01.11.2021

01.11.2021, कार्तिक (कतक) गटॖ पछॖ (कृष्ण पक्ष) काह (एकादशी) देवादेव च़ऺन्दॖरवार (सोमवार) श्री सप्तर्षि सम्वत 5097, नक्षत्र पू.फा, राश कन्या (शामचॖ 6.39 बजि प्यठॖ) ऋतु हरुद (शरद) (चलान)

***************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

****************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

****************************

हालांकि अथ मंज़ छु नॖ कांह शक ज़ि परुन लेखुन छु स्यठाह ज़रूरी पनॖन्य प्रज़नथ ज़िन्दॖ थावनॖ बापथ, पनॖनि संस्कृति रऻछ करनॖ बापथ, पनॖन्यन स्वपनन साकार बनावनॖ बापथ, मगर बकाया हुन्नर याने कसॖब ति अगर पानस सॗत्य सॗत्य आसन तमि सॖत्य छि मॊहतऻजी कम गछ़ान तॖ वारिहान मुश्किलन तॖ मुसीबतन हल मेलान। यिहऻय खयाल ह्यथ ओस आमुत कश्यप बन्धु, येमिस कॆंह लूख ॴस्य केशव बन्धु नावॖ सॗत्य ति ज़ानान। दपान कॆंच़न आव तऺम्यसुन्द रिफार्म तजवीज़ स्यठाह पसंद मगर स्यठाहान लूकन खॊत नॖ तऺम्यसुन्द सोंच टारि। वजह सपुद यि ज़ि यिम ति तसॖन्दिस खयालस सॗत्य पऺक्य तिम छ़ॖन्य पनॖन्यवॖय पानस निशि ब्यॊन कऺरिथ तॖ तिम आयि हकारऺच़ नज़रि मानॖनॖ तॖ ज़ानॖनॖ। सिरिफ छु ओनमुत कश्यप बन्धु जियन अख बदलाव दपान सु गव यि ज़ि सान्यव माज्यव ह्यॊत फ्यरन लागुन त्रावुन तॖ ह्यॆच़ॖख फ्यरनॖचि जायि दुत्य करॖन्य या दुत्य गन्डॖन्य। सुति केंच़वॖय ज़नानव सारिवॖय नॖ। यि छु म्यॆ बासान अख ख़ास वजह रूदमुत यॆमिकिन नॖ कश्यप बन्धु सुन्द गुण गान छु यिवान करनॖ या स्यठाह कम छु यिवान करनॖ यि दऺप्यज़ि ति न आसनस बराबर। कथ छि जऻरी 

***************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

***************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

31.10.2021

31.10.2021, कार्तिक (कतक) गटॖ पछॖ (कृष्ण पक्ष) दऺहम (दशमी) देवादेव आथवार (रविवार/ऐतवार), श्री सप्तर्षि सम्वत 5097, नक्षत्र मघा, राश सिंह (चलान), ऋतु हरुद (शरद) (चलान)

*****************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***************************

राथ याने त्रॖहमि ऒक्टू्बर 2021 तॖ बटॖवारि दॊह शामस शॆयि बजि प्यठॖ ओस जे के यिचार मंच संस्थायि अख प्रोग्राम आयोजित कॊरमुत यथ मंज़ स्वर्गीयि श्री एम के काव सऻबस आयि श्रद्धांजलि दिनॖ। यि प्रोग्राम आव इन्डिया इन्टरनैशनल सैन्टर, लोधी रोड, नवि दिल्लि करनॖ। अथ प्रोग्रामस मंज़ ओस माननीय मुरली मनोहर जोशी सऻब आमन्त्रित करनॖ खासतोर पऻठ्य शायद अमि बापथ ज़ि काव सऻबन ॴस तिमन सॗत्य मीलिथ वारियाह तिम कामि करिमच़ॖ यिमव सॗत्य कऻशिर्य समाजस सॗत्य सॗत्य पनॖनि बतनॖक्यन लूकन छु रंगॖ रंगॖ फऻयदॖ वोतमुत। वारियाह कॆंह आव वनॖनॖ काव सऻबस मुतलक तऺम्यसॖन्द्यन रॖच़न काम्यन हॖन्ज़ व्याख्या आयि करनॖ जान पऻठ्य। अथ प्रोग्रामस मंज़ आव सांस्कृतिक कार्यक्रम ति कम ज़्यादॖ करनॖ। काव सऻबन्यव करिमच़व काम्यव सॗत्य गऺयि आमॖत्य लूख स्यठाह मुतऻसिर तॖ प्रेरित। काव सऻबस ॴसिन विष्णुबवनस जाय। 

****************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

******************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com ति)

30.10.2021

30.10.2021 कार्तिक (कतक) गटॖ पछॖ (कृष्ण पक्ष) नवम (नवमी) देवादेव बटॖवार (शनिवार/शनिश्चरवार) श्री सप्तर्षि सम्वत 5097, नक्षत्र अश्ले, राश सिंह (दुहचि 12.51 बजि प्यठॖ) ऋतु हरुद (शरद) (चलान)

***************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

****************************

यिमव हाबा कऺर तऺमिस अरबकिस वूंटॖसॖन्ज़ बऻश्य, तीज़मालि थोव कलामॖ जऻरी, यॆम्य ग्वडॖ कलहीर च़ऻन्य खॗमस मंज़ तॖ गव वारॖ वारॖ अंदर अच़ान यॊत ताम सोरुय पान खॗमस मंज़ च़ोनुन तॖ खॗमस मंज़ ग्वडय बिहिथ नफ़र छ़ूनॖन्य न्यबर खति कऺडिथ वति प्यठ। स्वय चाल गिन्ज़ कऺशीरि मंज़ यिमव मुस्लमानव तति ग्वडॖ प्यठॖ रोज़नवाल्यन कऻशिर्य बटन सॗत्य। बरादर गव बोज़ान। तीज़मालि वॊन ज़ि यिम आयि कथ रूपस मंज़ तॖ कम कम रूप गऺयि दारान वुन्यखताम। बरादरन वॊन ज़ि मऻजी म्यॆ छु बासान ज़ि यिमव कऺर कऻशिरिस बटस गुर ति क्याज़ि कऻशिर्य बटस तॊग नॖ वापस जवाब द्युन यॆलि यॆलि यिमव कलॖ तुल। मस्लन कन्यन हुन्द जवाब कन्यव सॗत्य, लोर्यन हुन्द जवाब लोर्यव सॗत्य या गोल्यन हुन्द जवाब गोल्यव सॗत्य। यिम गऺयि क़दम क़दम ज़ेनान तॖ ॳस्य गऺयि क़दम क़दम पथ गछ़ान तॖ वोत असि अज़ ताम प्रारान ज़ि असि यी बचावनि कांह। मगर बटस आव नॖ बचावनि कांह। तीज़मालि द्युत दम ह्यु तॖ वॊनुन बरादरस ज़ि सान्यन रगन मंज़ माबा ॴस्य  तिथ्य संस्कार सान्यव ज़िठ्यव असि दित्यमॖत्य तॖ असि दित्य नॖ तिथ्य संस्कार पनॖन्यन शुर्यन। मगर बासान छु म्यॆ व्वंय व्वंय ज़ि असि मंज़ छि क्याहताम कमी रूज़मॖच़ कत्यथ ताम यॆम्युक अन्जाम वोत असि बुगतान अज़ ताम। बरादरन द्युत तीज़मालि हॖन्जि कथि जवाब ज़ि म्यॆ छु बूज़मुत ज़ि केशव बंधु ति छु रूदमुत यछ़ान ज़ि बटस पज़ि पनॖन्यन खयालन फ्युर द्युन तॖ कमर गन्डुन तॖ पनॖन्य रऻछ पानॖ करॖन्य तॖ पनॖन्य ज़िम्वऻरी पानॖ सम्बालॖन। खबर च़ॖ क्याह छुख यछ़ान वनुन। म्यॆ ज़न तॊर नॖ फिकिरी। तीज़मालि प्रुछ़ बरादरस। रिफार्म हय। बरादरन वॊन। मुस्लमानन हुन्द तोर तरीकॖ वुछिथ, तऺम्यसुन्द हुन्नर वुछिथ, सु ओस यछ़ान ज़ि बटस ति पज़ि तिहॖन्ज़न काम्यन मंज़ ज़ंग छ़ॖनॖन्य तॖ ओस यछ़ान बटन मंज़ रिफार्म अनुन। कथ छि जऻरी

*******************"********

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

***************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

29.10.2021

29.10.2021, कार्तिक (कतक) गटॖ पछॖ (कृष्ण पक्ष) ॴठम (अष्टमी) देवादेव शॊकुरवार (शुक्रवार/जुम्मा/भार्गववार) श्री सप्तर्षि सम्वत 5097, नक्षत्र तिष्या, राश कर्कट (चलान) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

****************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***************************

तीज़मालि थऺव कथ जऻरी। म्यॆहाबा छि कऺशीर गरि गरि याद प्यवान। नाय मऻजी कऺशीर कति गछ़ि मऺशिथ। यॆति पनुन ल्वकॖचार आसि द्रामुत, जवऻनी आसि कऺडमॖच़, पनॖन्यन बुज़र्गन हॖन्ज़ि ज़मीनि जायदादस प्यठ थॊद वऺथ्य वऺथ्य दॊह तॖ राथ आसि कॊडॖमुत किथॖ पऻठ्य गछ़ि मऺशिथ। बरादर ति ह्यॊतुन बावुक बनुन। दफ बा सतन पुशतन हॖन्ज़ जाय प्यॆयि ब्रॖंज़िस मंज़ त्रावॖन्य भगवानॖ सॖन्दिस नावस प्यठ। तीज़मालि बऺडरऻव कथ। हऻरवन, शालॖमऻर, निशात, चॆशमाशऻही, नैहरु पार्क, सॊनॖ लऻन्क, रॊपॖ लऻन्क, कोतर खानॖ। तीज़मालि हॖन्ज़ कथ पूरॖ करान गव बरादर ति तॖ वॊनुन शंकराचार, तुलमुल, दीवी आंगन, च़क्रीश्वर, प्वखरीबल, जीलि डल, व्वलर, वेरनाग तलबा थाव व्वंय तीज़मालि करनोव बरादर छ़ॊपॖ। म्यॆ छु ज़न तलवास व्वथान, अख जाया ॴसा। कऺशीर यपऻर्य यपऻर्य ॴस सान्यव दीवी दीवताहव ॴस तपऻर्य तपऻर्य पनॖन्य निशानॖ त्रऻवमॖत्य तॖ ॳस्य ति ॴस दॊहा दॊहा कड़ान त्युहॖन्द नाव ह्यॆय ह्यॆय। तिहॖन्दि अनुग्रह सॗत्य ॴस्य पकान। वऺलिथ मऺलिथ ॴस्य बिहित तति। बरादरन दिच़ ज़ीर ब्यॆयि अदॖ खबर कपऻर्य आव यिमन शिकसलदन वऺकिथ तॖ पऺन्द्य कॊडुख असि गरि गरि। विश्वासगात कॊर यिमव बटन सॖत्य। यिम हाबा छि हून्य लऺट्य। यिम स्यॆदेयि नॖ ज़ांह। यीच़ॖ सरकारॖ आयि तॖ गऺयि। मगर यिम रूद्य तिथी दीनुक थम छुम सीनस प्यठ कूट्य हा मोरनस ख्वदायो। यिमन रूद बस क्वकर छय कुनी ज़ंग। हम क्याह चाहते हैं आज़ादी। बटव कॊर यिमन खऻर परनऻविख लेखनऻविख, अक्ल दिच़हऻक मगर दपान छि क्रय करनस छय रय। बरादरन ति वॊन ज़ि दपान छि युसुय रॊछुम तऺस्य निश रछतम ख्वदायो। यिहॖन्दि हकॖ गऺयि स्वय बऻश्य। कथ छि जऻरी 

****************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

***************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

27.10.2021

27.10.2021 कार्तिक (कतक) गटॖ पछॖ (कृष्ण पक्ष) शॆयम (षष्ठी) देवादेव ब्वदवार (बुधवार) श्री सप्तर्षि सम्वत 5097,नक्षत्र आर्द्रा (चलान) राश कर्कट (रऻच़ हॖन्ज़ॖ 3.06 बजि प्यठॖ) ऋतु हरुद (शरद) (चलान)

****************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***************************

तीज़मालि बदलऻव कथ तॖ द्रास अचानकन पनॖनि म्वखॖ मंज़ॖ लल द्यदि हुन्द वाक् - 

दऺमी डींठॖम नद वहवहनी

दऺमी डींठुम सुम न तॖ तार

दऺमी डींठॖम थऺर फ्वलवॖनी

दऺमी डींठुम गुल न तॖ ख़ार

बरादरन वुछ ज़ि यि वाक् वनान वनान आयि तीज़मालि हन्द्य ॳछ टऻर्य बऺरिथ। रूदुस नॖ पानस ताम। मऻजी च़ॖ हय गऺयख स्यठाह बावुक। न बा कऺशीर प्यॆयम याद। पज़र छु यी ज़ि वख छु नॖ ह्यु रोज़वुन। ॳती ताफ तॖ ॳती शुहुल। च़्येनुन तॖ च़ालुन छु इन्सानसॖय। दफ अमा पॊज़ ज़िन्दगऻनी हॖन्द्य दॊह च़ोर यॊदवय असान तॖ गिन्दान नेरन ती छु लारुन यथ सम्सारस मंज़। मगर असि कऻशिर्य बटन गव प्यवान तालि च़्यल विज़ि विज़ि। अवय गऺयम ॳछ नम हिशॖ। बरादरन द्युतनस दिलासॖ तॖ वॊनॖनस बॖ हय छुस च्यानि कथि सॗत्य पूरॖ इतिफाक थऻविथ। तिमन ति गव नॖ कम न्वक्सान कॆंह यिमव असि प्यठ ज़ुलुम कॊर। अवॖ शिनऻय गऺयख। तिमन गव न्वक्सान पनॖन्यव करतूतव किन्य, ॳस्य आयि ह्यनॖ नाहकॖ। क्वस कऺशीर कऺरॖख वऻरान तॖ वुजारॖ। बरादरस प्यव याद ज़ि यि कऺशीर ॴस वख अकि सतीसर, कश्यप वऻर, मऻज्य कऺशीर, शारदा, जन्नत बे नज़ीर, स्वर्ग मगर स्वय कशीर बनऻवॖख चांदमऻर तॖ जहनम। य्वस सान्यव ज़िठ्यव बसऻवमॖच़ ॴस कमव अरमानव सॗत्य, तमि सरज़मीनि प्यठॖ कऺड्य पर गगरव गर गगरॖय न्यबर तॖ लऺग्य ॳस्य छालन तॖ छॊम्बन। छऺकरावनॖ आयि ॳस्य तॖ ह्यॆच़ॖन असि पनॖन्य संस्कृति रावॖन्य। असि रऻव पनॖन्य परम्परा पनॖन्य ज़बान, पनॖन्य प्रज़नथ, पनॖन्य पऻर्यज़ान। तिम आयि गबि बुथि रामॖ हून्य बऺनिथ, बेछान बेछान तॖ लूठ करान करान कऻशीरि मंज़ तॖ बन्यॆयि मऻलिख तॖ छि करान राजा ताजा बॆखॊफ पऻठ्य तॖ बॆवायि पऻठ्य। कथ छि जऻरी 

****************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

****************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

26.10.2021

26.10.2021, कार्तिक (कतक) गटॖ पछॖ (कृष्ण पक्ष) पऻन्च़म (पंचमी) देवादेव बॊम्वार   (मंगलवार),श्री सप्तर्षि सम्वत 5097, नक्षत्र आर्द्रा, राश मिथुन (चलान) ऋतु हरुद (शरद) (चलान)

***************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***************************

कऻशुर बटॖ आव कमव कमव ब्रकव तलॖ नीरिथ वुन्युखताम तॖ गव च़ालान असान असान  या वदान वदान। तीज़मालि वॊन बरादरस। मऻजी म्यॆ छु बूज़मुत ज़ि कमि ताम वख्तॖ छि यथ कऺशीरि मंज़ बटन हॖन्द्य सिरिफ काहय गरॖ रूद्यमॖत्य। अदॖक्याह ती छि वनान सऻन्य ज़िठ्य। यि गऺयि त्रठॖय। ज़ुलुम ते तॖ कोताह। तीज़मालि थॊव पनुन कलामॖ जऻरी। मजबूर गऺछ़िथ प्यव सऻदिक सऻबस सुप्रीम कोर्टुक ह्वकुम मानुस तॖ अदॖ म्यूल यिमन मास्टरन बिच्यार्यन पनुन वऻजिब हक़्। फ्रख ह्यु आस्यख त्रोवमुत बिच्यारव। वॊन बरादरन। तीज़मालि त्रोव ब्यॆयि व्वश ह्यु तॖ वॊनुन बरादरस ज़ि यिमन बटॖ मास्टरन हऻबा प्यॆयि काहन पौंसन ग्वर्दऻल्य पाव। म्यॆ ज़न तॊर नॖ यि फिकिरी। बरादरन प्रुछ़ तीज़मालि। दपान हऻबा ज़ि पौंसॖ टूंग यॆमिस मास्टरस यूत बनान ओस तऺमिस द्युतुख सु मगर यॆमिस मास्टरस तरकी ॴस मेलन वाज्यन याने युस मास्टर ह्यडमास्टर ओस बनावुन सु बनोवुख मगर सॗती सूज़ुख गऻर्य गाठन मतलब तिमन तिमन जायन यिम नॖ तऺम्य ज़ांह स्वपनस मंज़ ति आसॖ वुछ्यमच़ॖ। खबर ति क्यीज़ि। बरादरन प्रुछ़ तीज़मालि। ज़िद्द तॖ ब्यॆयि क्याह। तीज़मालि द्युतनस जवाब। हय यिमन तपऻल्य यिन्य। बरादरस द्राव ॴसॖ मंज़ॖ। तिमन दूर दराज़ जायन सूज़िख यिम बटॖ मास्टर। तिमन आव नॖ तति वार व्यस्तारॖय। तिम दरेयि नॖ तिमन जायन। युथ बोज़ ज़ि तिमव दॊप सरकारस ज़ि तिमन छॆनॖ तरकी ज़रुरथ बऺल्कि कऺर तिमव मीज्यमॖच़ तरक़ी वापस हवालॖ सरकारस तॖ फीर्य पॊत पनॖन्यन जायन नोकरी करनॖ बापथ। युथ गन्दॖ व्यवहार आव करनॖ बटॖ मास्टरन सॗत्य। आदबी छ़ुनुख बलाय कर ब्यॆयि कांह कथा। बरादररन ज़ोन मुनऻसिब कथ बदलावॖन्य। म्वखसरॖ बटॖ गव गीर प्रथ विज़ि। कथ छि जऻरी   

***************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

***************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

25.10.2021

25.10.2021, कार्तिक (कतक) गटॖ पछॖ (कृष्ण पक्ष) पऻन्च़म (पंचमी) च़ऺन्दॖरवार (सोमवार) श्री सप्तर्षि सम्वत 5097, नक्षत्र मृग, राश मिथुन (दुहचि 2.37 बजि प्यठॖ), ऋतु हरुद (शरद) (चलान) चूंकि पऻन्च़म छि ज़ॖ गछ़ान, ॳज़्युक वॊहरवोद यी पगाह

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***************************

सरकार गव कूशिश करान ज़ि मास्टरन हॖन्ज़ॖ मांग न पूर करनॖच तॖ मास्टरन वऻच़ कशमॖकश करान ज़ि तिमन गोछ़ पनुन हक़ मेलुन। तऺजिब छु ज़ि सरकार यूत संगदिल आसुन। बरादरन वॊन तीज़मालि कुन। बोज़ान ॴस्य ज़ि केंच़व मास्टरव मा ओस पनॖन्यन ज़नानन हॖन्द्य ज़ेवरात ताम कॖन्यमॖत्य यि लडऻय लडनॖ बापथ। मामलॖ वोत दपान सुप्रीम कोर्ट ताम। पऺज़्य पऻठ्य। बरादरन प्रुछ़ तीज़मालि हऺरऻनी सान। नबा तॖ अपुज़ क्याज़ि वनय। यी कनन गोम ती छसय वनान। सुप्रीम कोर्टन वॊन सरकारस ज़ि मास्टरन हॖन्ज़ मांग छि वऻजिब तॖ सरकारस आयि ह्यदायत दिनॖ ज़ि जल्द अज़ जल्द गछ़ि मास्टरन त्युहुन्द हक़ युन  वातनावनॖ। शूखुर दयस कुन ज़ि बिच्यार्यन म्यूलुख मॆहनतस फल। वॊन बरादरन तीज़मालि कुन।तीज़मालि त्रऻव असनॖहऻनाह तॖ वॊनुन बरादरस ज़ि असॖल कथ बूज़थॖय नॖ च़्यॆ वुनि। ब्यॆयि रूदा अथ कथि मंज़ बकाया कॆंह। प्रुछ़ बरादरन। दपान हाबा सऻदिक सऻबन आम्पनऻव्य यिम सऻरी मास्टर वारिहासकालस सुप्रीम कोर्टुक फऻसलॖ बूज़िथ ति। ति क्या़ज़ि सना। सवाल प्रुछ़ बरादरन। यि ज़ानि तिहॖन्ज़ गोरॖ गर्दन। ख्वठ नियत ॴस तथ सरकारस तॖ आम्पॖनऻविख बिचऻर्य यिम हक्दार मास्टर नाहकॖ। खबर कॗतिस कालस आस्यख प्योमुत प्रारुन। बरादरन प्रुछ़ तीज़मालि। वारिहास कालस प्रारेयि बिचऻर्य तॖ यॆलि जऻरिस प्यठ आख तॖ गऺयि यि मास्टरन हॖन्ज़ एसोस्येशन दुबारॖ सुप्रीम कोर्टस सरकारॖच बदनियत तॖ अदालत किस फऻस्लस पूरॖ न करनॖच शिकायत ह्यथ। दफ कंट्य्ट ॵफ कोर्ट। बरादरन वॊनॖनस। अवॖ ती। यि अंग्रीज़ छुम नॖ तगान। तीज़मालि वॊन बरादरस। पतॖ क्याह गव। बरादरन प्रुछ़। कथ छि जऻरी

***************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

****************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

24.10.2021

23.10.2021

23.10.2021, कार्तिक (कतक) गटॖ पछॖ (कृष्ण पक्ष) त्रय (तृतीया) बटॖवार (शनिवार/शनिश्चरवार), श्री सप्तर्षि सम्वत 5097, नक्षत्र कृति, राश वृष (चलान) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*************************** 

तीज़मालि कॊर सोंचाह ब्रिंज़िस खन्डस। सोंचस प्यॆयि ज़ि शुरु करे तॖ करि कति प्यठॖ। बरादर ति ओस बेताब बोज़नॖ बापथ। यि कथ बासेयि तस नऺव हिश। मऻजी तलय बोज़नावव क्याह छु चान्यव कनव बूज़मुत। तीज़मालि मुच़ॖरोव ॴस तॖ वॊनुन बरादरस कुन दपान हाबा ज़ि यिम स्यठाह पऺर्यमॖत्य लीख्यमॖत्य बटॖ मास्टर ॴस यिमन ओस तनख्वाह स्यठाह कम मेलान। हालांकि यिम मुस्लमान कम पऺर्यमॖत्य लीख्यमॖत्य ति ॴस्य तिमन तॖ पऺर्यमॖत्य लीख्यमॖत्य बटस यिवान ओस कुनुय दरजॖ दिनॖ। तजरुबॖकार मास्टरन ॴस्य नॖ पदवी बऺडरावान याने तिमन ॴस्य नॖ ह्यडमास्टर बनावान स्यॊद स्यॊद। ब्यॆयि ति कॆंह सहुलियतॖ यॆमुक सॖ हकदार ओस आसान, आसॖ नॖ मेलान तिमन बिचार्यन। ॴखॖरकार गऺयि सऻरी मास्टर ज़ाथ इकॖवटॖ तॖ कॊरुख फऻस्लॖ ज़ि सरकार चूंकि छुनॖ टस से मस गछ़ान, यि इन्साफ मंगव अदालऺच़ दऺस्य। दपान कॊरुख कुसताम वऺकील मुक्कर्र तॖ वातनऻवॖख पनॖन्य दऻद्यकांगॖर अदालच़ वानन। अछा गव मसलॖ ज़ेठ्यव। बरादरन वॊन तीज़मालि कुन। ज़्येठ्यवॖ हना, यि ज़्यॆठ्यव कति कोर ताम। दपान छिनाबा हऺकीमस तॖ हऻक्यमस निशि गछ़ि भगवान रछुन। आहनी यि छि प्रऻन्य कहावत मऻजी। बस अदॖ मतॖ बोज़तॖ यि मास्टरन हॖन्ज़ जदोजहद कमव कमव कन्यड्यव मंज़ॖ गऺयि नेरान। मऻजी च़ॖ कड़ं थख ह्यु। यि प्यॆयि बोज़ुन व्यस्तारॖ सान। कथ छि जऻरी 

***************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

***************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

22.10.2021

22.10.2021, कार्तिक (कतक) गटॖ पछॖ (कृष्ण पक्ष) द्वय (द्वितिय) शॊकुरवार (शुक्रवार/जुम्मा/भार्गववार) श्री सप्तर्षि सम्वत 5097, नक्षत्र भरण, राश वृष (रऻच़ हॖन्ज़ि 1.38 बजि प्यठॖ) ऋतु हरुद (शरद) (चलान)

****************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***************************

वुंनि ॴस्य परमेश्वरी कान्डॖच दग़ शेहलावानॖय ज़ि शेख सऻबन्यव कोनूनव ह्यॊत तोस तुलुन तॖ द्यूतुन नॖ स्वखॖ सान बटन दॊह कडनॖ। तीज़मालि वॊन बरादरस। ज़मीन ज़िरात न्यून बटन तॖ द्युतुन तिमन मुस्लमानन यिम मॊज़ूर बऺनिथ बटन हॖन्ज़ ज़मीन लागान ॴस्य। नोकरीयन मंज़ दिवनऻवॖन्य मुस्लमानन अक्सऺरियत किस बलबूतस प्यठ जाय तॖ अक्लियत रूद लबिताकस। चूंकि अक्लियतस मंज़ ॴस्य यिवान बटॖ ज़्यादॖ मानॖनॖ तिम गऺयि पनॖनि हक्कॖ निशि महरूम। तीज़मालि वॊन बरादरस ज़ि बोज़ान ॴसॖस ज़ि सऻदिक सऻबन ति छु स्यठाह ज़ख वातनोवमुत बटन पनॖनिस राजस मंज़। बरादरन प्रुछ़ तीज़मालि ज़ि क्युथ ह्यु ज़ख। दपान हाबा तऻलीमी अदारस मंज़ यिम बटॖ ॴस्य मास्टर, ह्यडमास्टर वगैरा तिमन ॴस्य नॖ त्युहुन्द हक़ पूरॖ दिवान तॖ तिमव मंगनोव पनुन हक़ अदालऺच़्य दऺस्य सुति म्यूल तिमन बिचार्यन वऺद्य वऺद्य तॖ प्योख दपान सुप्रीम कोर्ट ताम गछ़ुन। खबर क्युथ हक़, बरादरन प्रुछ़ तीज़मालि। जवाब द्युत तीज़मालि ज़ि दपान ॴस्य बटॖ मास्टरन ॴस्य नॖ सीनियारटी या थऺज़ तऻलीम हऻसिल करनॖ हिसाबॖ तरक़ी दिवान। ब्यॆयि ति कॆंह कॆंह कमी पीशी आसख पनॖनि नोकरी हॖन्दिस दौरानस मंज़ यिमन कुन सऻदिक सऻब दपान कन ओस नॖ दिवान तॖ बटॖ मास्टर ॴस्य बिचऻर्य बारव दिवान रोज़ान तॖ पकान। बरादरन प्रुछ़ तीज़मालि, मऻजी तिमन म्यीजा पतॖ कॆंह राहत। तीज़मालि त्रोव बॊड व्वश तॖ दॊपुन बरादरस ज़ि यिति छि अख ज़ीठ दास्तान्। क्याह वनय ज़ि म्यान्यव यिमव कनव क्याह क्याह छु बूज़मुत अथ कथि मुतलक ति। तलय तुल डक्नॖ अथ ल्यॆजि ति। बरादरन वॊन तीज़मालि। कथ छि जऻरी 

****************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

***************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

21.10.2021

21.10.2021, कार्तिक (कतक) गटॖ पछॖ (कृष्ण पक्ष) ऒक्दॊह (प्रथमा) ब्रसवार (गरूवार/वीरवार/ब्रहस्पतवार), श्रीं सप्तर्षि सम्वत 5097, नक्षत्र आश्विन, राश मेष (चलान) ऋतु हरुद (शरद) (चलान)

***************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

****************************

कऻशिर्य बटस म्यूल नॖ स्वख ज़ांह ति कऺशीरि मंज़ ख़ास कऺरिथ 1967 प्यठॖ। तीज़मालि वॊन बरादरस। बरादरन प्रुछ़ तीज़मालि ज़ि 1967-स मंज़ क्याह गऺयो सना। परमेश्वरी कान्ड। तीज़मालि द्युतनस जवाब। सऻन्य अख बटॖ कूर यस नाव दपान ओस परमेश्वरी च़जेये ॳकिस मुस्लमान कऺटिस सॗत्य। यि बूज़िथ गऺयि सऻरी बटॖ परेशान तॖ हऻरान तॖ मील्य इकॖवटॖ तॖ कऺरॖख अजिटेशन। सत्याग्रह कॊरुख, जॊलूसन प्यठ जॊलूस कऺडिख, पान पनुन यि दऺप्यज़ि ति लिथॖनोवुख, मार ख्योख, गोलि ख्यॆयख, न रूदुख गरॖ याद तॖ न गरॖबार या गरॖ परिवार। तलातुम तुलुख कऺशीरि मंज़। बटन हुन्द सु समुत वुछिथ तॖ सु जोश वुछिथ फऺट तॗर तति मुस्लमानन। मगर स्व अजिटेशन फॖटरऻव पनॖन्यव लीडरव ती बूज़ पतॗ। अदॖ तमि अजिटेशनॖ पतॖ ति आयि नॖ बटॖ ज़ांह ठऺठ्य तॖ न रूद सु विश्वास बटस बटस प्यठ तॖ न रूद सु यकुत तनॖ प्यठॖ ब्यॆयि ज़ांह। तीज़मालि वॊन बरादरस ज़ि असि हबा द्रायि पनॖनी लीडर मकॗर्य तॖ बासान छुम ज़ि अंसि छु नॖ वुनि ति कांह च़ुक्यदार लीडर। दपान कऺॳम्यू फुटरोवनख दॊपनस पनॖन्य प्वन्य। यूत तक्लीफ तुलिथ ति छिनॖ ॳस्य वुनि ति पायस प्यवान। अदॖ शालॖ टूंगा टूंगा दिवान छि सऻरी पनॖन्यन पनॖन्यन कोचन मंज़। तालवस लोरि काह, जंगॖ विज़ि नॖ अख ति। बोज़नऻहाना कऺर बरादरन तॖ रूद मुदय गऺन्ठिथ वुछिनि तीज़मालि कुन। क्याहबा अपुज़ मा वॊनुम। तीज़मालि कॊर बरादरस सवाल। बरादरस गऺयि ज़्यव कऺज्य हिश। वनिहे तॖ वनिहे क्याह। नामावार तॖ कदावार बटॖ लीडरन हॖन्द्य नाव छि बूज़्यमॖत्य। मस्लन केशव बनधु, गुलशन कौल, गॊपी नाथ धर, गोपी कृष्ण, डाक्टर शॊम्बू नाथ पॆशॖन, सुदर्शन धर्मऻर्थी, शाम लाल सराफ, डी पी धर, शिवा नारायण फोतेदार, प्रेम नाथ गऻस्य, मखन लाल फोतेदार, टिकॖ लाल टऺप्यलू, अमर नाथ वष्णवी, बाल कुष्ण हॊन्डू वगैरा वगैरा मगर यॊदवय यिमव पनॖनि पनॖनि वख्तॖ ज़ुव जान च़ॊट मगर तिहन्ज़न काम्यन न आव कुनि हॊट लब्नॖ तॖ न आव लॊट लबनॖ। सियासती तनावॖ मूजूब या बदकॖस्मती मूजूब या ब्यॆयि केंच़व हालातव मूजूब। बोज़ान छि ज़ि यिमव मंज़ॖ छि केंच़व जान जान कामि ति करिमच़ॖ मगर बटॖस रूज़ सऺही लीडरन हॖन्ज़ व्यछ़य प्रथ विज़ि। कथ छि जऻरी।

***************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

****************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

20.10.2021

20.10.2021, ॴशिद (आश्विन/ॳसूज) ज़ूनॖ पछॖ (शुक्ल पक्ष) पुनिम (पूर्णिमाशी) ब्वदवार (बुधवार), श्री सप्तर्षि सम्वत 5097, नक्षत्र रेव, राश मेष (दुहचि 2.02 बजि प्यठॖ), द्रठॖपऻन्च़ुक (पंचक) समाप्त, ऋतु हरुद (शरद) (चलान)

***************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

****************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

तीज़मालि तॖ बरादरन कॊर पनॖन्यन कथन प्यठ गोराह तॖ त्रऻवॖख पनॖनिस समुदायकिस बदलवॖन्य दशायि प्यठ नज़राह तॖ तीज़मालि त्रोव ज़्यूठ व्वशाह तॖ वॊनुन बरादरस ज़ि ॳस्य आयि ह्यनॖ बदनऺसीबी मंज़।शेख सऻबन ह्यॊत बटस बदलॖ तॖ द्युतनस नॖ कलॖ तुलनॖ। बटस तऺर नॖ यि चाल फिकरी। सु रूद ख्वश ॳथ्य मंज़ ज़ि तऺम्यसुन्द शुर बन्यव इन्जीनियर या डाक्टर तॖ वोत व्यलायत ताम। हालातव मूजूब प्यव सान्यन शुर्यन पनॖन्य गरॖ त्रऻविथ न्यबर नीरिथ छालन तॖ बालन तॖ तापॖ क्रायन लगुन। कऺशीर रूज़ जन्नत ततिकिस मुस्लमानस बापथ। तिमन द्युत गॖसॖ नऺल्य बऻथ तॖ प्यठॖ छ़ुनहोख फिर्य फिर्य सरकारन। बरादरन ति कॊर तीज़मालि हॖन्दिस वनॖनस आंकार तॖ वॊनॖनस ज़ि तत्युक मुस्लमान रूद तोति नाशाद तॖ वदवुनुय। तिम रूद्य नऻरॖ दिवान ज़ि हम क्या चाहते हैं, आज़ादी। सान्यन लीडरन तॊर नॖ वुन्युख ताम फिकरी ज़ि अमि नारुक सऺही मतलब क्याह छु। बटस कऺडॖख वुछान वुछान च़कजि तलॖ च़ऻन्गिज। कऺशीरि च़ोनुख ज़्वज़ुर तॖ ब्यॆयि रूदुख कऻशिर्य बटॖ सुन्द त्यॊल तॖ व्वथान रूदुख त्वतुर। वारॖ वारॖ छ़ुनुख बटॖ गरॖ मंज़ कऺडिथ बॆगरॖ कऺरिथ। पानॖ छि वुनि ति तिमनॖय नऻरन प्यठ दऺरिथ। हम क्या चाहते हैं आज़ादी। यिम कऻशिर्य शुर्य 1990-तॖ प्यठॖ कऺशीरि न्यबर ज़न्मस आयि तिम ह्यॆतिन बडॖन्य व्वंय बदलय त्रायि। च़ॖ वन ब्यॆनि तॖ बॖ वनय बायि, पनॖन्य कथ छय पनॖनि जायि। यॊताम नमतॖ प्यठ वुन्युख ताम असि नवि सरॖ द्वयत्रॖह वऺरी द्रायि। कथ छि जऻरी

**************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

14.10.2021

14.10.2021 ॴशिद (आश्विन/ॳसूज) ज़ूनॖ पछॖ नवम (नवमी) ब्रसवार (वीरवार/गुरुवार/ब्रहस्पतवार),श्री सप्तर्षि सम्वत 5097, नक्षत्र उ.षा, राश मकर (चलान) ऋतु हरुद शरद (चलान), नवरात्र (चलान)(सिद्धिदात्री रूप)....अज़ गछ़न नवरात्र समाप्त

****************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

तीज़मालि वॊन बरादरस ज़ि 1970-थॖ प्यठॖ वोत कऻशिर्य बटॖ लऺडक्यन क्योहो कोर्यन वैसे ही कऺशीरि न्यबर नेरान ब्रोंहकुन पडऻय करनॖ मूजूब तॖ अकि फिरि नीरिथ ॴस्य नॖ तिम वापस फ़ेरान कऺशीरि कुन तिक्याज़ि तिमन ॴस तपऻरी नोकरी ति लगान। यि वुछिथ ॴस्य तिहिन्द्य मोल मऻज्य ति तिमन पतय दवान तॖ वापस नॖ कऺशीरि फ़ेरान। बरादर गव बोज़ान यि अजब गज़ब दास्तान्। बटॖ ॴस्य ह्यॆत्यमॖत्य छ़ॊकॖन्य कऺशीरि मंज़ शेख सऻबन्यव  करतूतव तॖ बकाया हॊकुमरानव थऺव हऺर दज़वॖन्य। जेलॖ न्यबर नीरिथ  ह्यॊत शेख सऻबन पूरॖ बदलॖ कऻशिर्य बटन तॖ कऺशिर्य बटॖ आयि वारॖ वारॖ पेहनॖ कऺशीरि मंज़ तॖ ती तॊरुख नॖ फिकरी। यॊदवय फिकरी ति आस्यख तॊरमुत मगर ॴस्य बेबस तॖ लाचार। तऻजिबॖच कथ छि ज़ि यिम यिम जायि बटन मेजिमच़ॖ आसॖ वख अकि तिमन जायन खऺत्य मुस्लमानन हॖन्द्य बोर्ड तॖ कॊरुख राजा ताजा। बटस थोवुख नाबद फॊल ॴसस मंज़ तॖ हऻवहऻस वथ टनलि न्यबर कुन। बदलाव आव सऻर्यसॖय। मुस्लमानस रूद तऻलीमि सॗत्य सॗत्य प्रथ कारुक कसॖब बरकरार पनॖनिस अथस मंज़। यिथ्यन कसबन हॖन्ज़ व्यछ़य रूज़ कऻश्यरिस बटस वुन्यखताम। मॊहताज रूद यि बटॖ यिमव कसबव बापथ ब्यॆयन लूकन प्यठ। हालांकि मजबूरी ह्यॆछनोव यि बटॖ वारियाह कॆंह 1990-तॖ पतॖ यॆलि मूलॖ सान आव कडनॖ कऺशीरि मंज़ॖ। तीज़मालि वॊन बरादरस ज़ि म्यॆहबा छु बासान ज़ि पऻकिस्तानुक छु बहानॖ अल्बतॖ मारॖवातल द्रायि यिमय मुस्लमान तॖ नाव द्युतुख पऻकिस्तानुक। यिमव मुस्लमानव बनऻव्य पनॖन शुर्य आतंकवऻद्य तॖ कऺरिख खडा बटस बुथि बॊन्दूख ह्यथ। कथ छि जऻरी

**************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

""""""""""""""""""""""""""""""""""""""""""""

नऺविव तॖ फॊलिव

भूषण कौल"दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

13.10.2021

13.10.2021 ॴशिद (आश्विन/ॳसूज) ज़ूनॖ पछॖ (शुक्ल पक्ष) ॴठम (अष्टमी) ब्वदॖवार (बुधवार) श्री सप्तर्षि सम्वत 5097, नक्षत्र पू.षा, राश मकर (दुहचि 4.06 बजि प्यठॖ), ऋतु हरुद (शरद) (चलान) नवरात्र (चलान)(माता महागौरी रूप)(दुर्गा अष़्टमी)

*************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*************************

शेख सऻबन वुछ ज़ि कऻशिर्य बटॖ कऺट्य छि प्रथ इम्तिहानस मंज़ जान जान नम्बरव सॗत्य पास गछ़ान तॖ मुस्लमान शुर्य छि नॖ व्यापान तॊत ताम। नतीजि ओस नेरान यि ज़ि बटॖ कऺटिसुन्द नाव ओस कुनि ति फिरिस्तस मंज़ प्यठॖकनि आसान तॖ मुस्लमानन ओस यि वुछिथ तोस व्वथान। हकीकत ॴस यि ज़ि यॊदवय मुस्लमानस म्यूल परनुक लेखनुक सादन मगर द्यमागॖच कमज़ूरी रुज़ मुस्लमानस सॗत्य सॗत्य तॖ स्व कमज़ूरी द्यमागॖच छि तिमन मंज़ वुनि ति नज़र यिवान। शेख सऻबन ज़ोन यि मुनऻसिब ज़ि नम्बरन हुन्द फऻयदॖ गछ़ि मुस्लमानस ज़यादॖ ख्वतॖ ज़्यादॖ वातुन तॖ अमि बापथ छु अख कुनुय यलाज ज़ि आबऻदी हॖन्दिस बलबूतस प्यठ गछ़ि मुस्लमानस नोकरीयन मंज़ या ट्रेनिंगन मंज़ या कुनि ति इम्तिहानस मंज़ जाय मेलॖन्य। चूंकि कऺशीरि मंज़ ॴस मुस्लमानन हॖन्ज़ आबऻदी स्यठाह ज़्यादॖ तॖ तवॖ म्वखॖ प्यव अथ नाव अक्सऺर्ययत। नम्बर फीसदी ज़्यादॖ यिनॖवऻलिस वॊनुख अक्लियत। शेख सऻबुन ह्वकुम ओस ज़ि नम्बर फी सऺदी मंज़ गछ़ि अक्सऺर्यतस तरजी यिन्य दिनॖ तॖ अक्लियतस गछ़ि अक्सऺर्यतस पतॖ जाय मेलॖन्य। तीज़मालि वॊन बरादर ज़ि यि भेद भाव करनॖ म्वखॖ गव कऻशुर बटॖ पथ पथ गछ़ान तॖ मुस्लमान गव ब्रोंह ब्रोंह पकान। बरादर गव हऻरान तीज़मालि हॖन्ज़ यि कथ बूज़िथ तॖ गव दमफुट्य। तीज़मालि तोर फिकरी बरादरस ज़ि चतजी फीसदी नम्बर हऻसिल करनवोल मुस्लमान ओस यिवान तॖ रटान जाय नोकरी या ब्यॆयि कुनि कारस मंज़ तॖ शीथ फीसऺदी नम्बर निनॖ वऻलिस बटॖ कऺटिस ॴस नॖ वऻर्य वातान तॖ मजबूरन ओस तस प्यवान कऺशीरि न्यबर नीरिथ पनुन मुस्तकबिल तॖ मुक्कद्दर छ़ान्डुन। कथ छि जऻरी

***************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

***************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

12.10.2021

12.10.2021 ॴशिद (आश्विन/ॳसूज) ज़ूनॖ पछॖ (शुक्ल पक्ष) सतम (सप्तमी) बॊम्वार (मंगलवार) श्री सप्तर्षि सम्वत 5097, नक्षत्र मूल, राश धनु (चलान) ऋतु हरुद (शरद) (चलान) नवरात्र (चलान) (कालरात्रि रूप)

****************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

****************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

 एक श्वलोकी नवग्रह स्त्रोतम्

           *****

ब्रह्मा मुरारी, त्रिपुरान्तकारी, भानु शशी भूमिसुतो बुधश्च गुरुश्च शुक्र: शनि राहु केतुव: कुर्वन्तु सर्वे मम सुप्रभातम्

""""""""""""""""""""""""""""""""""''"""""''

मऻजी म्यॆ तारतॖ वारॖ फिकरी यि अक्सऺर्यत तॖ अक्लियत फलसफॖ क्याह ओस। बरादरन प्रुछ़ तीज़मालि यि सवाल। क्याह वनय टाठि, ग्वडॖ ग्वडॖ तॊर नॖ म्यॆति फिकरी मगर यॆलि सान्यन शुर्यन कट्यन प्यठ आव गुदरिथ अदॖ तॊर अम्युक सन्यर फिकरी। क्युथ ह्यु सन्यर। बरादरन प्रुछ़ संजीदगी सान। तीज़मालि द्युतनस सादगी पऻठ्य जवाब। दपान मुस्लमान ॴस्य नॖ परनॖ लेखनॖ पतॖ ति केंच़न इम्तिहानन, साक्षातकारन याने इन्टरव्युन मंज़ पास गछ़ानॖय। परुन लेखुन ओसुख आमुत मगर द्यमागॖच कमज़ूरी ॴसॖख टाकारॖ नज़र यिवान। तथ बजाय ॴस्य कऺशिर्य बटॖ परनस लेखन सॗत्य सॗत्य द्यमऻगी तवाज़ुन ति बरकरार थऻविथ तॖ ॴस्य इम्तिहान वगैरा आसऺनी सान पास करान। शेख सऻबस गऺयि नॖ यि कथ बर्दाशत। सु ओस यछ़ान ज़ि मुस्लमान गॊछ़ बटस ब्रोंठ नय तॖ कम-अज़-कम बराबरी करुन। अवॖ मूजूब सूंच शेख सऻबन अथ समस्यायि ति हल। कथ छि जऻरी

***************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

***************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

11.10.2021

11.10.2021 ॴशिद (आश्विन/ॳसूज) ज़ूनॖ पछॖ (शुक्ल पक्ष) शॆयम (षष्ठी) च़ऺन्दॖरवार   (सोमवार),श्री सप्तर्षि सम्वत 5097, नक्षत्र ज्यॆश्ठा, राश धनु (दुहचि 12.55 बजि प्यठॖ),ऋतु हरुद (शरद) (चलान) नवरात्र (चलान)(कात्यायनी रूप)

***************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

****************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*****************************

  नवग्रहपीडाहर स्त्रोतम्

    शुक्र (शॊकुरवार)

दैत्यमंत्री गुरुस्तेषां प्राणदश्च महामति, प्रभुस्तारा ग्रहाणां च पीडां हरतु मे भुगु:

"""""""""""""""""""""""'"""""""""""""""""""""

मुस्लमानन आयि चऻन्द्य यॆलि शेख सऻब सदाहि वुहिर्य पतॖ जेलॖ मंज़ यलॖ त्रोवुख। दपान यिमन सद्हऻन वऺर्यन जेलस मंज़ बिहिथ ओस शेख सऻब दाय तदबीर छ़ान्डान ज़ि न्यबर नीरिथ  किथॖ पऻठ्य दी सु कऻशिर्य बटन मात। बरादरन प्रुछ़ सवालॖ तीज़मालि। मऻजी च़्यॆ छय ब्यालि तल चि खबरॖ पताह। न बा यि ॳछव वुछ तॖ कनव बूज़ ती छसय वनान। शेख सऻब यॆलि ब्यॆयि आव बारसस, याने हकूमतस मंज़, कऻशिर बटन आव फश प्रथ रऺन्ग्य। यि क्याह छख च़ॖ वनान। क्युथ 

****************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

****************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

10.10.2021

10.10.2021, ॴशिद (आश्विन/ॳसूज) ज़ूनॖ पछॖ पऻन्च़म (पंचमी) आथवार (रविवार/ऐतवार) श्री सप्तर्षि सम्वत 5097, नक्षत्र अनुं, राश वृश्चिक (चलान) ऋतु हरुद (शरद) (चलान) नवरात्र (चलान) (स्कंदमाता रूप)

***************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

***************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***************************

  नवग्रहपीडाहर स्त्रोतम्

   ब्रहस्पति (ब्रसवार)

देवमंत्री विशालाक्षा: सदा लोकहिते  रत:, अनेक शिश्यसम्पूर्णा:, पीडां हरतु मे गुरु

""""""""""""""""""""""""""""""""""""""""""

तीज़मालि हॖन्ज़ अख अख कथ ओस बरादर बोज़ान दिल दिथ। मऻजी अमि बदलाव सॗत्य आसन ततिकिस मुस्लमानस ब्वकॖ फ्वजिमच़ॖ। दफ बा तिमन द्युत रऻत्यनिमंज़्य गॖसॖ नऺल्य बऻथ। तिमन च़ऺज्य खऺर कलन वारॖ वारॖ। तिम ह्यॆतिन बनॖन्य ग्रऺन्ड्य। तिमव ह्यॊत कऻशिर बटन हॖन्द्यन कलन प्यठ डून्य फॖटॖरावॖन्य। कऻशिर्य बटस रूज़ तेह बरकरार। लक्ष्मी तॖ सरस्वती टोठेयि मुस्लमानस पऺह्य पनॖ मगर बटॖ रूद वुछान हयबुंगॖ ह्यु। मऻजी म्यॆ बासान मुस्लमानव कऺर तरकी असि कऻशिर्य बटव ख्वत जान। आहनबा तॖ अदॖ क्याह। ॳस्य ॴस्य शुरिस कऺटिस परनावान लेखनावान तॖ बनावान ईन्जीनियर तॖ डाक्टर। तिमव ति सूज़्य पनॖन्य शुर्य ईन्जीनियरिग्य तॖ डाक्टरी करनि तॖ सॗती दिच़ तिमव पनॖनिस कारो़बारस वुसथ। मऻजी च़्यॆ छुय ना बासान ज़ि मुस्लमानस ॴस्य नॖ शरम यिवान कांह ति कऻम करनस मगर बटॖ ओसुन रॊटॖमुत शरमि तॖ ॴसॖस गाल गछ़ान यॊदवय परनॖ लेखनॖ अलावॖ तऺमिस वनॖहऻव ब्यॆयि कुनि कामि मंज़ ज़ंग छ़ॖनॖनॖ बापथ। स्व कथ छि शुराह आनॖ पऺज़। कथ छि जऻरी

***************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

***************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

09.10.2021

09.10.2021, ॴशिद (आश्विन/ॳसूज) ज़ूनॖ पछॖ (शुक्ल पक्ष) त्रय (तृतीया) देवादेव, बटॖवार (शनिवार/शनिश्चरवार), श्री सप्तर्षि सम्वत 5097, नक्षत्र विशा, राश वृश्चिक (दुहचि 11.17 बजि प्यठॖ), ऋतु हरुद (शरद) (चलान) नवरात्र (चलान)(चन्द्रघंटा तॖ कुष्मांडा रूप), चूंकि पगाह छि च़ोरम रावान पगहुक वॊहरवोद यी ॳज़्य

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

  नवग्रहपीडाहर स्त्रोतम्

    बुध (ब्वदवार)

उत्पातरूपो जगतां चन्द्रपुत्रो महाद्युति सूर्यप्रिय करो विद्वान पीडां हरतु मे बुधा:

"""""""""""""""""""""""""""""""""""""

यिथय पऻठ्य गव शेख सऻब पनॖनिस समुदायस यि च़ेनवॖन्य दिवान ज़ि तऻलीमयाफतॖ आसुन छु ज़रूरी मुस्लमानसॖन्दि बापथ। अदॖ सुय गव तिमन तति वाख तॖ वच़ुन तॖ तिमव ह्यॊत शेख सऻबनि प्वटि प्यठ नच़ुन तॖ ह्यॆतुख बटॖसॖन्द्यन नखन प्यठ खसुन। बरादरन  प्रुछ़ तीज़मालि ज़ि कॆंह छय च़्यॆ ख़बर शेख सऻबनि जेल गछ़नॖच। न बा ख़बर छ्यम नॖ अल्बतॖ बोज़ान ॴस्य ज़ि शेख सऻब ओस ॳन्दॖर्य ॳन्दॖर्य पऻकिस्तानस सॗत्य ज़ानि दय क्याहताम च़ॊय करान मगर ज़ॖरनोवुख नॖ। तऺमिस बदलॖ आव बख्शी सऻब। बख्शी सऻबुन वख्ता छुयॆ कॆंह याद च़्यॆ मऻजी। बरादर ओस यछ़ान ज़ानुन तीज़मालि हॖन्द्यि ज़बऻन्य। बख़शी सऻब दपान ओस नॖ तोसफी। तऺम्य दपान कॊर खऻर प्रथ कऻन्सि, ह्यॆन्दिस, मुस्लमानस, सिकस डूगरस दफ युस ति कांह कऺशीरि मंज़ रोज़ान ओस। मुस्लमानन गऺयि तऻलीम मेलान तॖ तिमन बठ्यव पनुन कारोबार ति सॗत्य सॗत्य। हऻन्ज़न बनऻव शिकऻर्य, डूंगॖ, बहच़, ड्राइवरन ॳन्य गऻड्य, ट्रक, टांगॖवऻल्यव बनऻव्य टांगॖ, गुर्य पऺठरऻविख, मुस्लमान बन्यऺव ठेकदर, काशतकार,  तॖ तऻलीमयाफ्तॖ। तथ बरयकॖस रूद कऻशुर बटॖ सिरिफ पनॖन्यन किताबन लोर। न डॊल ओर तॖ न डॊल योर। मुस्लमान तॖ डूगरॖ गऺयि पोव पोव खसान मगर बटॖ गव अटकिथ किताबन मंज़ॖय शेंकरॖन मकॖज़ हिश। कथ छि जऻरी 

***************** ****

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

08.10.2021

08.10.2021, ॴशिद (आश्विन/ॳसूज) ज़ूनॖ पछॖ (शुक्ल पक्ष) द्वय (द्वितिय) देवादेव, शॊकुरवार (शुक्रवार/जुम्मा/भार्गववार) श्री सप्तर्षि सम्वत 5097, नक्षत्र स्वाति, राश तुला (चलान) ऋतु हरुद (शरद) (चलान), नवरात्र (चलान)(ब्रह्मचारिणी रूप)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

  नवग्रहपीडाहर स्त्रोतम्

       भौम (बॊम्वार)

भूमिपुत्रो महातेजो जगतां भयकृतृ सदा वृष्टिकृद् वृष्टिहर्ता च पीडां हरतु मे कुज:

"""""""""""""""""""""""""""""""""""'""

तीज़माल रूज़ वनान तॖ यि बरादर गव बोज़ान। शेख सऻबन वोन मुस्लमानन ज़ि तॊह्य ति पऺरिव लीखिव तॖ ह्येछिव पनॖन्यन बटॖ बायन निश व्वथनुक बॆहनुक सलीकॖ, परनुक हुन्नर तॖ त्वहि ति मेलि रोज़गार सरकऻर्य दफ्तरन मंज़, मास्टर बऺनिव च़ाटॖहालन मंज़ तॖ तॊह्य ति बऺनिव शऻयिस्तॖ, तमीज़दार, तहज़ीबयाफ्तॖ वगैरा, तॖ सोय वनन गऺयि मुस्लमानन तॖ तिमव वुछ नॊव आलम। बटव परनऻव्य लेखनऻव्य तॖ सरकारन द्युतनख सग। बरादर गव बोज़ान तॖ प्यव सोंचस ह्यु। क्याहबा ब्यॆयि छुया कॆंह प्रुछ़ुन। तीज़मालि कॊर वापस सवाल ॳमिस बरादरस। नाय मऻजी म्यॆ तॊर फिकरी वारॖ वारॖ सोरुय। म्यॆ ति ज़्वन प्यवान व्वयं ज़ि तमि वख्तॖ ॴस कऻशिर बटॖ च़्वपऻर्य नज़रि यिवान पनॖनिस कारस कामि  मंज़। बटॖ ओस वकील, बटॖ ओस जज, बटॖ ओस मास्टर, बटॖ ओस ह्यडमास्टर, बटॖ ओस कम्पौंडर, बटॖ ओस डाकटर, बटॖ ओस बैंकन मंज़, बटॖ ओस डाकखानन मंज़, बटॖ ओस जंगलातस मंज़ तॖ बटय ओस प्रथ कारस मंज़ तॖ मुस्लमान ओस अख मुक्कमल कऻर्यगर तॖ कारोबारस मंज़। वारॖ वारॖ मीज्य मु्स्लमानस तऻलीम बटसॖन्दि दऺस्य तॖ अथ तबकस ह्यॊतुन बदलाव युन। युसुय रॊछुम तस निशि रछतम ख्वदायो। कथ छि जऻरी

************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

07.10.2021

07.10.2021 ॴशिद (आश्विन/ ॳसूज) ज़ूनॖ पछॖ (शुक्ल पक्ष) ऒक्दॊह (प्रथमा) देवादेव, ब्रसवार (वीरवार/गुरुवार/ब्रहस्पतवार), श्री सप्तर्षि सम्वत 5097, नक्षत्र चित्रा, राश तुला (दुहचि 10.17 बजि प्यठॖ) ऋतु हरुद (शरद) (चलान), नवरात्र गऺयि शुरु ॳज़्यकि प्यठॖ (शैलपुत्री रूप)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

  नवग्रहपीडाहर स्त्रोतम्

    (चन्द्रमा) च़ऺन्द्रवार

रोहिणीश: सुधामूर्ति: सुधागात्र: सुधाशन: विषमस्थान सम्भूतां पीडां हरतु मे बिधु

""""""""""""""""""""""""""""""""""""

मऻजी दपान मुस्लमान ॴस्य कऻर्यगर। यि छा पॊज़। बरादरन प्रुछ़ ब्याख सवाल तीज़मालि। अवॖ ति छु पॊज़। म्यॆति छु बूज़मुत ज़ि यिम मुस्लमान छि आमॖत्य कऺशीरि मंज़ तिजारत करनॖकि बहानॖ तॖ कऻर्यगर आसनॖ म्वख गऺयि यिम यॆती बऺसिथ। कऺशीरि मंज़ ॴस ज़रखैज़ ज़मीन लागनॖ बापथ, म्यवॖ बाग़ ॴस्य, जंगलात ॴस्य तॖ अवॖ म्वखॖ मीज्य यिमन कऻम वफूर। बटन निश ओस ज़मीन ज़िरात कऻफी। तिमव लऺग्य यिम मुस्लमान कामि कारस। यिमन मंज़ ॴस्य छान, दऺसिल, नऻविद, हऻन्ज़, सॖच़, मॊज़ूर वगैरा। यिहन्दि यिनॖ सॗत्य मीज्य कऻशिर्य बटन स्यठाह राहत। बटस ओस परुन लेखुन हिसॖ खॊतमुत तॖ बकाया सारे कामि ॴस्य मुस्लमानॖय अंद वातनावान। शेख सऻब ओस पॊरमुत ल्यूखमुत दपान। बरादरन प्रुछ़नस। तीज़मालि कॊर आंकार तॖ दॊपनस आहनबा बूज़मुत छु म्यॆति। ॳमिस ॴसमॖच़ ॴस जवऻहिरलाल नऺहरु सऻबस सॗत्य दपान यारफतऻरी तॖ तमी बनोवमुत ओस शेख ऒब्दुला आज़ऻदी पतॖ सोन वज़ीर-ए-आज़ॖम। कथ छि जऻरी

************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

06.10.2021

06.10.2021, ॴशिद (आश्विन/ॳसूज) गटॖ पछॖ (कृष्ण पक्ष) मावस (अमावस) देवादेव,ब्वदॖवार (बुधवार) श्री सप्तर्षि सम्वत 5097, नक्षत्र हस्त, राश कन्या (चलान) ऋतु हरुद (शरद) (चलान), अज़ छि सर्वपितृ मावस, मावसि तॖ पुनिम हुन्द तॖ ब्यॆयि अज्ञात मृत्यु तिथि वाल्यन हुन्द श्राद्ध यी ॳज़्य।पितृ पछस ति वाति अज़ अंद। पगहॖकि प्यठॖ गछ़न नवरात्र शुरु।

*************** ********

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

"""""""""""""""""""""""""""""""""""""

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************  नवग्रहपीडाहर स्त्रोतम्

         केतु

अनेक रूप वर्णश्च शतशोथ सहस्त्रश:, उत्पादरूपो जगतां पीडां हरतु मे तम:

************************

मऻजी दपान हय शेख सऻब ओस बटन तॖ मुसलमानन कुनी नज़रि वुछान। ख़बर क्याह वनान। यिम छि रुद्यमॖत्य हमेशॖ गबि बुथि रामॖ हून्य। बटन हुन्द छु रूदमुत यिमन त्यॊल मगर वनान ॴस्य नॖ। ख़बर क्याज़ि ॳस्य नॖ ह्यकान वऺनिथ। बरादरन कॊर तीज़मालि बयाख सवाल। वनहऻन कयाह, कलॖ पनुन। यिम मा ॴस्य पऺर्यमॖत्य लीख्यमॖत्य। बटस वुछिथ ॴस यिमन ॳन्दरी रॆह गन्डान। बरादर गव बोज़ान तीज़मालि हुन्द कलामॖ। पज़र यॊदवय वुछव तॖ तीज़माल ॴस कॆंछ़ा पॊज़ वनान। म्यॆ छु तमि वखतुक मुस्लमान ॳछन तल यिवान तॖ बॖति छुस हऻरान गछ़ान त्युहुन्द बदलाव वुछिथ। खऺर ॴस आसान मुस्लमानस कलस तॖ यॊदवय त्वहि कऻन्सि याद आसि, जुमाह दॊह आसॖ मुस्लमा ज़नानॖ बजि त्रामि मंज़ तऺहर बऻगरावान पनॖनिस समुदायस मंज़ तॖ तस ॳन्द्य पऺख्य ॴस्य सऻरी मुस्लमान शुर्य क्योह बऺड्य पनॖन्यव खरि कलव प्यठॖ टोपि तुलान तॖ तिमनॖय मंज़ तऺहर रटान तॖ ख्यवान रोज़ान। यि कौम ओस तमिसातॖ पऺज़्यपऻठ्य अनपड गंवार तॖ जऻहिल कौम, मगर ॴस्य कऻर्यगर। कथ छि जऻरी

************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

05.10.2021

05.10.2021, ॴशिद (आश्विन/ ॳसूज) गटॖ पछॖ (कृष्ण पक्ष) च़्वदाह  (चॊतुर्दशी) बॊम्वार (मंगलवार),श्री सप्तर्षि सम्वत 5097, नक्षत्र उ.फा, राश कन्या (सुबहॖचि 8.17 बजि प्यठॖ) ऋतु हरुद (शरद) (चलान), च़्वदुश हुन्द श्राद्ध यी ॳज़्य, पुनिम हुन्द श्राद्ध यी पगाह पितृ मावसि दॊह याने (06.10.2021)

***********************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

***********************

  नवग्रहपीडाहर स्त्रोतम्

         राहु

महाशिरो महावक्त्रो दीर्घदंष्टो महाबल, अतनुश्चोर्ध्वकेशशच पीडां हरतु मे शिखी

""""""""""""""""""""""""""""""""""""

तीज़मालि प्रुछ़ कऺम्यताम बरादरन अख स्यॊद सवाल मगर जवाब द्युत तीज़मालि त्युथ ज़ि म्यॆ प्यॆयि कऺशीर याद तमि वखतॖच यॆलि बॖ ओसुस न ज़यादॖ ल्वकुट तॖ न ज़्यादॖ बॊड।यिहऻय शु-सतॖ वुहुर ह्यु। बॖ छुस कथ करान सनॖ 1950-51-हॖच। यूताह बॖ वुन्यक्यनस वऻन्सि छुस म्यॆ बासेयि तीज़माल ति तऺथ्य ॳन्द्य पऺख्य। सवाल प्रुछ़नस बरादरन ज़ि मऻजी च़ॖ छख कऺशीरि मंज़ त्रॖह गामॖच रोज़न वाज्यॆन, च़्यॆ छुया शेख ऒब्दुलाह सऻबुन तमि वखतुक कांह ल्यक्चराह याद। तीज़मालि दिच़ पनॖन्यन यादन दॖनन हिश तॖ वॊनुन ज़ि आहनबा याद छुम अख ल्यक्चर तस्सुन्द यथ मंज़ तऺम्य वॊन सरे आम ज़ि कऻशिर्य बटॖ छि नज़रि यिवान प्रथ मऺहक्मस मंज़, स्कूलन मंज़,कालिज्यन मंज़, दफ़्तरन मंज़, हस्पतालन मंज़ डाक्टर, इन्जीनियर मगर ॳस्य मुस्लमान छिनॖ यिमन जायन ताम वातऻनी, सिरिफ बटन पतॖ ब्रोंठॖ खऺदमताह करान तॖ ब्यॆयि नॖ कॆंह। बूज़मुत छुम दपान ओस ज़ि शोठ छु यछ़ान बदलाव अनुन। बदलाव। आहनबा बदलाव।कथ छि जऻरी    

************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

03.10.2021

03.10.2021, ॴशिद (आश्विन/ ॳसूज) गटॖ पछॖ (कृष्ण पक्ष) बाह (द्वादशी) आथवार (रविवार/ऐतवार) श्री सप्तर्षि सम्वत 5097, नक्षत्र मघा, राश सिंह (चलान) ऋतु हरुद (शरद) (चलान), बऻश हुन्द श्राद्ध यी ॳज़्य, पुनिम हुन्द श्राद्ध यी पितृ मावसि दॊह याने (06.10.2021)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

  नवग्रहपीडाहर स्त्रोतम्

        सूर्य (आथवार)

ग्रहाणाम आदिर्-आदित्यो लोकरक्षण कारक: विषमस्थान सम्भूताम्  पीडां हरतु मे रवि

''""""""""""""''"""""""""'''""""""""'''''"

सरकार छु क्याहताम  सूसरि गूसरि करान दपान अमि बापथ ज़ि कऻशुर बटॖ गॊछ़ वापस कऺशीरि वातुन। स्यठाह रुत ख़याल छु यि मगर अख बॊड सवाल छु ज़ि तॊत वऻतिथ यि कऻशुर बटॖ ॴखॖर रोज़ि कति। त्र्यन च़्वन जायन दपान रोज़नॖ बापथ छि जाय मुकर्रर आमॖच़ करनॖ तॖ तिमन नऺव्य बनावनॖ आमॖत्य कवाटरन मंज़ मा बॆहनावन बटस मगर बटॖ ह्यॆक्याह तति मुस्लमानस रॊस पनुन दॊह कऺडिथ। द्वद, नून, तील, सब्ज़ी, तॊमुल, ओट छु अनुनुय अनुन तस। सु कुस सना वातनावि बटस तति।छान, दऺसिल, वातुल,  युहुन्द हाजत प्यॆयी प्यॆयि बटस। यि कऻम कुस सना करि तति। म्यानि वनॖनुक मतलब छु ज़ि बटस छु तति मुस्लमानस बुथि लगनुय लगुन। कॊत ताम ह्यॆकि यि बटॖ पनुन पान दूर थऻविथ मुस्लमानस निशि। सुय मुस्लमान यियस बुथि युस बटस लॊगमुत ओस पतॖ तॖ च़ऺलरोवुन नमतस मंज़ लचि टास कऺडिथ। सरकारस छु अधिकार कॆंह ति करनस। बटस छि हऻल कॆंह ति च़ालनस। कथ छि जऻरी

***********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

02.10.2021

02.10.2021, ॴशिद (आश्विन/ ॳसूज) गटॖ पछॖ (कृष्ण पक्ष) काह (एकादशी) बटॖवार (शनिवार/शनिश्चरवार) श्री सप्तर्षि सम्वत 5097,नक्षत्र अशले, राश सिंह (रऻच़ हॖन्ज़ि 3.35 बजि प्यठॖ), ऋतु हरुद (शरद)(चलान), कऻश हुन्द श्राद्ध यी ॳज़्य, पुनिम हुन्द श्राद्ध यी पितृ मावसि दॊह याने (06.10.2021)

***********************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************ 

  नवग्रहपीडाहर स्त्रोतम्      

"""""""""""""""""""""""""""""""""

        बटॖवार

सूर्यपुत्रो दीर्घदेहो विशालाक्ष: शिवप्रया: मन्दाचारा: प्रसन्नात्मा पीडां हरतु मे शनि

***********************

कथ कथ कथि दिमव ॳस्य वाठ, फिकरी छुनॖ तरान। संजि दिवान ज़ऻल्य ह्यन्दॖव्यन्दॖ च़लान नीर्य नीर्य। अकि अंदॖ छि वनान ज़ि सऻरी कऻशिर्य बटॖ कऺरिव तयऻरी कशीरि वापस गछ़नॖच, दॊयिमि अंदॖ छि प्रॖछ़ान पानॖवॖन्य कुस गछ़ि, किथॖपऻठ्य गछ़ि, कति रोज़ि, रऻछ्य कुस कर्यस, स्वागत कुस कर्यस, वगैरा वगैरा। यी सूंच सूंच द्रायि असि द्वयत्रॖह वऺरी तॖ म्यॆ बासान यिमन मस्लन हल छ़ान्डान छ़ान्डान नेरन असि नवि सरॖ त्रॖह वऺरी। दय ज़ानि ॳस्य कति आसव तॊत ताम तॖ सऻन्य संस्कूति, सऻन्य माजि ज़्यव, सऻन्य शुर्य कऺट्य कमन दीशन मंज़ तॖ कमन ज़ऻच़न मंज़ आसन वलनॖ आमॖत्य। पाठ पूज़ा करान छु रोज़ुन दय गछि बोज़ुन सानि नावि दी तार। कथ छि जऻरी

************************   

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

***********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)