हज़रत अहमदस सान शॆन रॆशन हॖन्ज़ निशान दीही करान।अथ मंज़ ग्वडॖन्युक अहमद, दॊयिम उवीस करनी, त्रॆयिम ज़लक ऱयॊश, च़ूरिम हज़रत पलास, पॗन्च़िम रुमय ऱयॊश तॖ हज़रत मीरां सऻबस ॴस्य शॆयिम मानान। अमि पतॖ मोन लूकव सतिम रॆशय हज़रत शेख सऻब तॖ द्युतहऻक नुंदॖ रॆशय नाव। अमि सॗत्य गऺयि तिमन पनॖनि आसनॖच दॖय तॖ नकहथ। यॆमिकिन्य पनुन अहं नाशस गऺछ़िथ बास्योख दय च़्वपऻर्य व्यराजमान
**************************
पंचान्ग:- कऺशीरि मंज़ ॴस दुर्गा नागॖ वखतॖ अकि साधवी अख यॆमिस नाव ओस मथुरा दीवी। बॖ ओसुस ल्वकचारस पनॖनि माजि सॗत्य गछ़ान रोज़ान मथुरा दीवी निश। यॆलि यॆलि बॖ गोमुत छुस, म्यॆ छु वारॖ पऻठ्य याद ज़ि दुर्गानागॖ यथ कुठिस मंज़ स्व आसान ॴस, सु कुठ ओस आसान लूकव सॗत्य बऺरिथ। म्वगॖल्य चाय तॖ कुल्चुवॊर ओस दुह्यकिस दॊहस चलान रोज़ान। युस ति कांह यियहे तऺमिस ॴस प्यवान चाय च्यॆन्य। असवॖनि बुथि ॴस मथुरा दीवी सारिनीय स्वागत करान तॖ पानस ब्रौंहकनि बॆहनावान। भजन तॖ लीलायि आसॖ सऻर्यसी दॊहस चलान रोज़ान। ज़नानॖ मर्द ल्वकॖट्य बऺड्य सऻरी ॴस्य अथ कुठिस मंज़ मस्त नज़र यिवान। शीरिन्य दानॖ तॖ बादाम ॴस मथुरा दीवी पानय दिवान रोज़ान युस ति कांह तथ कुठिस मंज़ अच़िहे।
यिथय पऻठ्य छु म्यॆ वुछमुत स्वामी विद्या धर सुन्द आश्रम ति कऺशीरि मंज़ युस देवनबागॖ यथ व्वंय छु अज़कल वनान करन नगर ओस आसान। अति ति ओस युथुय माहौलाह आसान।
आमॖत्य भखॖत्य ॴस्य परान रोज़ान भगवत् गीता, लीलायि, भजन ब्यॆयि अथॖ बाजस प्यठ भखता अख ग्यवान रोज़ान भगवान सॖन्द्य बऻथ।
रेशिपीर सुन्द आश्रम ति ओस आसान ॴल्यकऺदलॖ तऺरिथॖय। कुलचॖवॊर ओस तत्युक नऺवीद आसान। अस्य ॴस्य गछ़ान तोर तति ॴस्य अंदर ॳच़्यथॖय खोवॖर्य किन्य बिहिथ आसान भखत जोराह तॖ दऺछिन्य किन्य ओस प्यवान ब्यॆयिस ल्वकटिस कमरस मंज़ अच़ुन। अति ॴस ऱॆशिपीरॖन्य ख्राव तख्तस प्यठ आसान। तती ॴस्य नमान तॖ नियाज़ त्रावान। न्यॆबॖर कनि बिहिथ नफ़र ओस अंदर यिथ कुल्चॖवॊर अथ ख्रावि सॗत्य लऻगिथ असि दिवान ॴशिर्वादकिस रूपस मंज। यॆतिक्य पऻठ्य शोर शराबा ओस नॖ तिमन जायन नज़र यिवान। शांत वातावर्ण तॖ मन पसंद माहौल ओस बासान। यॆतिक पऻठ्य ॴस नॖ हवनन हॖंज़ होड लगान। मान मान लगान। करोरॖ बॊद रॊपियि छि ॳस्य यॊत यिथ यिमन हवनन प्यठ खर्च करान रोज़ान। अमि बजायि अगर कांह तऻलीमी अदारा बनावहऻव या कांह कॊम्यूनिटी हालाह बनावहऻव यॆमि सॗत्य समाजस फऻयदॖ वातिहे। कांह संग्रालायाह बनावहऻव यॆतिनस ॳस्य पनॖनि सारे धार्मिक किताबॖ ह्यकहऻव थऺविथ तॖ सऻन्य शुर्य कऺट्य ह्यकहऻन पऺरिथ तॖ ज़ऻनिथ पनुन प्वतकाल। हवनव खॊतॖ छि यिम चीज़ ज़्यादॖ ज़रूरथ ति क्याज़ि नमतॖ पतॖ ज़ामॖत्य शुर्यन छॆ नॖ ब्वयी ज़ि कऺशीर कथ शहरस छु नाव तॖ असि क्वस गऺयि योर यिथ यीरॖवॖन्य नाव।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(koshursabak.blogspot.com ति वुछिव।

17.01.2020

17.01.2020 माघ (माघ) गटॖ पछॖ (कृष्ण पक्ष) ॴठम(अष्टमी) शॊकुरवार (शुक्रवार/जुम्मा), श्री सप्तर्षी सम्वत 5095, राश तुला (दुहचि 1.48 बजि प्यठॖ), ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
          गीता ज्ञान  :अध्याय 18
युस प्वरुश श्रदायि ब्यॆयि लोलॖ सान, दूश दृष्टी रॊस बोज़ि गीता ज्ञान। सु उत्म लूकन छु प्राप्त सपदान
वॊन भगवानन गीता ज्ञान
**************************
          लल वाक्             
च़्यदानंदस ज्ञानॖ प्रकाशस
यिमव च़्यून तिम ज़ीवंत्य म्वखॖत्य
विशमिस समसारनिस पाशस
अबॊद्य गन्डाह वथ शीत्य दित्य
         ************
अर्थात:- सतचित आनंद परमेश्वर, जो ज्ञान रूपी प्रकाश है, का जिन्होंने अनुभव किया, वे ही लोग जीते जी मुक्ति पाते हैं, अर्थात जीवन मुक्त हैं। इसके विपरीत अबोध लोग विषमय संसार रूपी फांसी को पहनकर, अर्थात अपना कर इसमें सैंकडों गांठें देते हैं, अर्थात अपने को संसार बंधन में बांधते हैं
**************************
          नुंदॖ ऱेशिन्य श्रुक्य
नफसी मोरुम तॖ वाय
ॳच़िथ रूदुम गटे
अथि द्यन यियिह्यम तॖ हाय
करतल छ़ॖनहस हटे
        *********
माने:- नफसी ख्वाहिश गऺयम अज्ञान गटि किन्य ज़ोरावार। ज्ञानॖ किन्य वनि कऺडिथ ह्यकहस लाकम चीरॖ गंडिथ या वनि कऺडिथ छ़ुनहस हटि करतल तॖ करहऻन फन्ना।
**************************
पंचान्ग:- वारियाहि लटि तुल म्यानव कॆंच़व बायव यि सवालॖ ज़ि  सान्यव संतव मंज़ॖ क्याज़ि छि गोपी नाथ जियस भगवान गोपी नाथ वनान तॖ बाकय संतन छि नॖ भगवान सॖन्ज़ उपाधि दिवान। सवाल तिमन बायन हुन्द छु नॖ ग़लत कॆंह तिक्याज़ि यि छु इन्सानस दुच़्यॆतिस मंज़ त्रावान ज़ि अगर ॳस्य मानान छि ज़ि भगवान छु अकुय त्यॆलि किथॖपऻठ्य वनव गोपी नाथ जियस ॳस्य भगवान। हालांकि यिति छि अख हकीकत ज़ि अज़ त्रॖह वऺरी ब्रौंठ ओस गोपी नाथ जीयुन आश्रम कऺशीरि मंज़ खरॖयारॖय यॊत स्यठाह कम लूख ॳमिस निश यिवान गछ़ान ॴस्य तॖ ॳमिस ॳन्द्य पऺख्य रोज़न वाल्यन ॴस नॖ ब्वयी ज़ि यि कुस छु तॖ कयाह छु तॖ अमि कॖस्मॖक्य आश्रम ॴस्य कऺशीरि मंज़ ग्रॆन्दि रॊसतुय मगर कऻन्सि ति सऺतस ॴस्य नॖ भगवान नाव दिवान। यि छु वऻहिद अख सु संत यॆमिस यॊर यिथ यानि 1990-तॖ प्यठय ह्यॊतुख भगवान गोपी नाथ जी वनुन। वनॖनस हरजि छु नॖ मगर भगवानस सॗत्य ॳमिस संतस तुलना करॖन्य ति छॆ नॖ सऺही। बॖ ओसुस पनॖनिस पंचान्गस मंज़ छ़ऻन्ड दिवान ज़ि ब्यॆयि ति छा कांह युथ संत ओसमुत यॆमिस भगवान सॖन्ज़ उपाधि छि आमॖच़ दीनॖ मगर म्यॆ गव नॖ नज़रि अख ति हालांकि सऻनिस पंचान्गस मंज़ छि क़रीबन 80-85 संतन हॖन्द्य नाव दिथ तॖ अख ॳक्यसॖन्दि ख्वतॖ खऺसिथ चमत्कऻरी दपान रूद्यमॖत्य मगर तिमन सारिनी ॴस्य स्वामी जी योत वनॖनॖ यिवान भगवान नॖ कऻन्सि। सान्यन ज़िठ्यन पज़ि अथ कथि प्यठ संजीदगी सान ग़ोर करुन तॖ सऺही पऻग़ाम पनॖनिस समाजस वातनावुन। सऻन्य शुर्य कऺट्य छि ज़ानान कथ वनॖनस क्याह मतलब छु।तिमय अथ कथि प्यठ सावल खड़ा करान ज़ि किथॖ पऻठ्य तॖ क्याज़ि। यॆमिस मंज़ क्याह छु त्युथ युस नॖ बाकयन मंज़ ओसमुत छु। यछ़ पछ़ गऺयि ठीख मगर कऻंह ख़ास लकब दिनस ति गछ़ि त्युथुय कऻंह ख़ास वजह आसुन। असि रूज़िन यिमन हॖन्ज़ मॆहर हर हमेशॖ गाह सु गोपी नाथ छु या मस्त बब छु। ऱॆशि पीर छु या नंनद बब छु। मथुरा दीवी हुन्द नाव ख़बर कऻन्सि ख़बर ति छा। स्वति छि कर्मयोग्यनियव मंज़ अख थदि पायिच साधवी रूज़मॖच़। म्यॊन सारिनी नमन
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

16.01.2020

16.01.2020 माघ(माघ) गटॖ पछॖ (कृष्ण पक्ष) शॆयम(देवादेव)(षष्ठी) ब्रसवार (वीरवार/ ब्रहस्पथवार/गुरुवार) श्री सप्तर्षी सम्वत 5095, राश कन्या (चलान) ऋतु शिशर (चलान)..अज़ छि साहिब सतम ति...चूंकि पगाह छि सतम रावान इस्लिये यी सतम हुन्द वॊहरवोद ॳज़्य यानि शॆयम द्वह
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
         गीता ज्ञान  :अध्याय 18
युस प्वरुश असि द्वन हुन्द यि सम्वाद, गीता लोलॖ सान परि तॖ थवि याद, तऺम्यसुन्द ज्ञानॖ यऺगॖन्य
आसि बोज़नॖ यिवान
वॊन भगवानन गीता ज्ञान
**************************
          लल वाक्         
ज़ल थमवुन हुत वा तॗरनावुन
उर्द्ववा गमन पऻर्यव च़ऺरिथ
काठॖ दीनि द्वद शरमावुन
अनतिहि सकलॖ कपट च़ऺरिथ
          **********
अर्थात:- चलते जल को रोकना, आग को ठंडा बनाना, आकाश में पैरों से चढना, लकडी की नक़ली गाय से दूध प्राप्त करना, अंतत: यह सारे चमत्कार कपट के ही चरित्र अर्थात क्रियाएं हैं
**************************
       नुंदॖ ऱेशिन्य श्रुक्य   
कन्द्यव राथ खूच़ुख ज़लस
अज़लस क्यथ कऺछ़ काय
यथ दुनियाहस रखज़ालस
यॊत च़लस हो पऺछ़ॖय आय
ज़मीनस फल ब्ववि कमस तॖ आलस
न तॖ कॗत्य आलछ़ॖय छ़ऺरी गऻय
           ***********     
माने:- ही इन्सानॖ पनॖनि माजि थनॖ प्यॆनय यॆलि गर्बस मंज़ ओसुख च़ॖ ख़ूच़ुख संसऻर्य रूप समन्दरस मंज़ क़दम त्रावनस। व्वंय क्याज़ि छुख अज़लस हान खारान। यि दुनिया छु रखज़ाल, यथ ज़न्मस मंज़ यिथ ह्यकव नॖ पनॖनि मर्ज़ी कुन ति च़ऺलिथ। यितॖ गछ़ कऺरिथ छि नॖ कुनि ति अम्युक अंद लबान। अमिय गछ़ि पनॖन्यव रॖत्यव कर्मव रूपॖ ब्योल यॆमि संसऻर्य कम या ज़्यादॖ ववुन। युथ तम्युक फल रूप नसीब ब्रौंहकुन यिथ रोज़व
यॆमिलूक्य ति स्वखी तॖ परिलूकस ति लगि वॆग्नव रॊस तार। मगर यिम कर्म करनस आलुछ़ करन, तिम छि यॆति ति बऺल्य दरबॖदर रूज़िथ तोर ति छ़रिवॖय चन्दव गछ़ान।
**************************
पंचान्ग: हून्य म्यॆट- असि कऻशिर्य बटन मंज़ छि अख परम्परा स्यठाह प्वत कालॖ प्यठॖ आमॖच़ चलान, स्व गऺयि हून्य-म्यॆट त्रावॖन्य। कऺशीरि मंज़ ॴस्य ॳस्य पनॖन्यन गरन मंज़ पथ्थर बिहिथ हचिवि या लऺकरि चोकि या पीरि प्यठ लॊयविस या स्टील थालस मंज़ बऺरिथ या शीरिथ बतॖ ख्यवान। मगर बतॖ ग्वडन्युक म्यॊन्ड ख्यनॖ ब्रौंह ॴस्य ॳस्य हुन्य म्यॆट थालस न्यबर त्रावान तॖ हून्यम्यॆट त्रऻविथ ॴस्य बतॖ ख्यॊन शुरु करान। यनॖ प्यठॖ असि डाईनिंग-टेब्लन प्यठ ह्यॊत बतॖ ख्यॊन, हून्यम्यॆट थालस न्यबर त्रावनॖच प्रथा गऺयि खतम। वारियाहन जायन छि डाइनिंग टेब्लस प्यठ हून्यम्यॆट त्रावॖन्य बदतऺमीज़ी मानॖनॖ यिवान अंग्रीज़ पऻठ्य वनान बैड-मैनऻर्स। हून्यम्यॆट छि दरअसल हवनॖ-म्यॆट। वऺन्य वऺन्य प्यव अथ हून्य-म्यॆट नाव। त्वहि आसि वारियाहन यि ख़बर ज़ि कऺशीरि मंज़ ॴस्य प्रथ गरॖकिस चोकस मंज़ म्यॆच़िव दान बनऻवमॖत्य आसान। तथ सॗत्य ओस आसान ऒकॖच़ोर तॖ हाकोल। यिम ति ॴस्य आसान म्यॆच़ि हॖन्दी बनऻविथ। दानस प्यठ बतॖ बोहगॖनस मंज़ लागनॖ विज़ि ॴस्य बॊहगनॖ मंज़ ज़-च़ोर दानॖ त्वमलॖक्य कऺडिथ ॳगनस मंज़ आहूति दिवान। बतस छाव यिथ तॖ बऻच़न बतॖ शेरनॖ ब्रौंठ ॴस्य गर्म बतॖ फॊल ग्वडॖ द्वन सन्यिवार्यन त्रावनॖ यिवान तॖ तमि पतॖ ॴस्य काव-पचि प्यठ च़र्यन हार्यन हॖन्दि नऻव्य त्रावान तॖ अदॖ ॴस्य ॳस्य पानस ख्यवान। हून्य-म्यॆट यानि हवनॖ-म्यॆट ओस प्रथ कांह बतॖ ख्यनॖ ब्रौंठ दीवी-दीवताहऻन हॖन्दि नावॖ थालस न्यबर त्रावान तॖ अदॖ ॴस्य बतॖ म्यॊंड पानॖ ख्यवान। यि ॴस्य सऻन्य सभ्यता तॖ यिम ॴस्य सऻन्य संस्कार।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

15.01.2020

15.01.2020 माघ(माघ)गटॖ पछॖ (कृष्ण पक्ष) पऻन्च़म(देवादेव)(पन्चमी) ब्वदवार (बुधवार) श्री सप्तर्षी सम्वत 5095, राश कन्या(दुहचि 11.27 बजि प्यठॖ),ऋतु शिशर...अज़ छि
मकर सऻन्क्रात ति तॖ शिशुर ऋतु ति गव ॳज़्यकि प्यठॖ शुरु
**************************
         गीता ज्ञान  :अध्याय 18
अमि ख्वतॖ बॊड तॖ टोठ कर्मॖवान कांह, न पृथ्वी प्यठ न आसि ब्रौंठ कुन कांह, तऺमिस थॊद नॖ टोठ कांह आसान
वॊन भगवानन गीता ज्ञान
**************************
          ललॖ वाक्               
ज़लॖ प्यॆठ्य पकुन थ्यकुन लूकन
नारस अच़ुन मारस व्यद
आकाश गमनो वुफुन आसुन
कपट बासुन आसुन च़्यथ
         **********
अर्थात:- कुछ लोग अपनी बढाई दर्शाने के लिए जल पर चलने, जलती आग में घुसने, मरे हुए का उपचार करने, आकाश में उडने का चमत्कार दिखाते हैं। किंतु ऐसा समझना चाहिए कि यह सारे चमत्कार चित्त में कपट भावना रख कर किए जाते हैं।
**************************
           नुंदॖ ऱेशिन्य श्रुक्य
नफसय म्यान्ये च़ेरिवि अगो
दिच़मय दगौ फ्वलहम नॖ ज़ात
मंदिन्यन मूहिथ च़ॊलहम ठगो
हा सगौ पतॖ च़ोलहम नॖ ज़ात
        *************
माने:- नफसी ख्वऻहिश छि च़ेरॖ कुल्यकिस अगस बराबर युस नॖ स्यठाहव टासव ति छु हरि हरि सपदान या गंडस यिवान। यॊद नॖ यिम जवऻनी मंज़ कोबू यिन करनॖ यिम छि म्यॆथॖर बऺनिथ ज़न च़ूर फऺरिथ गछ़ान। यॆमि सॗत्य बुजरस मंज़ छु इन्सान पोंटल तॖ पत्यथ सपदान।
**************************
पंचान्ग:- राथ कऺर म्यॆ कथ ब्रांदॖ फशॖच तॖ संध्या च़ान्गिच। अज़ वुछव सन्यवारि - कऻशिर्य पंडितन ॴस अख परम्परा ज़ि गृह प्रवेश वखतॖ आसॖ गणपतॖ जियुन फोटू तॖ वारियाह कॆंह सामानस सॗत्य ज़ॖ सन्यवारि ति आसान यिम रसोई गरस मंज़ यानि चोकस मंज़ आसॖ यिवान थवनॖ। मगर अज़कल छि म्यॆ बासान ज़ि सन्यवार्य सॗत्य थावनॖच परम्परा छि शायद  बंद गऻमॖच़। सन्यवऻर माने  सॊन+गडॖ या सऺन्य+वऻर । यिमन सन्यवार्यन ॴस यिवान प्राण प्रतिष्ठा करनॖ। गणपति तॖ कुमार सकन्दस आवाहन कऺरिथ ॴस्य यिमन सन्यवार्यन पूज़ा यिवान करनॖ। यिम ज़ॖ सन्यवारि थवनॖ सॗत्य दपान आसॖ त्रॆ सिद्धी सपदान। गरस प्यठ ओस दीवी देवताहन हुन्द अनुग्रह सपदान, यिहॖन्दि आसनॖ सॗत्य दपान गरॖच सुरक्षा ॴस सपदान तॖ यिम सन्यवारि आसॖ प्रथ गरस पितृदोष निशि बचावान रोज़ान। अख मान्यता छि यि ति ज़ि दपान यिम ज़ॖ सन्यवारि आसॖ वटुक नाथस सॗत्य द्वन भैरवन हॖन्दिस रूपस मंज़ आमॖत्य तॖ यथ गरस मंज़ ह्यॆरथ ॴस आसान यिमन सन्यवार्यन ओस वटुक नाथ जियुन आदेश आसान ज़ि तमि गरॖच परि पूर्ण रऻछ़ करॖन्य तॖ भूत प्रेत यिमव गरव निशि दूर थावॖन्य। चोकस मंज़ आसॖ यिम सन्यवारि सुबहऻय न्यॆन्द्रि वऺथित अथॖ बुथ छलिथ  यिवान साफ करनॖ, छऺलिथ छॊकिथ यिवान दानकिस ॳंकिस अंदस प्यठ थावनॖ तॖ बतॖ तयार गऺछ़िथ गरिक्यन बऻच़न दिनॖ ब्रौंठ ग्वडॖ यिवान सन्यवार्यन मंज़ बतॖ फॊल त्रावनॖ। यि कऻम ॴस गरॖच ज़िठ लक्ष्मी यानि गृहस्तनी सरांजाम दिवान।मगर अज़कल न रूद्य तिम दान, न छि व्वंय तिम सन्यवारि तॖ न तमि आयिक्य  किचन। यि प्रथा ति छि व्वंय बासान शायद सानि ज़ऻच़ मंज़ मूलय म्वकॖल्यॆमॖच़। यॊदवय कुनि गरस मंज़ यि प्रथा वुनि ति  चलान छि, तिमन छु म्यॊन नमन।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

14.01.2020

14.01.2020, पॊह (पौष) गटॖ पछॖ (कृष्ण पक्ष) च़ोरम (देवादेव)  (चतुर्थी) बॊम्वार, श्री सप्तर्षी सम्वत 5095, राश सिंह (चलान)ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
           गीता ज्ञान  :अध्याय 18
युस यि स्यठाह लोलॖ तॖ प्रेमॖ सान,
म्यान्यन टाठ्यन बखत्यन बोज़नावान, सु प्वरुश म्यॆ बेशक प्राप्त सपदान।
वॊन भगवानन गीता ज्ञान
**************************
             ललॖ वाक्           
दीवॖ वटा दीवुर वटा
प्यठॖ ब्वनॖ छुय यीकॖ वाठ
पूज़ कस करख हूटॖ बटा
कर मनस तॖ पवनस संगाठ
        ***********
अर्थात:- ललेश्वरी कहती है कि मन्दिर तथा इसमें स्थित मूर्ति एवं इसके बैठने का आसन ऊपर से नीचे तक सारा पत्थर ही पत्थर है। अरे मूर्ख अब तुम किस पत्थर की पूजा करोगे? हां (केवल) अपने मन और प्राणों को एक करके तू स्वात्म को प्राप्त होगा।
**************************
         नुंदॖ ऱेशिन्य श्रुक्य           
आदनॖ कऺरॖथ पापन क्रशी
बुडिथ द्युतुथ रॆशी नाव
तसबी गऺयी गुनस हिशी
यि चऻन्य न्यमाज़ कऺशी हाव
        **************
माने:- ल्वकचारॖ रूदुख मऺस्ती मंज़ तॖ खऻरिथ पऻन्य पानस पापॖन्य बऻरॖय। बुडिथ त्रऻवॖथ तस्बी रॗफ गुनस पानस नऻल्य तॖ मोनुथ पनुन पान पानय ऱयॊश। यिमय छि चऻन्य कर्म तॖ यिहय छुथ च़्यॆ न्यमाज़ि हुन्द मतलब सीनस खॊनमुत।
**************************
पंचान्ग:- राथ वॊन म्यॆ ज़ि सानि संस्कृति हॖन्द्य मूल स्रोत छि कॆंह तिम चीज़ यिमव मंज़ॖ वारियाह छि तिम यिम ॳस्य या छिनॖ व्वंय वरतावानॖय या छि मऺशरऻव मऺशरऻव पकनावान। संध्या च़ोंग -
कऺशीरि मंज़ ॴस अज़ त्रॖह वऺरी ब्रौंठ अख प्रथा ज़ि शाम यिवुनुय ॴस्य पनॖन्यन पनॖन्यन गरन मंज़ कऻशिर्य बटॖ वऺट्य-दारि या कऻनी प्यठ या ब्रान्दॖ-द्वारकि अकि तरफॖ लबि मंज़ बऺनिथ दूपॖ-ज़ूरि मंज़ च़ोंग ज़ऻलिथ थवान यथ नाव ओस संध्या च़ोंग। दपान अथ संध्या च़ऻन्गिस ओस महत्वॖ ज़ि यि ओस राहगीरन गाश हावनॖ म्वखॖ यिवान ज़ालनॖ या अख मान्यता छि ज़ि कॆंह आत्मायि छि शामॖ पऺत्य फॆरान आसान तॖ संध्या च़ोंग ज़ालनॖ सॗत्य छि नॖ भूत प्रेत गरन अंदर यिवान तॖ प्रेत आत्मायन छि अख शेछ वातान ज़ि गरिक्य बऻच़ छि त्वहि याद करान रोज़ान। मगर यिम मान्यतायि छि व्वंय प्रानेमच़ॖ तॖ ज़्यादॖतर लूकन मऺशिथ गऻमॖच़ यि प्रथा। अज़कल छॆ नॖ संध्या च़ोंग ज़ालनॖच प्रथा असि मंज़ म्यॆ बासान। यॊदवय कुनि कुनि गरस मंज़ संध्या च़ोंग ज़ालनॖच प्रथा आसि ति स्व गऺयि तिहॖन्ज़ बऺडीमी। ब्रांद फश दिनॖच प्रथा ति गऺयि ख़तम यनॖ ॳस्य यॊर लऺग्य तॖ यॆनॖ सऻन्य ब्रान्द गऻब गऺयि। पगाह वुछव ब्रौंहकुन
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

13.01.2020

13.01.2020, माघ(माघ)गटॖ पछॖ ( कृष्ण पक्ष) त्रय (देवादेव) (तृतीय) च़ऺन्दॖरवार (सोमवार),श्री सप्तर्षी सम्वत 5095, राश सिंह(दुहॖचि 9.54 बजि प्यठॖ),ऋतु हेमन्त (चलान)...अज़ छि संकट च़ॊरम (संकट निवार्ण चतुर्थी) ति
**************************
         गीता ज्ञान :अध्याय 18
यि गीता रूपी ज्ञान छु उत्म स्यठाह, भक्ती तॖ तपॖ रॊसतिस वऺन्यज़िनॖ ज़ांह, ख़ास कर यिमन नॖ बोज़नॖच कल आसान
वॊन भगवानन गीता ज्ञान
**************************
            ललॖ वाक्             
द्यन छ्यज़ि तॖ रज़न आसे
भूतल गगनस कुन व्यकासे
च़ऺन्दॖर्य राह ग्रोस मावॖसे
शिव पूज़न गवाह च़्यत आत्मसे
         ************
अर्थात:- दिन की समाप्ति पर रात आती है और अंधेरे में पृथ्वी व आकाश दृष्टि में एक जैसे दिखते हैं। चन्द्रमा के उदय होने पर प्रकाश होता है। मानो चन्द्रमा ने राहू को अमावस्या पर ग्रास कर लिया हो। अपने चिदात्मा में शिवपूजा यही होती है।
**************************
        नुंदॖ ऱेशिन्य श्रुक्य       
आशकन त्रेश तॖ ब्वछि नॖ आसे
काशक कमस पऺत्ययनये न ज़ात
छु दूरस वतन सदकस निशे
च़ूरस न्यॆन्द्र आसि नॖ ज़ात
         ***********
माने:- यिमव आशकव (दय मत्यॆव) ब्वछि तॖ त्रेशि प्यठ कोबू आसि कॊरमुत, तिम कमाय कुल्य छि कमस प्यठ गुज़ारॖ ह्यकान कऺरिथ। यिथॖ दय छु भखत्यन निश वास करान, तिथॖ छि स्वभावॖ किन्य न्यॆन्दॖर च़ूर सॖन्ज़न ॳछन गऺजमॖच़ आसान।
**************************
पंचान्ग:- हालांकि सानि जंत्री मंज़ छु पंडित ओंकार नाथ जियन च़ूर्यमिस सफ़स प्यठ ल्यूखमुत ज़ि सानि सभ्यतायि तॖ सानि संस्कृति हॖन्द्य मूल स्रोत छि : संध्या च़ोंग, सन्यवारि, ब्रांदॖ फश, हून्य म्यट, तरंगॖ गन्डुन, दीवॖगोन, द्वार पूज़ा, फिरॖ थुर, आलथ, व्यूग, क्रूल खारुन, लाय बोय, दयबतॖ, मासॖ ॳबीद, वारादान, दिव तॖ गुल्य, दिवचॖ तबचि, मनन माल, रत्न च़ऻन्गिज, क्रॗलॖ पछ, गोरॖ त्रय, अनथ, थाल भरून, थालस बुथ वुछुन, तऺहर बनावॖन्य, वऺर बनावॖन्य, बिहित ख्यॊन, न्यश पत्रि बुथ वुछुन, न्यशपत्र थालस प्यठ थवॖन्य, शंख वायुन, मेखला संस्कार, मऻलिस माजि हॖन्ज़ सेवा, गुल्य गऺन्डिथ नमस्कार करुन, ज़िठ्यन आदर करुन, गुरु-हस आदर करुन तॖ बूठ मुच़रिथ कमरस मंज़ अच़ुन।
यिम मूल स्रोत ॳस्य अज़कल कऻत्याह छि वरतावान तॖ कऻत्याह छि नॖ वरतावान वगैरा वगैरा वुछव ॳस्य यॆमि ब्रोंहकुन पगाह। तॊह्य ति वुछिव पनॖनि जायि ज़ि यिमव मंज़ॖ कऻत्याह संस्कार छि असि निशि दूरेमॖत्य या असि कऻत्याह छि पानय मऺशरऻव्यमॖत्य या ॳस्य क्याज़ि छि नॖ ह्यकान यिम संस्कार वरतऻविथ। अथ प्यठ करव कथबात ब्रौंहकुन।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

12.01.2020

12.01.2020 माघ(माघ)गटॖ पछॖ (कृष्ण पक्ष) द्वय (द्विती) आथवार (रविवार/एतवार),श्री सप्तर्षी सम्वत 5095, राश कर्कट (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
          गीता ज्ञान  :अध्याय 18
सऻरी धर्म तॖ कर्म त्यऻगिथ, शर्ण गछ़ म्यॆ सर्वॖ उदार ज़ऻनिथ।तमाम पापव म्वकॖलावथ द्वखव सान
वॊन भगवानन गीता ज्ञान
**************************
           ललॖ वाक्         
गऻफिलो हॖकॖ क़दम तुल
वुनि छय सुल तॖ छ़ान्डुन यार
पर कर पऻदॖ पर्वाज़ तुल
वुनि छय सुल तॖ छ़ान्डुन यार
          ************
अर्थात:- ऐ गाफिल, तेज़ तेज़ क़दम बढा, अभी समय है।अपने मित्र को तलाश कर। पंख पैदा कर कि तुझे उड कर जाना है।अभी समय है, अपने मित्र को ढूंढ ले।
**************************
          नुंदॖ ऱेशिन्य श्रुक्य।     
पॊज़ यॊद बोज़ख पांछ़ नॊमुरख
नतॖ माज़ नॊमुरख स्वय छय न्यमाज़
शिवस तॖ शुन्यहस म्युल यॊद करख
सिदव स्वय छय दन्थर न्यमाज़
           **********
माने:- हे प्वखतॖ इन्सानॖ श्रदाय रॊस शरीर रूप माज़ बनि दऺस्य न्यमाज़ छि बेमतलब, मगर यॆन्द्रिय शॆमरिथ न्यमाज़ छि बा-मकसद। यश दिनॖ वाजॆन्य न्यमाज़ गऺयि पयस सॗत्य लय सपदुन
**************************
कथ बाथ तॖ ब्यॆयि क्या प्रोग्राम आव राथ करनॖ गुरु ग्राम यानि गुडगांवॖ सुनील गॊंजूनिस गरस मंज़ करनॖ। अथ प्रोगरामस मंज़ छि कॆंह ईश्वर भखॖत यिवान तॖ भजन कीर्तन करान, कॆंह ज्ञऻनी सॗत्य सॗत्य प्रवचन ति दिवान तॖ पनॖनिस धर्मस कर्मस मुतलक कॆंह चर्चा ति करान रोज़ान तॖ यिथॖ पऻठ्य पनुन ज्ञान बऺडरावनॖच कूशिश करान तॖ पनुन समय सफल बनावनॖच अख मुहिम चलावान। भजन कीर्तन कऺरिथ छि आमॖत्य सऻरी भखॖत्य नऺवीद करान तॖ गछ़ान वापस पनॖन्यन पनॖन्यन गरन कुन। संजय भट सऻब छु यिवान साज़ सामान ह्यथ तॖ अजय पंडिता तॖ सुनील पंडिता जी ति छि अख अख साज़हऻना ह्यथ यिवान तॖ मंडली हॖन्ज़ शोबान बढावान। पूर्णिमा रैना जी, दीप्ती तिकू जी तॖ सुनीता सलमान जी छि पनॖन्यव मॊदुर हट्यव भगवान भखती हॗन्द्य लीलायि तॖ भजन बोज़नावान रोज़ान या यॆमिस यि तगि सु छु पनुन योगदान दिवान तॖ अथ रॖतिस कारस अंद वातनावान। मन छु ख्वश गछ़ान यि वुछिथ ज़ि अथ प्रोग्रामस मंज़ छि ल्वकॖट्य ल्वकॖट्य बचॖ ति शम्हूलियत करान रोज़ान विज़ि विज़ि। ती छु दरकार ति। असि पज़ि पनॖन्यन शुर्यन पनॖन्यन पनॖन्यन गरन मंज़ धार्मिक कथॖ बोज़नावॖनि यिथ पऻठ्य कऺशीरि मंज़ पथ कालि सऻन्य नान्य ॴस पऺरियन हॖन्ज़ॖ पनॖनिस फ्यरन फऺरिस तल बॆहनऻविथ बोज़नावान ॴस।सुय माहौल छु पऻदॖ करुन तॖ पनुन शुर या ज़्युर पनॖन्य माजि ज़्यव ह्यॆछनावुन तॖ पनॖनि सभ्यतायि सॗत्य लय थावनावुन।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

11.01.2020

11.01.2020, माघ (माघ), गटॖ पछॖ (कृष्ण पक्ष) ऒक्दॊह (प्रथम)
बटॖवार (शनिवार/शनिश्चरवार)श्री सप्तर्षी सम्वत 5095, राश कर्कट (दुहचि 7.51 बजि प्यठॖ),ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
           गीता ज्ञान  :अध्याय 18
यि कऺरिथ म्यॆ ज़रूर प्राप्त सपदख, छुसय वऻदॖ करान बोज़ बेशक, तिक्याज़ि च़ॖ छुख म्यॆ टोठ बासान
वॊन भगवानन गीता ज्ञान
**************************
           ललॖ वाक्               
 पर तय पान यॆम्य सॊम मोन
यॆम्य ह्युवॖय मोन द्यन क्यो रात
यॆमिसॖय अद्वय मन सऻन्पुन
तऺमिय ड्यूंठुय सुरग्वरनाथ
        **********
अर्थात:- दूसरे तथा अपने को, दिन और रात को जिसने समान माना। अद्वैत (समान, द्वैत के बिना) जिसका मन हो गया, उसीने परमेश्वर (सत्गुरु) के दर्शन किए।
**************************
         नुंदॖ ऱेशिन्य श्रुक्य       
द्युतुथ नरस गौर तॖ तुलरस मऻछी
द्युतुथ हुलम हऺलिस रोंठनस दछ
बुगि पऻरॖय च्यानि क्वदॖरऻच़ॖय
द्युतुथ रूसिस कॊस्तूरी रछ
           *********
माने:- दय च्यानि दयगऺच़ छुस बॖ नमन करान। त्वहि बख्चुव नरकऻनिस मऺदरेर, तुलरि माछ, दछ रऻठ दछ तॖ रूस कचि ख्शबू रूप नाफ् यॆमि संसऻरॖय।
**************************
पंचान्ग:- सानि जन्त्री मंज़ छि कॆंह तिम कथॖ लीखित यिम असि ज़ानॖनि पज़न या याद पज़न थवनि। मसलन...ऱयतस मंज़ छि ज़ॖ पछ आसान, 1.गटॖ पछ 2.ज़ूनॖ पछ, वेद छि च़ोर..1.ऋग्वेद 2. अथर्वेद 3. यजुर्वेद 4. सामवेद,
तत्व छि पांछ़..1. पृथ्वी या ज़मीन 2. जल या पोन्य 3. अग्नि या नार 4. वायु या हवा 5. आकाश या आसमान, युग छि च़ोर..1.सतयुग 2. द्वापर युग 3. त्रेता युग 4. कलि युग (अज़कल छु कलियुग चलान), मनुशस छि त्रॆ ऋण प्यवान नखॖ वालॖन्य...1. देव ऋण 2. पितृ ऋण 3. ऋषि ऋण, सऻनिस धर्मस मंज़ छि च़ोर धाम...1. द्वारका 2. बऺद्रीनाथ 3. जगन्नाथ  पुरी 4. रामेश्वरम्, च़ोर पीठ...1. शारदा पीठ (द्वारिका) 2. ज्योतिष पीठ  (बऺद्रीनाथ..जोशीमठ) 3. गोवर्धन पीठ (जगन्नाथ पुरी) 4. श्रृंगेरी पीठ (रामेश्वरम...तामिल नाडू), यिथय पऻठ्य छि सऻनिस धर्मस मंज़ इन्सान सॖन्दिस जीवन कालस मंज़ च़ोर आश्रम आमॖत्य मानॖनॖ..1. ब्रह्मचर्य  2. गृहस्थ आश्रम 3. वान प्रस्थ 4. सन्यास, अन्त:कर्ण ति छि च़ोरि प्रकऻर्य आसान..1. मन 2. ब्वद या बुद्धि, 3. च़्यथ या चित्त 4. अहम् या अहंकार।
दपान पांच़न तत्वन छु कुनुय शबॖद बन्योमुत यथ नाव छु आमुत दिनॖ भगवान। सु गव 'भ' माने भू या ज़मीन, 'ग' माने गगन या आकाश, 'व' माने वायुं या हवा, 'आ' माने आग या अग्नि या नार तॖ 'न' माने नीर या जल या पोन्य। अख मान्यता छि ज़ि ग्वडॖ ग्वडॖ ओस इन्सान प्रकृच़ीय आमुत पूज़ान। यि प्रकृती य्वस पांच़व तत्वव सॗत्य बन्येमॖच़ छि यथ नाव प्यव भगवान। भगवान अख निराकार रूप यॆमिसॖन्ज़ि यछ़ाय सॗत्य यि ब्रह्मांड बन्योमुत छु। म्यऻन व्यनती छि ज़ि म्यऻन्य बऻय तॖ ब्यॆनि ह्यॆछनऻविन यिम कथॖ पनॖन्यन शुर्यन कट्यन ताकि तिम थवन रऺछ़रऻविथ सऻन्य सभ्यता तॖ सऻन्य संस्कृती।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

10.01.2020

10.01.2020,पॊह (पौष) ज़ूनॖ पछ (शुक्ल पक्ष) पुनिम (पूर्णिमा)
शॊकुरवार (शुक्रवार/जुम्मा),श्री सप्तर्षी सम्वत 5095, राश मिथुन (चलान) ऋतु हेमन्त (चलान)
************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
          गीता ज्ञान  :अध्याय 18
 हे अर्ज़न म्यॆ अर्पण कर पनुन मन, म्यऻन्य पूज़ा कर भखॖत्य म्योन बन। म्यॆ बार बार रोज़ प्रणाम करान
वॊन भगवानन गीता ज्ञान
**************************
        लल वाक्.       
 पवन पूरिथ युस अनि वगि
तस ब्वना स्पर्शि न ब्वछि तॖ त्रेश
ति यस करुन अनतिह तगि
समसारस सुय ज्ययि नेछ
        ************
अर्थात:- जो मनुष्य अपने प्राण अपान को पूर्ण रूप से वश में करेगा उसको भूख प्यास स्पर्श नहीं करेंगे। जो अंत तक ऐसा
अनुशीलन करेगा, संसार में वही सफल होकर जियेगा
**************************
         नुंदॖ ऱेशिन्य श्रुक्य       
ख्वदाय छु अकुय नाव छिस लछा
ज़िकरि रॊस अख कछा मो
वुम्बॖर व्यन्दुन अकुय पछा
रिज़कॖ रॊस अख मऺछा मो
        **********
माने:- ख्वदा छु कुन कीवल तॖ लछॖनोव। यॊद नॖ याद करॖहोन त्यॆलि छु म्वलॖ रॊस यानि कछस बराबर। यॆमि संसऻर्य छनॖ तिमव रीज़कॖ रॊस अख मऺछ ति थऺवमॖच़्य। सु छु कायनऻच़ हुन्द खऻलिक तॖ मऻलिक। तिमव सूज़्य पानय ॳस्य योर तॖ मऺरिथ छु ब्यॆयि तऺस्य निश वातुन। पनुन पान गछ़ि अकि पछुख मॆहमान ज़ऻनिथ दय वति प्यठ हमेशि पकनावुन।
**************************
पंचान्ग:- सानि यानि कऻशिर्य बटन हॖन्ज़ि जन्त्री मंज़ छि ॳकिस खानस मंज़ 'मान' हऻविथ, ब्यॆयि छि जन्त्री हन्दिस पऺतिम्यन द्वन खानन मंज़ हऻविथ 'सिरिय उदय'
तॖ सिरिय 'असत'। यॊत ताम 'मानुक' तऻलुक छु, यि छि ज्योतिषाचार्य पनॖनि ग्रॆन्दि मंज़ अनान यॆलि तिम कऻन्सि हॖन्ज़ टॆकिन्य या ज़ातुक बनावान छि।
सिरिय उदय छु हावान ज़ि तिथि तमि दुहुक गव शुरु तॖ सिरिय अस्त छु हावान ज़ि शाम गव तॖ ज़ूनि हुन्द उदय छु शुरु ह्यवान गछ़ुन। ज़ूनि हॖन्ज़ गति छि बदलान रोज़ान। अमिच रफ़तार छि अती तेज़ आसान या ॳती स्यठा कम आसान या मंज़्य सामान्य आसान।यि छु दारोमदार करान ज़ि ज़ून पृथ्यवी नऺज़दीक कऻच़ाह छि या कऻच़ाह दूर छि। यॆलि ज़ून पृथ्वी नऺज़दीक आसान छि अमिच रफ़तार छि कऻफ़ी तेज़ आसान तॖ यॆलि ज़ून पृथ्वी निशि स्यठाह दूर आसान छि तॖ अमिच रफ़तार छि हमान तॖ यि छि वारॖ वारॖ पकान। यॆलि रफ़तार ज़ूनि हॖन्ज़ तेज़ आसान छि यि छि तिथि प्यॆठ्य न्यॆरान। त्यॆलि छु तिथि रावान तॖ यॆलि रफतार लॊत गछ़ान छि अथ ज़ूनि छु वखत लगान पकनस तमि मूजूब छु तिथि हुर्रान। अथ रावनस तॖ हुर्रनस छि वनान देवादेव। चूंकि अथ ज़ूनि हॖन्दिस चक्करस मंज़ छि ज्यॊतिषि विद्यायि हिसाब कॆंह डिग्री तॖ कॆंह ज़ाविय आसान गंज़रावनॖ तमी हिसाबॖ छु वनान ज़ि द्वह कोताह बड्यऻव या कोताह ल्वकट्यव। म्यॆ वॊन प्यॆठ्य प्यॆठ्य त्वहि ज़ि पंचान्गस मंज़ यि देवादेव शबॖद कयाज़ि तॖ कर छु यिवान परनॖ। यॆलि ज़ूनि हॖन्ज़ रफ़तार सामान्य आसान छि तमि वखतॖ छु तिथि ति सामान्य तोर पऻठ्य पकान रोज़ान। म्यऻन्य व्यनती छि ज़ि म्यऻन्य बऻय तॖ म्यानि ब्यॆनि ह्यॆछनऻविन यिम कथॖ पनॖन्यन शुर्यन कट्यन ति।मऻज्य दीवी त्वहि रुत करुन
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

09.01.2020

09.01.2020, पॊह (पौष) ज़ूनॖ
पछ (शुक्लॖ पक्ष) च़्वदह (चतुर्दशी) ब्रसवार (वीरवार/ ब्रहस्पतवार/गुरुवार) श्री सप्तर्षी सम्वत 5095, राश मिथुन (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
        गीता ज्ञान  :अध्याय 18
यि यच़ गुप्त ब्यॆयि सिरॖ वोल वचन, च्यानि हीतॖ खऻतरॖ ब्यॆयि वनय थव कन, च़ॖ म्यॆ टोठ छुख सपदी कल्याण
वॊन भगवानन गीता ज्ञान
**************************
            ललॖ वाक्               
पटनॖच सन दिथ थावन मटन
लूबॖ ब्वछि बोलन ज्ञानॖक्य गीथ
फऺट्य फऺट्य न्येरन तिम कति वटन
त्रुकुय मालि छुख पॗर्य कड पथ
           **************
अर्थात:- लोभ के कारण स्वांगी लोग ज्ञान के गीता गायेंगे और पटन में डाका डाल के माल को मटन में (इधर का अर्थ उधर करना) छिपा देंगे। अर्थात झूठ का
सहारा लेंगे। ऐसे लोग तो एक दिन नंगे हो जाएंग तथा उन को कुछ भी प्राप्त नहीं होगा। इस्लिए यदि तू बुद्धिमान है तो, ऐसे लोगों का निराकरण कर, या उन के साथ कोई मेल मिलाप मत रख। अर्थात इनसे बच के रह
**************************
       नुंदॖ ऱेशिन्य श्रुक्य       
ख्वदा तालय ओस तॖ आसी
सुय यॆति ॴरुत कऻन्सि नॖ
नकस दिनहार रूज़ी आसी
तस आसि च़्यतस सु आसि नॖ
बन्दा पाफ करान रऺसी
तस कबर सॗत्य कॊंछ़ वसॖ नॖ
        ************
माने:- ख़वदा सऻब छु परातन तॖ रोज़वुन। सु छु नॖ कऻन्सि ति मातहथ। यस नॖ कऻन्सि तक्दीरस हार ति आसि, सु आसि अहम् बावॖ रॊस। प्रथ कांह छु पाप करनस मंज़ ख्वशी महसूस करान। मगर सु छु बे ख़बर ज़ि तसॖन्ज़ि कबरि छु नॖ कांह ति तस सॗत्य वसान।
**************************
पंचान्ग:-  सतोवुह नक्षत्रन मंज़ वुछ असि राथ ज़ि पांछ़ नक्षत्र छि तिम यिमन सारिनी मिलऻविथ छि वनान द्रठॖपऻन्च़ुक तॖ यिमन दॊहन छि कॆंह चीज़ गरॖ अनॖन्य अशुभ मानॖनॖ यिवान। यिथय पऻठ्य छि केंह नक्षत्र शुभ यिवान मानॖनॖ यॆलि कॆंह रॖत्य कार करनॖ आसन। तिम नक्षत्र छि-हस्त,अश्विन, पुनर्वसा, अनुराधा,तिष्या, मृगशर, रेवति। कॆंह नक्षत्र छि तिम यिमन दॊहन कांह शुभ कार्य करुन छु अशुभ मानॖनॖ यिवान। तिमन नक्षत्रन हुन्द नाव छु- भरनी, कृतिका, आर्द्रा, अशिलेश, मघा, चित्रा, स्वाति, विशाखा। मुहूर्त माने सात यानि कांह नऺव कऻम शुरु करनॖ बापथ जान या श्वब द्वह आसुन ताकि कऻमि वाति स्वखॖ- दायक अंद। पनॖनिस समाजस मंज़ छि ॳस्य कऻशिर्य पंडित या कऻशिर्य बट्टॖ प्रथ कांह कऻम  करान सात वुछथॖय। यि सात छि ॳस्य वुछान कुनि सफ़रस प्यठ गछ़नॖ ब्रौंठ, विद्या प्राप्त करनॖ ब्रौंठ, खान्दर ब्वछ़ब करनॖ ब्रौंठ। अथ मुतलक करव ब्यॆयि ब्रौंहकुन कथ पगाह। म्यऻन्य व्यनती छि ज़ि
म्यान्यन ब्यॆन्यन तॖ बायन पज़ि पनॖन्यन शुर्यन पंचान्गॖच ज़ऻन्य- कऻरी दिन्य तॖ पनॖन्य संस्कृति रऺछ़रॖन्य
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

08.01.2020

08.01.2020 पॊह (पौष) ज़ूनॖ पछ (शुक्लॖ पक्ष) त्रुवाह (त्रॆयॊदशी) ब्वदवार (बुधवार) श्री सप्तर्षी सम्वत 5095, राश मिथुन (रऻच़ हॖन्ज़ि 3.48 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
         गीता ज्ञान  :अध्याय 18
यिथ कऺन्य पुर इसरार तॖ उत्तम ज्ञान, वॊनॖमय पूरॖ पऻठ्य दि अथ कुन ध्यान। पतॖ च़ॖ तिय कर यि छुख यछ़ान
वॊन भगवानन गीता ज्ञान
**************************
            लल वाक्             
पऺरिथ तॖ बूज़िथ ब्रह्मण छ़्यटन
आगर घटन तिहॖन्दि व्यदॖ सॗत्य
पटनॖच सन निथ थवन मटन
मुहित मन गछ़्यख अहंकऻरी
          *************
अर्थात:- वेदों के ज्ञाता माने जाने वाले ब्रह्मण अब अनुभव के बिना अपवित्र तथा पथभ्रष्ट होंगे, अर्थात ब्रह्मण कर्म से गिर जाएंगे, और वेद का निम्न स्तर का अर्थ करेंगे। उनके मन में चोर अर्थात धोखा परिग्रहित होगा जिस कारण वह अशुद्ध अर्थ बताएंगे अर्थात झूठ बोलेंगे और मोह के कारण अहंकारी हो जाएंगे।
**************************
          नुंदॖ ऱेशिन्य श्रुक्य       
कुसू गव तॖ कऺम्यू ड्यूंठुय
कॖमू छिय तथ पायस प्यठ
युस यथ कामे च़ऺलिथ ब्यूठॖय
तऺम्य त्युथ लॊबो लीठे वथ
       *************
माने:- दयस निश कुस वोत तॖ कऺम्य वुछ दय सा‌‌क्षात (ब्रौंहकनि), तिम कम छि यिम तथ पायदानस प्यठ छि ख्वर ठीकरिथ। कर्म त्यऻगी मनुशस  छि सारॆय वतॖ क्रेछि बासान, युस युथ करि सु त्युथ स्वरि छु दय सुन्द नियम
**************************
पंचान्ग:- राथ वॊन म्यॆ ज़ि बाह रऻश छि आसान तॖ तिम राशि छि न‌क्षत्रन सॗत्य मीलिथ पनॖनि शक्ती मुतऻबिक प्रथ इन्सान सॖन्ज़ि ज़िन्दगी मंज़ दपान प्रभाव त्रावान रोज़ान।  कुस नक्षत्र कथ रऻश मंज़ ॴसिथ क्याह प्रभाव कस इन्सानस किथॖ पऻठ्य तॖ कमि रऺन्ग्य छु त्रावान, यि गणना छि ज्योतिषाचार्य ह्यकान कऺरिथ तॖ अम्युक छि तिमय ह्यकान वऺनिथ  ज़ि क्याह फल छु तॖ कुनि संकटस दूर करनॖ बापथ क्याह हल छु। यि छि दॊयिम कथ ज़ि कऺमिस ज्योतिषाचार्यस कऻच़ाह महऻरियथ छि पनॖनिस ज्ञानस मंज़ आसान, सु विषय छु ब्यॊनुय। तथ प्यठ करव नॖ यॆतिनस अज़ ॳस्य कांह वखनय। प्रथ ॳकिस नक्षत्रस छि च़ोर पाद यानि च़ोर हिसॖ आमॖत्य करनॖ ज्योतिष विद्यायि मुतऻबिक तॖ प्रथ ॳकिस रऻश्य मंज़ छि आसान ज़ॖ नक्षत्र तॖ त्र्यॆमि नक्षत्रुक अख पाद यानि च़ूरिम हिसॖ।यिथॖ पऻठ्य छि यिम नक्षत्र अकिस रऻश मंज़ रूज़िथ पतॖ दॊयिमि रऻश मंज़ कॆंच़स कालस रोज़ान तॖ पनॖन्य गति विधि चलावान रोज़ान । ग्वडॖन्यक नक्षत्र छु ग्वडॖनॖचि रऻश प्यठय पनुन परिक्रमा शुरु करान तॖ यिथ पऻठ्य छु बाहन राश्यन तॖ सतोवुह नक्षत्रन पनुन चक्कर सिरी च़ऺन्दरम तॖ पृथ्वी वगैरा रेखायि प्यठ पूरॖ सपदान। यि वॊन म्यॆ प्यॆठ्य प्यॆठ्य नक्षत्रन तॖ राशन हॖन्द हिसाब किताब। बाकय वनॖन ज्योतिषाचार्य अथ मुतलक पानय। मुहूर्त क्याह छु आसान अथ मुतलक करव कथ पगाह। म्यऻन्य व्यनती छि म्यान्यन ब्यॆन्यन तॖ बायन ज़ि तिम वातनऻवॖन्य पनॖन्यन शुर्यन ताम यि पंचान्गॖच ज़ऻन्यकऻरी। त्वहि यऻरी करुन सदा
शिव।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

07.01.2020

07.01.2020, पॊह (पौष) ज़ूनॖ पछ (शुक्लॖ पक्ष) बाह (द्वादऺशी) बॊम्वार (मंगलवार) श्री सप्तर्षी सम्वत 5095 राश वृष (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
         गीता ज्ञान  :अध्याय 18
च़ॖ प्रथ रंगॖ तनॖ मनॖ हे अर्ज़न, तऺम्यसॖय पर्म ब्रह्मस रोज़ शर्ण
तिहॖन्ज़ि कृपायि प्रावख च़ॖ पर्म स्थान
वॊन भगवानन गीता ज्ञान
**************************
          लल वाक्           
मनस ग्वन छुय च़ंच़ल आसुन
च़्यतस ग्वन छुय गछ़ुन दूर
ज़ीवस ग्वन छुय ब्वछॖ त्रेश आसॖन्य
आत्मस ग्वन छुय ना आसुन लीफ
           ************
अर्थात:- मन का गुण चंचलता है, चित्त का गुण दूर निकल जाना है, जीव का गुण भूख और प्यास है और आत्मा का गुण निर्लिप्त होना है
**************************
           नुंदॖ ऱेशिन्य श्रुक्य
पऻर्य पऻर्य लऺग्यज़ि तस पैग़म्बरस
यिहॖन्दिस दोरस रहमत छय जऻरी
कऻल्य यॆलि हख लगि रोज़ि महशरस
तस कुन व्वमेदवार आसन सऻरी
सऺमिथ अर्ज़ा करन जबारस
दोस्तस पनॖनिस गोसॖ वनि सऻरी
वुछतॖ कॗच़ न्यामच़ दिच़म संसारस
कऻन्सि नॖ कऺरॖम शुक्रगुज़ऻरी
तिय बोज़ि फऻतिमॖ निशि खंदॖकारस
दपि रबना बाबस ग़म कास सऻरी
तोरॖ अदॖ बुरोच़रन रहमतकिस गरस
यारस पनॖनिस सॗत्य दियि सऻरी
            **********     
माने:- तस पैगम्बरस लऺग्यज़ि बलाय, यिम रहमतॖक्य आगुर छि। यॆलि रोज़ि महशर लुख सऻरी सऺमिथ यिन तॖ व्यनॖच़ रूप दया मंगन हज़रत अली अल्ला वसलमन, तमि विज़ि करन ख़व्दा सऻब पनॖनिस टऻठिस निश शिकायत तॖ वनॖनस म्यॆ थवि सारेय न्यामच़ॖ मुहय्या लूकन।मगर कऻन्सि ॳक्य ति कऺर नॖ म्यऻन्य शुक्रगुज़ऻरी। तिमव कऺर पेशनगूयी ज़ि यॆलि हज़रत मुहम्मद सऻबॖन्य टऻठ कूर हज़रत फऻतिमॖ बोज़ि ख्वदायस निश, स्व करि सुफऻरिश तॖ वाति ख्वदावंदि ताला सॖन्दिस बरस प्यठ व्यनथ करान बाव्यस :
म्यानि ख्वदाया म्यऻनिस बाबस कर सऻरी ग़म तॖ गोसॖ दूर।तॖ अमि कथि यिन नूरबऺरिति सॖन्द्य बंद जन्तक्य दरवाज़ॖ मुच़रनॖ तॖ पनॖनिस टऻठिस यारस हज़रत मुहम्मद सऻबस सान अच़ि सऻरॖय  उम्मत जनतस मंज़।
**************************
पंचान्ग:- राथ वुछ असि ज़ि सानि पंचान्गॖ मुतऻबिक छि कुल 27 नक्षत्र आसान। यिथय पऻठ्य छि सान्यव ज्योतिषाचार्यव होवमुत ज़ि रऻश छि कुल बाह तॖ यिमन बाहन रऻषियन मंज़ छि यिम सतोवुह नक्षत्र अच़ान तॖ न्ये पसरान रोज़ान। यिम द्वनवय मीलिथ छि मनुश ज़ऻच़ प्यठ पनुन असर ब्यॊन ब्यॊन तरीकस मंज़ त्रावान रोज़ान। पांछ़ नक्षत्र छि तिम यिमन ॳस्य द्रठॖपऻन्च़ुक वनान छि। तिम पांछ़ नक्षत्र छि 1. धनिष्ठा 2. शतभीषक 3. पूर्व भाद्रपदा 4. उतर भाद्रपदा 5. रेवति - द्रठॖपऻन्च़कस मंज़ छि ॳस्य पांच़न चीज़न गरस मंज़ च़ानॖनस परहेज़ करान। तील/लऺकॖर/शॆशतॖर/कपुर/बानॖ -
बाहन रऻशियन हॖन्द्य नाव छि - 1. मेष 2. वृष 3. मिथुन 4. कर्कट 5. सिंह 6. कन्या 7.तुला 8. वृशिचिक 9. धनु 10. मकर 11.कुम्भ 12. मीन - नक्षत्र किथ पऻठ्य छि रऻश्य सॗत्य सॗत्य पकान रोज़ान ति वुछव ॳस्य पगाह।
म्यऻन व्यनती म्यान्यन ब्यॆन्यन तॖ बायन छि ज़ि तिम दिन यि ज़ऻनकऻरी पनॖन्यन शुर्यन कट्यन ति। दय त्वहि दया करुन
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

06.01.2020

06.01.2020 पॊह (पौष) ज़ूनॖ पछ (शुक्लॖ पक्ष) काह (एकादशी) च़ऺन्दॖरवार (सोमवार) श्री सप्तर्षी सम्वत 5095, राश वृष (रऻच़ हॖन्ज़ॖ 8.35 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
         गीता ज्ञान  :अध्याय 18
शरीर रूपी च़ऺक्रॖ सारिनॖय ज़ीवन, पर्म ब्रह्म कर्मव अनुसार फेरॖनावान। सु सारिनॖय यऺन्द्रयन हृदयन मंज़ रोज़ान
वॊन भगवानन गीता ज्ञान
**************************
           लल वाक्         
मारुख मारॖ बूथ काम क्रूध लूभ
नतॖ कान बऺरिथ मारनय पान
मनय ख्यन दिख स्वव्यच़ारॖ शम
विषय तिहुन्द क्याह क्युथ द्रोवू ज़ान
          *************
अर्थात:- मारो ये हिंसक- काम, क्रोध तथा लोभ रूपी भूतों को।अन्यथा तीर चढा कर यह तेरे को ही मारेंगे। मन द्वारा इनको सुविचार रूपी शम का खाना खिलाओ। यह जान ले कि इन के विषय दृढ तथा टिकने वाले नहीं हैं।
**************************
        नुंदॖ ऱेशिन्य श्रुक्य       
मुहम्मद तॖ च़ोर यार बरहक गऺन्ज़रख
तिमन निश अंदि दीनुक न्याय
जान पान पनुन तिमन पथ बऺन्ज़रख
सॊय छय तोर किच़ बऺड रऺहकाय
ॳनिस अथॖवाल पाय क्यथ सॆज़रख
यामथ वरज़ख पीरॖ सॖन्ज़ जाय
         *************
माने:- हज़रत मुहम्मद तॖ तिहंदिय च़ोर यार यॊद ख्यनॖ ख्यनॖ याद करख त्यॆलि समजख पानय च़ॖ पनुन दीन तॖ तम्युक असली मकसद प्यॆयि पलि। तिमन सोरुय पुशरुनुय छय तोर किच़ ज़ीन्यमॖच़ च़्वचि दऺज्य। च़ॖ ह्यकख त्यॆलि ॳन्य सॖन्ज़ लूर अज्ञानॖ सुन्द सहारॖ बऺनिथ यॆलि च़्यॆ पानस ज़ऻन्यकऻरी ज्ञानॖच आसिय
**************************
पंचान्ग:- नक्षत्र (Constellation):  आकाशस मंज़ तारकन हुन्द ख्यॊल या समूह  आसुन तॖ तिमन तारकन हुन्द ॳकिस कऺरिस मंज़ आसनस छि वनान नक्षत्र। सिरियि च़न्द्रमॖ या ब्यॆयि कुनि गृहचि रॖखि या वति मंज़ यिम यिम तारख रऻश च़ऺक्रस मंज़ बोज़नॖ यिवान छि तिम छि ज्योतिष्याचार्यव मऻन्यमॖत्य ज़ि यिम छि सतोवुह तारख या नक्षत्र यिहिन्द्य नाव छि आमॖत्य दिनॖ यिथपऻठ्य- 1. अश्वनि 2. भरनी 3. कृतिका 4. रोहिनी 5. मृगसरा 6.ॴद्रा 7. पुनर्वसा 8. पुश्यामि   9. अशिलेशा 10. मघा 11. पूर्व फाल्गुनी 12. उत्तर फाल्गुनी 13. हस्ता 14. चित्रा 15. स्वाति 16. विशाखा 17. अनुराधा 18. ज्येष्ठा 19. मूला 20. पूर्व आषाढा 21. उत्तर आषाढा 22. श्रवणा 23. धनिष्ठा 24. शताभिशा 25. पूर्व भाद्रा 26. उत्तर भाद्रा 27. रेवति
यिमन नक्षत्रन हुन्द रिश्तॖ रऻश्यन सॗत्य क्याह छु यि वुछव पगाह। यिमन न‌क्षत्रन हुन्द प्रभाव या असर छु यिवान वर्णन करनॖ सान्यन ज़ातकन मंज़ यॆलि ॳस्य पनॖनिस शुर्यसुन्द ज़ातुक बनावनावान छि। रऻश फल, नक्षत्रन हुन्द प्रभाव मनुश ज़ऻच़ प्यठ किथॖ पऻठ्य तॖ क्याह क्याह छु प्यवान, अम्युक गणित छि करान ज्योतिषाचार्य तॖ तमी हिसाबॖ छि ॳस्य कऻशिर्य पंडित पनॖन्य संस्कार तॖ संस्कृति पकनावान। यॆम्युक ज़िक्र ब्रौंहकुन करव। म्यऻन्य व्यनती छि ज़ि म्यऻन्य ब्यॆनि बऻय ह्यॆछनऻविन यिम कथॖ पनॖन्यन शुर्यन कट्यन। त्वहि मऻज्य दीवी करुन पनुन अथॖरॊट।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

05.01.2020

05.01.2020,पॊह (पौष) ज़ूनॖ पछ  (शुक्लॖ पक्ष) दऺहम (दशमी) आथवार (रविवार/एतवार) श्री सप्तर्षी सम्वत 5095, राश मेष (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
      गीता ज्ञान   : अध्याय 18
हे अर्ज़न च़ॖ मॊह किन्य छुख नॖ यछ़ान, च़ॖ स्वभावॖ कर्म करनावान, कर्म बंधन छु ज़ोरॖ करनावान
वॊन भगवानन गीता ज्ञान
**************************
           लल वाक्             
मूढ ज़ऻनिथ पऺशिथ कर कॊल
श्रुतवुन ज़डॖ रूप आस
युस यि दपिय तस ति बोल
यॊहय तत्वॖ व्यदिस छु अब्यास
         *************
अर्थात:- जान कर भी मूढ बन, देख कर भी अंधा बन और सुन कर भी जड रूप बन। जो कोई कुछ कहे उस को बोल कि हां आप का कहना ठीक है। यही तत्व को जानने वाले के लिए अभ्यास है।
**************************
        नुंदॖ ऱेशिन्य श्रुक्य       
पॊज़ दपान पन ज़न नटख
अपुज़ दपान लगिय रस
मुहमम्द त्रऻविथ इबलीस रटख
ख्वदाय दितुय तॖ खटक कस
          ************
माने:- सतुक व्यवहार छु स्यठा कठ्युन, मगर छु तारॖवुन। अपुज़ वर्ताव गव शेतान(इबलीस)नालॖ
रटुन यॆमिकिन्य हज़रत मुहम्मद संज़ि वति डऺलिथ छु पऻन्य पानय तम्युक ज़िम्मॖवार बंदॖ आसान।
**************************
*पंचान्ग*:- तिथि यानि तऻरीख: त्वहि छि ख़बर ज़ि ज़ून छि बडान तॖ छ़्वकान रोज़ान। अकि पछॖ छि ज़ून ऒकदॊह प्यठॖ पुनिम ताम  बडान रोज़ान तॖ पुनिम द्वह छि पूर गोलऻई मंज़ आसान।अथ कालस छि वनान ज़ूनॖ पछ या शुक्लॖ पक्ष तॖ पतॖ छि ह्यवान यि ज़ून छ़्वकॖन्य माविसि ताम तॖ मावसि द्वह छॆ नॖ ज़ून नज़रि यिवान। अथ कालस
छि वनान गटॖ पछ या कृष्ण पक्ष।
यिथ पऻठ्य छि यिम ज़ॖ पछ मिलऻविथ बनान त्रॖह द्वह। यिमन द्वनवऺन्य पछन हॖन्द्यन दोहन छि कऻशिर जंत्री हिसाबॖ ॳस्य वनान तिथि। चूंकि यिम छि ॳकिस ऱयतस मंज़ त्रॖह द्वह बनान मगर ॳस्य छि पन्दहान पन्दहान दॊहन हॖन्दि हिसाबॖ पकान।सु गव ज़ि ज़ूनॖ पछॖक्य पन्दह द्वह यानि ओकदॊह प्यठॖ पुनिम ताम तॖ पतॖ गटॖ पछॖक्य पन्दह द्वह यानि ओकदॊह प्यठॖ मावसि ताम। यिथॖ पऻठ्य छु सानि पंचान्गॖ हिसाबॖ तिथि बदलान रोज़ान। यिमन तिथियन हॖन्द्य नाव छि कऻशिर्य पऻठ्य यिथकऺन्य-ओकदॊह, द्वय,त्रय, च़ोरम, पऻन्च़म, शॆयम, सतम, ॴठम, नवम, दऺहम, काह, बाह, त्रूवाह च़्वदह तॖ पुनिम (ज़ूनॖ पछ), पतॖ गव ब्यॆयि ओकदॊह, द्वय,त्रय ....परान परान वातान च़्वदॖश द्वह तॖ तमि पगाह छि आसान मावस यानि (गटॖ पछ)
यि छु याद थावुन ज़ि असि कऻशिर्य पंडितन या कऻशिर्य बटन हुन्द तिथि छु शुरु गछ़ान सूर्य उदय यानि सिरियि खसनॖ प्यठॖ शुरु। हालांकि ईस्वी पंचान्गुक द्वह छु शुरु गछ़ान रऻच़ हॖन्ज़ि बहि बजि प्यठ तालाकि दॊयिम रऻच़ हॖन्ज़ि काह बऺजिथ कुनहऻठ मिन्टन ताम। वारन हॖन्द्य नाव छि म्यॆ राथ वऺन्यमॖत्य। सिरि खसनॖ प्यठॖ दॊयिमि द्वह सिरी खसनस ताम छि वार यानि सु द्वह रोज़ान। त्रॆयिम अंग पंचान्गुक गव नक्षत्र। यि वुछव पगाह ज़ि नक्षत्र क्याह गव वगैरा वगैरा। म्यऻन्य व्यनती छि म्यान्यन ब्यॆन्यन तॖ बायन ज़ि तिम वातनावन या ह्यॆछनावन यि कथ पनॖन्यन शुर्यन ति। तुहन्द्यन मुर्यन दय रऻछ करुन।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

04.01.2020

04.01.2020, पॊह (पौष) ज़ूनॖ पछ (शुक्लॖ पक्ष) नवम (नवमी) बटॖवार (शनिवार/शनिश्चरवार) श्री सप्तर्षी सम्वत 5095, राश मेष (दुहचि 10.4 बजि प्यठॖ) ऋतु हेमन्त (चलान)..द्रठॖपऻंन्च़ुक(पंचक) म्वकलि अज़
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
   *गीता ज्ञान**  :अध्याय 18
अगर अहंकार किन्य च़्यॆ छुय ख़याल, बॖ य्वद करनॖ छु अथ प्यठ दरुन मुहाल। च्योन स्वभाव च्यॆ य्वद करनावान
वॊन भगवानन गीता ज्ञान
**************************
             *लल वाक्*         
मुढस प्रॖनुन छुय म्वय वाल छ़्यदुन
मूढस प्रॖनुन छुय मुरि द्युन कोह
मूढस प्रॖनुन छुय समंदर पूरुन
मूढस प्रुनुन रावी द्वह
        **************
*अर्थात*:- मूढ या बात को न समझजने वाले को समझाना बाल को चीरने, पर्वत को गोद में लेने या समुद्र को भरने जैसा है।  इस्लिए मूढ को समझाना व्यर्थ है।इस कारण उसे नऺ समझाना ही ठीक् है। ऐसा प्रयत्न करके आप अपना समय व्यर्थ करेंगे।
**************************
             नुंदॖ रॆशिन्य श्रुक्य
ला इला इलल्ला सऺही कॊरुम
वऺही कॊरुम पनुन पान
व्वजूद त्रऻविथ मोजूद म्यूलुम
हर म्वखॖ वुछुम पनुन पान
       ************
*माने*:- यिति कॆंछ़ा छु सु छु दय सुन्द सोरुय। मऻनिथ तॖ व्यवहारस  मंज़ ॳनिथ प्रोवुम पनुन मकाम।
यॆमिकिन्य पनुन पान मऺशरिथ बास्योम हर कऻन्सि मंज़ दय सुन्द रूप
**************************
*पंचान्ग*:- कऻशिर्य ज़बऻन्य मंज़
छि दॊहन हॖन्द्य नाव यिथकऺन्य, च़ऺन्दॖरवार, बॊम्वार, ब्वदवार, ब्रसवार, शॊकुरवार, बटॖवार तॖ आथवार। जंत्री मंज़ छि हऻविथ विक्रम सम्वतॖक्य द्वह। तिम छि सोमवार, बोम्वार, बुधवार, वीरवार या गुरुवार, शुक्रवार, शनिवार तॖ रविवार। अंग्रीज़स मंज़ छि यिमय द्वह यॆमि नावॖ सॗत्य ज़ानान, मनडे, ट्यूसडे, व्यनसडे, थऺरॖसडे, फ्राइडे, सैटरडे, सनडे।
म्यॆ लीख्य यिम नाव कऻशिर्य ज़बऻन्य मंज़ मगर छि यिम नाव   दरअसल अंग्रीज़स मंज़ॖय। हऻरऻनी छि यि ज़ि सान्यन शुर्यन छॆ नॖ कऻशिर दॊहन हॖन्द्य नाव यादॖय। कॆंच़न मा आसन मगर ज़्यादॖतर बचन छि नॖ दॊहन हॖन्द्य नाव तगान वनॖन्य ति। यि छि वाकय तऻज्यबॖच कथ ज़ि कऻशिर्य ॴसिथ नॖ कऻशिर चीज़न हॖन्ज़ ब्वय आसॖन्य। सानि जंत्री मंज़ ति छु कऻशुर तॖ हॆन्दी रलॖ गोमुत कुनि कुनि जायि। जंत्री मंज़ लीखित छु यि कॆंछ़ा तमिच ज़ऻन्यकऻरी छे नॖ असि सारिनी। यि विद्या छि तगान ज्योतिषाचार्यन। प्यॆठ प्यॆठ यॊदवय वुछव तॖ ननान छु ज़ि पान्च़न अंगन हुन्द शब्द छु पंचान्ग। यिम पांछ़ अंग छि 1. तिथि, 2. वार 3. नक्षत्र 4. योग 5. करन। मगर सानि मतलबॖक्य छि
केवल त्रॆ अंग यानि तिथि, वार तॖ नक्षत्र। बचेमॖत्य ज़ॖ अंग यानि योग तॖ करन छि ज्योतिष वरतावान यॆलि ज़ातुक वातुक बनावुन छु आसान या यॆलि ट्यॆकिन्य  व्यॆकिन्य मिलनावॖन्य छि आसान। पगाह वुछव ॳस्य यिम त्रॆ अंग छि क्याह आसान तॖ यिमन अंगन हॖन्ज़ कऻम क्याह छि आसान। माजि गछ़ शर्ण, माजि प्यॆ परण, मऻज्य शारिका द्वख तॖ दऻद्य कासान
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
koshursabak.blogspot.com.ति वुछिव

03.01.2020

03.01.2020, पॊह (पौष) ज़ूनॖ पछ (शुक्लॖ पक्ष) ॴठम (अष्टमी) शॊकुरवार (शुक्रवार/जुम्मा) श्री सप्तर्षी सम्वत 5095, राश मीन (चलान) ऋतु हेमन्त (चलान) द्रठॖपऻन्च़ुक (पंचक) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
         गीता ज्ञान  :अध्याय 18
यिथॖ पऻठॖय म्यॆ मंज़ यॆलि मन लागख, अहंकार त्रावख म्यऻन्य वच़न बोज़ख, न बोज़नॖ नष्ट गछ़ख थाव ध्यान
वॊन भगवानन गीता ज्ञान
**************************
          लल वाक्               
मूढस ज्ञानॖच कथ नो वऺनिज़े
खरस गोढ दिनॖ राविय द्वह
स्यकि शाठस फल नो वऺविज़े
रावरिज़ि नॖ कॊम याजन तील
         ***********
अर्थात:- मूर्ख के साथ ज्ञान की बात मत करो। यह गधे को गुड खिलाने, रेत में बीज बोने तथा चावल के छिलके की बनी रोटियों में तेल डालने के बराबर है।
**************************
        नुंद ऱेशिन्य श्रुक्य         
अवल सुय ॴखॖर सुय
नदॖबल वऺसिथ मल कऻसिव
दस गुल्य गऺन्डिथ तस कुन ॴसिव
द्यवॖ कुनि दोज़ॖखॖनि नारॖ लऺसिव
        *************
माने:- ग्वडॖ ति तॖ अंद ति छु पानॖ दय। यारबलॖ श्रानॖ सॗत्य छु शऺरीर मल दूर सपदान मगर यॊद तस कुन गुल्य गऺन्डिथ शरण रूज़िव त्यॆलि छु मनुक मल दूर सपदान।श्वद् मनॖ छि नरकॖनि नारॖ निश इन्सान बऺचिथ ह्यकान।
**************************
*पंचान्ग*:- चूंकि ॳस्य कऻशिर्य बटॖ या कऻशिर्य पंडित छि सप्तर्षि सम्वत वर्तावान, सानि हिसाब छि वऺरियस मंज़ बाह ऱयथ आसान यिहॖन्द्य नाव छि- 1.च़िथ्थॖर 2.वह्यक् 3. ज़येठ 4.हार 5.श्रावुण 6. भऻदॖरप्यथ 7. ॴशिद 8. कार्तिक 9. मॊन्जॖहोर 10. पॊह 11. माघ 12. फाल्गुन
मगर विडम्बना छि यि ज़ि सानि जंत्री मंज़ छि नॖ ऱयतन हॖन्द्य नाव तमि आयि आमॖत्य ल्येखनॖ। यि छु अख कारण ज़ि सान्यन शुर्यन छि नॖ यिमन ऱयतन हॖन्द्य नाव पनॖनि ज़्यॆवि प्यठ। विक्रमी पंचान्गॖ मूजूब वऺरियिकिस ऱयतन हुन्द नाव छु 1. चेत्र 2. वैशाख 3. ज्येष्ठ 4. आषाढ 5. श्रावण 6. भाद्र 7. आश्विन 8. कार्तिक 9. मार्ग 10. पौष 11. माघ 12. फाल्गुन। ईस्वी सम्वत हिसाबॖ छि वऺरियिक ऱयतन हॖन्द्य नाव यिथकऺन्य 1. जनवरी 2. फ्यबर्वरी या फर्वरी 3. मार्च 4. अप्रैल या ऐप्रिल 5. मेय  6. जून 7. जुलाई
8. अगस्त 9. सितम्बर या स्यप्तम्बर 10. अक्टोबर या अकतूबर 11. नवम्बर 12. दिसम्बर।सप्तर्षि सम्वत पंचान्ग
हिसाबॖ छु सऻनिस ऱयतस ज़ॖ हिसॖ आमॖत्य करनॖ, 1.गटॖ पछ तॖ 2. ज़ूनॖ पछ। ॳकिस पछस मंज़ छि यिवान पंदाह द्वह यानि द्वन पछन मंज़ छि कुल मिलऻविथ त्रॖह द्वह बनान। मगर यिमन त्रॖहन दॊहन मंज़ छि कॆंह तिथि रावान तॖ कॆंह तिथि हुर्रान रोज़ान। रावान तॖ हुर्रान कयाज़ि छु तिथि तथ पतॖ छु अलग कारण यानि वजह।  हालांकि वार यानि दुहुक नाव छु नॖ रावान या हुर्रान बऺल्कि तिथि छु रावान या हुर्रान।म्यऻन्य व्यनती छि म्यान्यन ब्यॆन्यन तॖ बायन ज़ि तिम  वातनऻवॖन्य यिम कथॖ पनॖन्यन शुर्यन ताम। पगाह करव ब्रौंहकुन कथ। मऻज्य दीवी हऻव्यनवॖ रॖच़ वथ
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

02.01.2020

02.01.2020, पॊह (पौष) ज़ूनॖ पछ (शुक्लॖ पक्ष) सतम (सप्तमी) ब्रसवार (वीरवार/ब्रहस्पथवार/ गुरुवार)श्री सप्तर्षी सम्वत 5095, राश मीन (चलान) ऋतु हेमन्त (चलान), द्रठॖपऻन्च़ुक (पंचक)(चलान) ************************** नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ। ************************** गीता ज्ञान :अध्याय 18 सऻरी कर्म म्यॆ मनॖ किन्य अर्पण कर, समतव बोज़ यूगॖ म्यॆ पान पुशर, निशचय कऺरिथ दार म्योन ध्यान वॊन भगवानन गीता ज्ञान ************************** लल वाक् "मूढो क्रय छय नॖ दारुन तॖ पारुन मूढो क्रय छय नॖ रछिन्य काय मूढो क्रय छय नॖ दीह संदारुन सहज़ व्यच़ारुन छुय व्वपदीश" *********** अर्थात:- ऐ मूर्ख, पदार्थों को संचय करना, केवल काया को ही संभालना तथा सजाना वास्तविक क्रिया नहीं है। वास्तविक क्रिया तो सहज अर्थात स्वात्म का विचार करते रहना है" पऺरिव यि लल वाख ति ************************** नुंदॖ ऱेशिन्य श्रुक्य ॳल्लाह परनस दोरा फिर्यज़े ज़गतॖच लादन स्वरिज़ि नॖ ज़ांह यादस तिहॖन्दिस द्वह द्यन बऺर्यिज़े ज़िन्दॖय ॴसिथ मऺर्यज़ि नॖ ज़ांह ************ माने:- दय ज्ञान प्रावुन गव संसऻर्य कल मऺशिरावॖन्य। दय सॖन्दिस यादस मंज़ कर अभ्यास। ख्यनॖ ख्यनॖ द्वह द्यन तिहॖन्दिस यादस मंज़ बरुन गव बे ख़ोफ़ सपदुन। ************************** *पंचान्ग*- सानि यानि कऻशिर बटन हॖन्ज़ जंत्री अर्थात विजयेश्वर पंचान्गस मंज़ छि आमॖत्य त्र्यॆयव प्रकऻर्य पंचान्ग हावनॖ। सु गव (1) सप्तर्षि (2) ईस्वी (3) विक्रमी। यिमव त्र्यॆयव पंचान्गव मंज़ छु सारिवी ख्वतॖ प्रोन पंचान्ग सप्तर्षि सम्वत युस पऺत्यम्यव 5095 वऺरियव प्यठॖ छु आमुत चलान। ॳस्य कऻशिर्य बटॖ आमॖत्य छि ॳथ्य पंचान्गस मुतऻबिक अज़ ताम पनॖन्य संस्कार, त्यौहार, वॊहरवोद, खान्दर व्वछ़ब मनावान। यि पंचान्ग छु शुरु गछ़ान प्रथ वऺरियि च़िथ्थरॖ ज़ूनॖ पछॖ प्यठॖ तॖ अंद वातान छुस च़िथ्थरॖ गटॖ पछॖ मावसि द्वह। ईस्वी सनॖ यानि पंचान्ग छु शुरु गछ़ान जनवरी कि ग्वडनॖकि द्वह प्यठॖ दिसम्बरकिस ॴखरी द्वहस ताम तॖ विक्रमी पंचान्ग छु शुरु गछ़ान चित्र कि पऺत्यमॖ हफ्तॖ प्यठॖ चित्र किस 23 किस द्वहस ताम। विक्रमी सम्वत छु 2076 वऺरी प्रोन तॖ ईस्वी सम्वत छु 2019 वऺरी प्रोन। कऻशिर पंडित त्रऻविथ छि बाकय सऻरी हॆन्द्य विक्रमी सम्वत मुतऻ़बिक पनुन हिसाब किताब थावान। अल्बतॖ ईसवी पंन्चान्गॖ हिसाबॖ छि सार्यॆय ज़ाच़ कार्यक्रम करान ति क्याज़ि अथ पंचान्गस छि सरकऻर्य मान्यता प्राप्त सपदेमॖच़। बाकय ज़ऻच़न छु पनुन पनुन पंचान्ग यॆमि हिसाबॖ तिम पनुन धर्म-कर्म करान छि। यिमन पंचान्गन मंज़ ऱयतन हॖन्द्य नाव ति छि ब्यॊन ब्यॊन। तिम वुछव पगाह वारॖ कारॖ। म्यऻन्य व्यनती छि म्यान्यन ब्यॆन्यन तॖ बायन ज़ि तिम दिन पनॖन्यन शुर्यन पंचान्गॖच ज़ऻन्यकऻरी। त्वहि ईश्वर करुन यऻरी। ************************** कऻशुर ह्यॆछव कऻशुर परंव कऻशिर्य पऻठ्य पानॖवुन्य कथबात करव ************************** नऺविव तॖ फॊलिव भूषण कौल "दीप" (बूज़िव ॳज़्युक सबक़ म्यानि ज़्यॆवि ति) (koshursabak.blogspot.com ति वुछिव)